Amrabad

సాక్షి, హైదరాబాద్‌: తెలంగాణ అటవీశాఖ సమగ్రాభివృద్ధికి సంబంధించి జపాన్‌ ఇంటర్నేషనల్‌ కోఆపరేషన్‌ ఏజెన్సీ (జైకా)నుంచి ఐదేళ్ల కాలానికి గాను రూ.1,270 కోట్ల విలువైన సాఫ్ట్‌ లోన్లు (అతి తక్కువ వడ్డీ లేదా వడ్డీ రహిత) ఈ ఏడాది డిసెంబర్‌లో అందుబాటులోకి రానున్నట్టు అటవీ శాఖ ప్రిన్సిపల్‌ చీఫ్‌ కన్జర్వేటర్, అటవీ దళాల అధిపతి (పీసీసీఎఫ్‌–హేచ్‌వోఎఫ్‌ఎఫ్‌) వినయ్‌కుమార్‌ వెల్లడించారు.రాష్ట్రంలో అటవీ రంగ ఆధునీకరణ, పర్యావరణ సమతుల్యత పరిరక్షణలో ఈ అంతర్జాతీయ సహాయం ఎంతో కీలకమని తెలిపారు. ఇందులో భాగంగా ఎకో టూరిజం అభివృద్ధి, టైగర్‌ రిజర్వ్‌ల బలోపేతం, వన్యప్రాణి సంరక్షణ, పట్టణ అటవీ అభివృద్ధి, క్షీణించిన అడవుల పునరుద్ధరణ, అటవీ అగ్నిప్రమాదాల నివారణ వంటి కీలక పనులపై ప్రత్యేకంగా దృష్టి కేంద్రీకరిస్తామని పేర్కొన్నారు. ‘సాక్షి’కి ఇచ్చిన ప్రత్యేక ఇంటర్వ్యూలో అటవీ శాఖకు సంబంధించిన పలు ప్రాధాన్యత అంశాలను వినయ్‌కుమార్‌ వివరించారు.ఎకో టూరిజంరాష్ట్రంలోని ఆరు సర్క్యూట్లలో చేపడుతున్న ఎకో టూరిజం (ప్రకృతి, పర్యావరణం, వన్యప్రాణులకు హాని కలిగించని పర్యాటకం) ప్రాజెక్లులు వచ్చే అయిదేళ్లలో పూర్తిస్థాయిలో అందుబాటులోకి వస్తాయి. మొత్తం రూ.495 కోట్ల వ్యయంతో పనులు చేపడుతుండగా, వీటికి సంబంధించి మంజూర్లు కూడా లభించాయి. అంతేకాకుండా అటవీశాఖ, అటవీ, పర్యాటకాభివృద్ధి సంస్థలు ఇతర విభాగాలతో కలిసి సంయుక్తంగా రూ.900 కోట్ల విలువైన ‘షెల్ఫ్‌ ఆఫ్‌ వర్క్స్‌’ (వివిధ రకాల పనులు) చేపడుతున్నాం.కవ్వాల్‌లో పులుల సంరక్షణకవ్వాల్‌ పులుల సంరక్షణకు మంచి అవకాశాలున్న ప్రాంతం. అడవులు బాగున్నంత మాత్రాన అక్కడ పులులు స్థిరంగా నివసిస్తాయని చెప్పలేం. సరిపడా ఆహార జంతువులు, సురక్షితమైన సంతానోత్పత్తి ప్రాంతాలు, అడవుల మధ్య అనుసంధానం, వేట నిరోధక చర్యలు అవసరం. 2027 మార్చి కల్లా ఒక మగ, రెండు ఆడ పులుల జతతో కూడిన మొదటి బ్యాచ్‌ మహారాష్ట్ర నుంచి కవ్వాల్‌కు చేరే అవకాశాలున్నాయి. కవ్వాల్‌కు పులులను తీసుకురావడం మాత్రమే కాదు.. అవి అక్కడ మనుగడ సాగించి, సంతానోత్పత్తి చేసి, శాశ్వత జనాభాగా ఎదిగేలా చూడటమే మా లక్ష్యం.మనుషులు– వన్యప్రాణుల ఘర్షణరైతుల జీవనోపాధిని కాపాడుతూనే వన్యప్రాణులను రక్షించడమనేది చాలా క్లిష్టమైన అంశం. మనుషుల ప్రాణాలు, వన్యప్రాణుల మనుగడ రెండూ ముఖ్యమే. జంతువుల కదలికలను పర్యవేక్షించడం, ముందస్తు హెచ్చరికలు ఇవ్వడం, వేగంగా స్పందించే బృందాలను సిద్ధంగా ఉంచడం, జిల్లా యంత్రాంగంతో సమన్వయం చేయడం ద్వారా ఘర్షణలను తగ్గించవచ్చు. వన్యప్రాణులతో నష్టపోయిన రైతులకు తక్షణమే ఆర్థిక సాయం అందాలి. పంటలు, పశువులకు నష్టం జరిగినప్పుడు ప్రభుత్వ నిబంధనల ప్రకారం ఎక్స్‌గ్రేషియా సకాలంలో అందాలి. అడవుల్లో ఆహారం, నీరు, సురక్షిత సంచార మార్గాలు మెరుగుపడితే జంతువులు జనావాసాల్లోకి వచ్చే అవకాశాలు తగ్గుతాయి.ఇదీ చ‌ద‌వండి: కూరగాయల ధరలు కుతకుతటైగర్‌ ప్రొటెక్షన్‌ ఫోర్స్‌ ప్రతిపాదనరాష్ట్రంలో నక్సలైట్ల బెడద పూర్తిగా తొలగిపోయినందున..త్వరలోనే ఆ కార్యకలాపాల్లో నిష్ణాతులైన ‘గ్రేహుండ్స్‌’కు చెందిన రెండు బృందాలను అమ్రాబాద్‌ టైగర్‌ రిజర్వ్‌ (ఏటీఆర్‌), కవ్వాల్‌ టైగర్‌ రిజర్వ్‌ (కేటీఆర్‌)లలో ‘టైగర్‌ ప్రొటెక్షన్‌ ఫోర్స్‌’ల రూపంలో నియమించాలని చూస్తున్నాం. దీనికి సంబంధించి ఇప్పటికే ప్రభుత్వానికి, పోలీస్‌ శాఖకు పంపించిన ప్రతిపాదనలపై సానుకూల స్పందన లభించింది.