న్యూఢిల్లీ: ఢిల్లీ పేలుడు కేసులో జాతీయ దర్యాప్తు సంస్థ (ఎన్‌ఐఏ)కి మరో కీలక ఆధారం లభ్యమయ్యింది. నవంబర్ 10న ఢిల్లీలోని ఎర్రకోట వెలుపల కారు బాంబు దాడికి పాల్పడిన కేసులో మరో ముందడుగు పడింది. ఈ ఘటనలో కీలకంగా ఉన్న సూసైడ్ బాంబర్ డాక్టర్ ఉమర్ ఉన్ నబీకి ఆశ్రయం కల్పించిన హర్యానాలోని ఫరీదాబాద్‌కు చెందిన సోయాబ్‌ను తాజాగా ఎన్‌ఐఏ అధికారులు అరెస్ట్‌ చేశారు.ఇండియా టీవీ అందించిన కథనం ప్రకారం సోయాబ్ ఉగ్రవాది ఉమర్‌కు లాజిస్టికల్(రవాణా) సాయాన్ని అందించాడు. ఈ పేలుడులో 15 మంది మృతిచెందగా, 20 మందికి పైగా జనం గాయపడ్డారు. ఇది యావత్‌ దేశాన్నీ భయభ్రాంతులకు గురిచేసింది. కాగా సోయాబ్ అరెస్టుతో ఈ కేసులో ఎన్‌ఐఏ అరెస్టు చేసిన నిందితుల సంఖ్య ఏడుకు చేరింది. షోయబ్‌.. జమ్ముకశ్మీర్ పోలీసులు గతంలో ఛేదించిన వైట్ కాలర్ టెర్రర్ మాడ్యూల్‌లో భాగమని విచారణలో తేలింది. అలాగే ఈ కేసులో సోయాబ్ పాత్ర ఉగ్రవాది ఉమర్‌కు బస కల్పించడం వరకూ మాత్రమే పరిమితం కాలేదని తేలింది.ఫరీదాబాద్‌లోని అల్ఫాలా విశ్వవిద్యాలయంలో ల్యాబ్ అసిస్టెంట్‌గా పనిచేసిన సోయాబ్, ఆ విశ్వవిద్యాలయ ప్రయోగశాల నుండి పేలుడు పదార్థాల తయారీకి అవసరమైన రసాయనాలను సేకరించేందుకు ఉమర్‌కు సహాయం చేశాడనే ఆరోపణలు ఉన్నాయి. అలాగే సోయాబ్.. హర్యానాలోని నుహ్‌లోని హిదాయత్ కాలనీలో ఉమర్ కోసం ఒక ఇంటిని అద్దెకు తీసుకున్నాడు. ఈ ఇంటిని ఉమర్ తాను తప్పించుకునే సమయంలో ఉపయోగించాడు. అలాగే ఇక్కడే పేలుడు పదార్థాలను కూడా నిల్వ చేశాడని అధికారులు వెల్లడించారు.ఈ అద్దె ఇంటిని హర్యానా స్పెషల్ టాస్క్ ఫోర్స్ (ఎస్‌టీఎఫ్‌) నవంబర్ 16న తనిఖీ చేసి, ఆ తర్వాత సీలు చేసింది. ఇక్కడి నుంచే ఉమర్‌ కారులో ప్రయాణించాడు. ఈ ప్రయాణ మార్గాన్ని కూడా అధికారులు గుర్తించారు. ఫిరోజ్‌పూర్ ఝిర్కాలో ఏటీఎం నుండి డబ్బు విత్‌డ్రా చేసుకున్న తరువాత, ఉమర్ ముంబై ఎక్స్‌ప్రెస్‌వే పైనుంచి బాదర్‌పూర్ మీదుగా ఐ20 కారులో ఢిల్లీలోకి ప్రవేశించాడు. తరువాత ఎర్రకోట మెట్రో స్టేషన్ సమీపంలోని పార్కింగ్‌ ప్రాంతంలో ఆ కారు పేలిపోయింది. దీంతో మంటలు చెలరేగి సమీపంలోని ఇతర వాహనాలు కూడా దగ్ధమయ్యాయి. ఈ దాడిని కేంద్ర మంత్రివర్గం ఉగ్రవాద ఘటనగా పేర్కొంది. దీని వెనుక ఉన్న కుట్రను ఛేదించేందుకు దర్యాప్తు సంస్థలు ​కృషి చేయాలని ఆదేశించింది. ఎన్‌ఐఏ ప్రస్తుతం ఆత్మాహుతి బాంబు దాడికి సంబంధించిన వివిధ ఆధారాలను సేకరిస్తోంది. ఈ దాడిలో భాగస్వామ్యమున్న ఇతరులను గుర్తించేందుకు పోలీసు బలగాలతో సమన్వయంతో వివిధ రాష్ట్రాలలో సోదాలు కొనసాగుతున్నాయి.ఇది కూడా చదవండి: కమ్రా టీ షర్టు వివాదం: ఉతికి ఆరేసిన బీజేపీ, శివసేన

అనంతపురం: కారును వేగంగా వెనక్కు తీస్తుండగా చోటు చేసుకున్న ప్రమాదంలో ఓ చిన్నారి అక్కడికక్కడే మృతి చెందాడు. పోలీసులు తెలిపిన మేరకు... పెద్దవడుగూరు మండలం ఎం.రాంపురం గ్రామానికి చెందిన దస్తగిరి, నజ్మూన్‌ దంపతులు ఆరేళ్ల క్రితం నగరానికి వలసవచ్చారు. నగర శివారులోని చంద్రబాబు కొట్టాలలో నివాసముంటున్న వీరికి ఓ కుమార్తె, కుమారుడు ఆసీఫ్‌ (15 నెలలు) ఉన్నారు. ఏటీఎం క్యాష్‌ డిపాజిట్‌ చేసే ప్రైవేట్‌ ఏజెన్సీకి చెందిన వాహనానికి దస్తగిరి డ్రైవర్‌గా పనిచేస్తూ కుటుంబాన్ని పోషించుకుంటున్నాడు. బుధవారం ఉదయం విధులకు హాజరయ్యేందుకు బయలుదేరిన తండ్రి వెంట ఆసీఫ్‌ పడ్డాడు. తాను కూడా వెంట వస్తానని మారాం చేశాడు. అతి కష్టంపై కుమారుడికి నచ్చచెప్పి దస్తగిరి వెళ్లిపోయాడు. దీంతో రోడ్డుపై నిలబడి తండ్రి వెళుతున్న వైపే దీనంగా చూస్తూ ఆసీఫ్‌ నిల్చుండిపోయాడు. అదే సమయంలో దస్తగిరి ఇంటికి సమీపంలోనే నివాసముంటున్న ఫ్రూట్స్‌ మండీ మేసీ్త్ర రఘు కారును అతని మిత్రుడు తీసుకెళ్లే ప్రయత్నంలో రివర్స్‌ గేర్‌లో వెనకకు వచ్చాడు. ఇరుకు సందులో రోడ్డుపై చిన్నారి నిలబడిన విషయాన్ని గుర్తించలేక వేగంగా వెనకకు దూసుకొచ్చాడు. ఘటనలో కారు ఢీకొనడంతో ఆసీఫ్‌ కిందపడ్డాడు. చిన్నారి తలమీదుగా కారు వెనుక చక్రం దూసుకెళ్లింది. అదే సమయంలో తల్లి నజ్మూన్‌ గట్టిగా కేకలు వేయడంతో వాహనాన్ని నిలిపి డ్రైవర్‌ పరారయ్యాడు. సమాచారం అందుకున్న ట్రాఫిక్‌, అనంతపురం నాల్గో పట్టణ పోలీసులు అక్కడకు చేరుకుని పరిశీలించారు. బాలుడి మృతదేహాన్ని ఆస్పత్రికి తరలించేందుకు ప్రయత్నించగా బాధిత కుటుంబసభ్యులు అడ్డుకున్నారు. ప్రమాదానికి కారకులైన వారి ఇంటి ఎదుట ఆందోళనకు దిగారు. ఇంటి ముందు గొయ్యి తవ్వి అక్కడే తమ బిడ్డను ఖననం చేస్తామని చెప్పడంతో పోలీసులు జోక్యం చేసుకుని బాధిత కుటుంబసభ్యులకు సర్దిచెప్పారు. ఘటనపై కేసు నమోదు చేసి, దర్యాప్తు చేపట్టినట్లు ట్రాఫిక్‌ సీఐ వెంకటేష్‌ నాయక్‌ తెలిపారు.

సాక్షి, బెంగళూరు: కారు డ్రైవర్‌కు మద్యం తాగించి కారుతో పరారైన రౌడీషీటర్‌ మేకె మంజ (27), అతని భార్య వేదవతి అలియాస్‌ జ్యోతి (25)ని యలహంక ఉపనగర పోలీసులు అరెస్టు చేశారు. డిసిపి అనూప్‌ శెట్టి తెలిపిన మేరకు వీరు ఇటీవల రాత్రి 10.30 సమయంలో నాగేనహళ్లి గేట్‌ దగ్గర ఓలా కార్‌ను బుక్‌ చేసి నగరంలోని వివిధ ప్రదేశాలు తిరిగారు. డ్రైవర్‌ శివశంకర్‌తో మంచిగా మాట్లాడుతూ డాబాలో పార్టీ చేసుకుందామని తీసుకెళ్లి అతనికి ఫుల్లుగా మద్యం తాగించారు. మత్తులో డ్రైవర్‌ కారులో పడుకుని ఉండగా మంజ తాళాలు తీసుకుని నడుపుకొంటూ వెళ్లి రాజనుకుంటె దగ్గర డ్రైవర్‌ను బయటికి తోసేసి, అతని మొబైల్‌ను తీసుకుని ఉడాయించారు. మత్తు నుంచి తేరుకున్న డ్రైవర్‌ యలహంక ఉపనగర పోలీసులకు ఫిర్యాదు చేయడంతో గాలింపు జరిపి ఘరానా జంటను అరెస్టు చేసి కారు, రెండు మొబైళ్లను స్వాధీనం చేసుకున్నారు. మంజపై హత్య, హత్యాయత్నం, దోపిడీ కేసులు ఉన్నాయి.  చదవండి: (లేవరా.. ఒక్కసారి నన్ను చూడరా!)

ఆయనో డాక్టర్.. కానీ మానవత్వం మరిచి ఓ మూగజీవాన్ని దారుణంగా హింసించాడు. దీంతో, ఈ ఘటన సోషల్ మీడియాలో వైరల్‌ కావడంతో అతను చేసిన పనికి నెటిజన్లు దుమ్మెతిపోస్తున్నారు. పోలీసులు సైతం కేసు నమోదు చేశారు. ఇంతకీ ఏం జరిగిందంటే.. వివరాల ప్రకారం, రాజస్థాన్‌లోని జోధ్‌పూర్‌లో ఓ కారు డ్రైవర్‌.. ఓ కుక్కను తన కారుకు కట్టి నడిరోడ్డు మీద లాక్కెళ్లాడు. కారును స్పీడ్‌గా డ్రైవ్‌ చేయడంతో కుక్క వేగంగా పరిగెత్తలేక కిందపడిపోయింది. అయినప్పటికీ అతను మాత్రం కారును ఆపలేదు. కాగా, కారు వెనుక వస్తున్న ఓ బైకర్‌.. కారును అడ్డుకునే పయత్నం చేశాడు. కారుకు బైకును అడ్డంగా పెట్టడంతో డ్రైవర్‌ కారును ఆపాడు. ఈ క్రమంలో అక్కడున్న మరికొంత మంది కారు వద్దకు చేరుకుని కుక్కను విడిపించారు. ఈ ప్రమాదంలో కుక్కకు తీవ్ర గాయాలు కాగా ఆసుప్రతికి తరలించారు. అనంతరం.. డ్రైవర్‌ను ఎందుకిలా చేస్తున్నావని ప్రశ్నించాడు. అయితే, ఈ దారుణానికి ఒడిగట్టింది డాక్టర్‌ రజనీష్‌ గ్వాలాగా గుర్తించారు. దీంతో, ఈ ఘటనపై కొందరు వ్యక్తులు పోలీసులు, ఎన్జీవోకు ఫిర్యాదు చేశారు. దీంతో, ఎన్జీవోల ఫిర్యాదు మేరకు పోలీసులు జంతు హింస చట్టం కింద కేసు నమోదు చేసినట్టు తెలిపారు. ఇక, ఈ వీడియో సోషల్‌ మీడియాలో వైరల్‌గా మారింది. దీనిపై నెటిజన్లు స్పందిస్తూ.. డాక్టర్‌కు కనికరం లేదని, మానవత్వం అంటే తెలియదని కామెంట్స్‌ చేస్తున్నారు. The person who did this he is a Dr. Rajneesh Gwala and dog legs have multiple fracture and this incident is of Shastri Nagar Jodhpur please spread this vidro so that @CP_Jodhpur should take action against him and cancel his licence @WHO @TheJohnAbraham @Manekagandhibjp pic.twitter.com/leNVxklx1N — Dog Home Foundation (@DHFJodhpur) September 18, 2022

సాక్షి, నెల్లూరు: కారుతో ఉడాయించిన డ్రైవర్‌పై పోలీసులు కేసు నమోదు చేశారు. పోలీసుల సమాచారం మేరకు.. ఆత్మకూరులో లైన్‌మెన్‌గా పనిచేస్తున్న అదే మండలం అప్పారావుపాళేనికి చెందిన పెంచలయ్యకు హ్యుండయ్‌ వెన్యూ కారు ఉంది. యాక్టింగ్‌ డ్రైవర్‌గా అప్పారావుపాళేనికి చెందిన బాలకృష్ణ పనిచేసేవారు. డయాలసిస్‌ నిమిత్తం పెంచలయ్య, ఆయన భార్యను ఆస్పత్రికి కారులో సోమవారం తీసుకొచ్చారు. వారు ఆస్పత్రి లోపలికి వెళ్లగా, అదునుగా భావించిన బాలకృష్ణ కారుతో ఉడాయించాడు. రాత్రి ఏడు గంటలకు బయటకొచ్చిన పెంచలయ్య ఆయనకు ఫోన్‌ చేయగా స్విచ్ఛాఫ్‌ వచ్చింది. బెంగళూరు సమీపంలోని టోల్‌ప్లాజాను కారు దాటినట్లు పెంచలయ్య ఫోన్‌కు మంగళవారం ఉదయం మెసేజ్‌ వచ్చింది. బాధితుడి ఫిర్యాదు మేరకు దర్గామిట్ట పోలీసులు కేసు దర్యాప్తు చేస్తున్నారు.   

