బాలీవుడ్‌ ప్రముఖ నటుడు దేబ్ ముఖర్జీ శుక్రవారం (83) ఏళ్ల వయసులో మరణించారు. కొన్ని నెలలుగా ఆయన అనారోగ్యంతో బాధపుడుతున్నారు. వృద్ధాప్య సంబంధిత వ్యాధుల కారణంగా దేబ్‌ మరణించినట్లు బాలీవుడ్ వర్గాలు తెలిపాయి. బాలీవుడ్‌లో దేబ్ ముఖర్జీ కుటుంబానికి ప్రత్యేకమైన స్థానం ఉంది. వారి కుటుంబంలో నిర్మాతలు, దర్శకులు అనేకమంది ఉన్నారు. ఆయన కుమారుడు ఆయాన్ ముఖర్జీ 'వార్‌2' డైరెక్ట్‌ చేస్తున్న విషయం తెలిసిందే. దేబ్‌ అంత్యక్రియలు శుక్రవారం సాయంత్రం 4 గంటలకు ముంబైలోని పవన్ హన్స్‌లో శ్మశానవాటికలో జరుగుతాయని కుటుంబ సభ్యులు ఓ ప్రకటలో తెలిపారు.దేబ్ ముఖర్జీ అంత్యక్రియలలో బాలీవుడ్‌ స్టార్స్‌ పాల్గొననున్నారు. కాజోల్, రాణి ముఖర్జీ ఇద్దరూ కూడా దేబ్‌ ముఖర్జీకి మేనకోడళ్ళు అవుతారు. దీంతో వారు తప్పకుండా అక్కడకు రానున్నారు. వారితో పాటుగా అజయ్ దేవ్‌గన్, తనూజ, తనిషా, ఆదిత్య చోప్రాతో సహా ఆయన కుటుంబ సభ్యులు పాల్గొనే అవకాశం ఉందని సమాచారం. రణ్‌బీర్ కపూర్, అలియా భట్, హృతిక్ రోషన్, సిద్ధార్థ్ మల్హోత్రా, దీపికా పదుకొనే, రణ్‌వీర్ సింగ్ వంటి ఆయన్ ముఖర్జీ స్నేహితులు కూడా అంత్యక్రియలకు హాజరవుతారని భావిస్తున్నారు.దేబ్ ముఖర్జీ కుమారుడు అయాన్ ముఖర్జీ వార్ 2 సినిమా పనుల్లో బిజీగా ఉన్నారు. ఎన్టీఆర్‌, హృతిక్ రోషన్ హీరోలుగా నటిస్తున్న ఈ చిత్రాన్ని భారీ బడ్జెట్‌తో నిర్మిస్తున్నారు.

హిందీ చిత్రం ‘వార్‌ 2’లో ఎన్టీఆర్‌ విలన్‌గా కనిపిస్తారా? అసలు ఆయన పాత్ర ఎలా ఉంటుంది? అనే ప్రశ్నలకు చిన్న క్లూ దొరికింది. ఈ చిత్రంలో ఎన్టీఆర్‌ భారతదేశానికి చెందిన రహస్య గూఢచారి పాత్రలో కనిపిస్తారని టాక్‌. ఈ పాత్ర పాజిటివ్‌గా ఉంటుందట. ఇక యశ్‌రాజ్‌ స్పై యూనివర్శ్‌లో భాగంగా రూపొందుతున్న ‘వార్‌ 2’ మల్టీస్టారర్‌ మూవీ అనే విషయం తెలిసిందే. హృతిక్‌ రోషన్, ఎన్టీఆర్‌ కాంబినేషన్‌లో అయాన్‌ ముఖర్జీ దర్శకత్వంలో ఆదిత్య చోప్రా నిర్మిస్తున్నారు. త్వరలో ఎన్టీఆర్‌ ఈ చిత్రం షూటింగ్‌లో పాల్గొంటారు. ఇంకో విషయం ఏంటంటే... ‘వార్‌ 2’లో రహస్య గూఢచారిగా యుద్ధం చేసే ఎన్టీఆర్‌తో ఆ తర్వాత ఇదే పాత్రతో ఒక ఫుల్‌ మూవీ తీయాలని, ఆ తర్వాత వచ్చే ఈ స్పై చిత్రాల్లో కీలక పాత్రల్లో ఎన్టీఆర్‌ని చూపించాలని ఆదిత్య చోప్రా అనుకుంటున్నారట. ఇక ‘వార్‌ 2’ వచ్చే ఏడాది ఆగస్టు 14న విడుదల కానుంది.

‘బ్రహ్మాస్త్రం’ చిత్రంలోని తర్వాతి భాగాలను చూడాలనుకుంటున్న ప్రేక్షకులు మరింత సమయం వేచి ఉండక తప్పదు. దర్శకుడు అయాన్‌ ముఖర్జీ తెరకెక్కిస్తున్న హిందీ ట్రయాలజీ ‘బ్రహ్మాస్త్ర’. మూడు భాగాల ‘బ్రహ్మాస్త్రం’లోని తొలి భాగం ‘బ్రహ్మాస్త్ర: పా ర్ట్‌ వన్‌ శివ’ గత ఏడాది సెప్టెంబరు 9న విడుదలై, ఘనవిజయం సాధించిన సంగతి తెలిసిందే. రణ్‌బీర్‌ కపూర్, ఆలియా భట్‌ హీరో హీరోయిన్లుగా అమితాబ్‌ బచ్చన్, నాగార్జున కీలక పా త్రల్లో ఈ చిత్రం రూ΄పొందింది. అయాన్‌ ముఖర్జీ దర్శకత్వంలో కరణ్‌ జోహార్‌ నిర్మించారు. కాగా ‘బ్రహ్మాస్త్ర’ ట్రయాలజీలోని రెండో భాగం ‘బ్రహ్మాస్త్ర: పా ర్టు 2 దేవ్‌’, ‘బ్రహ్మాస్త్ర’ థర్డ్‌ పా ర్టులను వరుసగా 2026 డిసెంబరు, 2027 డిసెంబరులో విడుదల చేయనున్నట్లు దర్శకుడు అయాన్‌ ముఖర్జీ మంగళవారం అధికారికంగా ప్రకటించారు. ‘‘బ్రహ్మాస్త్ర: పా ర్ట్‌ 1 శివ’కు ప్రేక్షకుల నుంచి మంచి స్పందన వచ్చింది. దీంతో సెకండ్‌ పా ర్ట్, థర్డ్‌ పా ర్ట్‌ స్క్రిప్ట్స్‌పై మరింత ఫోకస్‌ పెట్టాను. అలాగే ఈ రెండు సినిమాలను ఏడాది గ్యాప్‌లో విడుదల చేయాలనుకుంటున్నాం’’ అని పేర్కొన్నారు దర్శకుడు అయాన్‌ ముఖర్జీ. అలాగే తాను మరో సినిమాకు దర్శకత్వం వహించే చాన్స్‌ ఉందని, సరైన టైమ్‌లో ఆ విషయాన్ని వెల్లడిస్తానని కూడా అయాన్‌ పేర్కొన్నారు. దాంతో ఇది ‘వార్‌ 2’ సినిమా గురించే అనే ఊహాగానాలు మొదలయ్యాయి.  

