షికాగో: ఒక ఫుడ్‌ డెలివరీ వర్కర్‌ పరుగులు తీస్తుంటే.. దాదాపు పదిమంది ఇమ్మిగ్రేషన్‌ ఏజెంట్లు వెంబడించారు. ఈ దృశ్యం సోషల్‌ మీడియాలో వైరలై, అక్కడి ఎన్‌ఫోర్స్‌మెంట్‌ విభాగం పనితీరుపై పెద్ద రచ్చకు దారితీసింది.అసలేం జరిగిందంటే..షికాగో డౌన్‌టౌన్‌లో ఆదివారం ఒక ఫుడ్‌ డెలివరీ వర్కర్‌ను అమెరికా ఇమిగ్రేషన్, కస్టమ్స్‌ ఎన్‌ఫోర్స్‌మెంట్‌ ఏజెంట్లు వెంటాడారు. ఈ ఉదంతాన్ని క్రిస్టోఫర్‌ స్వీట్‌ అనే వ్యక్తి వీడియో తీసి షేర్‌ చేశాడు. తన పోస్ట్‌లో ‘ఎక్స్‌క్లూజివ్‌ వార్త.. ఈరోజు ఒక వ్యక్తిని ఇమిగ్రేషన్, కస్టమ్స్‌ ఎన్‌ఫోర్స్‌మెంట్‌ ఏజెంట్లు షికాగో డౌన్‌టౌన్‌లో వెంబడించారు.. అతను ఏవో అనుచిత వ్యాఖ్యలు చేశాడు తప్ప భౌతిక దాడికి దిగలేదు.. బెదిరించలేదు కూడా.. ఏదైతేనేం మొత్తానికి తప్పించుకోగలిగాడు’.. అని వ్యాఖ్యానించారు.నెటిజన్ల స్పందనఈ వీడియో ఆన్‌లైన్‌లో విపరీతంగా షేర్‌ అవు తోంది. చాలామంది నెటిజన్లు అతను తప్పించుకున్న తీరును చూసి ‘బాగా పరుగెత్తాడు’ అంటూ మెచ్చుకుంటున్నారు. కొందరు ఇమిగ్రేషన్, కస్టమ్స్‌ ఎన్‌ఫోర్స్‌మెంట్‌ ఏజెంట్ల దేహ దారుఢ్యం గురించి కూడా వ్యాఖ్యలు చేశారు. స్వీట్‌.. ఏకంగా అమెరికన్‌ ఉన్నతాధికారులను ట్యాగ్‌ చేస్తూ, ఈ ఘటనను చిత్రీకరించడం ద్వారా తాను ఇమిగ్రేషన్, కస్టమ్స్‌ ఎన్‌ఫోర్స్‌మెంట్‌ ఏజెంట్ల బండారం బయట పెట్టగలిగానని సరదాగా వ్యాఖ్యా నించాడు.వెంటాడటం వెనుక కథేంటి?ఆదివారం డౌన్‌టౌన్‌ షికాగోలో ఇమ్మిగ్రేషన్, కస్టమ్స్‌ ఎన్‌ఫోర్స్‌మెంట్‌ ఏజెంట్ల ఆపరేషన్లు జరిగాయని స్వీట్‌ వెల్లడించారు. అరెస్టులను ఇంకా అధికారికంగా ధ్రువీకరించకపోయినా, స్థానిక మీడియా మరిన్ని విషయాలు తెలిపింది. ‘ఆదివారం మధ్యాహ్నం పిల్లలతో సహా ఒక కుటుంబాన్ని అదుపులోకి తీసుకున్నారు’.. అని ఏబీసీ7షికాగో నివేదించింది. డబ్ల్యూబీఈజెడ్‌ సంస్థ.. ఒక సీనియర్‌ అమెరికా సరిహద్దు గస్తీ అధికారిని ఉటంకిస్తూ.. అనుమానాస్పదంగా సంచరిస్తున్న కొందరిని అదుపులోకి తీసుకున్నట్లు ఆయన అంగీకరించారని వెల్లడించింది. ఫుడ్‌ డెలివరీ వర్కర్‌ను వెంటాడటం, కేవలం రూపురేఖలు, ప్రవర్తన ఆధారంగా అరెస్టు చేసిన సంఘటన మొత్తం అమెరికాలో ఇమ్మిగ్రేషన్‌ ఎన్‌ఫోర్స్‌మెంట్‌ పద్ధతులపై తీవ్ర చర్చకు తెర లేపింది.!

చెన్నయ్‌: చెన్నైలోని ఈస్ట్‌కోస్ట్‌ రోడ్డులో కారు ఛేజింగ్‌ ఘటనలో మరో నిందితుడిని పోలీసులు శనివారం అరెస్టు చేశారు. ఏడుగురు నిందితుల్లో ఇప్పటికే నలుగురిని అరెస్టు చేశారు. చంద్రు అనే వ్యక్తిని శనివారం అరెస్టు చేయడంతో మొత్తం అరెస్టుల సంఖ్య ఐదుకు చేరింది. నిందితులను పట్టుకోవడానికి ఐదు ప్రత్యేక బృందాలను ఏర్పాటు చేశామని, దర్యాప్తు అనంతరం సీసీ కెమెరాల్లో నమోదైన ఫుటేజీలను పరిశీలించి ఫిబ్రవరి 1న చంద్రును అరెస్టు చేశామని డిప్యూటీ పోలీస్‌ కమిషనర్‌ కార్తికేయన్‌ (పల్లికరనై) తెలిపారు. మరో ఇద్దరు నిందితులను కోసం ప్రత్యేక బృందాలు పనిచేస్తున్నాయని తెలిపారు. శనివారం అరెస్టైన చంద్రుపై ఇప్పటికే కిడ్నాప్‌ సహా రెండు క్రిమినల్‌ కేసులు ఉన్నాయి. ఈ నేరం సమయంలో ఉపయోగించిన రెండు ఎస్‌యూవీలను ఇప్పటికే స్వా«దీనం చేసుకున్నారు. కొద్దిరోజుల క్రితం కారులో ఉన్న కొందరు మహిళలను డీఎంకే జెండా ఉన్న ఎస్‌యూవీలో వచ్చిన వ్యక్తులు వెంబడించి బెదిరిస్తున్న వీడియో క్లిప్‌ వైరల్‌గా మారింది. ఈస్ట్‌కోస్ట్‌ రోడ్డులో 2025 జనవరి 25 తెల్లవారుజామున 3 గంటలకు ఈ ఘటన జరిగింది. ఫిర్యాదు ఆధారంగా తొలుత సీఎస్‌ఆర్‌ (కమ్యూనిటీ సర్వీస్‌ రిజిస్టర్‌) నమోదు చేసిన పోలీసులు.. విచారణ అనంతరం బీఎన్‌ఎస్, తమిళనాడు మహిళలపై వేధింపుల నిరోధక చట్టంలోని సంబంధిత సెక్షన్ల కింద ఎఫ్‌ఐఆర్‌గా మార్చారు. అయితే ఘటన పట్ల ప్రభుత్వ తీరుపై అన్నాడీఎంకే, బీజేపీ సహా విపక్షాలు మండిపడ్డాయి. కఠిన చర్యలు తీసుకోవాలని డిమాండ్‌ చేశాయి. అయితే రాజకీయ సంబంధాలను పోలీసులు తోసిపుచ్చారు. టోల్‌ ప్లాజాల వద్ద రుసుము వసూలు చేయడానికి నిందితులు పార్టీ జెండాను ఉపయోగించారని చెప్పారు.