ఒంగోలు(ప్రకాశం జిల్లా): మంత్రి జోగి రమేష్‌ ప్రయాణిస్తున్న కారుకు త్రుటిలో ప్రమాదం తప్పింది. ఆయన సోమవారం ఉదయం చిలకలూరిపేట నుంచి నెల్లూరుకు కారులో వెళ్తుండగా ప్రకాశం జిల్లా ఒంగోలు సమీపంలోని పెళ్లూరు వద్ద జాతీయ రహదారిపై ఈ ఘటన చోటుచేసుకుంది. జాతీయ రహదారిపై పనుల నిమిత్తం ట్రాఫిక్‌ క్రమబద్ధీకరణలో భాగంగా దారి మళ్లింపు బ్యారికేడ్లు ఏర్పాటు చేశారు. చదవండి: చినరాజప్ప ప్రధాన అనుచరుడు పల్లంరాజు అరెస్టు  డివైడర్‌పై ఏర్పాటు చేసిన కోన్‌లు హోరు గాలికి ఎగిరి రోడ్డుకు అడ్డంగా పడటంతో మంత్రి కాన్వాయ్‌లోని ఓ కారు డ్రైవర్‌ సడన్‌ బ్రేక్‌ వేశాడు. దీంతో కాన్వాయ్‌లోని కార్లు ఒకదానిని మరొకటి ఢీకొనడంతో పాటు పక్కనే ఉన్న డివైడర్‌ను ఢీకొన్నాయి. మంత్రి జోగి రమేష్‌ ప్రయాణిస్తున్న కారు కూడా అదుపు తప్పినప్పటికీ.. ఆయనకు ఎలాంటి ప్రమాదం జరగలేదు. వెంటనే మరో కారులో ఎక్కి ఆయన వెళ్లిపోయారు. హైవే మొబైల్‌ సిబ్బంది, తాలూకా సీఐ శ్రీనివాసరెడ్డి హుటాహుటిన ఘటనా స్థలానికి చేరుకుని పరిశీలించారు. ప్రమాదానికి కారణమైన కారును పక్కకు తొలగించారు. 

సాక్షి, తూర్పుగోదావరి: కారులో డ్రైవర్‌ సుబ్రహ్మణ్యం మృతదేహం లభ్యమైన ఘటనపై ఎమ్మెల్సీ అనంత ఉదయ్‌బాబు వివరణ ఇచ్చారు. సుబ్రహ్మణ్యం తన దగ్గర ఐదేళ్లుగా డ్రైవర్‌గా పనిచేస్తున్నాడని, అయితే.. రెండు నెలల నుంచి సరిగా పనిలోకి రావడం లేదని చెప్పారు. మద్యం అలవాటు ఉండటంతో ద్విచక్రవాహనంపై అనేకసార్లు ప్రమాదానికి గురైనట్లు ఎమ్మెల్సీ తెలిపారు. గత రాత్రి కూడా సుబ్రహ్మణ్యం యాక్సిడెంట్‌కు గురైనట్టు తెలియడంతో అతని తల్లిదండ్రులకు సమాచారం ఇచ్చానని పేర్కొన్నారు.   చికిత్స కోసం కాకినాడ అమృత ఆసుపత్రికి తీసుకెళ్లామని, అతని తల్లిదండ్రులు కూడా ఆసుపత్రికి వచ్చారని ఎమ్మెల్సీ స్పష్టం చేశారు. సుబ్రమణ్యం మృతి చెందడంతో మృతదేహాన్ని వారి స్వగ్రామానికి తీసుకువెళతామని చెప్పడంతో  కారులో అపార్ట్‌మెంట్‌ వద్దకు పంపించినట్టు వెల్లడించారు. కాకినాడ ఎఎస్పీ శ్రీనివాస్ ఏమన్నారంటే? ‘నిన్న రాత్రి సుబ్రహ్మణ్యం తన స్నేహితుడు మణికంఠతో కలిసి బయటకు వెళ్ళాడు. రాత్రి 12 గంటల తరువాత సుబ్రహ్మణ్యం రోడ్డు  ప్రమాదానికి గురై అమృత ఆసుపత్రిలో ఉన్నాడని ఎమ్మెల్సీ అనంతబాబు మృతుని కుటుంబ సభ్యులకు ఫోన్ చేసి సమాచారం అందించారు. సుబ్రహ్మణ్యం మృతి చెందాడని అమృత ఆసుపత్రి వైద్యులు నిర్ధారించాక బాడీని తల్లిదండ్రుల వద్ద వదిలి వెళ్ళారు. దీనిపై సర్పవరం పోలీసు స్టేషన్‌లో కేసు నమోదు చేసి దర్యాప్తు చేస్తున్నాం. చదవండి: బోడె... మామూలోడు కాదు.. ఆది నుంచీ అంతే!

సాక్షి, చెన్నై: రాష్ట్రవ్యాప్తంగా సంచలనం కలిగించిన మైలాపూర్‌ వృద్ధ దంపతుల హత్య కేసులో విస్తుపోయే విషయాలు వెలుగు చూస్తున్నాయి. ఇంట్లో బిడ్డగా ఆదరిస్తే...చివరకు వృద్ధ దంపతుల పాలిట ఆ నేపాలీ డ్రైవర్‌ యముడయ్యాడు. రూ.40 కోట్ల కోసం ఆ ఇద్దర్ని చిత్ర హింసలకు గురి పెట్టి చంపేశాడు. నగదు దొరక్క పోవడంతో ఇంట్లో ఉన్న నగలతో ఉడాయించి ఆంధ్ర రాష్ట్రం ఒంగోలులో పట్టుబడ్డాడు. ఫిర్యాదు వచ్చిన 6 గంటలలోనే ఆంధ్రా పోలీసుల సహకారంతో నిందితులను అదుపులోకి తీసుకున్నట్లు మైలాపూర్‌ అసిస్టెంట్‌ కమిషనర్‌ కన్నన్‌ తెలిపారు. చదవండి: బ్యాచిలర్స్‌ అద్దెకుంటున్న ఇంట్లో మహిళ అనుమానాస్పద మృతి నేపథ్యం ఇదీ..  చెన్నై మైలాపూర్‌లో వృద్ధ దంపతుల్ని హతమార్చి బంగారు నగలు, వెండి వస్తువులతో తప్పించుకు వెళ్తున్న నేపాల్‌కు చెందిన లాల్‌ కృష్ణ(45), అతడి మిత్రుడు రవి రాయ్‌(45)ను ఒంగోలు వద్ద శుక్రవారం అరెస్టు చేసిన విషయం తెలిసిందే. పట్టుబడ్డ నిందితులను చెన్నైకు తీసుకొచ్చి ప్రశ్నించారు. 11 ఏళ్లుగా ఇంట్లో ఒకడిగా..  మైలాపూర్‌కు చెందిన ఆడిటర్‌ శ్రీకాంత్‌(60), అనురాధ(55) దంపతులకు చెన్నై శివారులోని నెమలిచ్చేరిలో ఫామ్‌ హౌస్‌ ఉంది. ఇక్కడ నేపాల్‌కు చెందిన లాల్‌ కిషన్‌ 20 ఏళ్లుగా సెక్యూరిటీగా పనిచేశాడు. ఆ కుటుంబానికి ఎంతో నమ్మకస్తుడిగా ఉండే వాడు. అనారోగ్య సమస్యలతో లాల్‌ కిషన్‌ నేపాల్‌కు వెళ్లి పోయాడు. అదే సమయంలో నేపాల్‌ నుంచి వచ్చిన లాల్‌ కిషన్‌ కుమారుడు లాల్‌ కృష్ణ ఆ ఇంట్లో డ్రైవర్‌గా చేరారు. 11 ఏళ్ల పాటుగా ఆ ఇంట్లో ఒకడిగా లాల్‌ కృష్ణ మెలిగాడు. మూడు నెలలుగా పథకం..  మూడు నెలల క్రితం కారులో వెళ్తున్న సమయంలో ఓ స్థలం అమ్మకం విషయంగా ఎవరితోనో శ్రీకాంత్‌ ఫోన్లో మాట్లాడటాన్ని లాల్‌ కృష్ణ గమనించాడు. ఆ బేరం రూ.40 కోట్లకు కుదిరినట్టు, ఆ సొమ్ము ఇంట్లో ఉన్నట్టుగా తెలుసుకున్నాడు. ఈ సొమ్ముపై కన్నేసిన లాల్‌కృష్ణ జీవితంలో స్థిర పడేందుకు ఇదే సమయంగా భావించాడు. అదే సమయంలో ఈ దంపతులు ఇద్దరు తమ కుమార్తె సునంద ప్రసవం నిమిత్తం అమెరికాకు వెళ్లి పోయారు. ఆ నగదు కోసం ఫామ్‌ హౌస్, ఇళ్లు అంతా గాలించినా ఎక్కడ చిక్కలేదు. ఈ పరిస్థితుల్లో డార్జిలింగ్‌కు చెందిన మరో డ్రైవర్‌ రవిరాయ్‌కు తన పథకాన్ని వివరించారు. అతడు అంగీకరించడంతో విదేశాల నుంచి ఆ దంపతులు రాగానే అమలుకు ఇద్దరూ సిద్ధమయ్యారు.  ముందుగానే గోతిని తవ్వి శుక్రవారం వేకువ జామున దుబాయ్‌ మీదుగా చెన్నైకు వచ్చి దంపతుల్ని లాల్‌ కృష్ణ  కారులో ఎక్కించుకుని మైలాపూర్‌ ఇంటికి వెళ్లారు. అక్కడ రవిరాయ్‌ సాయంతో ఇద్దర్ని కట్టి పడేశాడు. రూ. 40 కోట్ల కోసం చిత్ర హింసలు పెట్టారు. చెప్పకపోవడంతో శ్రీకాంత్, అనురాధను కర్రతో కొట్టి చంపేశారు. చివరికి నగదు దొరక్క పోగా, దంపతుల వద్ద ఉన్న తాళం తీసుకుని ఇంట్లోని లాకర్, అలమారాల్లో ఉన్న నగలు, వెండి వస్తువుల్ని ఎత్తుకుని కారులో పెట్టారు. అలాగే, ఆ దంపతుల మృత దేహాల్ని గోనెసంచుల్లోకి కుక్కి కారులో పడేశారు. ఇంటిని శుభ్రం చేసి, అక్కడి నుంచి నెమలిచ్చేరిలోని ఫామ్‌హౌస్‌కు చేరుకున్నారు. ముందుగా అక్కడ తవ్వి పెట్టిన గోతిలో ఇద్దర్ని పాతి పెట్టి నేపాల్‌కు తప్పించుకు వెళ్లే యత్నం చేశారు. మృతదేహాల వెలికితీత..  ఒంగోలు నుంచి నిందితులు ఇద్దరిని చెన్నైకు ఆదివా రం పట్టుకొచ్చారు. వీరి వద్ద నుంచి 9 కేజీల బంగా రు ఆభరణాలు, 70 కేజీల వెండి వస్తువుల్ని, విదేశా ల నుంచి ఆ దంపతులు తీసుకొచ్చిన ఐదు బ్యాగుల్ని, అందులో ఉన్న వస్తువుల్ని స్వా«దీనం చేసుకున్నా రు. శ్రీకాంత్, అనురాధా దంపతుల్ని పాతి పెట్టిన చోటే వారి సెల్‌ఫోన్లను ఈ నిందితులు తగల పెట్టి ఉండటం వెలుగు చూసింది. వైద్యులు, రెవిన్యూ అధికారుల సమక్షంలో మృతదేహాల్ని వెలికి తీశారు. పోస్టుమార్టం అనంతరం రాయపేట ఆస్పత్రికి తర లించారు. అసిస్టెంట్‌ కమిషనర్‌ కన్నన్‌ మాట్లాడుతూ ఆడిటర్‌ కారు, నిందితులు ఉపయోగించిన సెల్‌ నెంబర్ల ఆధారంగా తమ ప్రత్యేక బృందాలు ఆంధ్రా వైపుగా దూసుకెళ్లాయని వివరించారు. ఆంధ్రా పోలీసుల సహకారంతో ఒంగోలులో అరెస్టు చేశామని తెలిపారు. వీరు నేపాల్‌కు పారి పోయి ఉంటే, ఇంటర్‌ పోల్‌సాయంతో పట్టుకునేందుకు కనీసం రెండేళ్లు సమయం పట్టి ఉండేదన్నారు. రూ. 40 కోట్ల కోసమే ఈ హత్యలు చేసినట్లు పేర్కొన్నారు. ఈ ఇద్దరిపై ఇప్పటి వరకు ఎలాంటి కేసులు లేవని, సమగ్ర దర్యాప్తు జరుగుతోందని వివరించారు.   6 గంటల్లోనే కేసు ఛేదించాం..  తల్లిదండ్రుల ఫోన్లు పనిచేయక పోవడం, లాల్‌ కృష్ణ స్పందించక పోవడంతో అనుమానం వచ్చిన కుమార్తె సునంద బంధువులకు సమాచారం ఇచ్చారు. శుక్రవారం మధ్యాహ్నం తమకు ఫిర్యాదు రాగానే, మైలాపూర్‌ అసిస్టెంట్‌ కమిషనర్‌ కన్నన్‌ సీసీ కెమెరాలను పరిశీలించారు. శ్రీకాంత్‌ ఇన్నోవా కారు తొలుత నెమలిచ్చేరి వైపుగా వెళ్లడం, మళ్లీ నగరంలోకి వచ్చి ఆంధ్రా వైపుగా వెళ్లడాన్ని గుర్తించారు. ఆంధ్రా పోలీసుల్ని అప్రమత్తం చేయడంతో ఒంగోలు టోల్‌గేట్‌ వద్ద           నిందితులు ఇద్దరూ పట్టుబడ్డారు.   

యశవంతపుర: విద్యార్థినిని రోజు కాలేజీకి తీసుకెళ్తున్న కారు డ్రైవర్‌ ప్రేమ పేరుతో నమ్మించి పెళ్లి చేసుకున్న ఘటన విజయపుర జిల్లా జాలగేరి గ్రామంలో జరిగింది. విజయపురలో ఒక కుటుంబం వద్ద కారు డ్రైవర్‌గా పని చేస్తున్న సోమలింగ ఆ కుటుంబానికి చెందిన అక్షతను రోజూ బైక్‌పై కాలేజీ వద్ద వదిలేవాడు. ఈ సమయంలో మాయమాటలు చెప్పి ఆమెతో ప్రేమాయణం మొదలుపెట్టాడు. అయితే సోమలింగకు పెళ్లయి ఇద్దరు పిల్లలున్నారు. బీకాం పూర్తి చేసిన అక్షత మేజర్‌ కావడంతో ఇటీవల ఇద్దరూ పెళ్లి చేసుకుని రిజిస్ట్రార్‌ ఆఫీసులో కూడా నమోదు చేసుకున్నారు. సోమలింగ, అతని మొదటి భార్యతో కలిసి అన్యోన్యంగా జీవిస్తానని అక్షత చెప్పడం గమనార్హం. పుట్టింటి నుంచి హాని ఉందని ఆదివారం జిల్లా ఎస్పీకి రక్షణ కోసం విజ్ఞప్తి చేసింది. ఈ తతంగం చూసి జిల్లావాసులు ఆశ్చర్యపోయారు.