ఆలియాభట్, రణ్‌బీర్‌ కపూర్ జంటగా బాలీవుడ్‌లో విజువల్‌ వండర్‌గా తెరకెక్కిన చిత్రం 'బ్రహ్మాస్త్ర'. సెప్టెంబర్ 9న ప్రపంచవ్యాప్తంగా రిలీజైన ఈ సినిమా బాక్సాఫీస్ వద్ద భారీ విజయం సాధించింది. మొదట ఈ సినిమాపై నెగెటివ్ టాక్​ వచ్చినా ఆ తర్వాత కలెక్షన్లతో దూసుకెళ్లింది. దాదాపు ప్రపంచవ్యాప్తంగా రూ.400 కోట్లకు పైగా వసూళ్లు రాబట్టింది. బిగ్‌బీ అమితాబ్ బచ్చన్, టాలీవుడ్ కింగ్ నాగార్జున, మౌనీ రాయ్ కీలకపాత్రలు పోషించారు.   ( చదవండి: ఓటీటీకి 'బ్రహ్మస్త్ర' .. అప్పుడేనా?) అయితే ఈ సినిమా కలెక్షన్లపై కాస్త గందరగోళం ఏర్పడింది. తాజాగా ఈ మూవీ సాధించిన కలెక్షన్లపై దర్శకుడు అయాన్ ముఖర్జీ సోషల్ మీడియా వేదికగా వెల్లడించారు. తన ఇన్‌స్టాలో రాస్తూ ' 2022లో ప్రపంచవ్యాప్తంగా నంబర్ వన్‌గా నిలిచిన‌ హిందీ మూవీ. ఇందుకు మీ అందరికి ధన్యవాదాలు. హ్యాపీ నవమి' అంటూ క్యాప్షన్‌తో కలెక్షన్ల వివరాలతో ఓ కొత్త పోస్టర్‌ను పోస్ట్‌ చేశాడు. ప్రపంచవ్యాప్తంగా 25 రోజుల్లో బ్రహ్మాస్త్ర రూ.425 కోట్ల గ్రాస్‌ కలెక్షన్లు రాబట్టిందని పోస్టర్‌లో తెలిపారు. ప్రపంచవ్యాప్తంగా భూల్‌ భులయ్యా 2, ది కశ్మీర్‌ ఫైల్స్‌ సినిమాల కలెక్షన్ల కంటే ఎక్కువ మొత్తం బ్రహ్మాస్త్రకు వచ్చినట్లు అయాన్‌ వెల్లడించాడు. అయితే ఈ సినిమా చిత్రీకరణ సమయంలో బడ్జెట్‌ అనూహ్యంగా పెరిగినట్లు చెప్పారు అయాన్‌ ముఖర్జీ.  View this post on Instagram A post shared by Ayan Mukerji (@ayan_mukerji)

బాలీవుడ్ ప్రేమజంట ఆలియాభట్, రణ్‌బీర్ కపూర్ జంటగా తెరకెక్కిన విజువల్ వండర్ 'బ్రహ్మస్త్ర'. ఈ సినిమా బాక్సాఫీస్ వద్ద భారీ విజయం సాధించింది. అయాన్ ముఖర్జీ దర్శకత్వం వహించిన ఈ చిత్రం ప్రస్తుతం థియేటర్లలో సందడి చేస్తోంది. ప్రపంచవ్యాప్తంగా భారీ మొత్తంలో వసూళ్లు రాబట్టింది. ఈ సినిమా బ్రహ్మస్త్రం పేరుతో తెలుగులోనూ విడుదలైంది. బిగ్‌బీ అమితాబ్ బచ్చన్, టాలీవుడ్ కింగ్ నాగార్జున, మౌనీ రాయ్ కీలకపాత్రలు పోషించారు.  భారీ అంచనాల మధ్య ఈ చిత్రం సెప్టెంబర్ 9న ప్రేక్షకుల ముందుకొచ్చింది.  (చదవండి: దసరా సెలవుల‍్లో బ్రహ్మస్త్ర బంపర్‌ ఆఫర్‌.. థియేటర్లలో రూ.100 కే చూడొచ్చు) తాజాగా ఈ చిత్రం ఓటీటీ రిలీజ్‌పై టాక్ నడుస్తోంది. ఈ సినిమా అక్టోబర్‌లోనే  స్ట్రీమింగ్ రానున్నట్లు సమాచారం. అక్టోబర్ రెండో వారంలో వచ్చే ఛాన్స్ ఉన్నట్లు తెలుస్తోంది.  అదే నిజమైతే బ్రహ్మస్త్రను చూడాలనుకుంటున్న అభిమానులకు పండగే. అయితే దీనిపై చిత్రబృందం నుంచి ఇప్పటి వరకు ఎలాంటి అధికారిక ప్రకటన రాలేదు.  ఈ సినిమా ఓటీటీ హక్కులను ప్రముఖ సంస్థ డిస్నీ+హాట్ స్టార్  సొంతం చేసుకున్న సంగతి తెలిసిందే. 