అమ్రాబాద్‌ టైగర్‌ రిజర్వ్‌లో పులులుఅమ్రాబాద్‌లో పులుల సంరక్షణ, సంఖ్య పెరగడం అనేది ఒక్క అధికారి లేదా ఒక్క ఏడాదిలో సాధించిన విజయం కాదు. ఎన్నో ఏళ్లుగా సాగుతున్న సమష్టి కృషి ఫలితం. పులుల సంరక్షణ అంటే ప్రధానంగా వాటి ఆవాసాలను కాపాడటమే. అడవులు ఆరోగ్యంగా ఉండటం, పులులకు సరిపడా ఆహారంగా ఉపయోగపడే జంతువులు ఉండటం, నీటి లభ్యత, వేట నిరోధక చర్యలు, మానవ సంచారం వల్ల కలిగే ఇబ్బందుల తగ్గింపు కీలకం. చెంచు గిరిజనుల భాగస్వామ్యం కూడా ముఖ్యమైనది.ఇదీ చ‌ద‌వండి: తెలుగు యువకుడి బుకింగ్‌ రైడ్‌ యాప్రాష్ట్ర పక్షి పాలపిట్ట పరిరక్షణ తెలంగాణ రాష్ట్ర పక్షి పాలపిట్ట వేగంగా అంతరించిపోయే ప్రమాదాన్ని ఎదుర్కొంటోంది. రాష్ట్రంలో, ఇతర చోట్ల కలిసి రెండువేల పిట్టలు మాత్రమే ఇప్పుడు మిగిలాయి. వీటి పరిరక్షణలో భాగంగా.. కొత్త సంతానాన్ని లేదా జాతులను ఉత్పత్తి చేసేందుకు (బ్రీడింగ్‌) డెహ్రాడూన్‌లోని వైల్డ్‌లైఫ్‌ ఇనిస్టిట్యూట్‌ ఆఫ్‌ ఇండియా (డబ్ల్యూఐఐ)కి ప్రతిపాదనలు పంపించాం. ‘టైగర్‌ రీ ఇంట్రడక్షన్‌’ మాదిరిగానే పాలపిట్ట పరిరక్షణకు గట్టి చర్యలు తీసుకుంటున్నాం. అక్రమ విద్యుదీకరణ, వన్యప్రాణుల వేటకంచెలకు అక్రమంగా విద్యుత్‌ సరఫరా చేయడం వన్యప్రాణులకే కాదు.. రైతులు, గ్రామస్తులు, అటవీ సిబ్బందికి కూడా ప్రాణాంతకమైన ముప్పు. పోలీసులు, విద్యుత్‌ శాఖతో కలిసి సంయుక్త తనిఖీలు నిర్వహించడం, ప్రమాదకర ప్రాంతాలను గుర్తించడం, నిఘా పెంచడం, బాధ్యులపై చట్టపరమైన చర్యలు తీసుకోవడంపై దృష్టి పెడుతున్నాం.అటవీ సిబ్బందికి ఆయుధాలుఅటవీశాఖ ఉద్యోగులు, సిబ్బందిపై జరిగే దాడులు మా శాఖపై జరిగే దాడిగానే పరిగణిస్తాం. గత ఐదేళ్లలో 50కి పైగా దాడుల్లో 65 మంది గాయపడ్డారు. ఇద్దరు చనిపోయారు. అటవీ సంపద, వన్యప్రాణులను కాపాడే ఫారెస్ట్‌ గార్డులకు తగిన భద్రత, శిక్షణ, పరికరాలు అందించడం ప్రభుత్వ బాధ్యత. ఈ నేపథ్యంలో ఇతర యూనిఫామ్ సర్వీసెస్‌ మాదిరిగానే ఆయుధాలు, అవసరమైన సామాగ్రి ఇవ్వాలని రాష్ట్ర ప్రభుత్వానికి ప్రతిపాదనలు సమర్పించాం.సిబ్బంది కొరతఅటవీ రక్షణకు మానవ వనరులే వెన్నెముక. డ్రోన్లు, కెమెరా ట్రాప్‌లు, ఉపగ్రహ నిఘా వంటి ఆధునిక సాంకేతికత ఎంత అభివృద్ధి చెందినా.. క్షేత్రస్థాయిలో అంకితభావంతో పనిచేసే ఫారెస్ట్‌ గార్డుకు ప్రత్యామ్నాయం లేదు. ప్రస్తుతం సిబ్బంది కొరత వల్ల గస్తీ, వన్యప్రాణుల పర్యవేక్షణ, అగ్నిప్రమాదాల నివారణ, అత్యవసర పరిస్థితులకు స్పందించడం వంటి పనులపై ప్రభావం పడుతోంది. ముఖ్యంగా సమస్యాత్మక, సున్నితమైన అటవీ ప్రాంతాల్లో తగినంత మంది సిబ్బందిని నియమించాలి. 1,516 మంది సిబ్బంది నియామకానికి ప్రభుత్వ ఆమోదం లభించింది. ఇదీ చ‌ద‌వండి: భూభారతి.. నత్తనడక!అటవీ భూముల ఆక్రమణల నిరోధంఅటవీ భూములు కోల్పోతే వాటిని తిరిగి పునరుద్ధరించడం చాలా కష్టం. అందుకే ఆక్రమణలను అరికట్టడం అత్యంత ముఖ్యం. అటవీ సరిహద్దుల గుర్తింపు, డిజిటల్‌ భూ రికార్డులు, జీఐఎస్‌ ఆధారిత మ్యాపింగ్, క్షేత్రస్థాయి నిఘాను బలోపేతం చేయాలి. పీసీసీఎఫ్‌గా ప్రాధాన్యాలుఅటవీ శాఖను మరింత జవాబుదారీగా, పారదర్శకంగా, క్షేత్రస్థాయికి చేరువగా తీర్చిదిద్దడం నా మొదటి ప్రాధాన్యం. శాస్త్రీయ పద్ధతుల్లో వన్యప్రాణుల సంరక్షణ, స్థానిక ప్రజల భాగస్వామ్యం, అమ్రాబాద్‌ పులుల అభయారణ్యం మరింత బలోపేతం, కవ్వాల్‌ అటవీ ప్రాంతాన్ని పులుల స్థిర నివాసానికి అనువుగా తీర్చిదిద్దడం, వన్యప్రాణుల సంచార మార్గాలను కాపాడటం, అరుదైన జీవజాతుల సంరక్షణ, ఆధునిక పర్యవేక్షణ వ్యవస్థల ఏర్పాటు వంటి అంశాలపై దృష్టి పెడతా.