సాక్షి, సిద్దిపేట/సిద్దిపేట కమాన్‌: సిద్దిపేట పట్టణంలో సోమవారం మధ్యాహ్నం కాల్పుల కలకలం చెలరేగింది. నంబర్‌ ప్లేట్‌ లేని బైక్‌పై వచ్చిన ఇద్దరు దుండగులు సినీ ఫక్కీలో ఓ కారు డ్రైవర్‌పై కాల్పులు జరిపి అందులోని రూ. 43.5 లక్షలను దోచుకెళ్లారు. ఈ సమాచారం అందుకొని వెంటనే ఘటనాస్థలికి చేరుకున్న పోలీసులు... గాయపడిన డ్రైవర్‌ను ప్రభుత్వ ఆస్పత్రికి తరలించి ఆ ప్రాంతాన్ని అధీనంలోకి తీసుకున్నారు. ఈ ఉదంతంపై బాధితుడి ఫిర్యాదుతో కేసు నమోదు చేసి దర్యాప్తు ప్రారంభించారు. నిందితులను పట్టుకొనేందుకు జిల్లావ్యాప్తంగా 15 బృందాలను రంగంలోకి దించారు. సిద్దిపేట పట్టణంలోని అన్ని సీసీ ఫుటేజీలను పరిశీలిస్తామని ఘటనాస్థలిని పరిశీలించేందుకు వచ్చిన పోలీసు కమిషనర్‌ శ్వేత తెలిపారు.  పోలీసులు, బాధితుల కథనం ప్రకారం సిద్దిపేట పట్టణంలోని హౌసింగ్‌ బోర్డులో నివసించే చేర్యాల మండలం దొమ్మాట మాజీ సర్పంచ్‌ వకులా భరణం నర్సయ్య టీచర్స్‌ కాలనీలోని తన 176 గజాల స్థలాన్ని సిద్దిపేటలోని హనుమాన్‌నగర్‌కు చెందిన ప్రభుత్వ ఉపాధ్యాయుడు కన్నయ్యగారి శ్రీధర్‌రెడ్డికి విక్రయించేందుకు ఒప్పందం చేసుకున్నాడు. గజం భూమి రూ. 36,500 చొప్పున 176 గజాలకు రూ.64.24 లక్షలు చెల్లించేందుకు శ్రీధర్‌ రెడ్డి అంగీకరించి గతేడాది డిసెంబర్‌ 19న రూ. 16.06 లక్షలను అడ్వాన్స్‌గా చెల్లించాడు. సోమవారం రిజిస్ట్రేషన్‌ ప్రక్రియలో భాగంగా సిద్దిపేట అర్బన్‌ సబ్‌ రిజిస్ట్రార్‌ కార్యాలయం సమీపంలో డాక్యుమెంట్‌ రైటర్‌ దగ్గరకు వారిద్దరూ వచ్చారు. ఆ స్థలానికి వీధిపోటు ఉండటంతో కొంత ధర తగ్గించాలని నర్సయ్యను శ్రీధర్‌రెడ్డి కోరగా ఆయన అగ్రిమెంట్‌ ధరకంటే రూ. 1.29 లక్షలు తగ్గించాడు. దీంతో రూ. 48.18 లక్షల తుది చెల్లింపులో భాగంగా సోమవారం రూ. 43.50 లక్షల నగదు, మరో రూ 1.76 లక్షలకు చెక్కు ఇచ్చాడు. మిగితా రూ. 1.63 లక్షలను సాయంత్రం ఇస్తానని శ్రీధర్‌ రెడ్డి చెప్పారు. డబ్బు తీసుకున్న నర్సయ్య ఆ బ్యాగును తన కారు (టీఎస్‌15ఈఈ7127) డ్రైవర్‌ రంగు పరుశరాములుకు ఇచ్చాడు. ఆపై మధ్యా హ్నం 12:40 గంటలకు రిజిస్ట్రేషన్‌ కార్యాలయంలోకి వెళ్లి మధ్యాహ్నం 1:05 గంటలకు ప్రక్రియ పూర్తిచేసుకున్నారు.  అరగంటపాటు దుండగుల రెక్కీ...  కొనుగోలుదారుడైన శ్రీధర్‌రెడ్డి రూ. 43.5 లక్షలను నర్సయ్య డబ్బులు చెల్లించడం, ఆయన ఆ సొమ్మును ఎలక్ట్రానిక్‌ మిషన్‌ ద్వారా లెక్కించి ఎర్రటి రంగు ఉన్న బ్యాగులో పెట్టి డ్రైవర్‌కు అప్పగించడాన్ని ఇద్దరు దుండగులు చూస్తూ అరగంటకుపైగా అక్కడే రెక్కీ నిర్వహించారు. ఈ దృశ్యాలన్నీ అక్కడి సీసీ కెమెరాలో రికార్డయ్యాయి. ఆపై మధ్యాహ్నం 1.10 గంటల సమయంలో ఇన్నోవా కారు దగ్గరికి ఇద్దరు దుండగులు బైక్‌పై వచ్చారు. కారు డ్రైవర్‌ను తలుపు తీయాలని 9 ఎంఎం పిస్టల్‌తో ఓ దుండగుడు బెదిరించగా డ్రైవర్‌ అప్ర మత్తమై వాహనాన్ని స్టార్ట్‌ చేసి నడిపే ప్రయత్నం చేశాడు. ఆ సమయంలో దుండగుడు గన్‌ను రివర్స్‌లో పెట్టి కారు అద్దాన్ని పగలగొట్టాడు. నుదిటిపై గన్‌ పెట్టడంతో డ్రైవర్, దుండగుడు మధ్య పెనుగులాట జరిగింది. ఈ క్రమంలో కాల్పులు జరగడంతో డ్రైవర్‌ ఎడమ తోడలోకి బుల్లెట్‌ దూసుకెళ్లి బయటకు వచ్చింది. ఆ సమయంలో పిస్టల్‌ కారులోనే పడిపోయింది. ఈ క్రమంలో వాహనం ఎడమ పక్కన నుంచి మరో దుండగుడు డోర్‌ తీసి ముందు సీట్లో ఉన్న డబ్బుల బ్యాగు తీసుకున్నాడు. అనం తరం ఇద్దరూ బైక్‌పై పరారయ్యారు. గాయపడ్డ డ్రైవర్‌ తన యజమానికి సమాచారం అందించేందుకు కారు దిగి సబ్‌ రిజిస్ట్రార్‌ కార్యాలయం వైపు పరుగెత్తాడు.  తుపాకీని తీసేందుకు 3 గంటల నిరీక్షణ!  కారులో దుండగులు వదిలేసిన పిస్టల్‌ను బయటకు తీసేందుకు మూడున్నర గంటలకుపైగా సమయం పట్టింది. తుపాకీ అన్‌లాక్‌ అయి ఉండటం, పైగా డ్రైవర్‌ సీటుకు, డోర్‌కు మధ్య అది ఇరుక్కుపోవడంతో దాన్ని తీసే క్రమంలో ఫైరింగ్‌ జరగొచ్చని భావించిన పోలీసులు నిపుణులు వచ్చే వరకు వేచిచూశారు. అనంతరం సీపీ సమక్షంలో గన్‌ను దస్తావేజులు రూపొందించే గదిలోకి నిపుణుడైన శేఖర్‌ తీసుకెళ్లి దాన్ని లాక్‌చేసి సీజ్‌ చేశారు. క్లూస్‌ టీం సభ్యులు తుపాకీపై వేలిముద్రలతోపాటు రక్తపు మరకలను సేకరించారు. మాఫియా ముఠాలు వాడే తుపాకీలా అది ఉన్నట్లు పోలీసులు భావిస్తున్నారు. మరోవైపు రెండు రౌండ్ల కాల్పులు జరిపినట్లు రిజిస్ట్రేషన్‌ కార్యాలయ ఆవరణలో ఉన్న వారు చెబుతుండగా ఒక తూటా క్యాప్‌ మాత్రమే పోలీసులకు లభ్యమైంది. దీంతో దుండగుడు ఎన్ని రౌండ్లు కాల్పులు జరిపాడనే దానిపైనా పోలీసులు దర్యాప్తు చేస్తున్నారు.  కొనుగోలుదారుడిపైనే అనుమానం: నర్సయ్య  తన సొమ్ము చోరీ ఘటన విషయంలో ప్లాట్‌ కొనుగోలు చేసిన శ్రీధర్‌రెడ్డిపైనే తనకు అనుమానం ఉందని స్థలం విక్రేత నర్సయ్య మీడియాతో మాట్లాడుతూ చెప్పాడు.  నేను తప్పు చేయలేదు: శ్రీధర్‌రెడ్డి  ప్రభుత్వ ఉపాధ్యాయుడినైన తాను ఎలాంటి తప్పూ చేయలేదని స్థలం కొనుగోలుదారుడు శ్రీధర్‌రెడ్డి వివరించాడు. నిజం నిలకడ మీద తెలుస్తుందని.. పోలీసుల విచారణకు సహకరిస్తానని పేర్కొన్నాడు.  గతంలోనే గొడవలు...  క్రయవిక్రయదారుల మధ్య అగ్రిమెంట్‌ కుదిరినప్పటి నుంచి సెట్‌ బ్యాక్, వీధిపోటు విషయమై గొడవలు జరిగాయి. అయితే పెద్ద మనుషులు సర్దిచెప్పడంతో వారు సోమవారం రిజిస్ట్రేషన్‌ కార్యాలయానికి చేరుకున్నారు. ఘటన జరిగిన అనంతరం విక్రయించిన వ్యక్తి నర్పయ్య మీడియాతో మాట్లాడుతూ ప్లాట్‌ విషయం గతంలో గొడవ జరిగిందన్నారు.   ఎప్పుడు...సోమవారం మధ్యాహ్నం 12:40 గం. ఏం జరిగింది? 176 గజాల స్థలానికి సిద్దిపేట అర్బన్‌ రిజిస్ట్రేషన్‌ కార్యాలయం వద్ద క్రయవిక్రయదారుల మధ్య ఒప్పందం కుదిరింది. రూ.43.50 లక్షల నగదును విక్రేత తన కారులో ఉన్న డ్రైవర్‌కు ఇచ్చాడు. మధ్యాహ్నం 1:05గం.కు రిజిస్ట్రార్‌ ఆఫీస్‌లో రిజిస్ట్రేషన్‌ ప్రక్రియ పూర్తి. ఎలా జరిగింది? మధ్యాహ్నం 1:10 గంటలకు కారు దగ్గరికి నంబర్‌ ప్లేట్‌ లేని పల్సర్‌ బైక్‌పై ఇద్దరు గుర్తుతెలియని దుండగులు వచ్చారు. కారు డ్రైవర్‌ను తుపాకీతో బెదిరించి కిటికీ అద్దం తెరవాలని బెదిరించారు. మాటవినకపోవడంతో అద్దం పగలగొట్టి డ్రైవర్‌పై దాడికి ఓ దుండగుడు యత్నించాడు. పెనుగులాటలో కారు డ్రైవర్‌ తొడలోకి బుల్లెట్‌ దూసుకెళ్లింది. డబ్బు సంచి తీసుకొని దుండగులు పరారయ్యారు. 

US woman left the trunk of her car: ప్రసుతం ప్రజలంతా ఒమిక్రాన్‌ వైరస్‌తో హడలెత్తిపోతుంటే ఒక పక్క ఈ దొంగల బెడద తప్పడం లేదు. ఈ వైరస్‌ మహమ్మారికి భయపడి చాలామటుకు ప్రజలంత తమ సోంత కార్లు లేదా(క్యాబ్‌ బుక్‌ చేసుకుని) ఎక్కడికైన వెళ్లేందుకు ప్రయత్నిస్తున్నారు. ఇదే అదునుగా చేసుకుని మార్గ మధ్యలో దోపిడి దారులు రెచ్చిపోయి కార్లను ఆపి లూటీ చేస్తున్నారు. ఈ క్రమంలో వారు కార్లను ధ్వంసం కూడా చేస్తున్నారు. అచ్చం అదే తరహాతో యూఎస్‌లోని దొంగలు దోపిడి చేయబోతుంటే ఒక మహిళ మాత్రం తెలివిగా తన కారుని ధ్వంసం చేయనివ్వకుండా కాపాడుకుంది. (చదవండి: తగ్గేదేలే! నువ్వు ముందు విమానం నుంచి దిగిపో!) అసలు విషయంలోకెళ్లితే...కాలిఫోర్నియాలోని పారిసా హెమ్మత్, శాన్‌ఫ్రాన్సిస్కో బే ప్రాంతాల్లో దోపిడిదారులు చోరబడి విధ్వంసం సృష్టించారు. అక్కడ ఉన్న ప్రజల వద్ద నుంచి విలువైన వస్తువులు, డబ్బులు లాక్కోవడం వంటివి చేశారు. ఈ క్రమంలో వారు రహదారులపై ఉన్న కార్లులో వస్తున్న వాళ్లను సైతం ఆపి కారు పగలు గొట్టి భయబ్రాంతులకు గురి చేసి విలువైన వస్తువులను బలవంతంగా లాక్కుంటున్నారు. ఇదే తరహాతో ఒక మహిళ దగ్గరకు రాంగానే ఆమె తన కారుని కాపాడుకునే నిమిత్తం తానే ముందుగా కారు డిక్కి ఒపెన్‌ చేసి తన కారులో ఏమిలేవు కావలంటే చూడండి అంటూ చూపించింది. దీంతో సదరు దొంగలు ఒక్కసారిగా నిర్ఘాంతపోయి ఆమెను ఏం చేయకుండా అక్కడ నుంచి దొంగలు నిష్క్రమించారు. అయితే ఒక్కోసారి మన దగ్గర అలాంటి దొంగలను ఎదిరించలేని పరిస్థితి ఏర్పడినప్పుడూ సదరు మహిళలా ముందుస్త చర్యగా కాస్త తెలివిగా వ్యవహరిస్తే చిన్న మొత్తంలోనే నష్టంతో సరిపెట్టుకోవచ్చు. ఈ మేరకు శాన్ ఫ్రాన్సిస్కో మేయర్ దోపిడి దారులను పట్టుకునేలా మరింత దూకుడుగా వ్యవహరించే కట్టుదిట్టమైన చట్టాల అమలు కోసం పిలుపునివ్వాలని గట్టి నిర్ణయాన్ని తీసుకున్నారు. (చదవండి: ఒమిక్రాన్‌ వైరస్‌ ఈ నగరాన్ని దెయ్యాల నగరంగా మారుస్తోంది!!)