హైదరాబాద్‌, సాక్షి: చందానగర్‌లో విషాదం చోటుచేసుకుంది. కుక్క తరమడంతో మూడో అంతస్తుపై నుంచి ప్రమాదవశాత్తు కింద పడి ఓ యువకుడు మృతి చెందాడు. చందానగర్ పోలీస్ స్టేషన్ పరిధిలోని వీవీ ప్రైడ్ హోటల్లో ఈ ఘటన జరిగింది. ఆలస్యంగా ఈ ఘటన వెలుగులోకి వచ్చింది. ఈ ఘటన ఆదివారం రాత్రి చోటు చేసుకోగా సోమవారం రాత్రి వరకు బయటకు పొక్కకుండా పోలీసులు జాగ్రత్తపడటం గమనార్హం. పోలీసులు తెలిపిన వివరాల ప్రకారం.. ‘‘కుటుంబ సభ్యులతో నగరానికి వచ్చిన తెనాలికి చెందిన ఉదయ్(23) రామచంపురం అశోక్‌నగర్‌లో నివాసం ఉంటున్నాడు. అయితే.. ఆదివారం తన స్నేహితులతో కలిసి సరదాగా గడిపేందుకు చందానగర్‌లోని వీవీ ప్రైడ్ హోటల్లో రూమ్ తీసుకున్నాడు. స్నేహితులతో కలిసి హోటల్లోని మూడో అంతస్తు బాల్కనీలోకి వెళ్లగానే అక్కడే ఉన్న ఓ వారిని తరిమింది. దీంతో భయాందోళనకు గురై హోటల్ మూడో అంతస్తు బాల్కనీలోని కిటికీ నుంచి కిందకు దూకాడు. తీవ్ర గాయాల పాలైన ఉదయ్‌ను చికిత్స నిమిత్తం హాస్పిటల్‌కు తరలించారు. అప్పటికే ఉదయ్‌ మృతి చెందినట్లు వైద్యులు తెలిపారు. మృతదేహాన్ని పోస్టుమార్టం నిమిత్తం పోలీసులు.. గాంధీ హాస్పిటల్‌కు తరలించారు. సీసీటీవీ కెమెరాలలో ప్రమాదం దృశ్యాలు రికార్డు అయ్యాయి. అసలు హోటల్ మూడో అంతస్తులోకి కుక్క ఎలా వచ్చింది? అనే అనుమానాలు రేకెత్తుతున్నాయి. కేసు నమోదు చేసుకుని చందానగర్ పోలీసులు దర్యాప్తు చేస్తున్నారు.చదవండి: మూసీపై సీఎంది పూటకోమాట: హరీశ్‌రావు

సింగరాయకొండ  : ఏపీ–తమిళనాడు సరిహద్దులోని ఆ ఊరు నేర సామ్రాజ్యానికి అడ్డా.. అది పోలీసులు కూడా ఛేదించలేకపోయిన ఘరానా దొంగల గడ్డ.. అలాంటి చోటుకు మన ఏపీ పోలీసులు ఎంతో ధైర్యసాహసాలతో ప్రాణాలకు తెగించి వెళ్లారు. వెళ్లడమే కాదు.. పద్మవ్యూహంలాంటి ఆ చోర సామ్రాజ్యం నుంచి కరడుగట్టిన ముగ్గురు దొంగల్ని పట్టుకున్నారు. ఇది పసిగట్టిన అక్కడి దొంగల ము­ఠా సభ్యులు పోలీసులను వెంబడించారు. ఈ ఛే­జింగ్‌లో మన పోలీసుల చాకచక్యంతో పైచేయి సా­ధించి ముగ్గురు నేరస్తుల్ని పట్టుకొచ్చేశారు. క్రైమ్‌ థ్రి­ల్ల­ర్‌ని తలపించిన ఈ ఘటన వివరాలు ఏమిటంటే.. ప్రకాశం జిల్లా ఒంగోలు, సింగరాయకొండలో వరుస చోరీలకు పాల్పడిన ముగ్గురు ఘరానా దొంగలను తమిళనాడులోని మింజూరులో ప్రకాశం జిల్లా పోలీసులు వలపన్ని సినీ ఫక్కీలో అదుపులోకి తీసుకున్నారు. విశ్వసనీయ సమాచారం ప్రకారం.. ఈ నెల 11న ప్రకాశం జిల్లా ఒంగోలు టీచర్స్‌ కాలనీకి చెందిన పోతిరెడ్డి కృష్ణారెడ్డి ఇంట్లో 60 సవర్ల బంగారం, రూ.6 లక్షల నగదు చోరీకి గురైంది. ఈ నెల 12వ తేదీన సింగరాయకొండ పరిధిలోని మూలగుంటపాడులో ముమ్మడిశెట్టి చంద్రశేఖర్‌ ఇంట్లోకి చొరబడి భారీ చోరీకి పాల్పడ్డారు. ఎస్పీ మల్లికాగర్గ్‌ ఆదేశాల మేరకు డీఎస్పీ నారాయణస్వామి పర్యవేక్షణలో సింగరాయకొండ సీఐ రంగనాథ్‌ నేతృత్వంలో ప్రత్యేక బృందం దర్యాప్తు చేపట్టింది. సీసీ టీవీ ఫుటేజీలు ఆధారంగా ఒంగోలు టీచర్స్‌ కాలనీ, సింగరాయకొండలో చోరీలకు పాల్పడిన ముఠా ఒకటేనని నిర్థారణకు వచ్చారు. ఇదే ముఠా నెల్లూరు, చిత్తూరు జిల్లాల్లోనూ గతంలో దోపిడీలకు పాల్పడినట్టు గుర్తించారు. నేర సామ్రాజ్యంలోకి వెళ్లి మరీ అరెస్ట్‌? ఈ ముఠా తమిళనాడులోని మింజూరు ప్రాంతానికి చెందినదని గుర్తించిన పోలీసు బృందాలు నిందితుల్ని అదుపులోకి తీసుకునేందుకు పథకం పన్నారు. మింజూరు ప్రాంతం నేర సామ్రాజ్యానికి అడ్డా కావడం.. గతంలో పోలీసులు వీరిని అరెస్ట్‌ చేసేందుకు వెళ్లిన క్రమంలో దొంగల ముఠాకు చెందిన వ్యక్తులు పోలీసులపై విరుచుకుపడటం వంటి పరిస్థితులు తలెత్తాయి. గతంలో చిత్తూరు, నెల్లూరు జిల్లాల పోలీసులు ఈ ముఠాను పట్టుకునేందుకు ప్రయత్నించి తమవల్ల కాక ఆ ప్రయత్నాన్ని విరమించుకున్నారు. ఈ పరిస్థితుల్ని దృష్టిలో పెట్టుకున్న సింగరాయకొండ సీఐ ఆధ్వర్యంలోని పోలీస్‌ టీమ్‌ దొంగలను అదుపులోకి తీసుకునేందుకు రెండు కార్లలో పక్కా ప్రణాళికతో వెళ్లారు. మింజూరు స్టేషన్‌ మహిళా ఎస్సై సహకారంతో దొంగల కోసం రోజంతా అక్కడ మాటు వేశారు. చివరకు శనివారం తెల్లవారుజామున అందరూ గాఢ నిద్రలో ఆదమరచి నిద్రిస్తున్న సమయంలో ముగ్గురు దొంగలను గుర్తించి అదుపులోకి తీసుకున్నారు.  పోలీసులపైనే దాడికి యత్నం చోరీ సొత్తును రికవరీ చేసే క్రమంలో ఆంధ్రా నుంచి పోలీసులు వచ్చారని తెలుసుకున్న దొంగల ముఠాకు చెందిన కొందరు వ్యక్తులు పోలీసులపై మూకుమ్మడి దాడికి యత్నించినట్టు సమాచారం. అప్పటికే కొంత సొత్తును రికవరీ చేసిన పోలీసులు వెంటనే అప్రమత్తమై నిందితులు ముగ్గుర్ని అదుపులోకి తీసుకుని వెంటనే తాము వచ్చిన వాహనాల్లోనే తిరిగి బయలుదేరారు. ఈ క్రమంలో దొంగల ముఠాకు చెందిన వ్యక్తులు మరో రెండు కార్లులో పోలీసుల్ని వెంబడించినట్టు తెలిసింది. ఆ తరువాత పోలీసుల వాహనాలు హైవేపైకి రావడంతో ముఠా తరఫు వ్యక్తులు వెనుదిరిగినట్టు సమాచారం. పూర్తి వివరాలు తెలియాల్సి ఉంది.