సాక్షి, నాగర్‌ కర్నూల్‌: జిల్లాలోని అమ్రాబాద్‌ అడవుల్లో అగ్నిప్రమాదం సంభవించింది. దోమలపెంట వద్ద అటవీప్రాంతంలో మంటలు చెలరేగాయి. దాదాపు ఐదు హెక్టార్ల మేర అడవి దగ్ధమైనట్లు తెలుస్తోంది. ఘటనకు సంబంధించిన పూర్తి సమాచారం అందాల్సి ఉంది.  ఇదీ చదవండి: ఖాతాలు, మనుషులే.. పరాన్నజీవులు!

సాక్షి, నాగర్‌ కర్నూల్‌:  జానెడు పొడవు.. 2,3  కిలోల బరువు.. ఎలుకలాంటి ముఖం.. జాతి మాత్రం జింక. మన దేశంలో అరుదైన మూషిక జింకలు అవి. జింకల జాతిలో అతి చిన్నవి అయిన ఈ మూషిక జింకలకు నల్లమల అభయారణ్యం కేంద్రంగా మారుతోంది.  అంతరించిపోయే దశలో ఉన్న మూషిక జింకలను సంరక్షించేందుకు అమ్రాబాద్‌ టైగర్‌ రిజర్వ్‌ పరిధిలో ప్రత్యేకంగా ‘మౌస్‌ డీర్‌ సాఫ్ట్‌ రిలీజ్‌’కార్యక్రమాన్ని నిర్వహిస్తున్నారు.  బరువు తక్కువ.. భయం ఎక్కువ!  భారత ఉప ఖండంలో మాత్రమే విరివిగా కనిపించే మూషిక జింకలు నల్లమల అటవీ ప్రాంతంలో 20 ఏళ్ల కిందే అంతరించిపోయినట్టు అంచనా. కేంద్ర ప్రభుత్వం కూడా ఈ జింకలను అంతరించిపోతున్న జాతిగా గుర్తించి వన్యప్రాణి సంరక్షణ చట్టంలోని షెడ్యూల్‌ 1లో చేర్చింది. మూషిక జింకలకు భయం ఎక్కువ. పెద్ద శబ్దాలు, జంతువులు దాడి చేసినప్పుడు వాటి గుండె ఆగి మరణిస్తాయని జంతుశాస్త్ర నిపుణులు చెబుతున్నారు.  మూషిక జింకలు రాత్రివేళల్లో ఎక్కువగా సంచరిస్తాయి. అడవిలో నేలరాలిన పండ్లు, పూలు, ఆకులను తింటాయి. మారేడు, ఉసిరి, పరక, గొట్టి, మంగకాయలు, పుట్టగొడుగులు, చిన్నచిన్న పొదల లేత ఆకులను ఇష్టంగా తింటాయి. మూషిక జింక గర్భాధారణ కాలం ఆరునెలలు. ఒక ఈతలో ఒకట్రెండు పిల్లలను మాత్రమే కంటుంది. అయితే వెంటనే మళ్లీ సంతానోత్పత్తికి సిద్ధం కావడం వీటి ప్రత్యేకత. వీటిని చిరుత పులులు, అడవి కుక్కలు, గద్దలు, అడవి పిల్లులు వేటాడుతాయి. వీటికితోడు వేట, అడవుల నరికివేత, కార్చిచ్చుల వంటివి మూషిక జింకల ఉనికికి ముప్పుగా మారుతున్నాయి.  మంచి ఫలితాలు కన్పిస్తున్నాయి  అమ్రాబాద్‌ టైగర్‌ రిజర్వ్‌లో 2017 నుంచి మౌస్‌డీర్‌ సాఫ్ట్‌ రిలీజ్‌ కార్యక్రమాన్ని చేపడుతున్నాం. నల్లమలలో అంతరించిపోయిన మూషిక జింకల జాతిని తిరిగి పెంచేందుకు అటవీ శాఖ ఈ కార్యక్రమాన్ని చేపట్టింది. క్రమంగా మూషిక జింకల సంఖ్య పెరుగుతోంది. నిత్యం 50 ట్రాప్‌ కెమెరాలతో వాటి కదలికలను గమనిస్తున్నాం.   ::: రోహిత్‌ గోపిడి, జిల్లా అటవీశాఖ అధికారి, నాగర్‌కర్నూల్‌   3 దశల్లో.. ప్రత్యేక జాగ్రత్తల మధ్య..  అటవీశాఖ హైదరాబాద్‌లోని జూపార్క్, సీసీఎంబీ సంస్థలతో కలసి మూషిక జింకల సంతతిని పెంచేందుకు చర్యలు తీసుకుంటోంది. మొదట 2008లో శేషాచలం అడవుల నుంచి నాలుగు ఆడ, రెండు మగ మూషిక జింకలను తీసుకొచ్చి హైదరాబాద్‌ జూపార్క్‌లోని బ్రీడింగ్‌ కేంద్రంలో ఉంచారు. వాటి సంఖ్య పెరిగిన తర్వాత 2017 సెప్టెంబర్‌ 12 నుంచి ‘మౌస్‌ డీర్‌ సాఫ్ట్‌ రిలీజ్‌’ప్రోగ్రాం కింద అమ్రాబాద్‌ టైగర్‌ రిజర్వ్‌లో విడతల వారీగా విడుదల చేస్తున్నారు.  ► ఒక్కో బ్యాచ్‌లో ఆరు ఆడ, రెండు మగ మూషిక జింకలను వదులుతున్నారు. ఇది మూడు దశలుగా జరుగుతుంది. ఇందుకోసం నల్లమల అటవీ ప్రాంతంలోని ఫర్హాబాద్‌ సమీపంలో మూడు కంపార్ట్‌మెంట్లను అధికారులు ఏర్పాటు చేశారు.  ► తొలిదశలో క్యారెట్, దానిమ్మ, అరటి వంటి బయటి ఆహారాన్ని అందించి పరిరక్షిస్తారు.  ► రెండో దశలో బయటి ఆహారాన్ని తగ్గిస్తూ.. అడవిలో సహజంగా లభించే ఆహారాన్ని అందజేస్తారు.  ► మూడో దశలో అడవిలోకి వదిలి బయటి నుంచి నీరు, ఆహారం ఇవ్వకుండా సహజ వాతావరణంలో అవే వెతుక్కుని తీసుకునేలా అలవాటు చేస్తారు.  ► మొత్తంగా 30 రోజుల పరిశీలన అనంతరం పూర్తిగా అడవిలో వదిలేస్తారు. అయితే వాటి పరిస్థితిని పర్యవేక్షించేందుకు అడవిలో అక్కడక్కడా 50 వరకు ట్రాప్‌ కెమెరాలను ఏర్పాటు చేశారు. ఇప్పటివరకు మొత్తంగా 144 మూషిక జింకలను విడుదల చేశారు.

