కారు బాంబు పేలి 10 మంది మృతి

ఇరాక్ రాజధాని నగరం బాగ్దాద్లో ఆత్మాహుతి దళ సభ్యుడొకరు కారు బాంబు పేల్చేసుకోవడంతో 10 మంది మరణించగా 36 మంది తీవ్రంగా గాయపడ్డారు. బాగ్దాద్లోని తూర్పున ఉన్న సదర్ నగరంలో ఓ మార్కెట్ వద్ద అతడు ఈ కారు బాంబు పేల్చేసినట్లు పోలీసులు తెలిపారు. ఈ పేలుడు కారణంగా సమీపంలో ఉన్న పలు దుకాణాలు, భవనాలు కూడా తీవ్రంగా దెబ్బతిన్నాయి.

అయితే, ఈ దాడికి పాల్పడింది తామంటూ ఎవరూ చెప్పుకోలేదు. ఈనెల 30వ తేదీన ఇరాక్లో పార్లమెంటుకు ఎన్నికలు జరగనున్నాయి. ఈ నేపథ్యంలోనే దాడులు జరిగినట్లు భావిస్తున్నారు. 2011 చివర్లో అమెరికా దళాలు ఇరాక్ నుంచి వెళ్లిపోయిన తర్వాత ఆ దేశంలో ఎన్నికలు జరగడం ఇదే మొదటిసారి.