ఓ ‍వ్యక్తి తన పని మీద ఉన్న డెడికేషన్‌ చూపించాడు. దీంతో రాత్రికి రాత్రే సోషల్‌ మీడియాలో హీరో అయిపోయాడు. ఇంతకీ ఏం చేశాడంటే.. కదులుతున్న రైలును సైతం చేజ్‌ చేసి ఓ కస్టమర్‌కు వస్తువును డెలివరీ చేశాడు. ఈ వీడియో సోషల్‌ మీడియాలో చక్కర్లు కొడుతోంది. వివరాల ప్రకారం.. వివిధ రకాల వస్తువులను హోమ్‌ డెలివరీ అందించే డంజో ఏజెంట్‌ రన్నింగ్‌లో ఉన్న రైలు వెంట పరుగెత్తి మరీ తన కస్టమర్‌ ఆర్డర్ చేసిన వస్తువులను అందించాడు. కాగా, సదరు మహిళా కస్టమర్‌.. ఆ ఏజెంట్‌ అందించిన వస్తువును అందుకోగానే భారీ విజయం సాధించినట్టుగా ఆనందం వ్యక్తం చేశాడు. ఇక, ఈ ఘటన ముంబైలో చోటుచేసుకున్నట్టు తెలుస్తోంది.  ఈ వీడియోలో డంజో డెలివరీ బాయ్ స్టేషన్‌లో పరుగెత్తుకుంటూ కనిపిస్తాడు. రైల్వే ఫ్లాట్‌ఫాంపై రైలు నెమ్మదిగా కదులుతోంది. క్రమంగా రైలు వేగం పెరిగింది. ఇంతలోనే డంజో డెలివరీ బాయ్ ఓ సంచితో పరుగెత్తుకుంటూ ఫ్లాట్ ఫాంపైకి వచ్చాడు. రైలులో డోర్‌ వద్ద నిలబడిన ఓ మహిళ.. డంజో డెలివరీ బాయ్‌ను ఫాస్ట్‌.. ఫాస్ట్‌ అంటూ చేతులతో సైగలు చేసింది. దీంతో, అతను రైలు వెంట వేగంగా పరుగెత్తుకుంటూ వెళ్లి తన చేతిలోని ఆర్డర్‌ను సదరు మహిళకు అందించాడు. ఆమె దానిని చూపుతూ సంతోషం వ్యక్తం చేస్తుండటం వీడియోలో కనిపిస్తుంది. కాగా, ఈ వీడియో సోషల్‌ మీడియాలో వైరల్‌గా మారింది. వీడియోపై నెటిజన్లు స్పందిస్తూ.. అతడికి ప్రమోషన్‌ ఇవ్వాలని ఒకరు.. అతడికి 10 టైమ్స్‌ టిప్‌ ఎక్కువగా ఇవ్వొచ్చు అని మరొకరు కామెంట్స్‌ చేశారు. Just Came Across This Viral Video. His Dedication Is Really Amazing! #DDLJ #TrendingReels #SRK #Dunzo @DunzoIt @iamsrk @itsKajolD pic.twitter.com/GfGp0zmQLF — Prathamesh Avachare (@onlyprathamesh) September 15, 2022

వరలక్ష్మీ శరత్‌కుమార్‌ ప్రధాన పాత్రలో కె. వీరకుమార్‌ దర్శకత్వంలో తెరకెక్కిన చిత్రం ‘చేజింగ్‌’. జి. వెంకటేశ్వరరావు, మదిలగన్‌ మునియాండి నిర్మించారు. పరిటాల రాంబాబు ఎగ్జిక్యూటివ్‌ ప్రొడ్యూసర్‌గా వ్యవహరించిన ఈ చిత్రం టీజర్‌ని దర్శకులు వి. సముద్ర, సూర్యకిరణ్, నిర్మాత రామ సత్యనారాయణ విడుదల చేశారు. జి. వెంకటేశ్వరరావు, మదిలగన్‌ మునియాండి మాట్లాడుతూ– ‘‘చేజింగ్‌’ మా కాంబినేషన్‌లో మొదటి సినిమా అయినా ఖర్చుకి ఎక్కడా వెనకాడలేదు. మరిన్ని తెలుగు, తమిళ సినిమాలు తీయాలనుకుంటున్నాం’’ అన్నారు. తెలంగాణ రాష్ట్ర పద్మశాలి సంఘం వైస్‌ ప్రెసిడెంట్‌ గుండు ప్రభాకర్, కె. వీరకుమార్, దర్శకుడు నగేష్‌ నారదాసి మాట్లాడారు.    

సాక్షి, విశాఖపట్నం: విశాఖలో రింగువలల కోసం మత్య్సకారుల మధ్య గొడవ చెలరేగింది. దీనిపై రెండు వర్గాల మధ్య వాగ్వాదం చోటుచేసుకుంది. ఈ క్రమంలో ఇరు వర్గాలు పరస్పరం దాడులు చేసుకున్నాయి. అంతటితో ఆగకుండా, రెండు వర్గాలు సినీ ఫక్కీలో సముద్రంపై ఛేజింగ్‌లు చేసుకున్నాయి. దీంతో విశాఖలోని.. పెద్ద జాలరీపేట గంగమ్మ గుడివద్ద ఉద్రిక్తత నెలకొంది. సమాచారం అందుకున్న పోలీసులు ఘటనాస్థలానికి చేరుకున్నారు. ఇరువర్గాలకు, పోలీసులకు మధ్య తీవ్ర వాగ్వాదం సంభవించింది. దీంతో సముద్రతీరం రణరంగంగా మారింది.  చదవండి: ధర్మేంద్ర ప్రధాన్‌తో సీఎం జగన్‌ భేటీ