నాగర్‌కర్నూల్‌: అనుకోకుండా అడవులకు నిప్పు అంటుకుంటే జరిగే నష్టం ఊహించలేనిది. కేవలం వృక్ష సంపదనే కాకుండా అడవుల్లో పెరిగే పశుపక్షాదులు, జంతువులను కూడా నష్టపోవాల్సి ఉంటుంది. ప్రతియేటా ఎన్ని జాగ్రత్తలు తీసుకున్నా అక్కడక్కడా మంటలు చెలరేగి కొంత మేర నష్టం కలుగుతూనే ఉంది. ముఖ్యంగా ప్రతి వేసవిలో శ్రీశైలం వెళ్లేదారిలో అక్కడక్కడా కొంత మంది పర్యాటకులు, సమీప గ్రామాలకు చెందినవారు పశువులను మేపే సమయంలో చేసే చిన్నచిన్న పొరపాట్ల వల్ల మంటలు పుట్టుకురావడంతో వాటిని ఆర్పేందుకు అధికారులు నానా తిప్పలు పడాల్సిన పరిస్థితి నెలకొంటుంది. అసలే వేసవిలో రాలిన ఆకులు ఎండిపోయి ఉండడంతో వేగంగా మంటలు వ్యాపించే అవకాశం ఉంది. అయితే ఈసారి అటవీ శాఖాధికారులు జిల్లావ్యాప్తంగా పొంచి ఉన్న అటవీ ప్రాంతాల్లో ఫైర్‌లైన్స్‌ ఏర్పాటు చేసి అగ్నిప్రమాదాలకు అడ్డుకట్ట వేసేందుకు చర్యలు చేపట్టారు.    అతిపెద్ద టైగర్‌ రిజర్వ్‌ ప్రాజెక్టు  దక్షిణ భారతదేశంలోనే అతిపెద్ద టైగర్‌ రిజర్వ్‌ ప్రాజెక్టుగా అమ్రాబాద్‌ అభయారణ్యం గుర్తింపు పొందింది. ఇది 2,611.39 చదరపు కిలోమీటర్ల మేర విస్తరించి ఉండగా ఇందులో 2,166.37 చదరపు కిలోమీటర్లు అభయారణ్యం కాగా, 445.02 చదరపు కిలోమీటర్లు బఫర్‌జోన్‌గా ఉంది. అయితే గతంతో పోలిస్తే ఈ ఏడాది అటవీ ప్రాంతాన్ని సంరక్షించేందుకు అధికారులు ప్రత్యేక కార్యాచరణ రూపొందించి చర్యలు తీసుకున్నారు. ఎక్కడైనా అగ్గి రాజుకుంటే మంటలు వ్యాపించకుండా ఫైర్‌లైన్స్‌ను ఏర్పాటు చేశారు. 3 మీటర్లు, 5 మీటర్ల వెడల్పుగా ఉండే ఫైర్‌లైన్స్‌ను ఏర్పాటు చేశారు. కేవలం నల్లమల్ల అభయారణ్యం మాత్రమే కాకుండా అటవీ ప్రాంతం విస్తరించి ఉన్న కొల్లాపూర్, లింగాల, అచ్చంపేట, అమ్మాబాద్‌ వంటి సమస్యాత్మక ప్రాంతాలను గుర్తించి మొత్తం 1,200 కిలోమీటర్ల మేరకు ఈ ఫై¯ర్‌లైన్స్‌ను ఏర్పాటు చేశారు. అంతే కాకుండా శ్రీశైలం వెళ్లేదారిలో పర్యాటకులు రోడ్డు పక్కన సేద తీరడానికి, భోజనాలు చేసేందుకు దాదాపు 222 కిలోమీటర్ల మేర వీవ్‌లైన్స్‌ను ఏర్పాటు చేశారు. అంతేకాకుండా నల్లమల పరిధిలో ఎక్కడైనా మంటలు అంటుకుంటే వాటిని ఆర్పేందుకు వెంటనే అక్కడికి చేరుకునేలా 6 టీంలను ఏర్పాటు చేశారు. ఒక్కో టీంలో 5 మంది సిబ్బంది ఉండగా వారికి ఒక వాహనంతోపాటు మంటలను ఆర్పేందుకు ఆధునిక యంత్రాలను అందించారు. ఇక అటవీ ప్రాంతాల్లో ఉండే ఆయా గ్రామాలకు సంంధించిన ప్రజలు పశువులను మేపేందుకు అడవుల్లోకి వెళ్లి ధూమపానం చేసేందుకు అగ్గిరాజేయడం, వాటిని ఆర్పకుండా నిర్లక్ష్యం వహించడం వల్ల కూడా అడవికి మంటలు అంటుకునే ప్రమాదం ఉంది. ఈ విషయంలో అటవీ శాఖ ఆధ్వర్యంలో ఇప్పటికే ఆయా గ్రామాల్లో అవగాహన కార్యక్రమాలు నిర్వహించారు. అడవిలో అగ్ని ప్రమాదాలతో జరిగే నష్టాలు, నిర్లక్ష్యంగా వ్యవహరిస్తే విధించే శిక్షలపై అవగాహన కల్పించారు. ప్రతిఏటా రూ.లక్షల్లో నిధులు ఖర్చు చేస్తున్నా ఎక్కడో ఒకచోట ప్రమాదాలు జరుగుతూనే ఉండగా ఈసారి అధికారులు తీసుకునే చర్యలు ఎంతమేర ఫలిస్తాయో వేచిచూడాలి.  అవగాహన కల్పించాం.. అడవిలో ఎలాంటి అగ్ని ప్రమాదాలు జరగకుండా అన్నిరకాలుగా రక్షణ చర్యలు చేపడుతున్నాం. సమస్యాత్మక ప్రాంతాలను గుర్తించి అవసరమైన చోట ఫైర్‌లైన్స్‌ ఏర్పాటు చేశాం. ఎక్కడైనా నిప్పంటుకుంటే వెంటనే అక్కడికి చేరుకుని ఆర్పేలా 6 ప్రత్యేక ఫైర్‌టీంలను ఏర్పాటు చేశాం. అటవీ పరిసర ప్రాంతాల్లోని గ్రామాల ప్రజలకు కూడా ఈ విషయమే అవగాహన కల్పించాం.  - కృష్ణగౌడ్, డీఎఫ్‌ఓ, నాగర్‌కర్నూల్‌  అమ్రాబాద్‌, అడవీ ప్రాంతం, ఎండకాలం, మంటలు, రిజర్వ్‌లు, అవగాహన