India's First Dwarf Driving License: ప్రపంచంలో అందరికి ఏవేవో లోపాలు ఉంటాయి. కొంతమంది వాటిని అధిగమించి తమలో ఉన్న నైపుణ్యాలకు పదునుపెట్టి స్ఫూర్తిదాయకంగా నిలవడానికి ప్రయత్నిస్తుంటారు. అచ్చం అలానే ఇక్కడొక వ్యక్తి అలానే చేసి అందరికి స్ఫూర్తిగా నిలాచాడు. (చదవండి: అందరూ!....వెక్కిరించి అవమానించే ఏకైక వైకల్యం...నత్తి!!) అసలు విషయంలోకెళ్లితే...కరీంనగర్‌ జిల్లాకి చెందిన గట్టిపల్లి శివపాల్ సుమారు మూడు అడుగుల ఎత్తులో ఉండే 42 ఏళ్ల మరుగుజ్జు వ్యక్తి. అంతేకాదు మరుగుజ్జువాళ్లలో డిగ్రీ పూర్తి చేసిన మొదటి వ్యక్తిగా నిలిచాడు. అయితే అతన్ని ప్రజలు  తనని ఎత్తు కారణంగా హేళన చేస్తుండేవారని చెబుతున్నాడు. ఈ క్రమంలో అతను తనను తాను ఉన్నతంగా తీర్చిదిద్దుకోవడం కోసం చాలా కష్టాలు పడాల్సి వచ్చిందని, పైగా తనలాంటి వాళ్లకి ఉద్యోగం ఇచ్చేందుకు ప్రజలు కూడా సుముఖంగా లేరని వాపోయాడు. అయితే తన స్నేహితురాలి సాయంతో ఒక ప్రైవేటు కంపెనీలో ఉద్యోగం వచ్చిందని, ప్రస్తుతం తాను అక్కడే 20 ఏళ్లుగా పనిచేస్తున్నట్లు చెప్పుకొచ్చాడు. ఈ మేరకు అతను ఎక్కడికైన వెళ్లేందుకు క్యాబ్‌ బుక్‌ చేసినప్పుడల్లా వారు తన రైడ్‌ని రద్దుచేసేవారని, పైగా తన భార్యతో కలిసి బయటకి వెళ్లినప్పుడల్లా రకరకాలుగా కామెంట్లు చేసేవారని శివపాల్‌ అన్నాడు. దీంతో అప్పుడే శివపాల్‌ తానే స్వయంగా కారు నడపాలనే నిర్ణయించుకున్నాడు. పైగా అందుకోసం ఇంటర్‌నెట్‌లో విపరీతంగా సర్చ్‌  చేస్తుండేవాడు. ఈ క్రమంలోనే శివపాల్‌కి యూఎస్‌లో ఒక వ్యక్తి అప్‌లోడ్‌ చేనిన వీడియో ఒకటి అతన్ని ఆకర్షించింది. అంతేకాదు ఆ వీడియోలో కారుని తన ఎత్తుకు తగిన విధంగా సెటప్‌ చేస్తే సులభంగా డ్రైవ్‌ చేయవచ్చునని వివరించి ఉంది. దీంతో అతను అనుకున్నదే తడువుగా తన స్నేహితుడి సాయంతో డ్రైవింగ్‌ నేర్చుకున్నాడు. అయితే  రవాణా శాఖకు ఎత్తుపై కొన్ని మార్గదర్శకాలను కలిగి ఉన్నందున లైసెన్స్ పొందడం మరొక అతి పెద్ద సవాలుగా మారింది. ఈ మేరకు శివపాల్‌ అధికారులకు విజ్ఞప్తి చేసి సరైన డ్రైవింగ్‌ టెస్ట్‌ చేయించి డ్రైవింగ్‌ లైసెన్స్‌ పొందాడు. అంతేకాదు డ్రైవింగ్‌ లైసెన్స్‌ పొందిన తొలి మరుగుజ్జు వ్యక్తిగా నిలవడమే కాక  లిమ్కా బుక్ ఆఫ్ రికార్డ్స్‌కి నామినేట్‌ అయ్యాడు. దీంతో చాలామంది మరుగుజ్జు వ్యక్తులు శివపాల్‌ని  డ్రైవింగ్‌ శిక్షణ కోసం సంప్రదించడం విశేషం. అంతేకాదు శివపాల్‌ వచ్చే ఏడాది శారీరక వికలాంగుల కోసం డ్రైవింగ్ స్కూల్ ప్రారంభించాలని నిర్ణయించుకున్నట్లు తెలిపారు. (చదవండి: హే!..రెండు వారాల్లో పిల్లలకు కూడా కోవిడ్‌ వ్యాక్సిన్‌!!)

Netherland Man Sacrifices His Car: మనం సాధారణంగా రోడ్డు మీద వెళ్తున్నప్పుడూ ఏవరైనా కారు ర్యాష్‌గా డ్రైవ్‌ చేస్తే మనకు చాలా కోపం వస్తుంది. ఇన్ని భయంకరమైన ప్రమాదాలు జరిగిన అసలు వీళ్లకు బుద్ధి రాదు అని కూడా అనుకుంటాం. కానీ ఇక్కడొక వ్యక్తి కారుని ఇష్టారీతిన నడిపి ప్రమాదానికి గురవుతాడు. అయితే అతడి నిర్లక్షాన్ని క్షమించి ఆ కారుని కాపాడే ప్రయత్నం చేసి సహృదయం చాటుకున్నాడు ఓ వ్యక్తి. ఆ వివరాలు..  (చదవండి: దెయ్యంతో ఆటలాడిన భౌ.. భౌ..!! వైరల్‌...) అసలు విషయంలోకెళ్లితే....ఇక్కడ రోడ్డు పై మూడు కార్లు వెళ్తుంటాయి. అందులో ఒక కారు ఉన్నటుండి నియంత్రణ కోల్పోయి చాలా వేగంగా అటు ఇటూ రకరకాలగా వెళ్తుంటుంది. ఈ విషయాన్ని మిగత కారుల్లో ప్రయాణిస్తున్న వాళ్లు గమనిస్తారు. మొదట ఏంటి ఇలా నడుపుతున్నాడు అని వాళ్లంతా అనుకుంటారు. అయితే కాసేపటికి వాళ్లకు అసలు విషయం అర్థమవుతోంది. ఆ కారుని నడుపుపతున్న మహిళ స్పృహ తప్పి పడిపోయిందని అందువల్లే కారు ఇష్టమొచ్చినట్లుగా వెళ్తోంది అని. అయితే ఆమెను ఎలాగైన కాపాడాలని అదే సమయంలో అక్కడ ప్రయాణిస్తున్న మిగతా కార్లలోని వాళ్లు అనుకుంటారు. అంతేకాదు అనుకున్నదే తడువుగా ఆమె కారు వెళ్లేందకు దారి ఇచ్చేసి తర్వాత ఆమె కారుకి ముందు ఒక కారుని అడ్డంగా పెట్టి ఢీ కొట్టేలా చేసి ఆపుతారు. అంతేకాదు ఆమె కారు వెనుక భాగంలో కూడా మరో కారు వచ్చి ఢీకొట్టి ఆ కారుని ఆపడానికి ప్రయత్నిస్తారు. ఆ తర్వాత ఆ కారు నడుపుతున్న మహిళను కాపాడతారు. అంతేకాదు రోడ్డుపై ఎటువంటి ప్రమాదం జరగకుండా చూడటమే కాక తన కారుని అడ్డంగా పెట్టి రిస్క్‌ చేయడం చాలా ప్రశసించదగ్గ విషయం. ఈ ఘటనకు సంబంధించిన వీడియో నెట్టింట తెగ వైరల్‌ అవుతోంది. పైగా ఈ వీడియోకి లక్షల్లో వ్యూస్‌, లైక్‌లు వచ్చాయి. మీరు కూడా ఓ లుక్‌ వేయండి. (చదవండి: టీ పొడి వ్యాపారం చేద్దామనుకోవడమే వారిపాలిట శాపమైంది.. అదిరిపోయే ట్విస్ట్‌!!..) Man sacrifices his car to save another driver who was unconscious.. Via @RTVNunspeet pic.twitter.com/drgac0UDez — Buitengebieden (@buitengebieden_) November 21, 2021

లక్నో: ఉత్తర ప్రదేశ్‌లో కొందరు వ్యక్తులు డీసీఎం డ్రైవర్‌పట్ల అమానుషంగా ప్రవర్తించారు. ఈ సంఘటన కాన్పూర్‌లో జరిగింది. స్థానికులు తెలిపిన వివరాలు.. గత సోమవారం సాయంత్రం లక్నో-కాన్పూర్‌ హైవే ఫ్లైఓవర్‌మీద డీసీఎం, కారు ఢీకొన్నాయి. ఈప్రమాదంతో రెండు వాహనాలు దెబ్బతిన్నాయి. కాగా, డీసీఎంలోని డ్రైవర్‌.. కారులోని వ్యక్తుల మధ్య వాగ్వాదం జరిగింది. ఒకరిని మరొకరు తీవ్రంగా దూశించుకున్నారు. అంతటితో ఆగకుండా కొట్టుకొవడానికి ప్రయత్నించారు. ఈ క్రమంలో, డీసీఎం డ్రైవర్‌.. కారు ముందు వెళ్లి నిల్చున్నాడు. అయితే, కారులో ఉన్న సదరు వ్యక్తులు.. కారును వేగంగా ముందుకు నడిపారు. దీంతో అతను కారు ముందు భాగం మీదపడిపోయి వైపర్‌ను పట్టుకున్నాడు. కారులోని వ్యక్తులు ఏమాత్రం జాలీ లేకుండా.. కారును దంచి కొట్టారు. ఆ యువకుడు వైపర్‌ను పట్టుకుని వేలాడుతున్నాడు. సుమారు 5 కిలోమీటర్ల వరకు అతడిని లాక్కొని పోయారు. ఈ అమానుషాన్ని అక్కడి స్థానికులు వీడియో తీసి సోషల్‌ మీడియాలో పోస్ట్‌ చేశారు. దీంతో ఇది వైరల్‌గా మారింది. ఈ మేరకు కేసును నమోదు చేసిన కాన్పూర్‌ పోలీసులు దర్యాప్తు చేస్తున్నట్లు తెలిపారు.  

టీ.నగర్‌: కారైకుడిలో కారు డ్రైవర్‌ అరుదైన రికార్డు సాధించాడు. శివగంగై జిల్లా కారైకుడి సమీపంలోని పుదువయల్‌ నాట్టుచేరి గ్రామానికి చెందిన కార్తియమూర్తి (37) కారు డ్రైవర్‌. ఇతను గురువారం 1,330 తిరుక్కురల్‌ను 17 గంటల 19 నిమిషాల్లో తలకిందులుగా రాసి చోళన్‌ వరల్డ్‌ రికార్డ్స్‌ పుస్తకంలో స్థానం సంపాదించుకున్నాడు. దీనికి సంబంధించిన సర్టిఫికెట్‌ను వ్యవస్థాపకుడు విమలన్‌ నీలమేఘం అందజేశారు. దీనిపై కార్తియమూర్తి మాట్లాడుతూ.. ఏడేళ్ల క్రితం బస్సు టికెట్లలో తిరుక్కురల్‌ను చదువుతూ వచ్చానని, దానిపై ఆసక్తి పెంచుకున్న తాను అప్పట్లో 1,330 పద్యాలను తలకిందులుగా రాసినట్లు తెలిపాడు. ఇందుకు 15 రోజులు సమయం పట్టిందన్నాడు. ప్రస్తు తం వళ్లువర్‌ పేరవై సహకారంతో తిరుక్కురల్‌ను 17 గంటల 19 నిమిషాల్లో ముగించి రికార్డు సాధించడం సంతోషంగా ఉందన్నారు.

భువనేశ్వర్‌ : పూట గడవటం కోసం డ్రైవర్‌గా‌ పని చేసుకునే ఓ వ్యక్తికి జీఎస్టీ అధికారులు షాక్‌ ఇచ్చారు. దాదాపు నాలుగున్నర కోట్ల రూపాయల మేర పన్ను ఎగవేశావంటూ నోటీసులు పంపించారు. ఒడిస్సాలోని రూర్కేలాలో చోటుచేసుకున్న ఈ సంఘటన ఆలస్యంగా వెలుగు చూసింది. వివరాల్లోకి వెళితే.. రూర్కేలాకు చెందిన రాజేంద్ర పల్లై డ్రైవర్‌గా పని చేస్తున్నాడు. కొద్దిరోజుల క్రితం కటక్‌, జీఎస్టీ ఆఫీసునుంచి అతడికి ఏవో నోటీసులు వచ్చాయి. ‘‘ రాజేంద్ర.. ఆర్పీ ఎంటర్ ‌ప్రైజెస్‌ అనే కంపెనీకి యజమాని. ఆ కంపెనీ పేరిట 4.31 కోట్ల రూపాయల పన్ను బకాయిలు ఉన్నాయి. (అమ్మ ఉద్యోగం పోయింది,14 ఏళ్ల బాలుడు ఏం చేశాడంటే...) అది కూడా నకిలీ కంపెనీ పేరిట, నకిలీ ఇన్‌వాయిస్‌లు సృష్టించి పన్ను ఎగవేశావు’’ అని నోటీసులో ఉంది.  దీంతో రాజేంద్ర అయోమయానికి గురయ్యాడు. తన ఐడెంటిటీని ఎవరో దొంగిలించారని అతనికి అర్థం అయింది. దీనిపై అతడు మాట్లాడుతూ..‘‘ కొద్దిరోజల క్రితం ఓ వ్యక్తి నాకు 10 వేల రూపాయలు వచ్చే జీతం ఇప్పిస్తానని చెప్పి, నా వద్దనుంచి ఆధార్‌ కార్డు ఇతర పత్రాలు తీసుకున్నాడు. సదరు పత్రాల ఆధారంగా నా పేరిట నకిలీ కంపెనీ సృష్టించారని తెలిసింది. అధికారులు దీనిపై విచారణ జరపాలని కోరుకుంటున్నా’’నన్నాడు.

