టీమిండియా మాజీ కెప్టెన్‌,  చెన్నై సూపర్ కింగ్స్ సారథి మహేంద్ర సింగ్ ధోనీ సంచలన నిర్ణయం తీసుకోనున్నట్లు తెలుస్తోంది. అన్ని రకాల క్రికెట్‌కు గుడ్‌బై చెప్పాలని ధోని నిర్ణయించుకున్నట్లు వార్తలు వినిపిస్తున్నాయి. రెండేళ్ల క్రితం అంతర్జాతీయ క్రికెట్‌కు వీడ్కోలు పలికిన మిస్టర్‌ కూల్‌.. అప్పటి నుంచి ఐపీఎల్‌ మాత్రమే ఆడుతున్నాడు. అయితే తాజాగా ధోని చేసిన ఓ పోస్ట్‌ కూడా ఈ వార్తలకు మరింత  ఊతం ఇచ్చిన‌ట్లు అయ్యింది. సోషల్‌ మీడియా వేదికగా ధోని శనివారం ఓ కీలక ప్రకటన చేశాడు. ఆదివారం(సెప్టెంబర్‌25) మధ్యాహ్నం 2 గంటలకు ఓ సర్‌ఫ్రైజ్‌ ఇవ్వనున్నట్లు ధోని ఓ ప్రకటనలో పేర్కొన్నాడు. దీంతో ధోని రిటైర్మెంట్‌ ప్రకటించానున్నాడని ఊహాగానాలు ఊపందుకున్నాయి. He scares me more 🧐#MSDhoni pic.twitter.com/f37qig1KRF — PavanTweetz 〽️ (@mrprincepavan) September 24, 2022 చదవండి: IND vs AUS: ఆస్ట్రేలియాతో మూడో టీ20.. పంత్‌, చాహల్‌కు నో ఛాన్స్‌!

మహేంద్ర సింగ్ ధోనీ.. ఈ పేరు గురించి ప్రత్యేకంగా చెప్పాల్సిన అవసరం లేదు. భారత జట్టుకు ఎన్నో చిరస్మరణీయ విజయాలు అందించిన కెప్టెన్ మిస్టర్ కూల్.. సరిగ్గా ఇదే రోజు అంతర్జాతీయ క్రికెట్‌కు విడ్కోలు పలికాడు. 2020 ఆగస్టు 15న అన్ని ఫార్మాట్‌ల క్రికెట్‌కు ధోనీ రిటైర్మెంట్‌ ప్రకటించాడు. ఇక ధోనీ రిటైర్మెంట్ రెండో వార్షికోత్సవ సందర్భంగా ఐసీసీ ఓ స్పెషల్‌ వీడియోను సోషల్‌ మీడియాలో షేర్‌ చేసింది. ఈ వీడియోలో 2007లో టీ20 ప్రపంచకప్‌, 2011లో వన్డే ప్రపంచ కప్, 2013 ఛాంపియన్స్ ట్రోఫీతో పాటు ఐసీసీ ఈవెంట్‌లలో ధోని సారథ్యంలో భారత్‌ సాధించిన విజయ క్షణాలును ఐసీసీ చూపించింది. కాగా ఈ వీడియోకు ఎంఎస్‌ ధోని: "1928 గంటల నుంచి నన్ను రిటైర్డ్‌గా పరిగణించండి". "2020 ఆగస్టు 15న భారత సూపర్‌ స్టార్‌ ఎంస్‌ ధోని అంతర్జాతీయ క్రికెట్‌కు వీడ్కోలు పలికాడు. లెజెండ్‌కి ఇదే మా ప్రత్యేక నివాళి' అని ఐసీసీ క్యాప్షన్‌గా పెట్టింది. కాగా భారత క్రికెట్ చరిత్రలో తన పేరును ధోని సువర్ణ అక్షరాలతో లిఖించాడు. ఐసీసీ నిర్వహించిన అన్ని టోర్నమెంట్లనూ తన ఖాతాలో వేసుకున్న తొలి కెప్టెన్ ధోని మాత్రమే. 2007లో టీ20 ప్రపంచకప్‌, 2011లో వన్డే ప్రపంచకప్‌, 2013లో ఐసీసీ ఛాంపియన్స్‌ ట్రోఫిని ధోని సారథ్యంలోనే భారత్‌ కైవసం చేసుకుంది. ధోని తన అంతర్జాతీయ కెరీర్‌లో మూడు ఫార్మాట్‌లు కలిపి 17,226 పరుగులు సాధించాడు. అతడి కెరీర్‌లో 15 సెంచరీలు ఉన్నాయి. చదవండి: Asia Cup 2022 Winner Prediction: కచ్చితంగా ఆ జట్టు ట్రోఫీ గెలవగలదు: పాక్‌ మాజీ కెప్టెన్‌