సాక్షి, అమ్రాబాద్‌: పదర మండలం రాయలగండి లక్ష్మీ చెన్నకేశవస్వామి ఆలయంలో ధ్వజ స్తంభం ఎదుట ఉన్న అగ్నిగుండాన్ని మంగళవారం రాత్రి గుర్తు తెలియని దుండగులు గుప్తనిధుల కోసం తవ్వకాలు జరిపారు. అగ్ని గుండం కోసం పేర్చిన రాళ్లను తొలగించి, తవ్వకాలు జరిపి యథాస్థానంలో ఉంచారు. బుధవారం ఉదయం స్థానికంగా ఉన్న భక్తులు కొంత మంది చూసి తవ్వకాలు జరిగినట్లు గుర్తించి పోలీసులకు సమాచారం ఇవ్వడంతో పదర ఎస్‌ఐ సురేష్‌కుమార్‌  సిబ్బందితో సంఘటనా స్థలానికి చేరుకొని పరిశీలించారు. అక్కడున్న వారిని విచారించారు. కేసునమోదు చేసి దర్యాప్తు చేస్తున్నట్లు ఎస్‌ఐ సురేష్‌ కుమార్‌ తెలిపారు.  గతంలోనూ తవ్వకాల ప్రయత్నం ఆలయంలో తవ్వకాలు జరిపిన ప్రదేశం ఇదిలాఉండగా గత ఆగస్టు 10వ తేదీన రాయలగండిలో గుప్త నిధుల తవ్వకాల ప్రయత్నం జరిగింది. ఓ కారులో గుప్తనిధుల కోసం రాయలగండి లక్ష్మీచెన్నకేశవ స్వామి ఆలయం సమీపంలో పరికరాలతో అణ్వేషన జరుపుతుండగా స్థానికులు గుర్తించి వెంబడించారు. కారులో పరారైన దుండగులను మన్ననూర్‌లో ప్రజలు పట్టుకొని పోలీసులకు అప్పగించారు. వచ్చిన ఐదు మంది దుండగులతో పాటు కారును, గుప్తనిధుల అన్వేషణకు తెచ్చుకున్న డిటోనేటర్, పౌడర్, వివిధ పరికరాలను స్వాధీనం చేసుకొని వారి పై కేసు నమోదు చేశారు. అప్పట్లో అన్వేషణ ప్రయత్నం జరగడం, బుధవారం తవ్వకాలు బయట పడటంతో స్థానిక ప్రజలు ఆందోళన చెందుతున్నారు. రాయలగండి ఆలయం వద్ద పోలీసు పహారా ఉంటే బాగుంటుందని అభిప్రాయం వ్యక్తం చేస్తున్నారు.

సాక్షి, హైదరాబాద్‌: సేవ్ నల్లమల్ల పేరుతో మేధావులు, సామాజిక కార్యకర్తలు సోషల్ మీడియాలో పోస్టులు పెట్టడం ఎంతో ఊపిరినిచ్చిందని ప్రభుత్వ విప్ గువ్వల బాలరాజు అన్నారు. టీఆర్‌ఎస్‌ వర్కింగ్‌ ప్రెసిడెంట్, మంత్రి కేటీఆర్ నల్లమల్లకు మద్దతుగా చేసిన ట్విట్ మాకు కొండంత అండగా అనిపించిందిని సంతోషం వ్యక్తం చేశారు. శనివారం ఆయన అసెంబ్లీలో మీడియా పాయింట్‌ వద్ద మాట్లాడుతూ.. గతంలో వజ్ర నిక్షేపాలు రాబర్ట్ వాద్రాకు కేటాయిస్తే సీఎం కేసీఆర్‌తో కలిసి తామంతా ముక్తకంఠంతో ఖండించినట్లు ఆయన గుర్తుచేశారు. తన నియోజకవర్గ ప్రజలకు ఇంత మంది అండగా ఉంటూ నాకు మరింత ధైర్యం ఇచ్చారన్నారు. నల్లమల్ల యూరేనియం తవ్వకాలపై  కేసీఆర్ స్పందించటం లేదు అనటం పూర్తి అవాస్తవమని అన్నారు. కాంగ్రెస్, బీజేపీ రెచ్చగొట్టే ప్రయత్నాలు చేస్తున్నాయని మండిపడ్డారు.  ఆయన మాట్లాడుతూ..‘టీఆర్‌ఎస్‌ ప్రభుత్వం యురేనియం తవ్వకాలకు అనుమతి ఇచ్చింది అని తప్పుడు ప్రచారం చేస్తున్నారు. కానీ ఎక్కడా కూడా ప్రభుత్వం పర్యావరణ అనుమతులు ఇవ్వలేదు. ప్రజా వ్యతిరేక నిర్ణయం తీసుకునే నైజం మాది కాదు. ఉద్యమం చేసి తెలంగాణ సాధించాం. పోరాటం చేసే శక్తి మాకుంది. నల్లమల్లపై కేంద్ర ప్రభుత్వంకు వ్యతిరేకంగా పోరాటం చేస్తాం. ప్రధానమంత్రి స్వయంగా పులుల దినోత్సవం రోజు అమ్రాబాద్‌లో పులుల సంఖ్యను చెప్పారు. ఆసియాలోనే అతిపెద్ద పులులు ఉన్న అడవిగా ఆమ్రాబాద్‌కు పేరుంది. అడవులు కాపాడుకోవాలని సీఎం కేసీఆర్ అటవిలో మొక్కలు నాటే కార్యక్రమాన్ని చేపడుతున్నారు. యురేనియంపై నేను ప్రాణం ఉన్నంత వరకు పోరాటం చేస్తా. సీఎం కేసీఆర్ సూచనలు, సలహాలు తీసుకొని మరో ఉద్యమానికి స్వీకారం చూడతాం. నా నియోజకవర్గంలోని ప్రజలకు అండగా ఉన్న మీడియా,సామాజిక కార్యకర్తలకు ధన్యవాదాలు’ అని వ్యాఖ్యానించారు.  


 అమ్రాబాద్: నాగర్‌కర్నూల్‌ జిల్లాలోని అమ్రాబాద్‌ మండలంలో దారుణం చోటుచేసుకుంది. సొంత తమ్ముడే నిద్రిస్తున్న అన్నను గొడ్డలితో నరికి చంపాడు.
 
 వివరాలు.. బీకే తిర్మలాపురం గ్రామంలోని గెట్టగోని కాశయ్య(34), శ్రీశైలం అనే వ్యక్తులు అన్నదమ్ములు. వీరి మధ్య గత కొంతకాలంగా కుటుంబ తగాదాలు, ఆస్తి గొడవలు నడుస్తున్నాయి. ఈ క్రమంలో నిద్రిస్తున్న అన్న కాశయ్యను తమ్ముడు గొడ్డలితో నరికి చంపాడు. కాశయ్య భార్య అరుణ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.