ఒక్కోసారి అనుహ్యంగా జరిగే ప్రమాదాలు చాలా భయంకరంగా ఉంటాయి. అయితే, అటువంటి ఘటనల్లో ఎవ్వరికీ ఏం నష్టం జరగకపోతే పర్వాలేదు గానీ ఊహించని విధంగా ప్రాణం నష్టం సంభవిస్తే మాత్రం పరిస్థితి మరింత భయానకంగా మారుతుంది. తాజాగా అటువంటి ప్రమాద ఘటనకు సంబంధించిన వీడియో ఒకటి సోషల్‌ మీడియాలో వైరల్‌ అవుతోంది. (చదవండి: రాంచీలో బిర్సా ముండా స్మారకాన్ని ప్రారంభించిన మోదీ) వీడియో ప్రకారం.. ఏమైందో తెలియదు గానీ, చెరకు లోడ్‌తో ఉన్న ట్రాక్టర్‌ ట్రాలీ భాగం ఒక్కసారిగా ప్రజల మీదకు దూసుకొస్తోంది. ఊహించని ఘటనతో కంగుతిన్న అక్కడున్నవారు అప్రమత్తమై తప్పుకోండి.. తప్పుకోండి అని అరవడం మొదలెట్టారు. మరికొంతమంది అలవాటులో పొరపాటుగానో.. లేక నిజంగానే అంత బలమైన, వేగంతో పరుగెడుతున్న ట్రాలీని ఆపగలమనే భ్రమతోనో దాన్ని పట్టుకునే ప్రయత్నం చేశారు. ఇక లోడ్‌తో ఉన్న ట్రాలీ జనం మధ్యగుండా వేగంగా వెనక్కి వెళ్లి ఓ కరెంట్‌ స్తంభాన్ని ఢీకొట్టి ఆగింది. అదృష్టవశాత్తూ ఎవరికీ గాయాలు కాలేదు. విషయం ఏంటంటే.. ఓ ట్రాక్టర్‌ చెరకు లోడ్‌తో వచ్చింది. దానిని అన్‌లోడ్‌ చేద్దామని.. ట్రాలీని ఇంజన్‌ భాగం నుంచి వేరు చేశారు. అయితే, తగిన జాగ్రత్తలు తీసుకోకుండా ట్రాలీని ఇంజన్‌ నుంచి విడదీయడంతో అది ఒక్కసారిగా వెనక్కి లగెత్తింది. ఇక్కడ ఫన్నీ విషయం ఏంటంటే.. అప్పటి వరకు అక్కడ చీకటి కమ్ముకోగా.. ట్రాలీ ఢీకొట్టడంతో స్తంభానికి ఉన్న లైట్‌ ఒక్కసారిగా వెలిగింది. "ఏవిధంగా ట్రాలీని ఆపగలమనుకుని పరుగెడుతున్నారంటూ" కొందరు నెటిజన్లు ఈ వీడియోపై కామెంట్లు చేశారు. (చదవండి: జిమ్‌లో అసభ్య ప్రవర్తన... టిక్‌టాక్‌ షేర్‌ చేయడంతో పరార్‌!!) जान माल का नुकसान तो नहीं हुआ लेकिन दूसरा बल्ब चालू हो गया 🤣🤣😁😅😀 pic.twitter.com/wIf2nhW1jM — Doctor Gulati L L B (@DRGulati80) November 12, 2021

సాక్షి, ముంబై : వివాదాస్పద నటి రాఖీ సావంత్‌ బిగ్‌బాస్‌లో పాల్గొని యమ క్రేజ్‌ను సొంతం చేసుకున్న సంగతి తెలిసిందే. ఇది వరకు కేవలం కాంట్రవర్సీ క్వీన్‌గానే గుర్తింపు పొందిన రాఖీ బిగ్‌బాస్‌ సీజన్‌14 అనంతరం మోస్ట్‌ ఎంటర్‌టైనర్‌గా ఎంతోమంది అభిమానాన్ని సంపాదించుకుంది. అయితే ఇటీవలె తనను మరోసారి బిగ్‌బాస్‌ సీజన్‌-15 ఓటీటీలోకి  సైతం తీసుకోవాలని డిమాండ్‌ చేస్తూ వినూత్న రీతిలో నిరసన తెలిపింది. స్పైడర్‌ ఉమెన్‌ గెటప్‌ వేసి, ముంబై  వీధుల్లో తిరుగుతూ హల్‌ చల్‌ చేసిన సంగతి తెలిసిందే. తాజాగా ఈ అమ్మడి డిమాండ్‌కి బిగ్‌బాస్‌ సైతం దిగొచ్చింది. దీంతో ఈ సీజన్‌ ఓటీటీలోనూ రాఖీకి అవకాశం కల్పించారు. దీంతో మామూలు కంటే కాస్త ఎక్కువగానే ముస్తాబైన రాఖీ బిగ్‌బాస్‌ హౌస్‌లోకి ఎంట్రీ ఇస్తుండగా ఆమెను కుక్కలు వెంబడించాయి. భారీ డ్రెస్‌తో కారు దిగి సెట్‌లోకి అడుగుపెడుతుండగా అక్కడే ఉన్న కుక్కులు ఆమెను వెంబడించాయి. దీనికి సంబంధించిన వీడియోను రాఖీ సావంత్‌ తన ఇన్‌స్టాగ్రామ్‌లో షేర్‌ చేయగా ప్రస్తుతం ఈ వీడియో తెగ వైరల్‌ అవుతుంది. అయితే అదృష్టవశాత్తూ అవి కరవలేదు. లేదంటే హౌస్‌ కంటే ముందు ఆమె హాస్పిటల్‌కి వెళ్లాల్సి వచ్చేదంటూ నెటిజన్లు కామెంట్లు చేస్తున్నారు. కాగా హిందీ బిగ్‌బాస్‌ రియాలిటీ షోలో ఒకసారి పాల్గొన్న కంటెస్టెంట్లకు మరో సీజన్‌లోనూ పాల్గొనే అవకాశం ఉందన్న సంగతి తెలిసిందే. ప్రస్తుతం బిగ్ బాస్ ఓటీటీ సీజన్ వూట్‌ జరుగుతుండగా.. కరణ్ జోహార్ హోస్ట్ గా వ్యవహరించనున్నాడు. చదవండి : మెగా అభిమానం : క్యూబ్స్‌తో 6.5 ఫీట్ల చిరు ఫోటో సీక్రెట్‌గా హీరో కార్తికేయ ఎంగేజ్‌మెంట్‌.. ఫోటో వైరల్‌ Bigg Boss: షాకింగ్‌.. ‘బిగ్‌బాస్‌’ కోసం నడి రోడ్డుపై నటి హల్‌చల్‌ View this post on Instagram A post shared by Rakhi Sawant (@rakhisawant2511)

కొన్ని వీడియోలు చూడగానే ఆకట్టుకుంటాయి.. మరికొన్ని భయాన్ని పుట్టిస్తాయి. ప్రమాదకరమైన జంతువుల చేతిలో చిక్కినప్పుడు వీడియోలో ఉన్న వ్యక్తులు వాటి నుంచి తప్పించుకున్నారా లేదా అనేది ఆసక్తిగా చూస్తుంటాం. ఆ సమయంలో అక్కడ ఏం జరిగిందో అన్న టెన్షన్‌ నెలకొనడం ఖాయం. తాజాగా సోషల్‌ మీడియాలో హల్‌చల్‌ చేస్తున్న వీడియో అలాంటి కోవకు చెందినదే. విషయంలోకి వెళితే.. ఇక్కడ మనం చెప్పుకుంటున్నది పాత వీడియోనే అయినా.. ఐఎఫ్‌ఎస్‌ అధికారి సుషాంత్‌ నంద దీనిని మరోసారి పంచుకున్నారు. ఒక వ్యక్తి కారిడార్‌ నుంచి వేగంగా పరిగెత్తుతూ వస్తుండడంతో వీడియో మొదలవుతుంది. అతను అలా ఎందుకు పరిగెడుతున్నాడో అర్థమయ్యేలోపే వెనుక నుంచి ఒక చిరుతపులి అతన్న తరుముతూ వచ్చింది. కొద్ది సెకన్ల గ్యాప్‌లో అతను తప్పించుకోగా.. చిరుత పులి పంజా దెబ్బ గోడకు బలంగా తాకింది. ఒక్కనిమిషం ఆలస్యమయినా ఆ వ్యక్తి చచ్చేవాడే. అయితే ఆ తర్వాత ఏం జరిగిందన్నది తెలియరాలేదు. చూస్తుంటేనే భయం పుట్టిస్తున్న ఈ వీడియో మరోసారి హల్‌చల్‌గా మారింది. సోషల్‌ మీడియాలో​ షేర్‌ చేసిన కాసేపటికే 18వేల వ్యూస్‌ రావడం విశేషం. '' ఇంతకు ఆ మనిషి ఏమయ్యాడు.. పులి చేతిలో చచ్చాడా.. లేక బతికి బట్టకట్టాడా.. ప్లీజ్‌ ఎవరైనా చెప్పండి.. ఈ ఉత్కంఠను తట్టుకోలేకపోతున్నాం.. పాపం చిరుత దెబ్బకు వ్యక్తి ప్యాంటు తడిసిపోయి ఉంటుంది..'' అంటూ నెటిజన్లు కామెంట్లు పెట్టారు. చదవండి: నర్సు నిర్వాకం, ఖాళీ సిరంజితోనే వ్యాక్సిన్‌.. వీడియో వైరల్‌ వైరల్‌: రెప్పపాటులో ఎంత పద్ధతిగా కూలిందో చూడండి That was close pic.twitter.com/sSQHpcEXlP — Susanta Nanda IFS (@susantananda3) June 24, 2021