బాలీవుడ్ రొమాంటిక్ జోడీ ఆలియాభట్‌, రణ్‌బీర్ కపూర్ ప్రధానపాత్రల్లో తెరకెక్కిన చిత్రం 'బ్రహ్మాస్త్ర'. ఇటీవల విడుదలైన చిత్రం బాక్సాఫీస్ వద్ద పలు రికార్డులు సాధించింది. అయాన్‌ ముఖర్జీ దర్శకత్వం వహించిన ఈ చిత్రంలో బిగ్‌ బీ అమితాబ్‌ బచ్చన్‌, నాగార్జున, మౌనిరాయ్‌ కీలక పాత్రల్లో పోషించారు. అయితే ఈ సినిమా బడ్జెట్‌, కలెక్షన్స్‌ విషయంలో పలు రకాల వదంతులు వ్యాపించాయి. ఈ సినిమా బడ్జెట్‌ పెరిగడంతో.. అలియాభట్, రణ్‌బీర్ కపూర్‌‌ రెమ్యునరేషన్ తీసుకోలేదనే రూమర్స్ సోషల్ మీడియాలో చక్కర్లు కొడుతున్నాయి. వీటిపై తాజాగా  సినిమా దర్శకుడు అయాన్‌ ముఖర్జీ క్లారిటీ ఇచ్చారు. అయాన్‌ ముఖర్జీ మాట్లాడుతూ ‘చాలా మంది త్యాగాలతో ఈ చిత్రాన్ని నిర్మించాం. ఈ సినిమాలో నటించినందుకు రణ్‌బీర్‌ ఎలాంటి డబ్బులు తీసుకోలేదు. ఇది నిజంగా చాలా గొప్ప విషయం. అలియాభట్  ఈ ప్రాజెక్టులో 2014లో జాయినైంది. ఆమెకు ఈ చిత్రానికి ఇచ్చిన పారితోషికం ప్రస్తుతం తాను తీసుకుంటున్న దానికి చాలా తక్కువ.  మేం సినిమా పూర్తి చేసే సమయానికి అలియా కూడా  ఈ చిత్రంలో భాగమైంది’ అని అన్నారు.  (చదవండి: బిగ్‌బాస్‌ షో.. ఆ స్టార్‌ హీరో పారితోషికం భారీగా తగ్గనుందా..!) రెమ్యునరేషన్‌పై వస్తున్న వార్తలపై రణ్‌బీర్‌ కపూర్ కూడా స్పష్టత ఇచ్చారు.  ఆయన మాట్లాడుతూ.. ‘ నిజానికి నేను బ్రహ్మాస్త్ర మొదటి భాగానికి పారితోషికం తీసుకోలేదు. ఎందుకంటే నేను ఈ చిత్రానికి నిర్మాతను కూడా. కానీ నేను అంతకు మించి పొందాను. ఈ సినిమాను మూడు భాగాలుగా తీయగలమనే నమ్మకం ఉంది. ఒక నటుడిగా నేను ఇంతకంటే పొందగలిగేది ఏముంటుంది. ఈ సినిమా నుంచి చాలా నేర్చుకున్నాను’’ అని అన్నారు.   "  

‘బ్రహ్మాస్త్ర’ మూవీ టీమ్‌పై బాలీవుడ్‌ స్టార్‌ హీరోయిన్‌ కంగనా రనౌత్‌ తీవ్రస్థాయిలో మండిపడ్డారు. ఈ చిత్రం కోసం దర్శకుడు అయాన్‌ ముఖర్జీ రూ.600 కోట్లు కాల్చి బూడిద చేశారని విమర్శించారు. అతని సినీ కెరీర్‌లో ఒక్క మంచి చిత్రం కూడా లేదని, అతన్ని మెచ్చుకున్న వారందర్నీ జైల్లో పెట్టాలని డిమాండ్‌ చేశారు. ఈ మేరకు ‘బ్రహ్మాస్త్ర’ చిత్రానికి సినీ క్రిటిక్స్‌ ఇచ్చిన రేటింగ్‌ని ఇన్‌స్టా స్టోరీలో షేర్‌ చేస్తూ.. చిత్ర బృందంపై, ముఖ్యంగా నిర్మాత కరణ్‌ జోహార్‌పై షాకింగ్‌ కామెంట్స్‌ చేశారు.  (చదవండి: ‘బ్రహ్మాస్త్రం’ ఫస్ట్‌డే కలెక్షన్స్‌.. టాలీవుడ్‌లో సరికొత్త రికార్డు) ‘అయాన్‌ ముఖర్జీని మేధావి అని మెచ్చుకున్న వారందర్నీ జైలుకు పంపించాలి. ‘బ్రహ్మాస్త్ర’చిత్రానికి తెరకెక్కించడానికి అతనికి 12 ఏళ్లు పట్టింది. ఈ సినిమాను 400 రోజులకుపైగా షూట్ చేసి, 14 మంది సినిమాటోగ్రాఫర్లను, 85 మంది అసిస్టెంట్‌ డైరెక్టర్లను మార్చాడు. ప్రొడక్షన్స్‌  ఖర్చుల రూపంలో మొత్తంగా రూ.600 కోట్లను కాల్చి బూడిద చేశాడు. బాహుబలి సినిమా సక్సెస్‌ కావడంతో.. బ్రహ్మాస్త్ర సినిమా పేరును జలాలుద్దీన్ రూమీ నుంచి శివగా చివరి నిమిషంలో మార్చి మతపరమైన మనోభావాలను దెబ్బ తీసేందుకు ప్రయత్నించారు. ఇలాంటి అవకాశవాదులు, సృజనాత్మకత కోల్పోయిన వ్యక్తులను మేధావి అని పిలవ కూడదు’అంటూ కంగనా రాసుకొచ్చారు. అలాగే కరణ్‌ జోహార్‌పై కూడా కంగనా తీవ్రస్థాయిలో మండిపడ్డారు. ‘అతను సినిమా స్క్రిప్ట్‌లపై కంటే ఇతరుల శృంగార జీవితాలపైనే ఎక్కువ ఆసక్తి కనబరుస్తుంటాడు. రివ్యూలు, రేటింగ్స్‌, కలెక్షన్స్‌ వివరాలు.. ఇలా ప్రతిదాన్నీ డబ్బుతో కొనుగోలు చేసి తన సినిమాలకు ఇప్పించుకుంటాడు. ఈసారి అయితే దక్షిణాది వారి దృష్టి సొంతం చేసుకోవడానికి ప్రయత్నించాడు. తాను తెరకెక్కించే సినిమాలో మంచి కథ, కథనం, టాలెంట్‌ ఉన్న నటీనటులను పెట్టుకోవడం మానేసి తమ చిత్రాన్ని ప్రమోట్‌ చేయాలని దక్షిణాది నటీనటులు, దర్శకులను కోరుకున్నాడు. ఇలా అక్కడి వారిని కోరుకునే బదులు మంచి టాలెంట్‌ ఉన్న వాళ్లతో సినిమా తీస్తే సరిపోతుంది కదా’అని కంగనా రనౌత్ పోస్ట్ పెట్టారు. ప్రస్తుతం పోస్టులు నెట్టింట వైరల్ అవుతున్నాయి. ఇక బ్రహ్మాస్త్ర సినిమా విషయానికొస్తే..  అయాన్‌ ముఖర్జీ దర్శకత్వం వహించిన ఈ చిత్రంలో రణ్‌బీర్‌ కపూర్‌, అలియాభట్‌ జంటగా  నటించనగా, బిగ్‌బీ అమితాబ్‌ బచ్చన్‌, నాగార్జున, మౌనీ రాయ్‌ పలు కీలక పాత్రలు పోషించారు.స్టార్‌ స్టూడియోస్, ధర్మ ప్రొడక్షన్స్‌, ప్రైమ్‌ ఫోకస్, స్టార్‌లైట్‌ పిక్చర్స్‌ నిర్మించిన ఈ సినిమా దర్శకుడు ఎస్‌.ఎస్‌.రాజమౌళి దక్షిణాదిలో సమర్పించారు. భారీ అంచనాల మధ్య నిన్న(సెప్టెంబర్‌ 9) ప్రేక్షకుల ముందుకు వచ్చిన ఈ చిత్రానికి మిశ్రమ స్పందన లభించింది. 