  అమ్రాబాద్‌ : ఓ మహిళ మెడలో నుంచి దుండగుడు బంగారు గొలుసును అపహరించుకెళ్లాడు. వివరాలిలా ఉన్నాయి. అమ్రాబాద్‌ మండలం జంగంరెడ్డిపల్లిలో ముదిరెడ్డి జంగమ్మ నివాసముంటోంది. కాగా, శనివారం ఉదయం కుటుంబ సభ్యులు శుభకార్యం నిమిత్తం వేరే గ్రామానికి వెళ్లగా రాత్రి ఈమె ఇంట్లో ఒంటరిగా నిద్రించింది. ఇదే అదనుగా భావించిన ఓ గుర్తుతెలియని వ్యక్తి ఆదివారం తెల్లవారుజామున ఇంట్లోకి ప్రవేశించాడు. ఆమె మెడలో నుంచి రూ.90వేల విలువజేసే మూడు తులాల బంగారు గొలుసును లాక్కెళ్లిపోయాడు. వెంటనే మేల్కొన్న బాధితురాలు కేకలు వేయడంతో చుట్టుపక్కలవారు వచ్చారు. ఈ విషయమై పోలీసులకు ఫిర్యాదు చేయడంతో హెడ్‌కానిస్టేబుల్‌ ఖాదర్‌ మొíß యొద్దీన్‌ కేసు దర్యాప్తు జరుపుతున్నారు.


 
 అమ్రబాద్‌: వరుణ దేవుడు కరుణించి వర్షం కురింపించాలని మండలంలోని జంగంగరెడ్డి రైతులు, మహిళలు పొడవాటి కర్రకు పగ్గాలు(తాళ్లు) చుట్టి ఉదయం నుంచి సాయంత్రం వరకు రామ భజనతో జడకొప్పు వేశారు. వర్షం కురిసే వరకు అల్లిన జడకొప్పు తొలగించమని ప్రతిన చేశారు. అదేవిధంగా స్థానిక ఆలయాల్లో విగ్రహాలను నీళ్లతో అభిశేకాలు చేశారు. పూజలు చేసి వర్షం కురిపించాలని మొక్కుకున్నారు.
 
  


 అమ్రాబాద్‌: గోసంరక్షక దళం పేరుతో హిందూమతోన్మాదులు పనిగట్టుకొని దళితులపై దాడులు చేస్తున్నారని వారిని కఠినంగా శిక్షించాలని తెలంగాణ విద్యార్థి వేదిక అధ్యక్షుడు ప్రశాంత్, జ్యోతి లింగయ్య ఒక  ప్రకటనలో ప్రభుత్వాన్ని డిమాండ్‌ చేశారు. ఉత్తరప్రదేశ్, గుజరాత్,మధ్యప్రదేశ్, రాష్ట్రాల్లో ఇప్పటికే దాడులు చేశారని, సంఘటనకు బాధ్యులైన వారిని శిక్షించలేదని తెలిపారు. మరోసారి తూర్పుగోదావరి జిల్లా తమనప్ప గ్రామంలో చనిపోయిన ఆవు చర్మాన్ని వలుస్తున్న దళితుల పై దాడులు చేశారని ఆవేదన వ్యక్తం చేశారు. దళితులపై కపట ప్రేమ చూపిస్తున్న కేంద్రప్రభుత్వం ఇప్పటికైన దళితులపై దాడులు చేసిన గో సంరక్షకదళం వారిని కఠినంగా శిక్షించాలని పేర్కొన్నారు.


 అమ్రాబాద్ : మహబూబ్‌నగర్ జిల్లా అమ్రాబాద్ పోలీసులు ఆదివారం సాయంత్రం అక్రమంగా తరలిస్తున్న సుమారు 10 క్వింటాళ్ల రేషన్ బియ్యాన్ని పట్టుకున్నారు. మాదవానిపల్లి నుంచి వెంకటేశ్వరబావి గ్రామానికి  టాటా ఏస్ వాహనంలో బియ్యాన్ని తరలిస్తున్నారు. సమాచారం అందుకున్న ఎస్‌ఐ ఆదిరెడ్డి సిబ్బందితో కలసి మాదవానిపల్లి సమీపంలో వాహనాన్ని అడ్డగించి బియ్యాన్ని స్వాధీనం చేసుకున్నారు. బాలింగంశేట్ అనే వ్యక్తిని అదుపులోకి తీసుకున్నారు.


 అమ్రాబాద్ (మహబూబ్‌నగర్) : నిరుపేదలకు అందాల్సిన రేషన్ బియ్యాన్ని అక్రమంగా బ్లాక్ మార్కెట్‌కు తరలిస్తున్నారనే సమాచారంతో రంగంలోకి దిగిన విజిలెన్స్ అధికారులు 26 క్వింటాళ్ల బియ్యాన్ని స్వాధీనం చేసుకొని వాటిని తరలిస్తున్న వ్యక్తిపై కేసు నమోదు చేశారు. ఈ సంఘటన మహబూబ్‌నగర్ జిల్లా అమ్రాబాద్ మండలంలో ఆదివారం ఉదయం చోటుచేసుకుంది.


 అమ్రాబాద్ (మహబూబ్ నగర్) : ఓ పశువులకాపరిపై ఎలుగుబంటి దాడి చేసిన సంఘటన సోమవారం సాయంత్రం అమ్రాబాద్ మండలంలోని కొత్తపల్లి అడవిప్రాంతంలో జరిగింది. ఈ సంఘటనకు సంబంధించి స్థానికులు తెలిపిన ప్రకారం... కొత్తపల్లి గ్రామానికి చెందిన మాధ్య అనే పశువుల కాపరి గ్రామ వ్యవసాయ పొలాల సమీపంలోని అడవి ప్రాంతంలో పశువులను మేపుతున్నాడు.
 
 ఈ క్రమంలో పొదల్లో ఉన్న పిల్లల ఎలుగుబంటి అకస్మాత్తుగా అతడిపై పడి దాడి చేసింది. తోటిపశువుల కాపరుల అరుపులతో ఎలుగుబంటి పారిపోయింది. ఈ సంఘటనలో మాధ్యకు తల, శరీరభాగాలకు తీవ్రగాయాలు కాగా ప్రైవేట్ వాహనంలో అచ్చంపేట ప్రభుత్వాసుపత్రికి తరలించారు.


 ఆమ్రాబాద్ (మహబూబ్‌నగర్ జిల్లా) : ఎలుగుబంటి దాడిలో ఓ రైతుకు తీవ్ర గాయాలయ్యాయి. మహబూబ్‌నగర్ జిల్లా ఆమ్రాబాద్ మండలం ముక్తేశ్వరం గ్రామానికి చెందిన రైతు ముక్త్యాలు(40) శనివారం సాయంత్రం పొలంలో వ్యవసాయ పనుల్లో ఉన్నాడు. కాగా రాత్రి 7 గంటల సమయంలో సమీప అటవీ ప్రాంతం నుంచి వచ్చిన ఓ ఎలుగుబంటి అతడిపై దాడికి దిగింది. సమీపంలోనే ఉన్న రైతులు వెంటనే కర్రలతో వచ్చి ఎలుగుబంటిని పారదోలారు. ఎలుగుబంటి దాడిలో తీవ్రంగా గాయపడిన ముక్త్యాలును అచ్చంపేట ప్రభుత్వ ఆస్పత్రికి తరలించారు.


