breaking news
Alice
-
ఎన్విడియా చిప్స్ను చైనాకు తరలించిన లీ మింగ్
చైనాకు చెందిన లీ మింగ్ అనే వ్యక్తి, ఆలిస్ హువాంగ్, ఆమె భర్త కాంగ్ వీతో కలిసి ఎన్విడియా (Nvidia) ఏఐ చిప్స్ను చైనాకు తరలించే నెట్వర్క్లో కీలక పాత్ర పోషించినట్లు వాల్ స్ట్రీట్ జర్నల్ కథనం వెల్లడించింది. సింగపూర్లో ప్రస్తుతం బెయిల్పై ఉన్న లీ మింగ్ పరిమితులున్న ఎన్విడియా చిప్స్ను అక్రమంగా చైనాకు తరలించినట్లు ఆరోపణలు ఎదుర్కొంటున్నాడు.లీ మింగ్ తన స్థానిక సంస్థ పేరుతో ఎన్విడియా చిప్స్తో కూడిన సర్వర్లను కొనుగోలు చేసి, వాటిని తొలుత మలేషియాకు తరలించినట్లు సింగపూర్ ప్రాసిక్యూటర్లు ఆరోపించారు. అనంతరం అక్కడి నుంచి మరో ప్రాంతానికి పంపినట్లు పేర్కొన్నారు. ఈ వ్యవహారంలో 2025 ఫిబ్రవరిలో లీ మింగ్పై ఫ్రాడ్ కేసు కూడా నమోదైంది.ఆలిస్ హువాంగ్, ఆమె భర్త కాంగ్ వీతో కలిసి లీ మింగ్ ఆగ్నేయాసియా దేశాల్లో భాగస్వామ్య సంస్థలను ఏర్పాటు చేసినట్లు నివేదిక తెలిపింది. వీరు 2021లో చైనాలో క్లౌడ్ కంప్యూటింగ్ సంస్థ సెంచరీ లాంగ్టెంగ్ను ఏర్పాటు చేశారు. అనంతరం మెగాస్పీడ్ సంస్థ ద్వారా ఎన్విడియా చిప్స్ను పొందేందుకు ప్రయత్నించినట్లు ఆరోపణలు ఉన్నాయి.అలీబాబా తమ ప్రధాన కస్టమర్ అని మెగాస్పీడ్ ఎన్విడియాకు తెలిపినట్లు, దీంతో ఆ సంస్థకు చిప్స్ కొనుగోలులో ప్రాధాన్యత లభించినట్లు ఆ కథనం పేర్కొంది. అయితే అందులోని కొన్ని సర్వర్లను అమెరికా ఎగుమతి నియంత్రణ నిబంధనలకు విరుద్ధంగా షాంఘైలోని సంస్థకు పంపినట్లు ఆరోపణలు వచ్చాయి.అయితే ఈ వ్యవహారంపై 2024లోనే అమెరికా తన దర్యాప్తు ప్రారంభించింది. 2025 జూన్లో ఎన్విడియా మెగాస్పీడ్ను తన అంతర్గత ‘నో-సెల్’ జాబితాలో చేర్చింది. ఈ విషయంపై సింగపూర్లోనూ విచారణ జరగగా, నేరాలకు తగిన ఆధారాలు లభించలేదని అధికారులు తెలిపారు. అయితే ఆలిస్ హువాంగ్కు హెచ్చరిక జారీ చేసి, ఆ దేశంలోకి తిరిగి ప్రవేశించకుండా నిషేధించారు.ఇక మరోవైపు కాంగ్ వీపై చైనాలో స్టాక్ మార్కెట్ మానిప్యులేషన్ ఆరోపణలతో విచారణ జరుగుతున్నట్లు నివేదిక పేర్కొంది. మెగాస్పీడ్ మాత్రం చిప్స్ అక్రమ రవాణా ఆరోపణలను ఇప్పటికే ఖండించింది. ఆలిస్ హువాంగ్ 2025 ఆగస్టులోనే సంస్థను వీడినట్టు తెలిపింది.అయితే ఇదిలా ఉండగా.. ఎన్విడియా మాజీ సీఈవో జెన్సన్ హువాంగ్తో ఆలిస్ హువాంగ్కి ఉన్న సంబంధం కారణంగా జెన్సన్ తన పదవి నుంచి తప్పుకున్నట్లు కథనం పేర్కొంది. కాగా ఈ వ్యవహారంపై డిసెంబర్ 1న అమెరికా కాంగ్రెస్ కమిటీల ముందు ఆయన వివరణ ఇవ్వనున్నట్లు సమాచారం.ఇదీ చదవండి: ఒకే రాత్రి 868 సార్లు పార్కింగ్కు ట్రై చేసిన కారు -
