ఈసారీ సెంచరీ చేస్తా: రోజర్స్

ఈసారీ సెంచరీ చేస్తా: రోజర్స్

 మెల్‌బోర్న్: ఫామ్‌లో ఉన్న ఆస్ట్రేలియా బ్యాట్స్‌మన్ క్రిస్ రోజర్స్ అదే జోరును మెల్‌బోర్న్‌లో ఈనెల 26న మొదలయ్యే ‘బాక్సింగ్ డే’ టెస్టులో కొనసాగించాలని అనుకుంటున్నాడు. ఈ టెస్టులో సెంచరీ చేసేందుకు ప్రయత్నిస్తానని అతను అన్నాడు. బ్రిస్బేన్‌లో జరిగిన రెండో టెస్టు రెండు ఇన్నింగ్స్‌లోనూ అర్ధ సెంచరీలు చేసిన 37 ఏళ్ల ఈ వెటరన్ ఈసారి భారీ ఇన్నింగ్స్ ఆడతానని చెబుతున్నాడు.
 
  ‘నేనిక్కడ రెండోసారి బాక్సింగ్ డే టెస్టు ఆడబోతున్నాను. గతేడాది సెంచరీ చేసినట్టే ఈసారి కూడా అదే రీతిన ఆడాలనుకుంటున్నాను’ అని అన్నాడు. 2013లో ఎంసీజీలోనే ఇంగ్లండ్‌పై సెంచరీ చేసి జట్టును గెలిపించాడు.