సాక్షి, సిటీబ్యూరో: క్యాబ్‌ డ్రైవర్‌గా పని చేస్తూ వారినే టార్గెట్‌గా చేసుకుని దృష్టి మళ్లించి సెల్‌ఫోన్‌ చోరీలకు పాల్పడుతున్న వ్యక్తిని ఉత్తర మండల టాస్క్‌ ఫోర్స్‌ పోలీసులు అదుపులోకి తీసుకున్నారు. ఇతగాడు ఓ బంగారం వ్యాపారికీ టోకరా వేసినట్లు డీసీపీ పి.రాధాకిషన్‌ రావు శుక్రవారం వెల్లడించారు. నిజామాబాద్‌కు చెందిన మహ్మద్‌ అబ్దుల్‌ రెహ్మాన్‌ నగరంలోని వారాసిగూడ ప్రాంతంలో నివసిస్తున్నాడు. కొన్నాళ్ల పాటు జనరల్‌ బజార్‌లో బంగారు నగల తయారీ, ముత్యాలకు పాలిష్‌ పెట్టే పని చేశాడు. అయితే అవసరమైన స్థాయిలో పని, ఆదాయం లేకపోవడంతో క్యాబ్‌ డ్రైవర్‌గా మారాడు. ఇలా వచ్చే సంపాదనతోనూ తృప్తి పడని రెహ్మాన్‌ క్యాబ్‌ డ్రైవర్లనే టార్గెట్‌గా చేసుకుని దృష్టి మళ్లిచి నేరాలు చేయాలని పథకం వేశాడు. ప్రయాణికుడి మాదిరిగా క్యాబ్‌ బుక్‌ చేసుకునే ఇతగాడు పికప్‌ పాయింట్‌లో వాహనం ఎక్కేవాడు. కొద్దిదూరం వెళ్లిన తర్వాత తన ఫోన్‌ స్విచ్ఛాఫ్‌ అయిందని, అర్జంట్‌గా తన తల్లిదండ్రులతో మాట్లాడాలని డ్రైవర్‌తో చెప్పేవాడు. ఆ నెపంతో డ్రైవర్‌ నుంచి సెల్‌ఫోన్‌ తీసుకుని కాల్‌ చేసి మాట్లాడుతున్నట్లు నటించేవాడు. ఓ ప్రాంతంలో కారు ఆపమని చెప్పి అదును చూసుకుని ఫోన్‌తో సహా ఉడాయించేవాడు. ఈ పంథాలో ఈ నెలలోనే మహంకాళి, రామ్‌గోపాల్‌పేట, గోపాలపురం పరిధిల్లో మూడు నేరాలు చేశాడు. గత శనివారం జనరల్‌ బజార్‌లో ఓ జ్యువెలరీ దుకాణానికి వెళ్లిన రెహ్మాన్‌ అక్కడ రూ.లక్ష విలువ చేసే నగలు ఖరీదు చేశాడు. రూ.21 వేలు చెల్లించిన ఇతగాడు మిగిలిన మొత్తం తనతో మనిషిని పంపిస్తే ఇస్తానంటూ నమ్మించాడు. జ్యువెలరీ దుకాణం నిర్వాహకులు అలానే చేయగా... ఆ మనిషి బైక్‌పై రెహ్మాన్‌ తన ఇంటి వరకు వెళ్ళాడు. అక్కడ అతడిని వేచి ఉండమని చెప్పిన ఇతగాడు నగలు తీసుకుని ఉడాయించాడు. దీనిపై మహంకాళి ఠాణాలో మరో కేసు నమోదైంది. దీన్ని ఛేదించడానికి ఉత్తర మండల టాస్క్‌ఫోర్స్‌ ఇన్‌స్పెక్టర్‌ కె.నాగేశ్వర్‌రావు నేతృత్వంలో ఎస్సైలు జి.రాజశేఖర్‌రెడ్డి, కె.శ్రీకాంత్‌లతో ప్రత్యేక బృందం రంగంలోకి దిగింది. జనరల్‌ బజార్‌తో పాటు వివిధ ప్రాంతాల్లో ఉన్న సీసీ కెమెరాల్లోని ఫీడ్‌ను పరిశీలించిన పోలీసులు రెహ్మాన్‌ నిందితుడిగా గుర్తించారు. శుక్రవారం ఇతడిని పట్టుకుని 18.56 గ్రాముల బంగారు నగలు, నాలుగు సెల్‌ఫోన్లు స్వాధీనం చేసుకున్నారు. విచారణ నేపథ్యంలో మిగిలిన మూడు నేరాలు సైతం అంగీకరించాడు. తదుపరి చర్యల నిమిత్తం నిందితుడితో సహా సొత్తును మహంకాళి పోలీసులకు అప్పగించారు. ఇతడిపై గతంలో చిలకలగూడలో ఓ చోరీ కేసు నమోదైనట్లు అధికారులు తెలిపారు.

రాయపర్తి: ఎమ్మెల్యే ముత్తిరెడ్డి యాదగిరిరెడ్డి డ్రైవర్‌ రాయపర్తి మండలంలోని మైలారం గ్రామానికి చెందిన ఉల్లెంగుల మధుకు కరోనా వైరస్‌ పాజిటివ్‌ వచ్చిన విషయం విధితమే. ఈ క్రమంలో డీఎంహెచ్‌ఓ మధుసూదన్‌ నేతృత్వంలో మైలారానికి చేరుకొని మధు కుటుంబ సభ్యులకు కూడా పరీక్షలు నిర్వహించినట్లు చెప్పారు. కరోనా లక్షణాలు కన్పించలేదని తెలిపారు. కరోనా పట్ల అప్రమత్తంగా ఉండాలని గ్రామస్తులకు సూచించారు. మాస్క్‌లు ధరించాలని కోరారు. జెడ్పీటీసీ రంగు కుమారస్వామి, వైద్యాధికారులు డాక్టర్‌ విపిన్, వెంకటేష్, సీహెచ్‌ఓ నెహ్రూచంద్, ఏఎన్‌ఎం అరుణ, ఆశకార్యకర్తలు పాల్గొన్నారు.

పహాడీషరీఫ్‌: లాక్‌డౌన్‌ ప్రభావంతో ఆర్థిక ఇబ్బందులకు గురైన ఓ క్యాబ్‌ డ్రైవర్‌ ఉరేసుకొని ఆత్మహత్య చేసుకున్నాడు.ఈ సంఘటన బాలాపూర్‌ పోలీస్‌స్టేషన్‌ పరిధిలో ఆదివారం తెల్లవారుజామున జరిగింది. ఎస్‌ఐ నాగరాజు తెలిపిన మేరకు.. మల్లాపూర్‌ గ్రామానికి చెందిన పోరెడ్డి నర్సింహా రెడ్డి (39)క్యాబ్‌ డ్రైవర్‌గా పని చేస్తున్నాడు.  లాక్‌డౌన్‌ నుంచి కారు నడవకపోవడంతో ఇబ్బందులకు గురవుతున్నాడు. ఈ సమయంలోనే ఇంటి నిర్మాణం పెట్టుకోవడం....చిట్టీలు కూడా కట్టలేని పరిస్థితి నెలకొంది. (జీవితం చావడానికి కాదు: ఐశ్వర్య ) ఈ క్రమంలోనే శనివారం రాత్రి భార్య పిల్లలతో కలిసి నిద్రించిన నర్సింహా రెడ్డి అర్ధరాత్రి గదిలో నుంచి బయటికి వచ్చి గదికి బయటి నుంచి గొళ్లెం పెట్టాడు. కొద్ది సేపటి అనంతరం నిద్రలేచిన భార్య....భర్త లేకపోవడంతో డోర్‌ తీసేందుకు ప్రయత్నించింది. బయటి నుంచి లాక్‌ చేసి ఉందని గ్రహించి స్థానికులకు ఫోన్‌ చేయడంతో వారు వచ్చి పరిశీలించగా హాల్‌లోనే తాడుతో ఉరేసుకొని కనిపించాడు. సమాచారం అందుకున్న పోలీసులు మృతదేహాన్ని పోస్టుమార్టం నిమిత్తం ఉస్మానియా మార్చురీకి తరలించారు. కేసు నమోదు చేసుకొని దర్యాప్తు కొనసాగిస్తున్నారు. మృతుడికి ఇద్దరు పిల్లలు సంతానం. (సుశాంత్‌ మృతిపై అనుమానం: సీబీఐ విచారణ)

సాక్షి, సిటీబ్యూరో: జూబ్లీహిల్స్‌ రోడ్‌ నెం.34లో నివసించే వ్యాపారవేత్త నసీర్‌ అలీఖాన్‌ ఇంట్లో చోటు చేసుకున్న చోరీ కేసును పశ్చిమ మండల టాస్క్‌ఫోర్స్‌ పోలీసులు ఛేదించారు. ఈ దొంగతనానికి ఆ ఇంట్లో పని చేసి మానేసిన డ్రైవరే సూత్రధారిగా తేల్చారు. మంగళవారం ముగ్గురు నిందితుల్ని అరెస్టు చేశామని, వారి నుంచి చోరీ సొత్తు య«థాతథంగా స్వాధీనం చేసుకున్నామని నగర పోలీసు కమిషనర్‌ అంజనీకుమార్‌ పేర్కొన్నారు. టాస్క్‌ఫోర్స్‌ డీసీపీ పి.రాధాకిషన్‌రావుతో కలిసి తన కార్యాలయంలో ఏర్పాటు చేసిన విలేకరుల సమావేశంలో ఆయన పూర్తి వివరాలు వెల్లడించారు.  ఆనుపానులన్నీ తెలుసుకుని.. బోరబండ ప్రాంతానికి చెందిన సయ్యద్‌ యూసుఫ్‌ మూడో తరగతితో చదువు మానేశాడు. కొన్నాళ్లు ఎస్సార్‌నగర్‌లో టైలరింగ్‌ పని చేసి.. 2007లో వివాహానంతరం డ్రైవర్‌గా మారాడు. తొలుత ఎస్సార్‌నగర్‌లోని ఓ ట్రావెల్స్‌లో పని చేసిన యూసుఫ్‌ ఆపై జూబ్లీహిల్స్‌కు చెందిన కన్‌స్ట్రక్షన్స్‌ వ్యాపారి నసీర్‌ అలీఖాన్‌ వద్ద డ్రైవర్‌గా చేరారు. 2013లో ఉద్యోగం కోసం సౌదీ వెళ్లి 2015లో తిరిగి వచ్చాడు. ఆ తర్వాత ఏడాది ఓలా క్యాబ్స్‌లో డ్రైవర్‌గా చేసినా.. మళ్లీ నసీర్‌ అలీఖాన్‌ వద్ద చేరాడు. గత ఏడాది జూలైలో మానివేసే సమయానికి రెండు దఫాల్లో దాదాపు ఎనిమిదేళ్లు నసీర్‌ అలీ ఖాన్‌ వద్ద పని చేశాడు. ఈ నేపథ్యంలోనే వారి ఇంట్లో అణువణువూ తెలిసి ఉండటంతో పాటు ఏ సమయంలో ఎలా ఉంటారనే దానిపైనా అవగాహన పెంచుకున్నాడు. ఇటీవల ఆర్థిక ఇబ్బందుల్లో ఉన్న ఇతగాడు తన మాజీ యజమాని ఇంట్లో చోరీ చేస్తే భారీ మొత్తం దక్కతుందని పథకం వేశాడు. ఈ విషయాన్ని తన స్నేహితులైన బోరబండ వాసులు షేక్‌ షాహిద్, సయ్యద్‌ షహబాజ్‌లకు చెప్పడంతో వాళ్లూ అంగీకరించారు. రంగంలోకి దిగిన ఈ త్రయం చోరీ చేస్తున్నప్పుడు ఎవరైనా అడ్డు వస్తే వినియోగించడానికి కత్తి, ఫెన్సింగ్‌ కట్‌ చేయడానికి భారీ కత్తెర ఖరీదు చేసుకున్నారు.  నగలున్న హ్యాండ్‌బ్యాగుతో ఉడాయింపు..   అదను కోసం ఎదురు చూస్తున్న యూసుఫ్‌ ఇప్పటికీ నసీర్‌ అలీ ఖాన్‌ ఇంట్లో పని చేస్తున్న వారితో ఫోన్‌ ద్వారా సంభాషిస్తూ యజమానుల కదలికల్ని తెలుసుకుంటూ వచ్చాడు. ఏ దశలోనూ వారికి అనుమానం రాకుండా జాగ్రత్తపడ్డాడు. ఈ నెల 14న వీరికి ఫోన్‌ చేసిన యూసుఫ్‌ పనివాళ్ల ద్వారా తమ యజమానురాలు ఓ ఫంక్షన్‌కు వెళ్లినట్లు తెలుసుకున్నాడు. ఇలా వెళ్లిన ప్రతిసారీ ఆమె ఖరీదైన జ్యువెలరీ ధరిస్తారని, తిరిగి వచ్చిన తర్వాత అన్నీ తన హ్యాండ్‌బ్యాగ్‌లోనే ఉంచి బెడ్‌ పక్కనే పెట్టుకుంటారని తెలిసిన యూసుఫ్‌ రంగంలోకి దిగాడు. తన ఇద్దరు స్నేహితుల్నీ పిలిపించి అంతా కలిసి అర్ధరాత్రి వేళ ఆ ఇంటి వద్దకు వెళ్లారు. గోడ దూకి లోపలకు ప్రవేశించిన ఈ త్రయం సీసీ కెమెరాల్లో తమ కదలికలు కనిపించకుండా వాటిని పక్కకు తిప్పారు. నేరుగా రెండో అంతస్తులోని బెడ్‌రూమ్‌లోకి వెళ్లిన యూసుఫ్‌ అక్కడ ఉన్న హ్యాండ్‌ బ్యాగ్‌ తీసుకుని రావడంతో ముగ్గురూ కలిసి ఉడాయించారు. ఆ సమయంలో అదే ఇంట్లో ముగ్గురు పనివాళ్లు ఉన్నా.. వారికీ చోరుల ఉనికి తెలియలేదు. మరుసటి రోజు చోరీ విషయం గుర్తించిన నసీర్‌ అలీ ఖాన్‌ జూబ్లీహిల్స్‌ పోలీసులకు ఫిర్యాదు చేయడంతో కేసు నమోదైంది. నేరగాళ్ల కోసం రంగంలోకి దిగిన వెస్ట్‌జోన్‌ టాస్క్‌ఫోర్స్‌ ఇన్‌స్పెక్టర్‌ బి.గట్టుమల్లు నేతృత్వంలో ఎస్సైలు ఎన్‌.రంజిత్‌కుమార్, పి.మల్లికార్జున్, మహ్మద్‌ ముజఫర్‌ అలీ ముమ్మరంగా గాలించారు. ఎట్టకేలకు మంగళవారం ముగ్గురినీ పట్టుకుని రూ.10.10 లక్షల విలువైన సొత్తు స్వాధీనం చేసుకున్నారు. తదుపరి చర్యల నిమిత్తం నిందితుల్ని జూబ్లీహిల్స్‌ పోలీసులకు అప్పగించారు. 

బంజారాహిల్స్‌: డ్రంక్‌ అండ్‌ డ్రైవ్‌ తనిఖీల్లో పోలీసు విధులకు ఆటంకం కలిగిస్తూ మస్కా కొట్టి పరారైన కారు డ్రైవర్‌పై జూబ్లీహిల్స్‌ పోలీస్‌ స్టేషన్‌లో క్రిమినల్‌ కేసు నమోదైంది. వివరాలు.. శనివారం అర్ధరాత్రి 12.30 గంటల ప్రాంతంలో బంజారాహిల్స్‌ ట్రాఫిక్‌ ఇన్‌స్పెక్టర్‌ ప్రసాదరావు సిబ్బందితో కలిసి జూబ్లీహిల్స్‌ చిరంజీవి బ్లడ్‌ బ్యాంక్‌ వద్ద డ్రంకన్‌ డ్రైవ్‌ తనిఖీలు చేస్తున్నారు. అదే సమయంలో టీఎస్‌ 34 బి టీఆర్‌ 0277 డిజైర్‌ కారు నడుపుతున్న వ్యక్తికి పోలీసులు శ్వాస పరీక్షలు నిర్వహించేందుకు సిద్ధమయ్యారు. తాను కారును పక్కన ఆపుతానంటూ వారితో మాట్లాడుతూనే అక్కడి నుంచి ఉడాయించాడు. దీంతో ట్రాఫిక్‌ కానిస్టేబుల్‌ వెంకటేశ్వరరావు జూబ్లీహిల్స్‌ పోలీస్‌ స్టేషన్‌లో ఫిర్యాదు చేశారు. ప్రభుత్వ ఉద్యోగుల విధులకు ఆటంకం కలిగించినందుకు పరారీలో ఉన్న కారు డ్రైవర్‌పై ఐపీసీ సెక్షన్‌ 353 కింద కేసు నమోదు చేసి గాలింపు చేపట్టారు. జూబ్లీహిల్స్‌ పోలీసులు కేసు దర్యాప్తు చేస్తున్నారు.