Brahmastra: Kumkumala Video Song Released: భారీ ఫాంటాసి యాక్షన్ ఎంటర్ టైనర్‌గా బాలీవుడ్‌లో తెరకెక్కుతోన్న పాన్ ఇండియా సినిమా "బ్రహ్మాస్త్ర". ఈ సినిమా తెలుగులో "బ్రహ్మాస్త్రం" గా రిలీజ్ కానుంది. రాక్ స్టార్ రణ్‌బీర్ కపూర్, అలియా భట్ తొలిసారి జంటగా నటిస్తున్న సినిమా కావడంతో భారీ అంచనాలు నెలకొన్నాయి. ఈ మూవీకి అయాన్ ముఖర్జీ దర్శకత్వం వహిస్తున్నారు. ఇందులో బాలీవుడ్ లెజెండరీ నటుడు అమితాబచ్చన్ తో పాటు టాలీవుడ్ కింగ్ నాగార్జున, నాగిన్‌ బ్యూటీ మౌనీ రాయ్‌ తదితరులు కీలక పాత్రల్లో నటిస్తున్నారు. అలాగే బాలీవుడ్‌ బాద్‌షా షారుక్‌ ఖాన్‌ కూడా ఈ సినిమాలో కనిపిస్తారని టాక్‌.  ఇదివరకు ఈ మూవీ నుంచి విడుదలైన పోస్టర్లు, టీజర్‌, సాంగ్‌ ప్రేక్షకులను విశేషంగా ఆకట్టుకున్నాయి. తాజాగా "బ్రహ్మాస్త్రం" చిత్ర యూనిట్ "కుంకుమల" వీడియో పాటను విడుదల చేసింది. ప్రీతమ్ స్వరపరచిన ఈ గీతాన్ని "సిద్ శ్రీరామ్" ఆలపించారు.  తెలుగులో చంద్రబోస్ సాహిత్యం అందించారు. ఈ సినిమా పాన్ ఇండియా స్థాయిలో సెప్టెంబర్ 9న రిలీజ్ కానుంది. హిందీతో పాటు తెలుగు, తమిళం, మలయాళం, కన్నడ భాషల్లో విడుద‌ల చేయ‌నున్నారు. తెలుగులో ఈ చిత్రానికి దర్శక దిగ్గజం రాజమౌళి సమర్పకుడిగా వ్యవహరిస్తున్నారు.  చదవండి: పిల్లలు వద్దనుకోవడంపై ఉపాసన క్లారిటీ.. అలియా భట్‌కు కవలలు ? రణ్‌బీర్ ఆసక్తికర వ్యాఖ్యలు.. మళ్లీ పొట్టి దుస్తుల్లో రష్మిక పాట్లు.. వీడియో వైరల్‌