 అమ్రాబాద్ (మహబూబ్‌నగర్ జిల్లా) : గొర్రెల మేత కోసం వెళ్లిన కాపరిపై ఎలుగుబంటి దాడి చేసి తీవ్రంగా గాయపర్చింది. ఈ సంఘటన మహబూబ్‌నగర్ జిల్లా అమ్రాబాద్ మండలం ఉప్పునూతలబికే గ్రామంలోని అటవీ ప్రాంతంలో శనివారం జరిగింది. మండలంలోని కుమ్మరోనిపల్లి గ్రామానికి చెందిన వెంకటయ్య గత నెల రోజులుగా తన గొర్రెల మందను ఉప్పునూతలబికే గ్రామం సమీపంలోని అటవీప్రాంతానికి మేతకు తీసుకెళ్తున్నాడు.
 
 కాగా ఈ క్రమంలోనే శనివారం గొర్రెల మేతకు వెళ్లిన అతనిపై ఎలుగుబండి దాడి చేసింది. ఈ విషయాన్ని గమనించిన మరికొంతమంది గొర్రెల కాపరులు ఎలుగుబంటిని తరిమికొట్టారు. తీవ్రంగా గాయపడిన వెంకటయ్యను అచ్చంపేట ఆస్పత్రికి తరలించారు. ఇదే మండలంలో శుక్రవారం మరో రైతు ఎలుగుబంటి దాడిలో గాయపడిన విషయం తెలిసిందే. దీంతో మండలంలోని ప్రజలు భయాందోళనలకు గురవుతున్నారు.


 * మహబూబ్‌నగర్ జిల్లా పరామర్శ యాత్రలో షర్మిల
 * అధికారంలో ఉన్నా లేకున్నా ప్రజల కోసం తపించారు
 * పేదవాడిని తన భుజాలపై మోశారు
 * ప్రాంతాలు, రాజకీయాలకు అతీతంగా అభివృద్ధి చేశారు
 * రెండోరోజు యాత్రలో మూడు కుటుంబాలకు ఓదార్పు
 * నాగర్‌కర్నూలు, అచ్చంపేట, కొల్లాపూర్‌లో జన నీరాజనం
 
 పరామర్శ యాత్ర నుంచి ‘సాక్షి’ ప్రత్యేక ప్రతినిధి: అధికారం ఉన్నా లేకున్నా నిత్యం ప్రజల పక్షాన నిలిచి వారి సంక్షేమం గురించి తపించిన నేత వైఎస్ రాజశేఖరరెడ్డి అని షర్మిల కొనియాడారు. పేదవాడిని తన భుజాలపై మోసిన రాజశేఖరరెడ్డి తెలుగు ప్రజల హృదయాల్లో రాజన్నగా కొలువయ్యారన్నారు. ఒక వ్యక్తి మరణిస్తే వందలాది మంది గుండెలాగి ప్రాణాలు కోల్పోవడం దేశ చరిత్రలో ఎక్కడా లేదని, ప్రజల ప్రేమ, అభిమానం ఎంతగానో ఉంటే తప్ప ఇలా జరగదని పేర్కొన్నారు.
 
 వైఎస్ రాజశేఖరరెడ్డి మరణాన్ని తట్టుకోలేక చనిపోయిన వారి కుటుంబాలను ఓదార్చేందుకు వైఎస్సార్‌సీపీ అధినేత వైఎస్ జగన్‌మోహన్‌రెడ్డి సోదరి షర్మిల చేపట్టిన పరామర్శ యాత్ర మహబూబ్‌నగర్ జిల్లాలో రెండోరోజుకు చేరుకుంది. మంగళవారం ఉదయం అమ్రాబాద్ మండల కేంద్రంలో భోగం రంగయ్య కుటుంబాన్ని పరామర్శించిన షర్మిల.. అక్కడ్నుంచి అచ్చంపేట, నాగర్ కర్నూలు మీదుగా కోడేరు మండలంలోని ఎత్తెం గ్రామానికి చేరుకున్నారు.
 
 అక్కడ పుట్టపాగ నర్సింహ కుటుంబాన్ని, కొల్లాపూర్‌లో కటికె రాంచంద్రయ్య కుటుంబాన్ని పరామర్శించారు. వారి కుటుంబీకులకు ధైర్యం చెప్పారు. ఒక్కో కుటుంబంతో గంటకు పైగా గడిపారు. పిల్లల చదువులు, ఇతర స్థితిగతులను తెలుసుకున్నారు. పేద కుటుంబాలకు వైఎస్ కుటుంబం ఎప్పుడూ అండగా  ఉంటుందని భరోసానిచ్చారు. షర్మిల వచ్చిన విషయాన్ని తెలుసుకొని ప్రజలు పెద్ద ఎత్తున తరలివచ్చారు. అమ్రాబాద్, అచ్చంపేట, కొల్లాపూర్‌లలో ప్రజలనుద్దేశించి షర్మిల ప్రసంగించారు.
 
 ప్రాణం కన్నా మిన్నగా ప్రేమించారు..
 ప్రజలు తమ ప్రాణం కన్నా మిన్నగా నాన్నను ప్రేమించారని, అందుకే ఆయన మరణాన్ని తట్టుకోలేక గుండెలు పగిలి చనిపోయారని, వారికి, వారి కుటుంబాలకు శిరసు వంచి నమస్కరిస్తున్నానని షర్మిల ఉద్వేగంతో అన్నారు. రాజశేఖరరెడ్డి బతికుంటే రాష్ట్రం లో పేదరికం ఉండేది కాదని, గుడిసె అనేదే లేకుండా చేసేవారని చెప్పారు. ఫీజు రీయింబర్స్‌మెంట్, ఆరోగ్యశ్రీ, పింఛన్లు, 108 వంటి పథకాల ద్వారా లక్షలాది మంది పేదలను ఆదుకున్నారన్నారు.
 