తమిళనాడు,తిరువొత్తియూరు : ఇద్దరు పిల్లలను అనాథగా వదలి ప్రియుడితో పారిపోయిన సంగీత, నృత్య ఉపాధ్యాయురాలి కోసం పోలీసులు గాలిస్తున్నారు. కన్యాకుమారి జిల్లా తిరువట్టార్‌ సమీపంలో ఓ గ్రామానికి చెందిన అరుణ్‌ (30) ప్రైవేటు పాఠశాలలో డ్రైవర్‌గా ఉన్నాడు. అతనికి వివాహమై ఇద్దరు పిల్లలు ఉన్నారు. అదే పాఠశాలలో పనిచేస్తున్న (35) సంగీత, నృత్య ఉపాధ్యాయురాలితో పరిచయమైంది. ఇద్దరి మధ్య వివాహేతర సంబంధానికి దారితీసింది. ఆమె భర్త విదేశాలలో ఉంటున్నారు. తన ఇద్దరు పిల్లలతో కలిసి ప్రియుడితో ఉల్లాసంగా తిరుగుతున్నట్టు తెలిసింది. ఆమె బంధువులు మందలించడంతో ఇద్దరు పిల్లలను వదలి గత జూలైలో ప్రియుడితో పారిపోయింది. పోలీసులు విచారణ చేపట్టారు. కన్యాకుమారిలో దాగి ఉన్న వారిని తీసుకొచ్చి కౌన్సెలింగ్‌ ఇచ్చి పంపించారు.ఈ క్రమంలో శుక్రవారం మళ్లీ పిల్లలను వదిలిపెట్టి వారిద్దరూ పారిపోయినట్టు పోలీసులకు ఫిర్యాదు అందింది.

సాక్షి, విశాఖపట్నం: కంచరపాలెం పోలీస్‌ స్టేషన్‌ పరిధిలో ఓ ఇంటి యజమాని వద్ద కారు డ్రైవర్‌గా నమ్మకంగా పనిచేస్తూ... అదే ఇంటిలో బంగారం, నగదు దొంగతనానికి పాల్పడిన నిందితుడిని అరెస్ట్‌ చేసినట్లు నగర డీసీపీ – 2 ఉదయ్‌భాస్కర్‌ బిల్లా తెలిపారు. 21 తులాల బంగారం, రూ.4.49 లక్షల నగదు స్వాదీనం చేసుకున్నామని తెలిపా రు. నగర పోలీస్‌ కాన్ఫరెన్స్‌ హాల్లో సోమవారం నిర్వహించిన మీడియా సమావేశంలో ఆయన తెలిపిన వివరాల ప్రకారం... కంచరపాలెం పి.ఆర్‌.గార్డెన్స్‌లో గల శ్రీరామ్‌ అపార్టుమెంట్స్‌లో రిటైర్డ్‌ చార్టెడ్‌ అకౌంటెంట్‌ పేరి గోపాలకృష్ణ(78) భార్యతో కలిసి నివాసముంటున్నారు. కంచరపాలెం కోకో కంపెనీ వెనుక నివాసముంటున్న సత్యనారాయణ(36) అనే వ్యక్తిని నెలకు రూ.10వేలు వేతనమిస్తూ కారు డ్రైవర్‌గా పెట్టుకున్నారు. సత్యనారాయణ నమ్మకంగా పనిచేస్తూ కొన్నాళ్లకు ఇంటిలో మనిíÙలా వ్యవహరించేవాడు. గోపాలకృష్ణ పిల్లలిద్దరూ అమెరికాలో స్థిరపడటంతోపాటు ఆర్థికంగా స్థిరపడిన కుటుంబం కావడంతో ఇంట్లో నగదు, బంగారు ఆభరణాల విషయంలో పెద్దగా పట్టించుకునేవారు కాదు. ఇంట్లో ఎక్కడ పడితే అక్కడ నగదు పెట్టడం, తాళాలను ఒక కబోర్డులో ఉంచడాన్ని సత్యనారాయణ గమనించాడు. ఈ నేపథ్యంలో గత ఏడాది నవంబర్‌ నెలలో గోపాలకృష్ణ దంపతులకు అనుమానం రాకుండా ఇంట్లో నుంచి సుమారు 21 తులాల బంగారు ఆభరణాలు, రూ.4.49 లక్షల నగదు దోచుకున్నాడు. తర్వాత డ్రైవర్‌ వృత్తిని విడిచిపెట్టి వెళ్లిపోయాడు. అనంతరం ఈ ఏడాది జనవరి మొదటి వారంలో ఇంటిలోని బంగారం కనిపించకపోవడంతో అనుమానం వచ్చిన గోపాలకృష్ణ కంచరపాలెం పోలీసు స్టేషన్‌లో ఫిర్యాదు చేశారు. సత్యనారాయణపై అనుమానం ఉన్నట్లుగా ఫిర్యాదులో పేర్కొనడంతో ఏడీసీపీ(క్రైం) వి.సురేష్‌బాబు నేతృత్వంలో ఏసీపీ(క్రైం) సీహెచ్‌ పెంటారావు, పశి్చమ సబ్‌ డివిజన్‌ సీఐ శ్రీనివాసరావు, ఎస్‌ఐ మన్మధరావు, కానిస్టేబుల్‌ సుధాకర్, నవీన్, అప్పలరాజులతో కూడిన బృందం దర్యాప్తు ప్రారంభించారు. సత్యనారాయణపై అనుమానంతో గాలింపు చర్యలు చేపట్టారు. ఎస్‌.కోటలో ఉన్నట్లు సమాచారం అందడంతో అక్కడకు వెళ్లి అదుపులోకి తీసుకుని ప్రశ్నించగా దొంగతనం చేసినట్లు అంగీకరించడంతో అరెస్టు చేశారు. గోపాలకృష్ణ నివాసముంటున్న అపార్టుమెంట్‌లోని ఇళ్లలో కూడా చిన్న చిన్న దొంగతనాలు చేసినట్లుగా విచారణలో సత్యనారాయణ అంగీకరించాడని, ఆ వివరాలు పూర్తిస్థాయిలో ఇంకా సేకరించాల్సి ఉందని డీసీపీ ఉదయ్‌భాస్కర్‌ తెలిపారు.  

చిన్నపాటి నిర్లక్ష్యం ప్రాణాల మీదకు వచ్చినా అదృష్టవశాత్తు ఆ బుడ్డోడు ప్రాణాలతో బయటపడ్డాడు. తన తండ్రి కారు డోర్‌ సరిగా లాక్ చేయకపోవడంతో వేగంగా వెళ్తున్న కారులోంచి కిందపడిపోయాడు. ఒక భారీ వాహనం వెంటనే బాలుడి సమీపానికి వచ్చినా.. ప్రమాదపు అంచుల వరకు వెళ్లి వచ్చాడు. కేరళలో జరిగిన ఈ ఘటనకు సంబంధించిన వీడియోను పంకజ్ జైన్ అనే ఐపీఎస్ అధికారి తన ట్విటర్‌లో పోస్ట్ చేశాడు.  ఓ వ్యక్తి తన కొడుకుతో కలిసి కారులో వెళ్తుండగా వెనకాల కూర్చున్న చిన్నారి కారు నుంచి కింద పడిపోయాడు. డోర్ సరిగా లాక్ చేయకపోవడంతో ఒక మలుపు వద్ద ఈ ప్రమాదం జరిగింది. బాలుడు కింద పడిన సమయంలో కారు వెనుకే మరో వాహనం వేగంగా వచ్చింది. అయితే సదురు డ్రైవర్ అప్రమత్తతో వ్యవహరించి వాహనాన్ని బాబుకు సమీపంగా తీసుకొచ్చి ఆపేశాడు. దీంతోఆ చిన్నారి చిన్న చిన్న గాయాలతో బయటపడ్డాడు. కాగాఘ ఇంత నిర్లక్ష్యంగా వ్యవహరించిన డ్రైవర్‌పై తీరుపై నెటిజన్లు దుమ్మెత్తిపోస్తున్నారు. మరోవైపు ప్రయాణ సమయంలో అప్రమత్తంగా ఉండాలని పోలీసులు సూచిస్తున్నారు.  ఈ వీడియో చూసి అయినా మారాలంటూ ఐపీఎస్‌ అధికారి సోషల్‌ మీడియాలో పోస్ట్‌ చేయడంతో ప్రస్తుతం  ఈ వీడియో వైరల్‌ అవుతోంది.

కర్ణాటక, బొమ్మనహళ్లి: ఉడుపి శ్రీకృష్ణమఠాధిపది శ్రీ విశ్వేశతీర్థ స్వామి పేరు వినగానే గుర్తుకువచ్చేది ఆయన హిందుత్వ వాది అని. అయితే ఆయన కారు డ్రైవర్‌ మాత్రం ఒక ముస్లిం యువకుడిని నియమించుకున్నారు. దీంతో అనేకులు స్వామీజీపై అభ్యంతర వ్యక్తం చేశారు. అయితే ఏ ఒక్కరి మాటలను స్వామీజీ పట్టించుకోలేదు. నాకు కారు డ్రైవర్‌ కావాలి తప్ప ఆయన ఏ మతస్తుడు అనేది తనకు అవసరం లేదని చెప్పేవారు. ఆయన వద్ద డ్రైవర్‌గా పనిచేస్తున్న మహ్మద్‌ ఆరిఫ్‌ మాట్లాడుతూ... స్వామీజీ వద్ద  తనతో పాటు, తమ కుటుంబానికి చెందిన మొత్తం ముగ్గురు ఇక్కడ డ్రైవర్లగా పనిచేశామన్నారు. తన ఇద్దరి సోదరుల తరువాత తాను ఏడాదిన్నరగా స్వామీ వద్ద డ్రైవర్‌గా పనిచేస్తున్నట్లు చెప్పారు. పేజావర స్వామిజీని హిందుత్వ వాది అంటారని, అయితే స్వామిజీ మనసులో అటువంటి భావాలు ఉండవన్నారు. పైగా తన వద్ద పనిచేయడం కష్టంగా ఉందా అని స్వామీజీ అడిగేవారని ఆరిఫ్‌ అన్నారు. తనకు మఠంలో ఎటువంటి ఆంక్షలు కూడా పెట్టేవారు కాదని, పైగా నమాజ్‌ కూడా చేసుకోమని స్వామీజీ చెప్పేవారని అన్నారు. స్వామీజీ భగవద్గీతతో పాటు ఖురాన్‌ కూడా చదివేవారని అందులో మంచి మాటలు తనకు వివరించేవారని ఆరిఫ్‌ గుర్తు చేసుకున్నారు. ముస్లిం పండుగల సమయంలో అనేక మందికి స్వామీజీ సహాయం చేసేవారని, తనకు కూడా ఎన్నోమార్లు సహాయం కావాలా అని అడిగేవారని అన్నారు. రంజాన్‌ సందర్భంగా ముస్లింలకు ఇఫ్తార్‌ విందు ఇచ్చిన మహానుభావుడు స్వామీజీ అని ఆరిఫ్‌ గుర్తు చేసుకున్నారు. 

బంజారాహిల్స్‌: నిర్లక్ష్యంగా కారు నడిపి కుక్క చావుకు కారకుడైన క్యాబ్‌ డ్రైవర్‌పై జూబ్లీహిల్స్‌ పోలీసులు కేసు నమోదు చేసి డ్రైవర్‌ను అరెస్ట్‌ చేశారు. సోమవారం ఉదయం ఎండీ అబ్దుల్‌ నయీం (24) బంజారాహిల్స్‌ రోడ్‌ నంబర్‌–2లోని కేబీఆర్‌ పార్కు వైపు నుంచి జూబ్లీహిల్స్‌ చెక్‌పోస్ట్‌ వైపునకు క్యాబ్‌ డ్రైవింగ్‌ చేసుకుంటూ వేగంగా దూసుకెళ్తున్నాడు. అదే సమయం లో కేబీఆర్‌ పార్కు ఫుట్‌పాత్‌వైపు నుంచి ఓ వీధికుక్క రోడ్డు దాటుతుండగా నయీం చూసుకోకుండా ఢీకొట్టాడు. దీంతో ఆ కుక్క అక్కడికక్కడే చనిపోయింది. కంపాసియోనేట్‌ సొసైటీ ఫర్‌ యానిమల్స్‌ స్వచ్ఛంద సంస్థకు చెందిన వలంటీర్‌ అజయ్‌ ఈ దృశ్యాన్ని చూశాడు. నయీం కారును అనుసరించి అతన్ని పట్టుకొని జూబ్లీహిల్స్‌ పోలీస్‌స్టేషన్‌కు తీసుకొచ్చి ఫిర్యాదు చేశాడు. కుక్క మరణానికి కారకుడైన డ్రైవర్‌పై క్రిమినల్‌ కేసు నమోదు చేయాలని ఆ సంస్థ చైర్మన్‌ ప్రవల్లిక ఫిర్యాదులో పేర్కొన్నారు. దీంతో పోలీసులు నయీంపై ఐపీసీ సెక్షన్‌ 429, సెక్షన్‌ 11(1)(ఏ)(ఎల్‌), ప్రివెన్షన్‌ ఆఫ్‌ క్రూయాల్టీ యానిమల్‌ యాక్ట్‌ కింద కేసులు నమోదు చేశారు.

