వరుస బాంబు పేలుళ్లు : 18 మంది మృతి

ఇరాక్ రాజధాని నగరం బాగ్దాద్ కారు బాంబులతో దద్దరిల్లింది. నగరంలో శనివారం వివిధ ప్రాంతాల్లో నాలుగు కారు బాంబు పేలుళ్లు సంభవించాయి. ఆ ఘటనలో మొత్తం 18 పౌరులు మరణించారు. మరో 59 మంది పౌరులు గాయపడ్డారు. క్షతగాత్రులు నగరంలోని వివిధ ఆసుపత్రుల్లో చికిత్స పొందుతున్నారని పోలీసులు వెల్లడించారు.

 

అయితే వారిలో కొందరి పరిస్థితి విషమంగా ఉందని పోలీసులు తెలిపారు. ఈ ఏడాది మొదటి ఆరునెలలో దేశంలో హింస, తీవ్రవాదాల కారణంగా 5,576 మంది మరణించగా, 11,666 మంది గాయపడ్డారని ఇరాక్లోని యూఎన్ అసిస్టెన్స్ మిషన్, మానవహక్కుల హై కమిషనర్ కార్యాలయం ఆదివారం విడుదల చేసిన ఓ ప్రకటనలో వెల్లడించింది.