డ్రగ్స్‌ ముఠా అంతుచూసే పోలీస్‌ అధికారి ఇతివృత్తంతో రూపొందిన చిత్రం "చేజింగ్‌". విదేశాల నుంచి డ్రగ్స్‌ చట్టవిరుద్ధంగా మన దేశానికి సరఫరా చేస్తూ కోట్లకు పడగెత్తిన మాఫియా ముఠా కన్నెపిల్లలపై మత్తు మందును ప్రయోగిస్తూ వారి మాన ప్రాణాలతో చెలగాటమాడే కామాంధుల ఆట కట్టించడానికి ఒక స్పెషల్‌ పోలీస్‌ ఆఫీసర్‌ రంగంలోకి దిగుతుంది. ఆమె ఒక బృందాన్ని ఏర్పాటు చేసుకుని డ్రగ్స్‌ రాకెట్‌ను ఎలా పట్టుకుంది? అన్న ఇతివృత్తంతో రూపొందిన చిత్రం చేజింగ్‌. ఇందులో స్పెషల్‌ పోలీస్‌ అధికారిణిగా నటి వరలక్ష్మి శరత్‌ కుమార్‌ నటించారు. లేడీ ఓరియెంటెడ్‌ కథా చిత్రంగా రూపొందిన ఈ సినిమాను ఏషియన్‌ మీడియా పతాకంపై మదియళగన్‌ మునియాండి నిర్మించారు. కేకే కుమార్‌ దర్శకత్వం వహించగా, దసి సంగీతాన్ని, కృష్ణ స్వామి ఛాయాగ్రహణం అందించారు. చదవండి: సూపర్ స్టార్ కృష్ణ ఫ్యామిలీ నుంచి మరో కొత్త హీరో జూ.ఎన్టీఆర్ ధరించిన బ్లేజర్ ధరెంతో తెలుసా?

సాక్షి, కరీంనగర్‌: కార్తీ హీరోగా నటించిన సూపర్‌ హిట్‌ సినిమా ఖాకీ కథ తెలుసుగా! ఉత్తర భారతం నుంచి సరుకు రవాణా లారీల్లో వచ్చే కొందరు దుండగులు తెలుగు రాష్ట్రాల్లో దోపిడీలు, హత్యలకు పాల్పడతారు. వారిని పట్టుకోవడానికి ఆయా రాష్ట్రాల పోలీసులతో కలిసి స్థానిక పోలీసులు భారీ ఎత్తున జాయింట్‌ ఆపరేషన్‌ చేయాల్సి వస్తుంది. తాజాగా తెలంగాణ, కర్ణాటకకు చెందిన పోలీసులు అలాంటి జాయింట్‌ ఆపరేషన్‌ చేశారు. 118 కేసుల్లో నిందితుడిగా ఉన్న ఓ కరుడుగట్టిన నేరస్తుడిని పట్టుకునేందుకు ఈ రెండు రాష్ట్రాల పోలీసులు దాదాపు 45 రోజులపాటు జాయింట్‌ ఆపరేషన్‌ నిర్వహించారు. నవీ ముంబై, పుణె, హైదరాబాద్‌, బెంగళూర్‌, షోలాపూర్‌, బీదర్‌లో సెర్చ్‌ ఆపరేషన్‌ కొనసాగింది.  ఎట్టకేలకు గజదొంగ భాకర్ అలీని కరీంనగర్‌ పోలీసులు షోలాపూర్‌లో శనివారం అరెస్టు చేశారు. అయితే, అతను సాదాసీదాగా పోలీసులకు చిక్కలేదు. పోలీసులపై అటాక్‌ చేసి తప్పించుకునేందుకు యత్నించాడు. ఆక్రమంలో భాకర్‌ అలీ చేతిలో పోలీసులు గాయపడ్డారు. చివరకు ఛేజింగ్‌ చేసి పోలీసులు అతని ఆట కట్టించారు. కాగా, భాకర్‌ అలీపై తెలంగాణ, ఆంధ్రప్రదేశ్‌, కర్ణాటక రాష్ట్రాల్లో పీడీ యాక్టు కేసులు ఉన్నట్టు కరీంనగర్‌ సీపీ కమలాసన్‌ రెడ్డి తెలిపారు. 2015 ముందే హైదరాబాద్‌లో వందకుపైగా చైన్‌ స్నాచింగ్‌ కేసులు ఉన్నాయని వెల్లడించారు. నేరస్తుడిని పట్టుకునేందుకు వందల సీసీ కెమెరాలను పరిశీలించామని పేర్కొన్నారు. నేరస్తుడి నుంచి గంజాయి సహా కార్లు స్వాధీనం చేసుకున్నామని సీపీ తెలిపారు. (చదవండి: 200కు పైగా ఇన్‌స్టా‍ంట్‌ లోన్‌యాప్స్‌ తొలగింపు..)

బెంగళూరు  : ఐటీ సిటీలో నడిచి వెళ్తున్న మహిళ మెడలోని బంగారు గొలుసును లాక్కెళ్తున్న దొంగలపై పోలీసులు కాల్పులు జరిపి పట్టుకున్నారు. సినిమాలో మాదిరిగా ఛేజింగ్, కాల్పులు జరిగాయి. ఈ ఘటనలో ఉత్తరప్రదేశ్, పంజాబ్‌కు చెందిన దొంగలు సుభాష్‌ (30), సంజయ్‌ (31)లు గాయాలతో ఆస్పత్రిలో చికిత్స పొందుతున్నారు. ఆటోడ్రైవర్‌ సమాచారంతో  సోమవారం తెల్లవారుజామున 5:45 సమయంలో రాజాజీనగర పోలీసుస్టేషన్‌ పరిధిలోని పాత పోలీసుస్టేషన్‌ సర్కిల్‌లో మహిళ నడిచివెళ్తుండగా ఇద్దరు దొంగలు గొలుసు తెంచుకుని పరారయ్యారు. ఇది చూసిన ఓ ఆటో డ్రైవర్‌ వెంటనే పోలీసు కంట్రోల్‌ రూంకి సమాచారమిచ్చాడు. సీఐ వెంకటేశ్‌ జీపులో, శ్రీరాంపుర ఎస్‌ఐ వినోద్‌నాయక్‌ బైకు మీద వారి వెంట పడ్డారు. మహలక్ష్మీ లేఔట్‌ వద్ద ఎస్సై బైక్‌ నుంచి కిందపడ్డాడు. అయినప్పటికీ సీఐ వెంకటేశ్, ఎస్‌ఐ వినోద్‌ నాయక్‌లు దొంగల వెంటపడి లొంగిపోవాలని హెచ్చరించారు.  ( మహిళ మంటల్లో కాలుతున్నా పట్టించుకోకుండా..) దొంగల ఎదురుదాడి   దుండగులు వినకుండా ఎదురుదాడి చేయడంతో ఎస్‌ఐ వినోద్‌నాయక్‌ పిస్టల్‌తో కాల్పులు జరపడంతో దుండగులకు తూటాలు తగిలి కిందపడిపోయారు. దొంగల దాడిలో ఇద్దరు పోలీసులు కూడా క్షతగాత్రులయ్యారు. అందరినీ ఆస్పత్రికి తరలించారు. దుండగులపై సంజయనగర, కామాక్షిపాళ్య, మాగడిరోడ్డు, బాగలకుంటె పీఎస్‌లలో పలు కేసులున్నట్లు తెలిపారు.  