 రుణమాఫీ, విద్యుత్ బకాయిల రద్దు, ఇన్‌పుట్ సబ్సిడీ, మద్దతు ధరల పెంపు వంటి నిర్ణయాలతో రైతు పక్షపాతిగా నిలిచారని గుర్తుచేశారు. రాష్ట్రాన్ని దేశంలోనే అగ్రగామిగా చేయాలని కలలుగని, ఎన్నో ప్రాజెక్టులకు అంకురార్పణ చేశారని చెప్పారు. వైఎస్సార్‌సీపీ తెలంగాణ వర్కింగ్ ప్రెసిడెంట్ పొంగులేటి శ్రీనివాస్‌రెడ్డి మాట్లాడుతూ... ఈ యాత్ర రాజకీయాల కోసం చేయడం లేదన్నారు. వైఎస్ మరణానంతరం నల్లకాలువ వద్ద జగన్ ఇచ్చిన మాట కోసమే యాత్ర చేస్తున్నట్లు చెప్పారు.
 
 మహబూబ్‌నగర్ జిల్లా పార్టీ కన్వీనర్ ఎడ్మ కిష్టారెడ్డి మాట్లాడుతూ... తెలంగాణలో రైతులకు ప్రభుత్వం భరోసా కల్పించడం లేదని, అందుకే ఆత్మహత్యలు చేసుకుంటున్నారన్నారు. ఈ కార్యక్రమంలో ఎమ్మెల్యే తాటి వెంకటేశ్వర్లు, పార్టీ నేతలు రెహమాన్, శివకుమార్, నల్లా సూర్యప్రకాశ్ రావు, సత్యం శ్రీరంగం, మామిడి శ్యాంసుం దర్ రెడ్డి, భీష్వ రవీందర్, జి.రాంభూపాల్ రెడ్డి, నిరంజన్ రెడ్డి, కొండా రాఘవరెడ్డి, భగవంత్ రెడ్డి తదితరులు పాల్గొన్నారు.


 మహబూబ్నగర్: మహానేత డాక్టర్ వైఎస్ రాజశేఖర రెడ్డి ప్రతి పేదవాడిని అభిమానించి, ప్రేమించి, గుండెలలో పెట్టుకున్నారని వైఎస్ఆర్ కాంగ్రెస్ పార్టీ అధినేత వైఎస్ జగన్ మోహన్ రెడ్డి సోదరి వైఎస్ షర్మిల అన్నారు. అందుకే పేదవాడి సంక్షేమం కోసం, అభివృద్ధి కోసం ఆయన అనేక పథకాలు ప్రవేశపెట్టారని చెప్పారు. మహబూబ్నగర్ జిల్లా కల్వకుర్తి నుంచి ఆమె రెండవరోజు పరామర్శ యాత్ర ప్రారంభించారు. ప్రతి గ్రామంలోనూ ఆమెకు అపూర్వ స్వాగతం లభించింది. మన్ననూరులో ఆమె అంబేద్కర్ విగ్రహానికి పూలమాలవేసి నివాళులర్పించారు. అక్కడ నుంచి అమ్రాబాద్ చేరుకొని అక్కడ వైఎస్ఆర్ విగ్రహానికి పూలమాలవేసి నివాళులర్పించారు. పార్టీ జెండా ఆవిష్కరించారు. అనంతరం అమ్రాబాద్, అచ్చంపేటలలో అశేష అభిమానులు ఉద్దేశించి ఆమె మాట్లాడారు. మహానేత వైఎస్ఆర్ ప్రవేశ పెట్టిన పథకాలన్నీ ప్రతిపేదవాడికీ అందేలా పోరాడవలసిన బాధ్యత అయన అభిమానులు, పార్టీ కార్యకర్తలు, మనందరదీ అన్నారు.
 
 ప్రతిపేదవాడు గర్వంగా తలెత్తుకొని కార్పోరేట్ ఆస్పత్రిలో ఉచితంగా వైద్యం చేయించుకునేలా 'ఆరోగ్యశ్రీ' అనే అద్భుత పథకం ప్రవేశపెట్టారని గుర్తు చేశారు. పేదరికం కారణంగా ఏ ఒక్క విద్యార్థి చదువు ఆగిపోకూడదని 'ఫీజు రీయింబర్స్మెంట్' పథకాన్ని ప్రవేశపెట్టి లక్షలాది మంది విద్యార్థులు ఉన్నత చదువులు చదువుకునేందుకు అవకాశం కల్పించారని చెప్పారు. ప్రతి కుటుంబానికి పక్కా ఇల్లు ఉండాలన్న ఉద్దేశంతో 'ఇందిరమ్మ ఇల్లు' పథకం ద్వారా 46లక్షల పక్కా ఇళ్లు నిర్మించారనన్నారు. అలాగే 104, 108, జలయజ్ఞం, ఉచిత విద్యుత్... వంటి ఎన్నో పథకాలు ప్రవేశపెట్టారని గుర్తు చేశారు. అయిదేళ్లపాటు ఏ ఒక్క ఛార్జీ, పన్ను పెంచకుండా పాలన సాగించారని చెప్పారు.
 
 ఒక వ్యక్తి మరణిస్తే ఆ బాధ తట్టుకోలేక, ఆ నిజాన్ని జీర్ణించుకోలేక కొన్ని వందల మంది మరణించడం ప్రజాస్వామ్య చరిత్రలో ఎప్పుడైనా చూశామా? అని ఆమె ప్రశ్నించారు. అది ఒక్క మహానేత విషయంలో జరిగిందన్నారు. ఆయన అధికారంలో ఉన్నా, లేకున్నా ప్రజల పక్షానే ఉన్నారని, అందువల్లే అలా జరిగిందని తెలిపారు.
 
 అమ్రాబాద్లో వైఎస్ మరణ వార్తను జీర్ణించుకోలేక అమరుడైన పర్వతనేని రంగయ్య భార్య అనసూయను షర్మిల పరామర్శించారు. కష్టసుఖాలు అడిగి తెలుసుకున్నారు. అండగా ఉంటామని వారికి భరోసా ఇచ్చారు.  ఆ తరువాత ఎత్తం గ్రామంలో నరసింహ కుటుంబాన్ని షర్మిల పరామర్శించారు. తాము అండగా ఉంటామని ఆ కుటుంబానికి ధైర్యం చెప్పారు.
 
 ఈ యాత్రంలో షర్మిల వెంట పార్టీ తెలంగాణ వర్కింగ్ ప్రసిడెంట్ పొంగులేటి శ్రీనివాస రెడ్డి, ఎమ్మెల్యేలు తాటి వెంకటేశ్వర్లు, పాయం వెంకటేశ్వర్లు, పార్టీ నాయకులు మామిడి శ్యాం సుందర రెడ్డి, నల్లా సూర్యప్రకాశ్, కొండా రాఘవ రెడ్డి, శ్రీకాంత్ రెడ్డి, బీస్వా రవీందర్, ఎడ్మ కృష్ణా రెడ్డి తదితరులు పాల్గొన్నారు.
 **
  
 మరిన్ని చిత్రాలకు క్లిక్ చేయండి