హీరోయిన్‌ రష్మిక మందన్నా (Rashmika Mandanna), దసరా ఫేమ్‌ దీక్షిత్‌ శెట్టి జంటగా నటించిన చిత్రం ది గర్ల్‌ఫ్రెండ్‌ (The Girlfriend Movie). హీరోయిన్‌ అను ఇమ్మాన్యుయేల్‌ కీలక పాత్రలో యాక్ట్‌ చేసింది. రాహుల్‌ రవీంద్రన్‌ దర్శకత్వం వహించిన ఈ సినిమాను అల్లు అరవింద్‌ సమర్పణలో ధీరజ్‌ మొగిలినేని, విద్య కొప్పినీడి నిర్మించారు. ఈ సినిమాను నవంబర్‌ 7న రిలీజ్‌ చేయనున్నారు. శనివారం (అక్టోబర్‌ 25న) ఈ సినిమా ట్రైలర్‌ రిలీజ్‌ చేశారు.అదిరిపోయిన ట్రైలర్‌అందులో 'మనం ఒక చిన్న బ్రేక్‌ తీసుకుందామా? చిన్న అంటే చిన్న కాదు.. ఒక బ్రేక్‌లా..' అని రష్మిక డైలాగ్‌తో ట్రైలర్‌ ప్రారంభమైంది. నువ్వు విక్రమ్‌తో ఉన్నప్పుడు హ్యాపీగా ఉన్నావా? విక్రమ్‌కైతే నీలాంటి అమ్మాయి పర్ఫెక్ట్‌.. కానీ, వాడు నీకు కరెక్ట్‌ కాదు అని రష్మికకు సలహా ఇచ్చింది అను ఇమ్మాన్యుయేల్‌. ఇక మరో సీన్‌లో.. ఇంత క్యారెక్టర్‌లెస్‌ కూతురు నాకెలా పుట్టిందిరా భగవంతుడు అంటూ రావు రమేశ్‌.. రష్మిక చెంప పగలగొట్టాడు. అలా ఫుల్‌ ఎమోషనల్‌గా ట్రైలర్‌ కొనసాగింది. ఆ ట్రైలర్‌ మీరూ చూసేయండి..