లక్నో: సాదాసీదా జీవితం గడుపుతున్న ఉబర్‌ క్యాబ్‌ డ్రైవర్‌ తనలోని అద్భుతమైన టాలెంట్‌తో ప్రయాణీకులను అబ్బురపరుస్తూ.. రణు మొండాల్‌ను తలపిస్తున్నారు. నిత్యం తన కారులో ప్రయాణించే వారిని క్యాబ్‌ డ్రైవర్‌ వినోద్‌ తన గానంతో అందరిని అలరిస్తున్నాడు. తాజాగా అతని కారులో ప్రయాణించిన ప్రియాంశు.. తాను అద్భుతంగా పాటలు పాడే ఓ డ్రైవర్‌ను కలిశానని, అతను సొంతంగా యూట్యూబ్‌  చానెల్‌ నిర్వహిస్తున్నాడని అతన్ని వెలుగులోకి తీసుకురావాలని ఉబర్‌ ఇండియాను కోరాడు. అంతేకాక 1990లో  హిట్టయిన 'ఆషికీ'  చిత్రంలోని 'నజర్‌ కే సామ్నే' అనే పాటను ఆలపిస్తున్న వీడియోను షేర్‌ చేశారు. ప్రఖ్యాత గాయకుడు కుమార్‌ సాను పాడిన అలనాటి క్లాసిక్‌ పాటను తన గళంతో సుతిమెత్తగా ఆలాపిస్తూ.. సంగీత ప్రియుల హృదయాల్ని కొల్లగొడుతున్నాడు. 56 సెకన్లకు పైగా నిడివి ఉన్న ఈ వీడియోలో అతని గానాన్ని, గొంతులోని మాధుర్యాన్ని చూసి నెటిజన్లు తన్మయత్వంతో పులకరిస్తున్నారు. క్యాబ్‌ డ్రైవర్‌ వినోద్‌ తన అద్భుత గాన ప్రతిభతో ప్రయాణికులను మైమరిపిస్తూ..  తమ సంస్థ సామాజిక మాధ్యమాల్లోని పేజీల్లో  ప్రతినిత్యం వార్తల్లో  ఉంటున్నారని ఉబర్‌ ఇండియా సంస్థ యాజమాన్యం ప్రముఖ మైక్రో బ్లాగింగ్‌ వెబ్‌సైట్‌ ట్విటర్‌లో పేర్కొంది.  Met an @Uber_India driver Vinod ji in Lucknow. He is an amazing singer and asked to sing a song for me after finishing his ride. Aur kya chaiye. Please watch this video and make him famous. He is also having his own @YouTube @youtubemusic channel. #Lucknow #Uber pic.twitter.com/G4zu8u2531 — #SavePriyanshu (@crowngaurav) September 14, 2019

గుంటూరు, తెనాలి రూరల్‌ : గుంటూరు, ప్రకాశం జిల్లాల్లో చోరీలకు పాల్పడుతున్న కారు డ్రైవర్‌ను పోలీసులు అరెస్టు చేశారు. అతని వద్ద నుంచి మూడు కార్లు, 60 గ్రాముల బంగారు ఆభరణాలు, ఎల్‌ఈడీ టీవీ స్వాధీనం చేసుకున్నారు. స్థానిక టూ టౌన్‌ సర్కిల్‌ కార్యాలయంలో గురువారం ఏర్పాటు చేసిన విలేకర్ల సమావేశంలో సీఐ ఆర్‌.ఎస్‌. కిశోర్‌కుమార్‌ చోరీలకు సంబంధించిన వివరాలు వెల్లడించారు. యడ్లపాడు మండలం ఉప్పరపాలేనికి చెందిన డేరంగుల కోటేశ్వరరావు కారు డ్రైవర్‌ పని చేస్తుంటాడు. మార్చి 2న కారు రిపేరు చేయాలంటూ తెనాలి ఆర్టీసీ బస్టాండ్‌ వెనుక ఉన్న షెడ్డు వద్దకు రాగా, రూ. 25వేలు అవుతుందని మెకానిక్‌ చెప్పాడు. కారుకు ఇంత డబ్బు ఖర్చు పెట్టే బదులు గంగానమ్మపేట ఉమ్మారెడ్డి కాంప్లెక్సులోని షెడ్డులో మరో కారు అమ్మకానికి ఉందని మెకానిక్‌ చెప్పాడు. దీంతో కోటేశ్వరరావు అక్కడకు వెళ్లి ట్రయల్‌ వేస్తానంటూ కారుతో ఉడాయించేశాడు. తెనాలి టూ టౌన్‌ పోలీసులు కేసు నమోదు చేశారు. ♦ ఏప్రిల్‌ 11న నర్సరావుపేటలోని పల్నాడు సెంటరులో కొనుగోలు చేసిన టీవీని తీసుకెళ్లేందుకు నలుగురు వ్యక్తులు వాహనం కోసం వేచి ఉండగా, బాడుగకు వస్తానంటూ వారితో బేరమాడి, ఎక్కించుకున్నాడు. కొద్ది దూరం వెళ్లాక కారు ఇంజిన్‌ ఆపివేసి, తోయాలంటూ చెప్పాడు. వారు దిగి తోస్తుండగా, స్టార్ట్‌ చేసుకుని వెళ్లిపోయాడు. బాధితుల ఫిర్యాదు మేరకు నకరికల్లు పోలీస్‌స్టేషన్‌లో కేసు నమోదైంది. ♦ అదే నెల 29న నర్సారావుపేట నుంచి ఒంగోలులోని వివాహానికి వెళ్లేందుకు ఇద్దరు పిల్లలతో నలుగురు ఆర్టీసీ బస్టాండ్‌ వద్ద ఉండగా, వారిని బాడుగకు ఒప్పించి, ఎక్కించుకున్నాడు. వివాహానికి సంబంధించి ఆభరణాలు తీసుకెళుతున్నారని వారి మాటల ద్వారా కోటేశ్వరరావు తెలుసుకున్నాడు. కొద్ది దూరం వెళ్లాక కారు ఇంజిన్‌ ఆపివేసి, తోయాలంటూ వారికి చెప్పాడు. దిగి తోస్తుండగా, కారు స్టార్ట్‌ చేసుకుని వెళ్లిపోయాడు. దీనిపై ఒంగోలు రూరల్‌ పోలీస్‌స్టేషన్‌లో కేసు నమోదైంది. తెనాలిలో కారుతో ఉడాయించిన ఘటనపై కేసు దర్యాప్తు చేస్తున్న పోలీసులు నిందితుడు కోటేశ్వరరావు అని నిర్ధారించుకున్నారు. అతన్ని అదుపులోకి తీసుకున్నారు. నర్సరావుపేటలోని బరంపేటలో అతను ఉంటున్న అద్దె ఇంట్లో తనిఖీ చేయగా, బంగారు ఆభరణాలు, ఎల్‌ఈడీ టీవీ, ఒక కారు లభించాయి. నిందితుడి సమాచారం మేరకు తెనాలిలో వదిలి వెళ్లిన కారు, మరో కారునూ స్వాధీనపర్చుకున్నారు. రూరల్‌ ఎస్పీ కార్యాలయంలో పోలీసు శాఖకు చెందిన ఐటీ కోర్‌ విభాగం అందించిన సాంకేతిక సహాయంతో నిందితుడి ఆచూకీ గుర్తించినట్టు సీఐ  వెల్లడించారు. సమావేశంలో ఎస్‌ఐ గన్నవరపు అంజయ్య, పీఎస్‌ఐ శ్రావణి, సిబ్బంది పాల్గొన్నారు.

సాక్షి, న్యూఢిల్లీ :  గురుగావ్‌ టోల్‌ ప్లాజా వద్ద ఓ డ్రైవర్‌ హల్‌ చల్‌ చేశాడు. టోల్‌ ప్లాజా ఉద్యోగిని తన కారు బానేట్‌పై ఉంచి హై స్పీడ్‌లో ఆరు కిలోమీటర్ల దూరం ఈడ్చుకెళ్లాడు. అసలు ఏం జరిగిందంటే..గురగావ్‌ టోల్‌ ప్లాజా వద్దకు ఒక ఇన్నోవా కారు వచ్చింది. అక్కడ ఉన్న ఉద్యోగి టోల్‌ ఛార్జీ చెల్లించమని అడిగారు. కానీ అతను పట్టించుకోలేదు. అలాగే ముందుకు వెళ్లసాగాడు. దీంతో అక్కడి సిబ్బంది కారును ఆపమని కోరారు. దీంతో సదరు డ్రైవర్‌ ‘నా కారును పోలీసులే ఆపలేరు నువ్వు ఆపుతావా’ అంటూ బూతులు తిడుతూ ముందుకు వెళ్లబోయాడు. అతన్ని అడ్డుకునేందుకు ఓ ఉద్యోగి కారు ముందుకు వచ్చి నిలబడ్డాడు. కానీ ఆ డ్రైవర్‌ కారు ఆపకుండా అతని బానేట్‌పై ఉంచి అలాగే ముందుకు వెళ్లాడు. హైస్పీడ్‌లో దాదాపు 6 కిలోమీటర్ల దూరం వెళ్లాడు. అనంతరం అతన్ని అక్కడ వదిలేసి పారిపోయాడు. ఇందంతా అక్కడి ప్రయాణికులు వీడియో తీసి సోషల్‌ మీడియాలో పోస్ట్‌ చేశారు. ఇప్పుడా వీడియో వైరల్‌ అయింది. కాగా ఆ డ్రైవర్‌ ను పోలీసులు అరెస్ట్‌ చేశారా లేదా అన్న విషయం ఇంకా తెలియరాలేదు. 

సాక్షి, జన్నారం(ఖానాపూర్‌): కనిపించకుండా పోయిన తమ కుమారుడిని అప్పగించాలని జన్నారం మండలం పొన్కల్‌కు చెందిన బచ్చల రాజం దంపతులు పోలీసు అధికారులను వేడుకుంటున్నారు. రాజం రెండవ కుమారుడు బచ్చల సతీశ్‌ కొన్నేళ్లుగా ఉట్నూర్‌లో కారు డ్రైవర్‌గా పని చేస్తున్నాడు. ఉట్నుర్‌లో జరిగిన దొంగతనం కేసులో సతీశ్‌పై పోలీసులు కేసు నమోదు చేశారని, ఈనెల 17 పోలీసులు ఇంటికి వచ్చి సతీశ్‌ గురించి అడిగే వరకు తమకు విషయం తెలియదన్నారు. గత కొన్ని రోజులుగా కనిపించకుండా పోయిన తమ కుమారుడి ఆచూకీ తెలపాలని కోరారు. ఈ విషయంపై జన్నారం ఎస్సై తహసీనోద్దీన్‌ను సంప్రదించగా తమకు ఎలాంటి ఫిర్యాదు రాలేదని, ఉట్నూర్‌లో జరిగిన ఓ దొంగతనం కేసులో సతీశ్‌ నిందితుడని తెలిసిందన్నారు.      

కుత్బుల్లాపూర్‌: మా నాన్న కారుకే సైడ్‌ ఇవ్వవా.. అంటూ ఓ యువకుడు విద్యార్థిపై దాడికి పాల్పడిన సంఘటన సోమవారం చింతల్‌లో చోటు చేసుకుంది. వివరాల్లోకి వెళితే..గాజులరామారం ప్రాంతానికి చెందిన అశు హిమాయత్‌నగర్‌లోని హైందవి కళాశాలలో బీకాం మొదటి సంవత్సరం చదువుతున్నాడు. సోమవారం అతను బైక్‌పై ఇంటికి వస్తుండగా ఐడీపీయల్‌ చౌరస్తా సమీపంలో వెనుక నుంచి వచ్చిన కారు అతడిని ఢీకొట్టింది. దీంతో అతను చూసి నడపండి అంటూ కారు డ్రైవర్‌కు సూచించాడు. దీంతో కారు వెనకే వస్తున్న మరో ముగ్గురు యువకులు ‘మా నాన్న కారుకే సైడ్‌ ఇవ్వవా’ అంటూ అతడిపై దాడికి పాల్పడ్డారు. బాధితుడు జీడిమెట్ల పోలీసులకు ఫిర్యాదు చేసినట్లు సమాచారం.   

సాక్షి, ఉలవపాడు (ప్రకాశం): ఏదైనా వైద్యశాలకు వెళ్లాలంటే అక్కడ ఎలా వైద్యం చేస్తారని కనుక్కుని వెళతాం. ఇలాంటి పరిస్థితుల్లో వైద్య విధాన పరిషత్‌ ఆధ్వర్యంలో నడుస్తున్న సీహెచ్‌సీలో కారు డ్రైవర్‌ ఇంజక్షన్లు, సెలైన్లు వేస్తున్న దుస్థితి నెలకొంది. ప్రభుత్వ వైద్యశాల అంటే ఎక్కువగా పేదలే వస్తుంటారు. వారి వైద్యం అంటే ప్రభుత్వానికి ఆటగా మారింది. ఉలవపాడు వైద్యశాలలో కంటి వైద్య నిపుణురాలుకి కారు ఉంది. ఆమె కావలి నుంచి ప్రతిరోజూ కారులో వస్తుంది. ఆమె కారు డ్రైవరే ఇప్పుడు వైద్యశాలలో వైద్యం చేస్తున్నాడు. ఉలవపాడు వైద్యశాలలో ఆరుగురు వైద్యులు ఉన్నారు. గైనకాలజిస్టు, పిల్లల వైద్యనిపుణులు, పంటి వైద్య నిపుణులు, కంటి వైద్య నిపుణులు, జనరల్‌ వైద్యులతో పాటు వైద్యాధికారిణి కూడా ఉన్నారు. వీరు ఓపీ చూసిన తరువాత ఇంజక్షన్లు లేదా, సెలైన్లు రాస్తారు. ఈ సెలైన్లను కారు డ్రైవర్‌ పెడతున్న పరిస్థితి నెలకొంది. శిక్షణ పొందిన స్టాఫ్‌ నర్సులు ఉన్నా డ్రైవర్‌ పెడుతుండడంతో రోగులు భయాందోళనలు చెందుతున్నారు. భయాందోళనలో రోగులు.. రోగులు కారు డ్రైవర్‌ ఇంజక్షన్లు, సెలైన్లు పెడుతుండడంతో భయాందోళనలు చెందుతున్నారు. ప్రభుత్వ వైద్యశాలలో ఎలాంటి శిక్షణ లేని వారు, వైద్యశాలకు సంబంధం లేని వారు వైద్యం ఎలా చేస్తారని ప్రశ్నిస్తున్నారు. వారి డ్రైవర్లు ఇలా చేస్తే ఎలా అని అడుగుతున్నారు. సిబ్బంది సైతం కారు డ్రైవర్లతో బాగుంటూ వారు చెప్పిన విధంగా చేస్తున్నారు. లేకుంటే వైద్యులకు చెప్పితమను ఇబ్బంది పెడతారేమో అని భయం సిబ్బందిలో ఉంది. దీంతో వారు వైద్యం చేస్తున్నా ప్రశ్నించడం లేదు. ఈ విషయంపై వైద్యాధికారిణి శోభారాణిని వివరణ కోరగాఈ విషయం నా దృష్టికి రాలేదు. ఒక్కరే నర్సు ఉన్న సమయంలో ఆమెకు సాయం చేస్తున్నారు. ఆపేయమంటు ఆపేస్తామని తెలిపారు. ఇలా అయితే ఎలా... ప్రస్తుతం ఉలవపాడు వైద్యశాలను ఎంఎల్‌సీసీ (మెడికో లీగల్‌ సెంటర్‌)గా మార్చారు. వివాదాలు, కొట్లాట కేసులు వస్తుంటాయి. వారికి వైద్యం చేసి వెంటనే పోలీసులకు రిపోర్టు అందజేయాలి. దీని పైనే కేసులు ఆధారపడి ఉంటాయి. ఇలాంటి పరిస్థితుల్లో వైద్యం చేసిన సమయంలో ఏ ఇబ్బందులు జరిగినా దానికి బాధ్యత ఎవరు వహించాలి. లీగల్‌ కేసులు వస్తున్న పరిస్థితుల్లో శిక్షణ పొందిన వారు వైద్యం చేయాలని కోరుతున్నారు. బయట వ్యక్తులు కేసులను తప్పుదోవ పట్టించే అవకాశం ఉంటుంది. ఇలాంటి చర్యలు పునరావృతంకాకుండా చూడాలని రోగులు కోరుతున్నారు.

