ట్రంప్ ఇంకా అప్డేట్ కాలేదట!

అమెరికా అధ్యక్షుడిగా డొనాల్డ్ ట్రంప్ పదవీ బాధ్యతలు స్వీకరించి వైట్హౌస్కు వెళ్లినప్పటికీ, ఇంకా దాని టెక్నాలజీ పద్ధతులకు అప్డేట్ కాలేదట. ట్విట్టర్పై పోస్టు చేయడానికి ప్రెసిడెంట్ ఇంకా తన పాత ఆండ్రాయిడ్ డివైజ్నే వాడుతున్నారని రిపోర్టులు చెబుతున్నాయి. న్యూయార్క్ టైమ్స్ రిపోర్టు ప్రకారం గతవారం చివర్లో వాషింగ్టన్కు వెళ్లిన ట్రంప్, అప్పటినుంచి ట్విట్టర్పై పోస్టు చేయడానికి ఎలాంటి భద్రత లేని తన ఆండ్రాయిడ్ ఫోన్ నే వాడుతున్నారని తెలిపింది. ఎలాంటి భద్రతలేని డివైజ్ను ట్రంప్ వాడటం, అటు ఆయనకు, ఇటు దేశానికి అంతమంచింది కాదని, సెక్యురిటీ సమస్యలు వస్తాయని రిపోర్టులు పేర్కొంటున్నాయి. అయితే అమెరికా అధ్యక్షుడిగా ట్రంప్ బాధ్యతలు స్వీకరించిన వెంటనే పాత ఫోన్ పక్కనపడేసి, కొత్త ఐఫోన్ వాడనున్నారని అమెరికా నిఘా విభాగం తెలిపిన సంగతి తెలిసిందే.