చెన్నై : టీమిండియా మాజీ కెప్టెన్‌ మహేంద్ర సింగ్‌ ధోనీ అంతర్జాతీయ క్రికెట్‌కు‌ రిటైర్‌మెంట్‌ ప్రకటించటంపై తమిళనాడు ముఖ్యమంత్రి పళనిస్వామి స్పందించారు. ఆదివారం ధోనీని ఉద్ధేశిస్తూ ట్విటర్‌ వేదికగా ఓ పోస్టు చేశారు. ‘‘ 331 అంతర్జాతీయ మ్యాచుల్లో భారత క్రికెట్‌ జట్టుకు సారథ్యం వహించటంతో పాటు కెప్టెన్‌ కూల్‌గా దేశానికి మూడు ఛాంపియన్‌షిప్‌లు గెలిపించినందుకు ఎంఎస్‌ ధోనీ పేరు చరిత్రలో నిలిచిపోతుంది. అతడి విజయాలు, కీర్తి ప్రతీ భారతీయుడికి చిరస్మరణీయం’’ అని పేర్కొన్నారు. ( ఆ సిక్స‌ర్‌ను ఎలా మ‌ర్చిపోగ‌ల‌ను? ) #MSDhoni's name will be etched in history for leading the Indian cricket team in 331 international matches and for being the only #captaincool to win 3 championships for the nation. His laurel and fame will be cherished by every Indian. pic.twitter.com/KBDJwoRt5V — Edappadi K Palaniswami (@CMOTamilNadu) August 16, 2020

మ‌హేంద్ర సింగ్ ధోని.. ఈ పేరులోనే వైబ్రేష‌న్స్ ఉన్నాయంటారు క్రీడాప్రియులు.  మ్యాచ్‌ ఓడిపోయే పరిస్థితుల్లో ఉన్నప్పుడు మహీ ఉన్నాడనే భరోసా కొండంత బలాన్ని ఇచ్చేది. ధోని ఒక్కసారి క్రీజ్‌లో కుదురుకున్నాక అతని బ్యాట్‌ నుంచి వచ్చే హెలికాప్టర్‌ షాట్లు చూసి ప్రత్యర్థి జట్లకు ముచ్చెమటలు పట్టేవి. అత్యుత్తమ కెప్టెన్‌, బెస్ట్ ఫినిష‌ర్‌, అద్భ‌త‌మైన వికెట్ కీప‌ర్‌.. ఇలా అన్నింట్లోనూ త‌నదైన ముద్ర వేసుకున్న ఈ బ్యాట్స్‌మెన్ అంత‌ర్జాతీయ క్రికెట్‌కు గుడ్‌బై చెప్తున్న‌ట్లు శ‌నివారం ప్ర‌క‌టించారు. దీంతో క్రికెట్‌ ప్రేమికుల గుండె బ‌ద్ధ‌లైంది. ధోని లేని ఆట‌ను ఊహించుకోలేమంటూ రోదిస్తున్నారు. క్రీడా ప్ర‌ముఖుల‌తో పాటు, సినీ సెలబ్రిటీలు ఆయ‌న రిటైర్‌మెంట్ ప‌ట్ల విచారం వ్య‌క్తం చేశారు. (షాకింగ్‌: అంతర్జాతీయ క్రికెట్‌కు ధోని గుడ్‌బై) ధోని తీసుకున్న నిర్ణ‌యంపై టాలీవుడ్ సూప‌ర్ స్టార్ మ‌హేశ్‌బాబు ట్విట‌ర్‌లో స్పందించారు. 2011లో జ‌రిగిన వ‌రల్డ్‌క‌ప్‌లో ధోనీ సిక్స‌ర్ బాది భార‌త్‌ క‌ప్పు కైవ‌సం చేసుకున్న ఆనాటి జ్ఞాపకాల్ని ఒకసారి గుర్తుచేసుకుంటూ ఫొటోను ట్విట‌ర్‌లో షేర్ చేశారు. ఈ సంద‌ర్భంగా "ఆ ఐకానిక్ సిక్స‌ర్‌ను నేనెలా మ‌ర్చిపోగ‌ల‌ను? 2011 ప్ర‌పంచ్ క‌ప్ విజేత‌గా భార‌త్‌.. ఆ స‌మ‌యంలో వాంఖ‌డే స్టేడియంలో నిల‌బ‌డ్డ నేను సంతోష గ‌ర్వంతో క‌న్నీళ్లు ఆపుకోలేక‌పోయాను. కానీ క్రికెట్ ఇక ఎప్పుడూ ఒకేలా ఉండ‌దు" అంటూ భావోద్వేగంగా రాసుకొచ్చారు. (షాక్‌: ధోని బాటలోనే రైనా కూడా) How can I ever forget the iconic sixer!! World cup champions 2011 India!! Was in the stands at Wankhede, proud and tears rolling down... Cricket will never be the same... Take a bow @msdhoni 🙏🏻🙏🏻🙏🏻 pic.twitter.com/69vsf96820 — Mahesh Babu (@urstrulyMahesh) August 15, 2020