రియల్‌ లైఫ్‌ జోడీ రణ్‌బీర్‌ కపూర్‌, ఆలియా భట్‌ జంటగా నటించిన చిత్రం బ్రహ్మాస్త్ర. షారుక్‌ ఖాన్‌, అమితాబ్‌ బచ్చన్‌, నాగార్జున కీలక పాత్రలు పోషిస్తున్నారు. ఇటీవల ఈ సినిమా నుంచి ట్రైలర్‌ రిలీజవగా దీనిపై నెట్టింట విపరీతమైన ట్రోలింగ్‌ జరిగింది. అంతేకాదు ఏకంగా బ్రహ్మాస్త్ర మూవీని నిషేధించాలని నెటిజన్లు డిమాండ్‌ చేశారు. ఇందుకు వాళ్లు చెప్పిన ప్రధాన కారణం.. రణ్‌బీర్‌ కపూర్‌ కాళ్లకు షూలు వేసుకని ఆలయంలోకి ప్రవేశించడమే కాకుండా షూలతోనే గుడిగంట మోగించాడు. దీంతో ఈ సీన్‌పై ఓ వర్గం ఒంటికాలిపై లేచింది. ఆలయంలోకి చెప్పులు వేసుకుని ఎలా వెళ్తారంటూ మండిపడింది. తాజాగా ఈ వివాదంపై బ్రహ్మాస్త్ర డైరెక్టర్‌ అయాన్‌ ముఖర్జీ స్పందించాడు. 'రణ్‌బీర్‌ కాళ్లకు షూలు వేసుకుని గుడిగంట మోగించడంపై చాలామంది ఆగ్రహం వ్యక్తం చేశారు. ఒక భక్తుడిగా, సినిమా దర్శకుడిగా అసలు ఏం జరిగిందో మీకు క్లారిటీ ఇవ్వాలనుకుంటున్నాను. రణ్‌బీర్‌ కాళ్లకు షూలు వేసుకుని ఆలయంలో అడుగుపెట్టలేదు. దుర్గాదేవి పూజామండపంలోకి వెళ్లాడు. 75 ఏళ్లుగా మా కుటుంబం దుర్గా పూజను నిర్వహిస్తోంది. నాకున్న అనుభవం కొద్దీ చెప్తున్నా.. మండపంలోకి కాళ్లకు చెప్పులు వేసుకునే వెళ్తాం. కానీ అమ్మవారి ముందుకు వెళ్లేటప్పుడు మాత్రం వాటిని పక్కన విడిచేసి దర్శనం చేసుకుంటాం. అక్కడ జరిగిందిదే. భారతీయ సంస్కృతిని చాటిచెప్పేందుకే ఈ సినిమా తీశాం. అంతే తప్ప ఎవరి మనోభావాలను కించపరిచే ఉద్దేశం లేదు' అని దర్శకుడు స్పష్టం చేశాడు. View this post on Instagram A post shared by Ayan Mukerji (@ayan_mukerji) చదవండి: పెళ్లి తర్వాత నయన తార మొదటి చిత్రం.. 'ఓ2' రివ్యూ.. ఎలా ఉందంటే ? లారెన్స్‌ బిష్ణోయ్‌ ముఠా హిట్‌ లిస్ట్‌లో కరణ్‌ జోహార్‌..

బాలీవుడ్‌లో అత్యంత ప్రతిష్టాత్మకంగా రూపొందుతున్న భారీ పాన్ ఇండియా  చిత్రం `బ్రహ్మాస్త్ర`. అయాన్‌ ముఖర్జీ దర్శకత్వం వహించిన ఈ చిత్రాన్ని తెలుగులో ‘బ్రహ్మస్త్రం’ పేరుతో విడుదల చేయబోతున్నారు. రణ్‌బీర్‌ కపూర్‌, అలియాభట్‌ జంటగా నటిస్తున్నఈ చిత్రంలో  బిగ్‌బీ అమితాబ్‌ బచ్చన్‌, నాగార్జున, మౌనీ రాయ్‌ పలు కీలక పాత్రలు పోషిస్తున్నారు. వీరితోపాటు బాలీవుడ్‌ బాద్‌షా షారుక్‌ ఖాన్‌ అతిథి పాత్రలో మెరవనున్నాడని సమాచారం. ఈ చిత్రం నుంచి ఇటీవల ట్రైలర్‌ విడుదల చేసిన విషయం తెలిసిందే. రిలీజైన అతి కొద్ది సమయంలో మంచి రెస్పాన్స్‌ వచ్చింది.  అలాగే ఈ మూవీ మంచి స్పందనతోపాటు  విమర్శలు కూడా ఎదుర్కొంటోంది. '#BycottBrahmastra' అంటూ సోషల్‌ మీడియాలో ట్రెండింగ్‌గా నిలిచింది. అందుకు కారణం ఆ మూవీ ట్రైలర్‌లో చూపించిన ఒక సన్నివేశమే. ఈ ట్రైలర్‌లో రణ్‌బీర్‌ కపూర్‌ గుడిలోకి వెళ్తూ గంటలు కొడతాడు. కానీ ఆ సమయంలో రణ్‌బీర్‌ షూ ధరించి ఉంటాడు. ఇదే ఈ విమర్శలకు కారణంగా మారింది. ఇది చూసిన నెటిజన్స్‌ ఆగ్రహం వ్యక్తం చేస్తున్నారు. '#BycottBrahmastra' ట్యాగ్‌తో బాలీవుడ్‌ను ఏకిపారేస్తున్నారు. 'అరే వా.. బాలీవుడ్‌ షూలతో గుడిలోకి వెళ్లింది. ఈ మూవీని బాయ్‌కాట్‌ చేయండి', 'ఎందుకు అతను షూలతో టెంపుల్‌లోకి వెళ్లాడు' అంటూ తదితర ట్వీట్‌లతో 'బ్రహ్మాస్త్ర' మూవీకి నిరసన సెగ తగిలింది.  చదవండి: 13 ఏళ్ల పిల్లల నుంచి అత్యాచార బెదిరింపులు, తట్టుకోలేకపోయాను: నటి ముసలిదానివైపోతున్నావ్‌.. అంటూ అనసూయపై కామెంట్లు Waah re bollywood entering temple with shoes on. Boycott this movie!!! Let them feel our power!!! Aakhir kab tak urduwood bane rahoge#BoycottBrahmastra pic.twitter.com/uwdvwzD3lE — ईशा 🕉️ (@iishapradhan_) June 15, 2022 No matter how many religious films you make, these Bollywood people always build mistakes, that's why I don't trust Bollywood. #jagohindu #BoycottBollywood #BoycottBrahmastra #BoycottBrahmastraMovie #WeWantHinduRashtra pic.twitter.com/z79rA2Etac — Ankit Ranjan Singh (@AnkitSingh13_) June 16, 2022 Why he Is entering Temple with shoes #BoycottBrahmastra pic.twitter.com/YJGyauTD1z — Shashikanth Reddy (@Shashi26214076) June 15, 2022 #RanbirKapoor is Shown Wearing Shoes and Ringing a Bell in Temple #Brahmastra #Bollywood Will Never Stop Insulting Hinduism.#BoycottBollywood ❌#BoycottBrahmastra ❌#BrahmastraTrailer ❌ #KaranJohar ❌ But Rabel Star #Prabhas Worships God Blockbuster #Adipurush.☑️ #RRRMovie pic.twitter.com/IXMIu9Wroo — ℝ𝕒𝕞 𝕔𝕙𝕒𝕣𝕒𝕟 📿🚩🚩 (@Boss42265174) June 15, 2022 I Am Ready to #BoycottBrahmastra What about you? #BoycottBollywood CBI Do Justice To Sushant pic.twitter.com/YEoACI4zRj — KumardeepRoy(DETECTIVE BYOMKESH) (@I_Am_Roy18) June 16, 2022 Entering Temple with shoes, this is what we can expect from Urduwood. Bollywood never misses a chance to hurt our sentiments towards Sanatana Dharma.#BoycottBollywood #BoycottBrahmastra pic.twitter.com/Pa5hmX99Ag — 🚩 (@Chand_Bardai) June 15, 2022