జెన్సన్ హువాంగ్ ఇష్యూ.. 'మెగాస్పీడ్' ఫస్ట్ రియాక్షన్
ఎన్విడియా (Nvidia) వ్యవస్థాపకుడు జెన్సన్ హువాంగ్ వ్యక్తిగత సంబంధాలపై వివాదం కొనసాగుతున్న వేళ.. ఆలిస్ హువాంగ్కు సంబంధించి సింగపూర్కు చెందిన మెగాస్పీడ్ సంస్థ తొలిసారి స్పందించింది. ఆలిస్ హువాంగ్ 2025 ఆగస్టు 30నే సంస్థ నుంచి వైదొలిగారని, ప్రస్తుతం ఆమెకు కంపెనీలో ఎలాంటి బాధ్యతలు లేవని మెగాస్పీడ్ సంస్థ స్పష్టం చేసింది.అంతేకాదు ఆమె వ్యక్తిగత, ప్రైవేట్ విషయాలపై తాము వ్యాఖ్యానించబోమని మెగాస్పీడ్ తెలిపింది. ఇక తమ వ్యాపార కార్యకలాపాలన్నీ చట్టబద్ధంగానే కొనసాగుతున్నాయని పేర్కొంది. ఈ వ్యవహారంపై సమగ్ర అంతర్గత విచారణ కోసం బయటి న్యాయ నిపుణులను కూడా నియమించినట్లు వెల్లడించింది.ఇటీవల జెన్సన్ హువాంగ్కు ఆలిస్తో వివాహేతర సంబంధం ఉన్నట్లు వచ్చిన వార్తలతో ఈ వ్యవహారం వెలుగులోకి వచ్చింది. ఆలిస్ చైనా నిఘా సంస్థకు అనుబంధంగా పనిచేస్తున్నారనే అనుమానాలు అమెరికా నిఘా వర్గాలకు ఉన్నట్లు పలు కథనాలు వెల్లడించాయి.మరోవైపు నిషేధిత ఎన్విడియా ఏఐ చిప్లను చైనాకు అక్రమంగా తరలించేందుకు మెగాస్పీడ్ను అడ్డాగా ఉపయోగించుకున్నారనే ఆరోపణలపై అమెరికా అధికారులు 2024 నుంచి దర్యాప్తు చేస్తున్నారు. సింగపూర్ హోం వ్యవహారాల మంత్రిత్వ శాఖ కూడా ఈ అంశంపై విచారణ చేపట్టింది. అయితే ఈ విషయంలో తాము ఎలాంటి తప్పు చేయలేదని, తమపై వస్తోన్న ఆరోపణలను మెగాస్పీడ్ ఖండించింది.ఇదీ చదవండి: రైల్వే ట్రాక్ పేలుడు కేసులో ఇద్దరి అరెస్ట్ -
గూఢచర్యం వివాదంలో ఎన్విడియా సీఈవో
శాన్ఫ్రాన్సిస్కో: అంతర్జాతీయ ఐటీ దిగ్గజ కంపెనీ ఎన్విడియా సీఈవో జెన్సెన్ హుయాంగ్ వివాదాల సుడిగుండంలో చిక్కుకున్నారు. విదేశీ నిఘా సంస్థల చర్యలకు లక్ష్యంగా మారాడన్న ఆరోపణలపై విచారణకు ఆదేశించినట్లు సంస్థ బోర్డు ఆఫ్ డైరెక్టర్స్ సోమవారం ప్రకటించారు. ఒకానొక బిజినెస్ ఎగ్జిక్యూటివ్తో తాను సన్నిహితంగా మెలిగిన మాట నిజమేనని జెన్సెన్ స్వయంగా బోర్డుకు వెల్లడించడం, చైనా నుంచి సేకరించిన సమాచారంతో అమెరికా నిఘా సంస్థలు కూడా ఈ విషయాన్ని నిర్ధారించిన నేపథ్యంలో ఈ వార్తలకు ప్రాధాన్యమేర్పడింది. అక్రమ సంబంధం కలిగి ఉండటంపై జెన్సెన్ ఇటీవలే ఎన్విడియా ఉద్యోగులను ఉద్దేశించి ఒక లేఖ రాశారు. ద అసోసియేటెడ్ ప్రెస్ ఈ లేఖ పత్రిని సంపాదించగలిగింది. అందులో... జెన్సెన్ తాను తన భార్యపట్ల అనైతికంగా వ్యవహరించినట్లు