న్యూఢిల్లీ: దేశ రాజధాని ఢిల్లీలో పోలీసులు ఓ క్రిమినల్‌ను ఛేజ్‌ చేసి పట్టుకున్న సంఘటన సినిమాను తలపించింది. 26 కేసుల్లో నిందితుడిగా ఉన్న సన్నీ దబాస్‌ అనే క్రిమినల్‌ను పట్టుకునేందుకు పోలీసులు పథకం రచించారు. అతను స్నేహితుల వద్దకు వచ్చాడన్న సమాచారంతో బర్వాలా రోడ్డు ప్రాంతంలో ఉచ్చు బిగించారు. అయితే, పోలీసుల కదలికలను గమనించిన దబాస్‌ వారిపై తుపాకీతో కాల్పులు జరుపుతూ పారిపోయేందుకు యత్నించాడు. దీంతో దినేష్‌ అనే కానిస్టేబుల్‌ ప్రాణాలకు తెగించి అతన్ని వెంబడించాడు. చేతిలో ఆయుధం లేకున్నా కిలోమీటర్‌ మేర దబాస్‌ను తరుముతూ వెళ్లి అతన్ని పట్టుకున్నాడు. సమీపంలో ఉన్న సీసీ కెమెరాలో నమోదైన ఈ ఛేజింగ్‌ దృశ్యాలు సోషల్‌ మీడియాలో వైరల్‌ అయ్యాయి. పోలీస్‌ ధైర్యసాహసాలపై నెటిజన్లు ప్రశంసలు కురిపిస్తున్నారు. క్రిమినల్‌ దబాస్‌ నుంచి ఒక నాటు తుపాకీ, కొన్ని బుల్లెట్లను పోలీసులు స్వాధీనం చేసుకున్నారు.(చదవండి: తొలి రౌండ్‌లోనే విరుచుకుప‌డుతూ కాల్చారు)

సాక్షి, ఆత్మకూరు : కారుకు సైడు ఇవ్వమని అడిగారన్న కోపంతో బొలెరో వాహనంలో ఉన్న ఓ వ్యక్తి... కారులో వెళుతున్న వారిని వెంటాడి భయభ్రాంతులకు గురిచేసిన సంఘటన ఏఎస్‌పేట మండలంలో శనివారం  చోటు చేసుకుంది. బాధితుల కథనం మేరకు వైఎస్సార్‌ జిల్లా ఒంటిమిట్ట కోదండ రామాలయంలో వేద పండితులుగా పనిచేస్తున్న విఘ్నేష్‌కుమార శర్మ తన కుటుంబసభ్యులతో కారులో ఏఎస్‌పేట మండలంలోని గుంపర్లపాడులోని బంధువుల ఇంటికి వెళ్తున్నారు. ఈ క్రమంలో జమ్మవరం వద్ద ఓ బొలేరో వాహనం దారికి అడ్డుగా ఉండడంతో విఘ్నేష్‌కుమార్‌ హారన్‌ మోగించాడు. తన కారు వెళ్లేందుకు దారి ఇవ్వాలని కోరాడు. బొలేరో వాహన డ్రైవర్‌ మద్యం మత్తులో కారులో ఉన్నవారిని దుర్భాషలాడుతూ వాహనాన్ని అడ్డు తొలగించాడు. పట్టించుకోని విఘ్నేష్‌కుమార్‌ తన కారును గుంపర్లపాడు వైపునకు పోనిచ్చాడు. అయితే కొద్దిసేపటికే ఆ బొలేరో వాహనంలో ఉన్న వ్యక్తి తన వాహనంతో వీరి వాహనాన్ని వెనుకనే తరుముకుంటూ దారి పొడవునా హారన్‌ మోగిస్తూ భయభ్రాంతులకు గురిచేశాడు. విఘ్నేష్‌కుమార్‌ కుటుంబ సభ్యులు మొత్తానికి గుంపర్లపాడులోని బంధువుల ఇంటికి చేరుకున్నారు. వీరి వెనుకనే వచ్చిన బొలేరో వాహనందారుడు విఘ్నేష్‌కుమార్‌ బంధువుల ఇంట్లోకి వెళ్లి తన సెల్‌ఫోన్‌తో మహిళలని కూడా చూడకుండా అందరి పొటోలు తీస్తూ నా వాహనానికి అడ్డు తగులుతారా అని బెదిరించి దుర్భాషలాడాడు. కారును వెంబడించిన బొలేరో వాహనం  గ్రామస్తులు గమనించి బొలేరో వాహనదారుడిని మందలించేందుకు ప్రయత్నించారు. తాను ఆర్మీలో పనిచేస్తున్నానని, తనను ఏమైనా అంటే అంతుచూస్తానని మద్యం మత్తులో నానాయాగి చేశాడు. దీంతో గ్రామస్తులు ఏఎస్‌పేట పోలీసులకు ఫోన్‌ ద్వారా సమాచారమిచ్చారు. ఇద్దరు కానిస్టేబుళ్లు వచ్చి అతడ్ని బైక్‌పై తీసుకుని వెళ్లారు. బొలేరో వాహనం ఏసుబాబు అనే వ్యక్తిదిగా గుర్తించినట్లు గ్రామస్తులు తెలిపారు. ఈ విషయమై ఆత్మకూరు సీఐ పాపారావును సంప్రదించగా తాను పూర్తి విషయాలు తెలుసుకుని విచారణ చేస్తానని పేర్కొన్నారు.  

క్యారెక్టర్‌ నచ్చితే చాలు... హీరోయిన్‌గా, విలన్‌గా, సపోర్టింగ్‌ యాక్ట్రస్‌గా ఏ పాత్రలో అయినా ఒదిగిపోగల సత్తాఉన్న నటి వరలక్ష్మీ శరత్‌కుమార్‌. తన తర్వాతి చిత్రం కోసం ఆమె బైక్‌ ఎక్కారు.. అదేనండీ.. రేసర్‌గా మారారు అని చెబుతున్నాం. కె. వీరకుమార్‌ దర్శకత్వంలో వరలక్ష్మీ శరత్‌కుమార్‌ ప్రధానపాత్రలో నటిస్తున్న చిత్రం ‘చేజింగ్‌’. తమిళ న్యూ ఇయర్‌ సందర్భంగా ఈ సినిమాలోని ఫస్ట్‌లుక్‌ను విడుదల చేశారు టీమ్‌. ప్రస్తుతం ఈ సినిమా షూటింగ్‌ మలేసియాలో జరుగుతోంది. ముఖ్య తారాగణంపై కీలక సన్నివేశాలు తీస్తున్నారు. మరి... వెండితెరపై బైక్‌ రేసర్‌గా రయ్‌ రయ్‌ అంటున్న వరలక్ష్మి స్పీడ్‌ ఎంతో తెలియాంటే కొన్ని రోజులు ఆగకతప్పదు. యమున, బాల, జెర్రోల్డ్, రఘు కీలక పాత్రలు చేస్తున్న ఈ సినిమాకు దాసి సంగీత దర్శకుడు.