Alia Bhatt First Look Released From Brahmastra: బాలీవుడ్‌ స్టార్‌ హీరోయిన్‌ అలియా భట్‌, ఆమె ప్రియుడు రణ్‌బీర్‌ కపూర్‌ తొలిసారి జంటగా నటించిన చిత్రం ‘బ్రహ్మస్త్ర’. బాలీవుడ్‌ డైరెక్టర్‌ అయాన్‌ ముఖర్జీ అంత్యంత ప్రతిష్టాత్మకంగా ఈ మూవీని తెరకెక్కించాడు. ఇటీవల షూటింగ్‌ను పూర్తి చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ పనులను జరుపుకుంటుంది. ఇదిలా ఉంటే నేడు అలియా బర్త్‌డే సందర్భంగా ఈ మూవీ నుంచి క్రేజీ అప్‌డేట్‌ ఇచ్చారు మేకర్స్‌. మార్చి 15న అలియా 29వ పుట్టిన రోజు. ఈ నేపథ్యంలో డైరెక్టర్‌ అయాన్‌ తన ఇన్‌స్టాగ్రామ్‌లో అలియా ఫస్ట్‌లుక్‌ రిలీజ్‌ చేస్తూ సర్‌ప్రైజింగ్‌ వీడియో షేర్‌ చేశాడు. కాగా ఇందులో అలియా పాత్ర పేరు ఇషా. ఈ సందర్భంగా ‘హ్యాపీ బర్త్‌డే మై లిటిల్‌ వన్‌. ఈ ప్రత్యేకమైన రోజున మా బ్రహ్మస్త్ర శక్తి.. ఇషా స్పెషల్‌ వీడియోను రిలీజ్‌ చేస్తున్నాం’ అంటూ రాసుకొచ్చాడు. కాగా ఈ చిత్రంలో రణ్‌బీర్‌ సూపర్‌ హీరో తరహా పాత్రతో సందడి చేయనున్నారని తెలుస్తోంది. సోషియో ఫాంటసీ నేపథ్యంలో తెరకెక్కుతోన్న ఈ సినిమాను మూడు పార్టులుగా ధర్మ ప్రొడక్షన్స్, ఫాక్స్ స్టార్ స్టూడియోస్ సంయుక్తంగా నిర్మిస్తున్నారు. ఈ సినిమాకు సంబంధించిన మొదటి భాగం ‘బ్రహ్మాస్త్ర: శివ’ వచ్చే ఏడాది సెప్టెంబరు 9న ప్రేక్షకుల ముందుకు రానుందని ఇటీవల చిత్ర బృందం మోషన్‌ పోస్టర్‌ ద్వారా తెలిపింది. ఇందులో బాలీవుడ్‌ బిగ్‌బి అమితాబ్‌ బచ్చన్‌, టాలీవుడ్‌ ‘మన్మధుడు’ నాగార్జున్‌ అక్కినేని ముఖ్యపాత్రలు పోషిస్తున్న సంగతి తెలిసిందే. View this post on Instagram A post shared by Ayan Mukerji (@ayan_mukerji)

సంవత్సరాల నిరీక్షణ తర్వాత ఎట్టకేలకు దర్శకుడు అయాన్ ముఖర్జీ అత్యంత ప్రతిష్టాత్మకంగా తెరకెక్కించిన బ్రహ్మాస్త్ర మూవీ ట్రైలర్‌ మ్యాజిక్‌తో ప్రేక్షకులను అలరించడానికి వారి ముందుకు రానుంది. అయితే రణబీర్ కపూర్, అమితా బచ్చన్, అలియా భట్, నాగార్జున, మౌని రాయ్ తదితరులు నటించిన ఈ చిత్రం దాదాపు 4 సంవత్సరాల నుండి నిర్మాణంలోనే ఉంది. బాలీవుడ్‌ మునుపెన్నడూ చూడని విభిన్నమైన కాన్సెప్ట్‌తో అయాన్ ఈ చిత్రాన్నితెరకెక్కించాడు. అందుకే ఇది పూర్తి చేయడానికి చాలా సంవత్సరాలు పట్టింది. కానీ ప్రస్తుతం ఈ చిత్రం ప్రేక్షకులను అలంకరించడానికి సిద్ధంగా ఉంది.  (చదవండి: మాజీ ప్రియురాలు ఫోన్‌​ అన్‌లాక్‌ చేసి... ఏకంగా రూ 18 లక్షలు కొట్టేశాడు!!) అయితే బ్రహ్మాస్త్ర మోషన్ పోస్టర్ రేపు విడుదల కానుండగా, మొదటి టీజర్ ఈరోజు వెబ్‌లోకి వచ్చింది.  అమితాబ్ బచ్చన్ గాత్రం అందించిన ఈ చిత్రంలో రణబీర్‌ను శివగా పరిచయం కానున్నాడు. అయితే షర్ట్ లేకుండా ఆర్‌కే మండుతున్న మంటల మధ్యలో కనిపిస్తాడు. అయితే ఈ సినిమా పోస్టర్‌ విడుదలతోపాటు అధికారికంగా విడుదల తేదీని కూడా త్వరలో  ఈ చిత్ర బృందం ప్రకటించనుంది. (చదవండి: ప్రెగ్నెన్సీ టైంలో కరోనా రావడంతో కోమాలోకెళ్లింది..! అప్పటికే..)