ఒప్పుకున్నారు. కుటుంబం, సహోద్యోగులు క్షమించాలని విజ్ఙప్తి చేశారు. ఈ చర్యలకు బాధ్యత మొత్తం తనదేనని కూడా ఆయన అంగీకరించారు. ‘‘ఎన్విడియాకు నేతృత్వం వహించడం తనకు దక్కిన గొప్ప గౌరవం’’అని తెలిపిన జెన్సెన్.. ‘‘మీకు సేవలు చేయడం, మీ విశ్వాసానికి అర్హత సాధించడం నా బాధ్యత. అయితే ఈ విషయంలో నేను వెనుకబడ్డా’’అని ఆ లేఖలో స్పష్టం చేశారు. అయితే ఈ అక్రమ సంబంధం వల్ల ఎన్విడియాకు సంబంధించిన రహస్యాలు లీక కావడం, జాతీయ భద్రతకు ముప్పు కానీ జరిగిందని తాము అనుకోవడం లేదని సంస్థ బోర్డు స్పష్టం చేసింది. అయితే అందుబాటులో ఉన్న సమాచారం మొత్తంపై విచారణ జరుగుతుందని, జెన్సెన్ కూడా విచారణకు పూర్తిగా సహకరిస్తున్నట్లు తెలిపింది. విచారణ సమయంలోనూ జెన్సెన్ సీఈవోగా కొనసాగుతారని బోర్డు తెలిపింది. ఇదీ వివాదం... ఎన్విడియా సీఈవో జెన్సెన్ చైనాకు చెందిన చిప్ కొనుగోలుదారు అలీస్ హుయాంగ్తో సంబంధం కలిగి ఉన్నారని, అలీస్ చిప్ కొనుగోలుదారు మాత్రమే కాదని, చైనా గూడఛారిగా వ్యవహరిస్తున్నారని, ప్రభుత్వానికి నేరుగా సమాచారం అందిస్తున్నారని అమెరికా నిఘా వర్గాలను ఉటంకిస్తూ ‘ద టైమ్స్’నెల రోజుల క్రితం ఒక కథనాన్ని ప్రచురించింది. అయితే ఈ రెండు విషయాలు ఒకదానితో ఒకటి సంబంధం లేనివని టైమ్స్ స్పష్టం చేసింది కూడా. చైనాలో ఓ టెలివిజన్ రిపోర్టర్గా పనిచేసిన అలీస్ తరువాతి కాలంలో సింగపూర్లోని డేటా సెంటర్ సంస్థ ‘మెగాస్పీడ్’ఉన్నతాధికారిగా ఎదిగారు. ఈ క్రమంలో మెగాస్పీడ్ కాస్తా ఎన్విడియా ప్రధాన వినియోగదారుగా అవతరించింది. గత రెండేళ్లలో ఈ సంస్థ ఎన్విడియా నుంచి దాదాపు 480 కోట్ల డాలర్ల చిప్స్ కొనుగోలు చేసినట్లు తెలుస్తోంది. ఎన్విడియా సీఈవో జెన్సెన్ కంపెనీ ఉద్యోగులను ఉద్దేశిస్తూ రాసిన లేఖలో అలీస్ పేరు కానీ, చైనాతో ఆమెకున్న సంబంధాల గురించి కానీ ప్రస్తావించలేదు. అయితే కొన్ని జాతీయ భద్రతకు సంబంధించిన ఆందోళనలను కొన్ని వార్తా కథనాలు లేవనెత్తాయని మాత్రం చెప్పారు. ఈ విషయంలో బోర్డును సమరి్థస్తున్నట్లు, విచారణకు పూర్తిగా సహకరిస్తున్నట్లు స్పష్టం చేశారు. ఈ మొత్తం వ్యవహారంపై అధ్యక్షుడు ట్రంప్ మాట్లాడుతూ జెన్సెన్ను సమరి్థంచారు. దేశం కోసం అతడు ఎంతో చేశాడని అన్నారు. కొట్టిపారేసిన చైనా... ఎన్విడియా సీఈవోను లొంగదీసుకునేందుకు గూఢచారిని ఉపయోగించారన్న ఆరోపణలను చైనా కొట్టి పారేసింది. దేశంపై బురదజల్లేందుకు అసత్యాలను ప్రచారం చేస్తున్నారని చైనా విదేశీ వ్యవహారాల శాఖ మంత్రి గువా జియాకున్ సోమవారం స్పష్టం చేశారు. జెన్సెన్ చైనాకు చెందిన అలీస్ హుయాంగ్తో సన్నిహిత సంబంధాలు కలిగి ఉన్నాడంటూ న్యూయార్క్ టైమ్స్ గతంలో ప్రచురించిన కథనాన్ని కూడా చైనా ఖండించంది. చైనాకు అక్రమంగా చిప్స్ సరఫరా చేస్తున్న సంస్థకు చెందిన అలీస్ ఆ దేశ గూఢచారి అంటూ న్యూయార్క్ టైమ్స్ ఆరోపించింది. -
