ప్రముఖ కన్నడ నటి వైష్ణవి గౌడ (Vaishnavi Gowda) తన అభిమానులను గుడ్‌ న్యూస్‌ చెప్పింది. 2013 టీవీ సీరియల్ అగ్నిసాక్షి సీరియల్‌ పాపులర్‌ అయినా వేలాది మంది అభిమానుల హృదయాల్లో ఒక ముద్ర వేసిన ఈ అమ్మడు జీవితంలో కొత్త అధ్యయానికి నాంది పలకబోతోంది. ప్రియుడు అనుకూల్ మిశ్రాతో ఏడు అడుగులు వేసేందుకు సిద్ధమవుతోంది. ఏప్రిల్ ప తన ఇన్‌స్టాగ్రామ్ హ్యాండిల్‌లో ఈ విషయాన్ని ప్రకటించింది. తన నిశ్చితార్థం చిత్రాలను పోస్ట్ చేసింది. దీంతో అభిమానులు అభినందనలు వెల్లువెత్తాయి. ‘సీతారామ’ సీరియల్ ద్వారా బుల్లితెర ప్రేక్షకులకు మరింత దగ్గరైంది వైష్ణవి గౌడ. సంపన్న కుటుంబానికి చెందిన వ్యాపారవేత్త అనుకూల్ మిశ్రాతో నిశ్చితార్థం చేసుకుంది. సాంప్రదాయబద్దంగా జరిగిన ఈ వేడుకకు సన్నిహితులు, స్నేహితులు, కుటుంబ సభ్యులు హాజరయ్యారు. ముఖ్యంగా ప్రముఖ కన్నడ నటి అమూల్య గౌడ, ప్రెజెంబర్‌ చైత్ర వాసుదేవన్, పూజా లోకేష్, రీతూ సింగ్, జ్యోతి కిరణ్ తదితరులు హాజరయ్యారు. వీరి ఎంగేజ్‌మెంట్ ఫోటోలు సోష‌ల్ మీడియాలో వైర‌ల్ అవుతున్నాయి.ఈ నిశ్చితార్థ వేడుక కోసం, వైష్ణవి గౌడ భారీగా ఎంబ్రాయిడరీ చేసిన క్రీమ్ అండ్‌ గోల్డెన్‌ కలర్‌ లెహంగాలో అందంగా ముస్తాబైంది. సీక్విన్, బీడ్‌వర్క్, సున్నితమైన జరీతో కూడిన సంక్లిష్టంగా అలంకరించబడిన బ్లౌజ్ ధరించింది. ఇంకా పచ్చరంగు రాళ్ల స్టేట్‌మెంట్ చోకర్ నెక్లెస్‌ను కూడా జత చేసింది. ఇంకా మ్యాచింగ్ చెవిపోగులు, మాంగ్ టీకా, స్టేట్‌మెంట్ కడాతన లుక్‌ను మరింత ఎలివేట్‌ చేసింది. మరోవైపు అనుకూల్ మిశ్రా క్లిష్టమైన ఎంబ్రాయిడరీతో ఐవరీ షేర్వానీలో రాయల్‌ లుక్‌లో అందంగా కనిపించాడు. View this post on Instagram A post shared by Vaisshnavi (@iamvaishnavioffl) వైష్ణవి గౌడ గురించి మరిన్ని వివరాలువైష్ణవి గౌడ 1995, ఫిబ్రవరి 20, 1995న జన్మించారు. ఆమె కన్నడ నటి అమూల్యకు ప్రాణ స్నేహితురాలు. భరతనాట్యం, కూచిపూడి లాంటి క్లాసికల్‌ డ్యాన్సర్‌. అంతేకాదు బెల్లీ డాన్సర్ కూడా. గత పదేళ్లకుపైగా టీవీ ఇండస్ట్రీలో పనిచేస్తోంది. 2011లో 16 సంవత్సరాల చిన్న వయసులో వైష్ణవి తన మొదటి షో 'దేవి' చేసింది. ఇందులో టైటిల్ రోల్ పోషించిని వై ష్ణవి వరుస ఆఫర్లను దక్కించుకుంది. అయితే, ఆమె 2013 షో 'అగ్నిశాక్షి' బాగా పేరు తెచ్చిపెట్టింది. తరువాత ఆమె బిగ్ బాస్ కన్నడ సీజన్ 8లో కూడా పాల్గొంది.


 బెంగళూరు: కన్నడ టీవీ నటి రేఖా సింధు కారు ప్రమాదంలో ప్రాణాలు కోల్పోయింది. చెన్నై-బెంగళూరు జాతీయ రహదారిపై శుక్రవారం తెల్లవారుజామున జరిగిన దుర్ఘటనలో ఆమె మృతి చెందింది. ఆమె ప్రయాణిస్తున్న కారు తమిళనాడులోని వెల్లూరు జిల్లాలోని సున్నంపకొట్టయ్‌ గ్రామం సమీపంలో ప్రమాదానికి గురైంది. కారులోని నలుగురు అక్కడికక్కడే మృతి చెందారు.
 
 ప్రమాదంలో చనిపోయిన మిగతా ముగ్గురిని అభిషేక్‌ కుమారన్‌(22), జయకంద్రన్‌(23), రక్షణ్‌(20)గా గుర్తించారు. మృతదేహాలను తిరుపట్టూర్‌ ప్రభుత్వాసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు. డివైడర్‌ను ఢీకొట్టడం వల్లే ప్రమాదం జరిగిందని వెల్లూరు ఎస్పీ తెలిపారు. ప్రమాదం జరిగినప్పుడు కారులో ఆరుగురు ఉన్నారని వెల్లడించారు. గాయపడిన వారిలో ఇద్దరినీ వెల్లూరు సీఎంసీ ఆస్పత్రికి తరలించినట్టు చెప్పారు. డ్రైవర్‌ నిద్రమత్తులో ఉండడం వల్లే దుర్ఘటన జరిగివుండొచ్చని అనుమానిస్తున్నారు. రేఖా సింధు తమిళ, కన్నడ టీవీ షోల్లో నటించింది. షూటింగ్‌ కోసం చెన్నై వెళుతూ ఆమె ప్రాణాలు కోల్పోయింది.
 
 అయితే ప్రమాదంలో మరో నటి రేఖా కృష్ణప్ప మృతి చెందినట్టు అంతకుముందు వార్తలు వచ్చాయి. తాను బతికేవున్నానని ఆమె తన ఫేస్‌బుక్‌ పేజీలో వీడియో పోస్ట్‌ చేసింది. శృంగేరి శారద పీఠం ఆలయంలో ఉన్నానని ఆమె తెలపడంతో చనిపోయింది రేఖా సింధుగా గుర్తించారు.