‘‘లాస్ట్‌ టైమ్‌ నేను హిందీ సినిమా చేసినప్పుడు ఆలియా భట్‌ చిన్నపిల్ల. ఇప్పుడు తనతో కలిసి యాక్ట్‌ చేస్తున్నాను’’ అని నవ్వుతూ అంటున్నారు నాగార్జున. రణ్‌బీర్‌ కపూర్, అమితాబ్‌ బచ్చన్, ఆలియా భట్‌ ముఖ్య పాత్రల్లో దర్శకుడు అయాన్‌ ముఖర్జీ రూపొందిస్తున్న ఫ్యాంటసీ చిత్రం ‘బ్రహ్మాస్త్ర’. నాగార్జున ఈ సినిమాలో కీలక పాత్ర పోషిస్తున్నారు. కరణ్‌ జోహార్‌ ఈ చిత్రాన్ని నిర్మిస్తున్నారు. ఈ సినిమా షూటింగ్‌ ప్రస్తుతం బల్గేరియాలో జరుగుతోంది. 15 ఏళ్ల తర్వాత నాగార్జున నటిస్తున్న హిందీ చిత్రం ఇది. ఈ సినిమాలో యాక్ట్‌ చేయడం గురించి నాగ్‌  మాట్లాడుతూ – ‘‘లాస్ట్‌ టైమ్‌ హిందీ సినిమా ఎప్పుడు చేశానో సరిగ్గా గుర్తు లేదు. ‘బ్రహ్మాస్త్ర’ కథ చాలా నచ్చింది. తెలుగు సినిమాలు చేస్తూ బిజీగా ఉన్నాను. ఈ టైమ్‌లో ఇలాంటి పాత్ర ఒకటి వస్తుందని ఊహించలేదు. స్టోరీ బావుంటే ఏ సినిమాలో అయినా యాక్ట్‌ చేయడానికి నేనెప్పుడూ రెడీ.    అమితాబ్‌ తప్ప మిగతా అందరితో యాక్ట్‌ చేయడం ఫస్ట్‌ టైమ్‌. బల్గేరియాలో షూట్‌ని ఎంజాయ్‌ చేస్తున్నాను’’ అన్నారు. ‘బ్రహ్మాస్త్ర’లో నాగార్జున రోల్‌ గురించి కరణ్‌ మాట్లాడుతూ – ‘‘ఇందులో నాగార్జున యాక్ట్‌ చేయడం హానర్డ్‌గా, ఎగై్జటింగ్‌గా అనిపిస్తోంది. మీ (నాగార్జున) ప్రేమకు, ఎనర్జీకి థ్యాంక్యూ’’ అని పేర్కొన్నారు. రెండు పార్ట్స్‌గా రూపొందుతోన్న ‘బ్రహ్మాస్త్ర’ ఫస్ట్‌ పార్ట్‌ వచ్చే ఏడాది ఆగస్ట్‌లో రిలీజ్‌ కానుంది. అన్నట్లు ఈ షూటింగ్‌ లొకేషన్‌కి అమల కూడా వెళ్లారు.

బాలీవుడ్‌ సీనియర్‌ నటుడు రిషి కపూర్‌ సోషల్‌ మీడియాలో చాలా యాక్టీవ్ ఉంటారు. ఈ క్రమంలో కుమారుడు, ‘సంజు’ ఫేమ్‌ రణ్‌బీర్‌ వివాహంపై చేసిన ట్వీట్‌ పేలింది. ఎందుకంటే ఓ అబ్బాయిని పెళ్లి చేసుకుంటే ఎలా ఉంటుందని రణ్‌బీర్‌కు రిషి కపూర్‌ సలహా ఇవ్వడమే అందుకు కారణం. అబ్బాయిని పెళ్లి చేసుకోమని మీ నాన్నే నీకు సలహా ఇచ్చాడు చూడు అంటూ నెటిజన్లు రణ్‌బీర్‌ను తెగ ట్రోల్‌ చేస్తున్నారు. విషయం ఏంటంటే.. రణ్‌బీర్‌ కపూర్‌, అలియా భట్‌ ప్రేమించుకుంటున్నారని, త్వరలో వీరిద్దరు పెళ్లి జరగనుందని పుకార్లు షికార్లు చేస్తున్నాయి. 30 ఏళ్లలోపే పెళ్లి చేసుకుంటానని అలియా చెప్పగా.. రణ్‌బీర్‌ ఆ మాత్రం కూడా నోరు విప్పలేదు. కుమారుడి పెళ్లిపై వదంతులకు చెక్‌ పెట్టేందుకు.. ‘బెస్ట్‌ ఫ్రెండ్స్‌.. మీ ఇద్దరు పెళ్లి చేసుకుంటే ఎలా ఉంటుంది.. హై టైమ్‌’అని దర్శకుడు అయాన్‌ ముఖర్జీ, రణ్‌బీర్‌ల ఫొటోను రిషికపూర్‌ పోస్ట్‌ చేశారు. అయాన్‌ ముఖర్జీ, రణ్‌బీర్‌లు క్లోజ్‌ ఫ్రెండ్స్‌ అన్న విషయం తెలిసిందే. కాగా, రాజ్‌కుమార్‌ హిరాణీ దర్శకత్వంలో రణ్‌బీర్‌ కపూర్‌ నటించిన లేటెస్ట్‌ మూవీ ‘సంజు’  విమర్శకుల ప్రశంసలు దక్కించుకుంది.