WPL 2024: ప్లేఆఫ్స్కు ఢిల్లీ
న్యూఢిల్లీ: మహిళల ప్రీమియర్ లీగ్ (డబ్ల్యూపీఎల్)లో గత ఏడాది రన్నరప్ ఢిల్లీ క్యాపిటల్స్ ఈ ఏడాదీ ప్లేఆఫ్స్ దశకు అర్హత సాధించింది. ఆదివారం ఆఖరి బంతిదాకా సాగిన పోరులో ఢిల్లీ క్యాపిటల్స్ పరుగు తేడాతో రాయల్ చాలెంజర్స్ బెంగళూరు (ఆర్సీబీ) జట్టుపై గెలుపొందింది. ఈ సీజన్లో ఢిల్లీకిది ఐదో విజయం. మొదట ఢిల్లీ నిర్ణీత 20 ఓవర్లలో 5 వికెట్ల నష్టానికి 181 పరుగులు చేసింది. పవర్ప్లేలో ఓపెనర్లు మెగ్ లానింగ్ (26 బంతుల్లో 29; 5 ఫోర్లు), షఫాలీ వర్మ (18 బంతుల్లో 23; 3 ఫోర్లు, 1 సిక్స్) 54 పరుగులతో శుభారంభమిచ్చారు. తర్వాత ‘ప్లేయర్ ఆఫ్ ద మ్యాచ్’ జెమీమా రోడ్రిగ్స్ (36 బంతుల్లో 58; 8 ఫోర్లు, 1 సిక్స్), అలైస్ క్యాప్సీ (32 బంతుల్లో 48; 8 ఫోర్లు) క్రీజులో ఉన్నంతసేపు స్కోరు బోర్డును ఉరుకులు పెట్టించారు. మూడో వికెట్కు ఇద్దరు కలిసి 61 బంతుల్లోనే 97 పరుగులు జోడించారు. జెమీమా 26 బంతుల్లో అర్ధసెంచరీ సాధించింది. స్పిన్నర్ శ్రేయాంక 4 వికెట్లు తీసింది. అనంతరం బెంగళూరు 20 ఓవర్లలో 7 వికెట్లు కోల్పోయి 180 పరుగులు చేసి ఓడింది. ఓపెనర్, కెపె్టన్ స్మృతి మంధాన (5) విఫలమైనా... టాపార్డర్లో సోఫీ మోలినెక్స్ (30 బంతుల్లో 33; 5 ఫోర్లు), ఎలీస్ పెరీ (32 బంతుల్లో 49; 7 ఫోర్లు, 1 సిక్స్) బెంగళూరును నడిపించారు. ఓవర్ వ్యవధిలో ఇద్దరు పెవిలియన్ చేరారు. ఈ దశలో రిచా ఘోష్ (29 బంతుల్లో 51; 4 ఫోర్లు, 3 సిక్సర్లు), సోఫీ డివైన్ (16 బంతుల్లో 26; 1 ఫోర్, 2 సిక్స్లు) మ్యాచ్పై ఆశలు రేపారు. చివరి ఓవర్లో బెంగళూరు విజయానికి 17 పరుగులు కావాల్సి ఉండగా, రిచా రెండు భారీ సిక్స్లు బాదింది. ఒక బంతి 2 పరుగుల విజయ సమీకరణం వద్ద రిచా రనౌట్ కావడంతో పరుగు తేడాతో ఢిల్లీ గట్టెక్కింది. నేడు గుజరాత్ జెయింట్స్తో యూపీ వారియర్స్ తలపడుతుంది. 10 పాయింట్లతో ముంబై ఇండియన్స్, ఢిల్లీ ఇప్పటికే ‘ప్లే ఆఫ్స్’ చేరగా... ఆరు పాయింట్లతో నాలుగో స్థానంలో ఉన్న యూపీ ప్లే ఆఫ్స్ దశకు అర్హత పొందే అవకాశాలు సజీవంగా ఉండాలంటే తమ చివరి లీగ్ మ్యాచ్లో గుజరాత్పై తప్పనిసరిగా గెలవాలి. -
ఎలక్ట్రిక్ విమానాలూ వచ్చేస్తున్నాయ్!