నేరేడ్‌మెట్‌: విద్యార్థినులు, బాలికల కదలికలను రహస్యంగా గమనిస్తూ..వీడియో, ఫోటోలు తీస్తూ... పెళ్లికి ముందే వారి గుణగణాలపై ఆరా తీస్తూ వ్యక్తిగత సమాచారాన్ని సేకరిస్తున్న డిటెక్టివ్‌ ఏజెన్సీ బండారం బట్టబయలైంది.  జంట నగరాల్లోనే ఈ తరహా కేసు నమోదు కావడం తొలిసారని రాచకొండ పోలీసు కమిషనర్‌ మహేష్‌భగవత్‌ తెలిపారు. బుధవారం నేరేడ్‌మెట్‌లోని తన కార్యాలయంలో వివరాలు వెల్లడించారు. అనంతపురం జిల్లా ముదిరెడ్డిపల్లి, శివబాలయోగి నగర్‌కు చెందిన దేవంగ మహేష్‌ కంచన్‌బాగ్‌లోని డీఆర్‌డీఓలో జూనియర్‌ రీసెర్చ్‌ ఫెలో (మెకానికల్‌ ఇంజనీరింగ్‌)గా పని చేస్తూ బాలపూర్‌ క్రాస్‌ రోడ్డు సమీపంలోని త్రివేణి నగర్‌ కాలనీలో ఉంటున్నాడు. చైతన్యపురిలోని ఓ జూనియర్‌ కళాశాలలో ఇంటర్‌ ద్వితీయ సంవత్సరం చదువుతున్న విద్యార్థినని ఇష్టపడుతున్న అతను ఆమెను తరచూ వెంబడిస్తున్నాడు. సదరు బాలికతో మాట్లాడాలని..ఆమె దృష్టిలో పడేందుకు ప్రయత్నాలు చేసినా పట్టించుకోలేదు. దీంతో సదరు విద్యార్థిని వ్యక్తిగత వివరాలు తెలుసుకోవాలని భావించిన మహేష్‌ కొత్తపేట నాగోల్‌ రోడ్డు సమీపంలోని ఎస్‌బీహెచ్‌ కాలనీలో ఉన్న స్కౌట్‌ డిటెక్టివ్‌ ఏజెన్సీ నిర్వాహకుడు చిక్కా కిరణ్‌కుమార్‌పు సంప్రదించాడు. తాను పెళ్లి చేసుకోవాలనుకుంటున్న విద్యార్థిని ఆమె వ్యక్తిగత సమాచారంతోపాటు గుణగణాలు, బాయ్‌ ఫ్రెండ్స్‌ ఉన్నారా? తదితర వివరాలు సేకరించాలని కోరాడు. ఇందుకు గాను రూ.17వేలతో ఒప్పందం చేసుకున్నాడు. ఇందులో భాగంగా డిటిక్టెవ్‌ ఏజెన్సీలో అడ్మిన్‌ ఆఫీసర్‌గా పని చేస్తున్న బాతుల సుహాసిని సదరు విద్యార్థిని వెంబడిస్తూ వీడియో చిత్రీకరిస్తూ, ఫోటోలు తీస్తూ, ఆమె సెల్‌  నంబర్‌ను సేకరించి మహేష్‌కు అందజేశారు. అంతేగాక కిరణ్‌కుమార్, సుహాసిని కళాశాలకు వచ్చి విద్యార్థి వివరాలు తెలుసుకునే ప్రయత్నం చేశారు. దీనిపై అనుమానం వచ్చిన ప్రిన్సిపాల్‌ కుటుంబసభ్యులకు సమాచారం అందించారు.  కుటుంబ సభ్యులు ఈ విషయమై నిలదీయగా సదరు విద్యార్థిని పెళ్లి చేసుకునేందుకు మహేష్‌ కోరిక మేరకు వివరాలు సేకరించినట్లు తెలిపారు.  అయితే ఆమె మైనర్‌ కావడం రహస్యంగా వెంబడిస్తూ వీడియో, ఫొటోలు తీయడాన్ని అవమానంగా భావించిన ఆమె కుటుంబసభ్యులు  ఈనెల 31న చైతన్యపురి పోలీస్‌ స్టేషన్‌లో ఫిర్యాదు చేశారు. నిందితులు మహేష్, కిరణ్‌కుమార్, సుహసినిలను అరెస్టు చేసిన పోలీసులు వారి నుంచి ఒక ల్యాప్‌టాప్, రెండు సెల్‌ఫోన్లు, పలు పత్రాలను స్వాధీనం చేసుకున్నారు. సమావేశంలో ఎల్‌బీనగర్‌  డీసీపీ సన్‌ప్రీత్‌సింగ్, ఏసీపీ పృథ్వీదర్‌రావు, సీఐ సుదర్శన్, ఎస్‌ఐ సాయిప్రకాష్‌గౌడ్‌ పాల్గొన్నారు. వివరాలు వెల్లడిస్తున్న రాచకొండ సీపీ మహేష్‌భగవత్‌ సమాచారం తెలుసుకునే అధికారం లేదు: సీపీ వివాహానికి ముందు అమ్మాయిల వ్యక్తిగత సమాచారం,  తెలుసుకునే అధికారం డిటెక్టివ్‌ ఏజెన్సీలకు లేదని సీపీ తెలిపారు.  లేబర్‌ లైసెన్స్‌ తీసుకొని స్కౌట్‌ డిటెక్టివ్‌ ఏజెన్సీని నిర్వహిస్తున్నట్లు తేలిందన్నారు. ఇప్పటి వరకు పలువురి  వివరాలు సేకరించినట్లు వెల్లడైందన్నారు. మహిళలు, యువతులను వెంబడిస్తూ వారి సమాచారం  సేకరించడం, అవమానకరంగా వ్యవహరించే ఏజెన్సీలపై కఠిన చర్యలు తీసుకుంటామన్నారు.


 సాక్షి, కామారెడ్డి : సంఘటన స్థలంలో లభించిన చిన్న ఆధారం.. హత్య కేసు ఛేదనకు దోహదపడింది. రెండున్నరేళ్ల క్రితం కుటుంబ పెద్దను హత్య చేసిన కుటుంబ సభ్యులను కటకటాలపాలు చేసింది. ఈ ఘటన కామారెడ్డిలో చోటు చేసుకుంది. కేసుకు సంబంధించిన వివరాలను సోమవారం ఎస్పీ విలేకరుల సమావేశంలో వెల్లడించారు.  
  
  వివరాలు ఇలా ఉన్నాయి.. 
  నవంబర్ 7 సాయంత్రం 6.30 గంటలు.. కామారెడ్డి జిల్లా దేవునిపల్లి పోలీస్ స్టేషన్‌కు ఓ ఫోన్ కాల్ వచ్చింది. ‘‘అడ్లూర్ శివారులో గుర్తు తెలియని వ్యక్తిని చంపి దహనం చేశారు’’ అని అవతలి వ్యక్తి సమాచారం ఇచ్చాడు. పోలీసులు వెంటనే సంఘటన స్థలానికి వెళ్లి విచారణ ప్రారంభించారు. అయితే ఎలాంటి ఆనవాళ్లు లభించలేదు. చనిపోయింది ఎవరో తెలియదు. హత్య కు గురైంది ఆడో, మగో కూడా నిర్ధారించుకోలేని పరిస్థితి. ఎస్పీకి సమాచారం ఇచ్చారు. ఎస్పీ శ్వేతారెడ్డి, డీఎస్పీ భాస్కర్ సంఘట న స్థలానికి చేరుకుని మృతదేహాన్ని పరిశీలించారు. క్లూస్ టీంను రంగంలోకి దింపినా లాభం లేకపోయింది. హత్యకు గురైంది మహిళే అని వైద్యులు తెలిపారు. 
  