‘ధోని బాయ్‌ ఇప్పుడే రిటైర్మెంట్‌ వద్దు.. మెగా టోర్నీ నిష్క్రమణతోనే మా గుండెపగిలింది. ఈ పరిస్థితుల్లో నీ రిటైర్మెంట్‌ ప్రచారం మమ్మల్ని ఇంకా బాధపెడుతోంది. దయచేసి ఆ నిర్ణయం మాత్రం తీసుకోవద్దు.’ అని సోషల్‌ మీడియా వేదికగా యావత్‌ క్రికెట్‌ అభిమానుల మిస్టర్‌ కూల్‌ను అభ్యర్థిస్తున్నారు. #Donotretiredhoni యాష్‌ ట్యాగ్‌ను ట్రెండ్‌ చేస్తున్నారు. టోర్నీ ఆసాంతం ఆధిపత్యం కనబర్చిన కోహ్లిసేన సెమీస్‌లో మాత్రం పరిస్థితులు అనుకూలించక న్యూజిలాండ్‌కు తల వంచింది. అభిమానులకు గుండె కోతను మిగిల్చింది. 240 పరుగుల సాధారణ లక్ష్యాన్ని చేధించలేక చతికిలపడింది. టాపార్డర్‌ చేతులెత్తేసినా.. ఓటమి కళ్లుముందు కనిపిస్తున్నా.. మ్యాచ్‌ ఫినిషర్‌ ధోని ఉన్నాడులే గెలిపిస్తాడులేనన్న ఓ చిన్న ఆశ.. ప్రతి అభిమాని మదిలో మెదిలింది. 12 బంతుల్లో 36 పరుగులు.. ధోని అనుభవం ముందు పెద్ద లెక్కకాదు. కానీ అదృష్టం కలిసిరాక రనౌట్‌ రూపంలో ఆ ఆశ కూడా ఆవిరైంది.  ఏనాడు భావోద్వేగాలను ప్రదర్శించని ధోని కూడా ఈ రనౌట్‌తో కన్నీటిపర్యంతమయ్యాడు. ఈ రనౌట్‌ అంపైర్‌కు కూడా ఇష్టం లేదని అతని ముఖకవలికల ద్వారా స్పష్టమైంది. ఇక ఓ కెమెరా అయితే కన్నీరే కార్చేసింది. ఇవన్నీ ఇప్పుడు సోషల్‌ మీడియాలో వైరల్‌ అవుతున్నాయి. అయితే మీడియా మాత్రం ధోని తొలి మ్యాచ్‌లో రనౌట్‌.. ఆఖరి మ్యాచ్‌లో రనౌట్‌ అంటూ అత్యుత్సాహాన్ని ప్రదర్శించాయి. దీన్ని అభిమానులు ఏమాత్రం జీర్ణించుకోలేకపోతున్నారు. దయచేసి ఇలాంటి నిర్ణయం తీసుకోవద్దని ధోనిని వేడుకుంటున్నారు. ‘వీల్‌చైర్‌లో ఉన్న ధోనికి తన జట్టులో చోటిస్తానని దక్షిణాఫ్రికా మాజీ కెప్టెన్‌ డివిలియర్స్‌ అన్న మాటలే ధోని ఎంత గొప్ప ఆటగాడో తెలియజేస్తున్నాయి. తమ దేశ పౌరసత్వం ఉంటే ఇప్పుడే ధోనిని తమ జట్టులోకి తీసుకుంటామని న్యూజిలాండ్‌ కెప్టెన్‌ విలియమ్సన్‌ అన్న వ్యాఖ్యలు ధోని విలువెంటో చెబుతున్నాయి. కానీ మనవాళ్లే ధోని రిటైర్మెంట్‌పై ఎందుకు అత్యుత్సాహం ప్రదర్శిస్తున్నారో అర్థం కావడం లేదు’ అని అభిమానులు కామెంట్‌ చేస్తున్నారు. ఏది ఏమైనా ధోని భారత జట్టుకు లభించిన ఓ ఆణిముత్యమని, మరెవరిని ఊహించలేని పాత్ర అతనిదని.. ఇప్పుడే రిటైర్మెంట్‌ వద్దని వేడుకుంటున్నారు.  #donotretiredhoni please sir please I'm believe in Number 7⃣ & you are truly legend and fighter #MSDlove and forever inspiring to every youth please sir do not retire 🙏 pic.twitter.com/Fl9Gc8Jqj5 — Sunil Prajapati (@Imsunil122) July 11, 2019 #donotretiredhoni Hey Msd we are watching your Batting since we were able to understand cricket,your are our super hero,last hope of Millions of your fan.dont disappointment them,Play for india until you have believe on yourself. Love you MSD.🙂#Lasthope pic.twitter.com/vUSmI3eFvY — prateek jain (@prateeks1129) July 11, 2019