బైక్లు.. కార్లు.. బస్సులే కాదు.. ఎలక్ట్రిక్ విమానాలూ వచ్చేస్తున్నాయి. విమానాల్లో వినియోగించే శిలాజ ఇంధన ధరలు రోజు రోజుకీ పెరుగుతుండటం.. ఇంధన వనరుల వినియోగం సైతం పెరుగుతుండటంతో ప్రత్యామ్నాయాలపై ప్రయోగాలు కొనసాగుతున్నాయి. ఈ తరుణంలో ఇజ్రాయెల్కు చెందిన ఏవియేషన్ సంస్థ ‘అలైస్’ పేరిట ఎలక్ట్రిక్ ఎయిర్ క్రాఫ్ట్ను ఆవిష్కరించింది. ప్రపంచం చూపును తన వైపునకు తిప్పేసుకుంది. 2024 నాటికి గాలిలో చక్కర్లు కొట్టేందుకు ఎలక్ట్రిక్ విమానాలు సిద్ధమవుతుండగా.. జర్మనీకి చెందిన డీహెచ్ఎల్ ఎక్స్ప్రెస్ తన వాణిజ్య కార్యకలాపాల కోసం ఎలక్ట్రికల్ విమానాలు నడిపే దిశగా అడుగులు వేస్తోంది. అమెరికాకు చెందిన కొన్ని ఎయిర్లైన్స్ సంస్థలు అదే బాటలో పయనిస్తున్నాయి. (కె.జి.రాఘవేంద్రారెడ్డి, సాక్షి ప్రతినిధి, విశాఖపట్నం): విమానాల్లో ఉపయోగించే సంప్రదాయ ఇంధనం స్థానంలో ప్రత్యామ్నాయ ఇంధనాలు వస్తాయా అనే ప్రశ్నకు ఓ సమాధానం దొరికింది. గతంలో కార్బన్ డయాక్సైడ్ నుంచి ఇంధన తయారీ ప్రయోగాలు విజయవంతమైనప్పటికీ సంప్రదాయ ఇంధనం ధరతో పోలిస్తే.. దీని భారం రెట్టింపు అ య్యింది. దీంతో ఆ ప్రయత్నాల్ని వివిధ సంస్థలు విరమించుకున్నాయి. బయో ఇంధనాలు వినియోగంపై ఆలోచనలు చేసినా.. అవన్నీ ప్రయోగాల దశ దాటలేదు. ఇలాంటి పరిస్థితుల్లో మార్కెట్లో ఒక్కసారిగా ఎలక్ట్రిక్ వాహనాల కొనుగోళ్లు ఊపందుకున్నాయి. దీంతో విమానాలను సైతం విద్యుత్తో నడిపించేవిధంగా ప్రయోగాలు చేసిన ఇజ్రాయెల్కు చెందిన ఏవియేషన్ ఎయిర్క్రాఫ్ట్ అనే సంస్థ సత్ఫలితాలు సాధించింది. ఆ సంస్థ ‘అలైస్’ పేరిట తయారు చేసిన మొట్టమొదటి ఎలక్ట్రిక్ ఎయిర్క్రాఫ్ట్ గతేడాది పారిస్లో జరిగిన ఎయిర్షోలో సెంటర్ ఆఫ్ అట్రాక్షన్గా మారింది. మొట్టమొదటి కమర్షియల్ ప్యాసింజర్ ఎలక్ట్రిక్ ఎయిర్క్రాఫ్ట్గా చరిత్ర సృష్టించింది. దీనిని పౌర విమానయాన సేవలకూ వినియోగించాలనే లక్ష్యంతో అడుగులు వేస్తున్నారు. 10 వేల అడుగుల ఎత్తులో చక్కర్లు ఇజ్రాయెల్ సంస్థ 200 మిలియన్ డాలర్ల పెట్టుబడితో 2018 నుంచి ఏడాది పాటు శ్రమించి దీనిని తయారు చేసింది. 2021లో ఈ విమానం గాలిలో చక్కర్లు కొట్టి అందర్నీ ఆశ్చర్యపరిచింది. అమెరికాలోని గ్రాంట్ కౌంటీ ఇంటర్నేషనల్ ఎయిర్పోర్టులో దీనికి టెస్ట్ ఫ్లైట్ చేపట్టగా.. 