విత్డ్రా పరిమితిని రూ.5లక్షలకు పెంచండి!

 

ప్రస్తుతమున్న విత్డ్రా పరిమితి రూ.50వేల నుంచి రూ.5 లక్షలకు పెంచాలని ఎగుమతిదారులు డిమాండ్ చేస్తున్నట్టు ఆమె తెలిపారు. కార్పెట్, హ్యాండ్లూమ్ వంటి రంగాల్లో కార్మికులు ఎక్కువగా ఉంటారని, ఈ రంగాలు నగదు లావాదేవీలపైనే  పనిచేస్తాయని, వారు విత్డ్రా పరిమితిని రూ.3 లక్షలు లేదా రూ.4 లక్షలు లేదా రూ.5 లక్షలకు పెంచాలని కోరుతున్నట్టు ఆమె పేర్కొన్నారు. ఎగుమతిదారులు కోరుతున్న ఈ డిమాండ్లను వెంటనే ఆర్థికమంత్రి అరుణ్ జైట్లీకి దృష్టికి తీసుకెళ్తామని, వెంటనే దీనికి ఉపశమన చర్యలు తీసుకునేలా సహకరిస్తామని హామీ ఇచ్చినట్టు సీతారామన్ వివరించారు. నగదు ఉపసంహరణ పరిమితులతో కొన్ని రంగాలోని యూనిట్లు వారం రోజులు నిలిపివేయాలని నిర్ణయించగా..  కొన్ని యూనిట్లు 100 లేదా 70 శాతంగా ఉన్న ఉత్పత్తి సామర్థ్యాన్ని 35 నుంచి 40 శాతానికి కుందించనున్నాయి.