కోహ్లీ చాంపియన్ గానీ.. సచినే నెంబర్ వన్!

 

బ్యాటింగుకు సంబంధించిన అన్ని రికార్డులనూ విరాట్ కోహ్లీ బద్దలు కొట్టే అవకాశం ఉందని, కానీ సచిన్ మాత్రం సచినేనని హర్భజన్ అన్నాడు. దేశంలో తాను, విరాట్ సహా చాలామంది కేవలం సచిన్ వల్లే క్రికెట్ ఆడుతున్నామని చెప్పాడు. ఎంతైనా పాజీ పాజీయేనని ప్రశంసల్లో ముంచెత్తాడు. ఇక విరాట్ కోహ్లీకి క్రికెట్ అంటే ప్రాణమని, అదే అతడిని ఇంత ఎత్తుకు తీసుకెళ్తోందని చెప్పాడు. తాను మాత్రమే ఫిట్‌గా ఉండటం కాకుండా మిగిలినవాళ్లను కూడా ఫిట్‌గా ఉండేలా స్ఫూర్తినిస్తాడన్నాడు. ఆస్ట్రేలియా మీద టెండూల్కర్‌కు మంచి రికార్డు ఉందని, కోహ్లీ ఇప్పుడు దాన్ని కొనసాగించాలని ఆశించాడు. గత జూలై నుంచి ఇప్పటికి కోహ్లీ నాలుగు డబుల్ సెంచరీలు కొట్టిన సంగతి తెలిసిందే.