TV
నిజామాబాద్ జిల్లా బిక్నూర్ మండలం పొందుర్తి ఆర్టీఏ చెక్ పోస్ట్ పై గురువారం తెల్లవారుజామున అవినీతి నిరోధకశాఖ (ఏసీబీ) అధికారులు దాడులు నిర్వహించారు.
నిజామాబాద్: నిజామాబాద్ జిల్లా బిక్నూర్ మండలం పొందుర్తి ఆర్టీఏ చెక్పోస్ట్పై గురువారం తెల్లవారుజామున అవినీతి నిరోధకశాఖ (ఏసీబీ) అధికారులు దాడులు నిర్వహించారు. ఈ సందర్బంగా అసిస్టెంట్ మోటార్ వెహికల్ ఇన్స్పెక్టర్ రవీంద్ర వద్ద అక్రమంగా ఉన్న రూ.12 వేల నగదును ఏసీబీ అధికారులు స్వాధీనం చేసుకుని సీజ్ చేశారు. అనంతరం రవీంద్రను అరెస్ట్ చేసి కేసు నమోదు చేశారు.
పొందుర్తి ఆర్టీఏ చెక్పోస్ట్ సిబ్బంది వాహనదారుల నుంచి అధిక మొత్తంలో నగదు వసూల్ చేస్తున్నారని ఆరోపణలు వెల్లువెత్తాయి. ఈ నేపథ్యంలో పలువురు ఏసీబీకి ఫిర్యాదు చేశారు. దాంతో ఏసీబీ అధికారులు గురువారం తెల్లవారుజామున సదరు ఆర్టీఏ చెక్పోస్ట్పై దాడులు నిర్వహించారు.