బాలీవుడ్‌ అందాల భామ ఆలియా భట్‌.. రణ్‌బీర్‌, అయాన్‌తో కలిసి దిగిన ఓ ఫోటోను సామాజిక మాధ్యమంలో పోస్ట్‌ చేశారు. దానితో పాటు ఇది ఆరంభం మాత్రమే అని రాశారు. రణ్‌బీర్‌, ఆలియా జంటగా ‘బ్రహ్మాస్త్ర’  అనే సినిమాలో నటిస్తున్న విషయం తెలిసిందే. ప్రస్తుతం ఈ సినిమా చిత్రీకరణ బల్గేరియాలో జరుగుతుంది. షూటింగ్‌ స్పాట్‌లో దిగిన ఫోటోను తన ఇన్‌స్టాగ్రాంలో షేర్‌ చేశారు. అయితే ఈ చిత్ర షూటింగ్‌లో భాగంగా ఆలియా భట్‌ గాయపడిన విషయం తెలిసిందే. యాక్షన్‌ సన్నివేశాలు చిత్రీకరిస్తున్న సందర్భంలో చిన్న ప్రమాదం చోటు చేసుకుంది. దాంతో ఆమె భుజానికి దెబ్బ తగిలింది. కనీసం 15 రోజుల విశ్రాంతి అవసరమని వైద్యులు సూచించారు. కానీ అనుకున్న సమయాని కంటే ముందే కోలుకున్న ఆలియా షూటింగ్‌లో పాల్గొని సినిమా మొదటి షెడ్యుల్‌ను పూర్తి చేశారు. అయాన్‌ ముఖర్జీ దర్శకత్వంలో తెరకెక్కుతున్న ఈ సినిమాలో బిగ్‌బీ అమితాబ్‌ కూడా నటించనున్నారు. రణ్‌బీర్‌, ఆలియా, అమితాబ్‌ కలిసి నటించడం ఇదే మొదటి సారి కావడం విశేషం. ఈ చిత్రాన్ని 2019 ఆగస్టు 15న విడుదల చేయనున్నట్టు చిత్ర బృందం తెలిపింది. & its just the beginning.. 💫 A post shared by Alia ✨⭐️ (@aliaabhatt) on Mar 24, 2018 at 1:57am PDT

బిగ్‌ బి అమితాబ్‌ బచ్చన్‌ ఏదో చెబుతుంటే హీరో రణ్‌బీర్‌ కపూర్, దర్శకుడు అయాన్‌ ముఖర్జీ ఎలా ఆలకిస్తున్నారో చూశారుగా! ఇంతకీ అమితాబ్‌ ఏం చెబుతున్నారు? ఈ ముగ్గురూ ఎక్కడ కలిశారు? దేని గురించి డిస్కస్‌ చేస్తున్నారు అంటే... ‘బ్రహ్మాస్త్ర’ కోసం. అయాన్‌ ముఖర్జీ దర్శకత్వంలో ధర్మా ప్రొడక్షన్స్‌ పతాకంపై అమితాబ్‌ బచ్చన్, రణ్‌బీర్‌ కపూర్, ఆలియా భట్‌ నటిస్తున్న చిత్రం ‘బ్రహ్మాస్త్ర’. ‘‘బ్రహ్మాస్త్ర. ఎగై్జటింగ్‌ జర్నీ స్టారై్టంది’’ అని ధర్మా ప్రొడక్షన్స్‌ సంస్థ పేర్కొంది. ఈ సినిమాలో ఓ కీలకమైన పాత్ర కోసం సౌరవ్‌ గుర్జార్‌ను తీసుకున్నారని బాలీవుడ్‌ సమాచారం. హిందీ బుల్లితెరపై రావణ, భీమ క్యారెక్టర్స్‌లో నటించారు సౌరవ్‌. ‘బ్రహ్మాస్త్ర’ సినిమాను మూడు పార్ట్స్‌గా తీయాలనుకుంటున్నారు. 150 కోట్లతో రూపొందించనున్న తొలి పార్ట్‌ను వచ్చే ఏడాది ఆగస్టు 15న రిలీజ్‌ చేయనున్నట్లు చిత్రబృందం ఎనౌన్స్‌ చేసింది.


 ముంబయి: ఇటీవల విడుదలై హిట్ టాక్ సొంతం చేసుకున్న మూవీ 'జగ్గా జాసూస్'. ఆ మూవీ హిట్ టాక్తో కత్రినా కైఫ్ హ్యాపీగా ఉన్నా స్టార్ హీరో రణ్బీర్ కపూర్ మాత్రం కాస్త డీలా పడ్డాడు. ఓ మూవీ షూటింగ్ పనులు ప్రారంభించగానే మరో ఆటంకం తలెత్తడమే అందుకు కారణం. డైరెక్టర్ అయాన్ ముఖర్జీ, రణ్బీర్ కపూర్ లేటేస్ట్ ప్రాజెక్ట్ 'డ్రాగన్'. గత మూడేళ్ల నుంచి సన్నాహాలు జరుగుతున్న ఈ మూవీని త్వరగా తెరకెక్కించాలని ఇప్పటికే ఆలస్యమైందని ఈ ఇద్దరు టెన్షన్ పడుతున్నారు. ప్రీ పొడ్రక్షన్ పనుల్లో బిజీగా ఉన్న ఈ ఇద్దరికి మూవీ యూనిట్ సభ్యులు భారీ షాకిచ్చారు.
 
 గత మూడేళ్లుగా సాగుతోన్న ఈ మూవీ కథలో మార్పులు చేయాలని, ప్రస్తుతం ఉన్న కథపై తమకు నమ్మకం లేదని దర్శకుడికి యూనిట్ తేల్చి చెప్పేసింది. దీంతో మూవీ షూటింగ్ మరికొన్ని రోజులు వాయిదా వేయాల్సి వచ్చింది. గతంలో దర్శకుడు అయాన్ రణబీర్ తో తీసిన 'ఏ జవానీ హే దివానీ' మాత్రం సక్సెస్ అయిందని, స్క్రిప్టు వర్క్ బాగుండాలని మూవీ యూనిట్ సూచించింది. మరోవైపు సంజయ్ దత్ బయోపిక్లో నటిస్తున్న రణబీర్ ను డ్రాగన్ మూవీకి తలెత్తుతున్న ఇబ్బందులు అసహనానికి గురిచేస్తున్నాయి. దీంతో గత వారం విడుదలైన జగ్గా జాసూస్ సక్సెస్ను ఎంజాయ్ చేయలేకపోతున్నాడు రణబీర్.