  దీంతో హత్య కేసును తేల్చేందు కు ఎస్పీ ఆదేశాలతో డీఎస్పీ భాస్కర్ ఆధ్వర్యంలో పోలీసులు మూడు బృందాలు రంగంలోకి దిగారు. పట్టణంతో పాటు చుట్టుపక్కల గ్రామాలు, ఇరుగు పొరుగు జిల్లాల్లో మిస్సింగ్ కేసులను పరిశీలించారు. అదే ప్రాంతానికి చెందిన ఓ మహిళ అదృశ్యంపై కూపీలాగారు. ఆమె వాడిన సెల్‌ఫోన్ నంబర్ల ద్వారా విచారణ జరిపారు. ఆ ప్రాంతంలో దహనం అయిన రోజున సెల్‌టవర్ లొకేషన్‌లో తిరిగిన వ్యక్తులపై నిఘా పెట్టారు. ఎన్ని రకాలుగా వెతికినా ఎలాంటి క్లూ దొరకలేదు. పలుమార్లు సంఘటనా స్థలాన్ని పరిశీలించిన పోలీసులకు అక్కడ ఓ మట్టితో ఉన్న వస్త్రం కనిపించింది.
  
   దాన్ని పరిశీలించిన పోలీసులు.. ఎక్కడో పాతిపెట్టిన శవాన్ని తెచ్చి దహనం చేసి ఉంటారని అనుమానించారు. కామారెడ్డి బీడీ వర్కర్స్ కాలనీ, డ్రైవర్స్ కాలనీ, గుమస్తా కాలనీ, బతుకమ్మకుంట కాలనీల్లో పోలీసులు ఇంటింటికీ తిరిగి.. ‘ఈ ప్రాంతంలో ఎవరైనా కనిపించకుండా పోయారా’ అని ఆరా తీశారు. గుమస్తా కాలనీకి చెందిన భూక్య శంకర్ (55) రెండున్నరేళ్లుగా కనిపించడం లేదని స్థానికులు తెలపడంతో.. పోలీసులు అతడి కుటుంబ సభ్యులను అదుపులోకి తీసుకుని విచారించారు. తీగలాగితే దొంక కదిలింది. హత్యకు గురైంది శంకర్ అని, అతడిని కుటుంబ సభ్యులే చంపారని తేలింది. 
  
  మరుగుదొడ్డి నిర్మించుకునే క్రమంలో..
  గుమస్తా కాలనీకి చెందిన శంకర్‌కు భార్య గంగవ్వ, ఇద్దరు కూతు ళ్లు, కుమారుడు ఉన్నారు. శంకర్ రైస్‌మిల్లులో కార్మికుడిగా పనిచేసేవాడు. అతడికి మద్యంతో పాటు ఇతర దురలవాట్లున్నాయి. ఇంటి అవసరాలకు డబ్బులు ఇవ్వకుండా తాగుతూ, వివాహేతర సంబంధాలు నెరపడంతో పాటు, భార్య, పిల్లలను వేధించేవాడు. దీంతో శంకర్‌ను హతమార్చాలని భార్య, కుమారుడు, అ ల్లుడు పథకం పన్నారు. 2014 మార్చిలో ఓ రోజు అతిగా మద్యం తాగి ఇంటికి వచ్చిన శంకర్‌కు కుటుంబ సభ్యులు మళ్లీ మద్యం తాగించారు. నిషాలో ఉన్న శంకర్ తలపై కర్రలతో బాది చంపా రు. అనంతరం ఇంటి ఆవరణలో మరుగుదొడ్డి కోసం తవ్విన గుంతలో మృతదేహాన్ని పూడ్చిపెట్టారు. శంకర్ కనిపించడం లేద ని ఎవరైనా అడిగితే దుబాయికి వెళ్లాడని చెప్పారు. 
  
  అయితే ఇటీవల మరుగుదొడ్డి నిర్మించుకోవాలని భావించిన శంకర్ కుటుంబ సభ్యులు.. ఇంటి ఆవరణలో ఎక్కువ స్థలం లేకపోవడంతో మృ తదేహాన్ని పాతిపెట్టిన చోటనే మరుగుదొడ్డి నిర్మించుకోవాలని నిర్ణయించారు. అస్తిపంజరాన్ని వస్త్రంలో చుట్టి అడ్లూర్ శివారు ప్రాంతానికి తీసుకెళ్లి ఖాళీగా ఉన్న నీళ్ల కుండీలో వేసి కిరోసిన్ పోసి దహనం చేశారు. అన్ని కోణాల్లో దర్యాప్తు జరిపిన పోలీసు లు.. సంఘటన స్థలంలో లభించిన మట్టి గుడ్డ ఆధారంగా ముం దుకెళ్లి కేసును ఛేదించారు. క్షణికావేశంలో చేసిన హత్య రెండున్నరేళ్ల తరువాత కూడా ఆ కుటుంబాన్ని జైలుపాలు చేసింది.
    
  నిందితులు..
  శంకర్ హత్య కేసులో ఆయన భార్య గంగవ్వ(46), కొడు కు భూక్య అర్జున్(20), అల్లుడు గుగులోత్ కిషన్ (45)లపై కేసు న మోదు చేశామని, గంగవ్వ, కిషన్‌లను మంగళవారం అరెస్టు చేసి రిమాండ్‌కు పంపినట్టు ఎస్పీ వివరించారు. కేసును డీఎస్పీ భా స్కర్ ఆధ్వర్యంలో, సీఐ కోటేశ్వర్‌రావు, ఎస్సై సంతోష్‌కుమార్‌ల తో పాటు హెడ్ కానిస్టేబుల్ నరేందర్‌రెడ్డి, కానిస్టేబుళ్లు నర్స య్య, గణపతిలు ప్రత్యేక చొరవ తీసుకుని పరిశోధనలో పాల్గొన్నారని పేర్కొన్నారు. కేసును చేధించడంలో ప్రతిభ చూపిన కానిస్టేబుల్ గణపతికి ఎస్పీ నగదు బహుమతి అందజేశారు. 
  


 - గంజాయి తరలిస్తున్న కారును ఛేజ్ చేసి పట్టుకున్న పోలీసులు
 గొల్లప్రోలు(తూర్పుగోదావరి)
 ఓ కారులో అక్రమంగా గంజాయి తరలిస్తున్నారనే సమాచారంతో రంగంలోకి దిగిన పోలీసులు ఆ కారును ఆపడానికి యత్నించగా.. అందులో ఉన్న దుండగులు పోలీసుల కన్నుకప్పి పరారయ్యారు. వెంటనే అప్రమత్తమైన పోలీసులు ఆ వాహనాన్ని వెంబడించడంతో.. కొద్ది దూరంలో కారు(Ts 7873) వదిలేసి నిందితులు పరారయ్యారు. తూర్పుగోదావరి జిల్లా గొల్లప్రోలు మండల పరిధిలోని 16 వ నెంబర్ జాతీయ రహదారిపై సోమవారం ఉదయం ఓ కారులో గంజాయి స్మగుల్ చేస్తున్నారని సమాచారం వచ్చింది. దీంతో రంగంలోకి దిగిన పోలీసులు వాహనాల తనిఖీ నిర్వహిస్తుండగా.. అక్రమంగా గంజాయి తరలిస్తున్న వారు అక్కడినుంచి తప్పించుకున్నారు. వెంటనే అప్రమత్తమైన పోలీసులు వాహనాన్ని వెంబడించగా.. కొద్ది దూరంలో కారును వదిలి నిందితులు పరారయ్యారు. కారులో లభించిన 89 ప్యాకెట్ల గంజాయిని పోలీసులు స్వాధీనం చేసుకున్నారు.