3,500 అడుగుల ఎత్తులో 8 నిమిషాల పాటు గగన విహారం చేసింది. సాధారణ విమానం ముందుకు వెళ్లడానికి రెండు రెక్కలకు రెండు ప్రొపెల్లర్స్ ఉంటాయి. కానీ.. అలైస్లో మాత్రం మూడు ప్రొపెల్లర్స్ ఉంటాయి. ఒక ప్రొపెల్లర్ విమానం వెనక భాగంలో ఉంటే, మిగతా రెంటిండినీ చెరో రెక్కకు అమర్చారు. ప్రమాదం తర్వాత.. ప్రయోగాల సమయంలో అలైస్ నమూనాలో 2020 జనవరి 22న అగ్ని ప్రమాదం సంభవించింది. పాసింజర్ ఏరియాలో ఉండే అండర్ ఫ్లోర్ బ్యాటరీ కంపార్ట్మెంట్లో మంటలు చెలరేగాయి. ప్రమాదం తర్వాత విమానం నిర్మాణంలో మరిన్ని జాగ్రత్తలు తీసుకున్నారు. వింగ్స్, ఎలక్ట్రికల్ వైరింగ్ ఇంటర్ కనెక్షన్ సిస్టమ్ తయారీ కోసం జీకేఎన్ ఏరోస్పేస్ సంస్థతో ఒప్పందం కుదుర్చుకోవడంతో అలైస్ తయారీ విజయవంతమైంది. సీమెన్స్, మాగ్నిక్స్ కంపెనీలకు చెందిన ఎలక్ట్రిక్ మోటార్లను అలైస్ విమానాల కోసం వినియోగిస్తున్నారు. 60 నుంచి 80 శాతం ఖర్చు ఆదా... ప్రస్తుతం వినియోగిస్తున్న సంప్రదాయ ఇంధనంతో పోలిస్తే విద్యుత్ ఆధారిత విమానం వినియోగంలో ఖర్చు చాలా తక్కువ. ‘సెస్నా కార్వాన్’ అనే ఒక చిన్న విమానం 160 కిలోమీటర్లు ప్రయాణించేందుకు దాదాపు రూ.27 వేల ఇంధనం ఖర్చవుతోంది. కానీ.. అలైస్ ఎలక్ట్రిక్ విమానంలో 160 కిలోమీటర్ల ప్రయాణానికి కేవలం రూ.8 వేల వరకు మాత్రమే ఖర్చవుతోంది. అంటే దాదాపు 60 నుంచి 80 శాతం వరకూ ఖర్చును ఆదా చేసుకోవచ్చు. అందరి చూపూ.. అలైస్ వైపే విమానయాన రంగంలో విప్లవం సృష్టిస్తున్న అలైస్ను కొనుగోలు చేసేందుకు ప్రముఖ సంస్థలు పోటీ పడుతున్నాయి. జర్మనీకి చెందిన ప్రఖ్యాత కార్గో సంస్థ డీహెచ్ఎల్ తన సరకు రవాణా కోసం 12 విమానాల కోసం ఆర్డర్లు ఇచ్చింది. అదేవిధంగా అమెరికాకు చెందిన కేప్ ఎయిర్, గ్లోబర్ క్రాసింగ్ ఎయిర్లైన్స్ సంస్థలు సైతం పదుల సంఖ్యలో ఆర్డర్లు బుక్ చేశాయి. 2024 నాటికి పూర్తిస్థాయిలో అలైస్ ఎలక్ట్రిక్ ఎయిర్ క్రాఫ్ట్లు గాలిలో దూసుకుపోతాయని అంచనా వేస్తున్నారు. విమానయాన రంగంలో కర్బన ఉద్గారాల నియంత్రణకు ఎయిర్లైన్స్ సంస్థలు అలైస్ను ప్రత్యామ్నాయంగా భావిస్తున్నాయి. అయితే.. ప్రపంచవ్యాప్తంగా విమాన ప్రయాణానికి పెరుగుతున్న డిమాండ్ను అలైస్ అధిగమించగలదా లేదా అనే సందేహాలూ ఉత్పన్నమవుతున్నాయి.