సాక్షి, న్యూఢిల్లీ : దేశ రాజధాని ఢిల్లీలోని ఘజియాబాద్‌లో ఓ కారు డ్రైవర్‌ బీభత్సం సృష్టించాడు. కారు బ్యానెట్‌పై వ్యక్తి ఉండగా... రెండు కిలోమీటర్ల దూరం డ్రైవ్‌ చేశాడు. ఘజియాబాద్‌కు చెందిన  ఓ యువ‌కుడు త‌న కారుతో మ‌రో క్యాబ్‌ను ఢీకొట్టాడు. దాంతో ఆ క్యాబ్ డ్రైవ‌ర్ ఆ యువ‌కుడిని ప్రశ్నించేందుకు కారుకు ఎదురుగా నిల‌బడి ఆపే ప్రయత్నం చేశాడు. కారును ఆపేందుకు నిరాక‌రించిన ఆ యువ‌కుడు .. అలాగే ముందుకు డ్రైవ్‌ చేస్తూ వచ్చాడు. ఈ క్రమంలో క్యాబ్‌ డ్రైవర్‌ కారు బ్యానెట్‌పైకి ఎక్కాడు. అయినప్పుటికీ ఆ యువకుడు కారును ఆపకుండా రెండు కిలోమీటర్ల మేర డ్రైవ్‌ చేశాడు. కానీ క్యాబ్ డ్రైవ‌ర్ మాత్రం త‌న కారును బ్యానెట్‌ను పట్టుకుని వ‌ద‌ల్లేదు. ఈ ఘటనను అంతా అదే రోడ్డుపై వెళ్లున్న కొందరు వీడియో తీశారు. కారు బ్యానెట్‌పై ఉన్న యువకుడు కూడా కారు డ్రైవ‌ర్‌ను నిల‌దీస్తూ ఆ వీడియోలో క‌నిపించాడు. సమచారం తెలుసుకున్న పోలీసులు సంఘటన స్థలానికి చేరుకొని కారు డ్రైవ‌ర్‌ను అరెస్టు చేశారు.

విజయవాడ: గన్నవరం టీడీపీ ఎమ్మెల్యే వల్లభనేని వంశీ కారు డ్రైవర్‌ అనిల్‌ కుమార్‌ ఆత్మహత్యాయత్నం చేశాడు. ఓ యువతి ప్రేమ విషయంలో వల్లభనేని వంశీ మందలించడంతో మనస్తాపానికి గురై పురుగుల మందు తాగాడు. వెంటనే గమనించిన  అనిల్‌ స్నేహితులు దగ్గరలోని ఆసుపత్రికి తరలించారు. అనిల్‌ పరిస్థితి విషమంగా ఉన్నట్లు తెలిసింది. ఈ ఘటనకు సంబంధించి పూర్తి వివరాలు తెలియాల్సి ఉంది.

సాక్షి, కర్నూలు : కడప జిల్లా రాజంపేట ఎమ్మెల్యే మేడా వెంకట మల్లికార్జునరెడ్డి తండ్రి రామకృష్ణారెడ్డి నగదును కారు డ్రైవర్ ఎత్తుకెళ్లాడు. ఈ ఘటన కర్నూలు జిల్లాలో బుధవారం చోటు చేసుకుంది. పోలీసులు తెలిపిన వివరాల మేరకు. హైదరాబాద్‌ నుంచి రాజంపేటకు వెళ్తున్న రామకృష్ణారెడ్డి కర్నూలులోని రాజ్‌విహార్‌ హోటళ్లో భోజనం కోసం ఆగారు. కారులో ఉన్న రూ.50 లక్షల నగదుకు డ్రైవర్‌ మల్లిఖార్జునను కాపలాగా ఉంచి భోజనానికి వెళ్లారు. రామకృష్ణారెడ్డి భోజనం చేసి వచ్చేలోగా కారులో ఉన్న సొమ్ముతో డ్రైవర్ మల్లికార్జున పరారయ్యాడు. రామకృష్ణారెడ్డి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

కట్టంగూర్‌ (నకిరేకల్‌) : రోడ్డు ప్రమాదంలో చిన్నారి మృతి చెందింది. ఈ ఘటన మండలంలోని ముత్యాలమ్మగూడెం పరిధి మాణిక్కాలమ్మగూడెం స్టేజీ సమీపంలో ఆదివారం తెల్లవారుజామున చోటుచేసుకుంది. పోలీసులు తెలిపిన వివరాల ప్రకారం.. ఖమ్మం పట్టణానికి చెందిన ఫిరంగి దుర్రాప్రసాద్‌ తన తండ్రి శోభనాద్రి, కుటుంబసభ్యులతో కలిసి బెంగుళూరు నుంచి స్వగ్రామానికి బయలుదేరాడు. మార్గమధ్యంలోని మాణిక్కామ్మగూడెం వద్దకు రాగానే దుర్గాప్రసాద్‌ కారును అతివేగంగా నడుపుతూ అదుపుతప్పి డివైడర్‌ను ఢీకొట్టాడు. ఈ ప్రమాదంలో కారుపల్టీ కొట్టగా దుర్గాప్రసాద్‌ కూతురు రుక్షర(3) తలకు బలమైన గాయమై అక్కడికక్కడే మృతిచెందినది. చిన్నారి తాతయ్య మహేందర్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ రంజిత్‌ తెలిపారు.  చిన్నారి మృతి చెందడంలో కుటుంబంలో విషాదం నెలకొంది.

అంతసేపు ఆనందంగా గడిపారు. సరిగ్గా 15 నిమిషాల్లో ఇల్లు చేరుతామనుకున్నారు.. అంతలోనే రోడ్డుప్రమాదం వారింట విషాదాన్ని నింపింది. గుడిహత్నూర్‌ సమీపంలో ఆగి ఉన్న లారీని కారు ఢీకొట్టడంతో ముగ్గురు అక్కడికక్కడే మృతి చెందారు. మరో ఇద్దరికి తీవ్ర గాయాలయ్యాయి. గుడిహత్నూర్‌(బోథ్‌) : మండల కేంద్రానికి సమీపంలో జాతీయ రహదారిపై మంగళవారం రాత్రి జరిగిన ఘోర రోడ్డు ప్రమాదం ముగ్గురి ప్రాణాలు తీసింది. పోలీసులు, మృతుడి మిత్రులు తెలిపిన ప్రకారం వివరాలు ఇలా ఉన్నాయి. నిజామాబాద్‌ జిల్లా ముప్కాల్‌కు చెందిన స య్యద్‌ అహ్మద్‌ (43) గత కొన్ని సంవత్సరాలుగా ఆదిలాబాద్‌ జిల్లా కేంద్రంలో కూరగాయల వ్యాపారం చేస్తున్నాడు. తరుచూ ముప్కాల్‌లో ఉన్న తల్లిదండ్రుల వద్దకు వచ్చి వెళ్లేవాడు. ఈ క్రమంలో మంగళవారం భార్య ఫర్హానాబేగం, కొడుకు సయ్యద్‌ ఉమర్‌ (9) కూతురు మహదియాతోపాటు డ్రైవర్‌ బిలాల్‌ (22) ఎర్టీగా వాహనంలో ముప్కాల్‌లో ఉన్న కుటుంబ సభ్యులను కలిసి తిరుగు ప్రయాణంలో నిర్మల్‌లో జరిగిన ఓ కార్యక్రమంలో పాల్గొని ఆదిలాబాద్‌కు బయలు దేరారు. మండల కేంద్రం దాటిన తర్వాత తెలంగాణ దాబా వద్ద హైవే స్పీడ్‌ ట్రాక్‌పై ఓ లారీ టైరు పగలడంతో ఆగి ఉంది. ఇది గమనించని కారు డ్రైవర్‌ లారీని రాత్రి 11 గంటల సమయంలో ఢీకొట్టాడు. ఎయిర్‌ బెలూన్లు తెరుచుకున్నప్పటికీ ముందు సీట్లో కూర్చున్న తండ్రీకొడుకులు సయ్యద్‌ అహ్మద్, సయ్యద్‌ ఉమర్, డ్రైవర్‌ బిలాల్‌ అక్కడికక్కడే మృతి చెందారు. భార్య ఫర్హానాబేగం, కూతురు మహదియాకు తీవ్రగాయాలయ్యాయి. పెద్ద శబ్దం రావడంతో వెంటనే అక్కడికి చేరుకున్న స్థానికులు పోలీసులు, అంబులెన్సుకు సమాచారం అందించి క్షతగాత్రులను రిమ్స్‌కు తరలించారు. మరో 15 నిమిషాల్లో ఇంటికి చేరాల్సిన ఓ కుటుంబం ప్రమాదానికి గురికావడం వీరిలో తండ్రీకొడుకులు చనిపోవడం..మృతుడి భార్య, కూతురు తీవ్రంగా గాయపడడంతో సన్నిహితులు, కుటుంబసభ్యులు కంటతడి పెట్టారు. కేసు నమోదు చేసి దర్యాప్తు చేస్తున్నట్లు ఎస్సై ఎ.కిరణ్‌కుమార్‌ తెలిపారు. నిర్లక్ష్యమే నిండు ప్రాణాలు తీసింది హైవేపై నిరంతర పర్యవేక్షణ చేయాల్సిన హైవే పెట్రోలింగ్‌తోపాటు సదరు హైవే నిర్వహణ సంస్థ నిర్లక్ష్యమే ఈ ప్రమాదానికి కారణమైంది. లారీ టైరు పేలి మరమ్మతు కోసం గంటల తరబడి హైవే స్పీడ్‌ ట్రాక్‌పై నిలిచి ఉంది. వెంటనే ప్రమాద సూచికలు ఏర్పాటు చేయడంలో ఆయా అధికారులు నిర్లక్ష్యం వహించారు. దీంతో పాటులారీ డ్రైవర్‌ కనీసం ఇండికేటర్లు, ఇతరాత్ర ప్రమాద సూచికలు ఏర్పాటు చేయకపోవడంతో లారీ చీకట్లో కనిపించలేదు. కారు డ్రైవరు సైతం అతివేగంగా ఉండడంతో ప్రమాదం జరిగింది. ఈ ప్రమాదం కంటే ముందే పలువురు లారీ చీకట్లో కనిపించక వాహనాన్ని అదుపు చేసుకొని ప్రమాదం నుంచి తప్పించుకున్నట్లు తెలిసింది. ఇరువురి నిర్లక్ష్యం మూడు ప్రాణాలను తీసింది.

బీజింగ్‌: రోడ్డు మీద ఏమైనా పట్టించుకోని ఈ ఉరుకుల పరుగుల జీవితంలో అసలే సాయంత్రం.. త్వరగా ఇంటికెళ్లాలనే ఆతృత. ఆ హడావిడిలో ట్రాఫిక్‌ రూల్స్‌ను తుంగలో తొక్కేయడం సహజమే. ఇలాంటి ఘటనే మన పొరుగు దేశం చైనాలో చోటుచేసుకుంది. కానీ ఈ పరిస్థితుల్లో ఓ కారు డ్రైవర్‌ చేసిన పని.. అతన్ని సోషల్‌ మీడియాలో హీరోను చేసింది.  ఇంతకి విషయమేమిటంటే.. సిగ్నల్‌ కూడలి వద్ద ఉన్న జిబ్రా క్రాసింగ్‌ను దాటడానికి ఓ ముసులవ్వ శతవిధాల ప్రయత్నిస్తోంది. కానీ ఉరుకుల పరుగుల జీవితం కదా.. ఎవ్వడేమైపోతే మనకేందుకు.. అన్నట్లు వెళ్తున్నారు వాహనాదారులు. ఇంతలో అక్కడికి వచ్చిన పసుపు రంగు కారు మాత్రం ఆ ఆముసలవ్వనే చూస్తున్నట్లు ఆగింది. ఎంతకీ ఇతర వాహనాలు ఆగకపోవడంతో చిరాకెత్తిన ఆ డ్రైవర్‌ కారు అడ్డంగా పెట్టి ట్రాఫిక్‌ను అడ్డుకున్నాడు. దీంతో ఆ ముసలవ్వ రోడ్డు దాటింది. రెండు రోజుల క్రితం చైనా జినుహా కూడలి కెమెరాల్లో రికార్డు అయిన ఈ వీడియోను  ఫేస్‌బుక్‌లో ఓ వ్యక్తి ‘పరిమళించిన మానవత్వానికి సెల్యూట్‌’ అంటూ షేర్‌ చేశాడు. ఇంకేముంది ఈ వీడియో నెటిజన్లను తెగ ఆకట్టుకుంది. ఈ వీడియో చూసిన ప్రతి ఒక్కరు ఆ డ్రైవర్‌పై ప్రశంసల జల్లు కురిపిస్తున్నారు. మీరు ఓ లుక్కేయండి.!


 తిమ్మాపూర్‌ : మండలంలోని రేణికుంట టోల్‌ప్లాజా వద్ద విధులు నిర్వర్తిస్తున్న ఓ ఉద్యోగిపై మంథని ఎమ్మెల్యే పుట్ట మధు డ్రైవర్‌ చేయిచేసుకున్నాడు. ఈ సంఘటన బుధవారం చోటు చేసుకుంది. స్థానికుల కథనం ప్రకారం.. కరీంనగర్‌ నుంచి హైదరాబాద్‌కు వెళ్తున్న పుట్ట మధు కారు రేణికుంట టోల్‌ప్లాజా వద్ద మిగిలిన వాహనాలు వెళ్లేదారిలోనే వచ్చింది. టోల్‌ కలెక్షన్‌ సెంటర్‌ వద్ద అప్పటికే వాహనం ఉండడంతో ఎమ్మెల్యే వాహనం ఆగింది. తమlవాహనానికి క్లియరెన్స్‌ ఇవ్వడంలేదని ఎమ్మెల్యే డ్రైవర్‌ ప్రశ్నించాడు. వీఐపీలకు ప్రత్యేక దారి ఉందని, అలా వెళ్లాలని టోల్‌ప్లాజాలో పని చేస్తున్న లేన్‌ అసిస్టెంట్‌ నాగరాజు అన్నాడు. వెంటనే కారు దిగిన డ్రైవర్‌ నాగరాజుపై దాడికి పాల్పడ్డాడు. దీనిపై తమకు ఎవరూ ఫిర్యాదు చేయలేదని ఎల్‌ఎండీ పోలీసులు తెలిపారు. 
 ఉద్యోగి వసూళ్లపై డీటీసీకి ఫిర్యాదు
  ఆర్టీఏ ఆఫీసులో ఓ ఉద్యోగి వసూళ్లపర్వంపై ఆర్టీసీ డ్రైవర్లు బుధవారం డీటీసీ వినోద్‌కుమార్‌కు లిఖితపూర్వకంగా ఫిర్యాదు చేశారు. కౌంటర్‌ వద్ద ఉన్న రామ్మూర్తి డబ్బులిస్తేనే పనులు చేస్తున్నాడని, లేకుంటే ఇబ్బంది పెడ్తున్నాడని ఆర్టీసీ డ్రైవర్లు ముల్గు రవీందర్, కోరెపు శంకరయ్య డీటీసీకి వివరించారు. తాను చేయని పని మిగతా కౌంటర్‌లో చేశారని రవీందర్, తన వద్ద ఒక అప్లికేషన్‌కు రూ.100 వసూలు చేశాడని శంకరయ్య తెలిపారు. సదరు ఉద్యోగిపై చర్యలు తీసుకోవాలని డ్రైవర్లు లిఖితపూర్వకంగా ఫిర్యాదు చేశారు. డీటీసీ స్పందిస్తూ ఉద్యోగికి వర్క్‌ సస్పెండ్‌ చేస్తున్నట్లు ప్రకటించారు. ఆఫీసులో ఉద్యోగులు దరఖాస్తుదారులను ఇబ్బంది పెట్టకుండా మెరుగైన సేవలు అందించాలని, ఎవరైనా డబ్బులు అడిగితే దరఖాస్తుదారులు తన దృష్టికి తీసుకురావాలని, తప్పకుండా చర్యలు తీసుకుంటానని డీటీసీ తెలిపారు.