రాయుడు Vs భజ్జీ : ఎన్నోసార్లు సారీ చెప్పా

Rayudu Says I Said Sorry To Harbhajan So Many Times - Sakshi

నాకు ఎదురు తిరిగింది అతనొక్కడే: భజ్జీ

న్యూఢిల్లీ : టీమిండియా ఆటగాళ్లు హర్భజన్‌ సింగ్‌, అంబటి రాయుడు ఐపీఎల్‌ ఆరంభం నుంచి 2017 సీజన్‌ వరకు ముంబై ఇండియన్స్‌ జట్టుకు ఆడి ఆ జట్టు మూడు సార్లు టైటిల్‌ నెగ్గడంలో కీలక పాత్ర పోషించిన విషయం తెలిసిందే. కాకతాళీయమో, యాదృచ్ఛికమో కానీ తాజా సీజన్‌లో సైతం ఈ ఇద్దరు ఆటగాళ్లు ఒకే జట్టు తరుపున బరిలోకి దిగారు. ఈ సీజన్‌లో వీరిని  చెన్నైసూపర్‌ కింగ్స్‌ కొనుగోలుచేసింది. చెన్నై టైటిల్‌ నెగ్గడంలో ఈ ఇద్దరు తమవంతు పాత్ర పోషించారు.

అయితే ఈ ఇద్దరి ఆటగాళ్లు 2016 సీజన్‌లో మైదానంలో ఒకరినొకరు దూషించుకోవడం అప్పట్లో తీవ్ర చర్చనీయాంశమైంది. ఒకే జట్టుకు చెందిన ఆటగాళ్లు గొడవపడటం చాలా అరుదు. కానీ రైజింగ్‌ పుణెతో జరిగిన ఓ మ్యాచ్‌లో ఫీల్డింగ్‌ విషయంలో అసంతృప్తి వ్యక్తం చేస్తూ భజ్జీ రాయుడిపై గట్టిగా అరిచాడు. దీనికి రాయుడు తిరగబడటంతో వెనక్కి తగ్గిన భజ్జీ క్షమాపణలు కోరాడు. అయినా రాయుడు శాంతించకుండా దురుసుగా ప్రవర్తించాడు. ఈ వాగ్వాదంపై తాజాగా ‘భజ్జీ బ్లాస్ట్‌ విత్‌ సీఎస్‌కే షో’లో ఈ స్టార్‌ క్రికెటర్లు స్పందించారు. ముందుగా ఈ ఘటనను గుర్తు చేసుకున్న రాయుడు ఈ విషయంలో భజ్జీని ఎన్నోసార్లు క్షమాపణలు కోరానన్నాడు. అసలు ఆ సమయంలో ఎందుకు అలా ప్రవర్తించానో తనకు తెలియదని చెప్పుకొచ్చాడు.

భజ్జీ మాట్లాడుతూ.. ‘నేను ఎంతోమందితో కొట్లాడాను, కానీ ఎవరు నాకు ఎదురు తిరగలేదు. రాయుడొక్కడే నాతో గొడవపడ్డాడు. మైదానంలో ఇలాంటివి సహజమే. నేను సైతం ఎంతోమంది సీనియర్లతో గొడవపడ్డాను. ఆ సమయంలో క్షమాపణలు తెలియజేస్తే సమస్య ఉండదు.’ అని భజ్జీ అభిప్రాయపడ్డాడు. రాయుడు క్షమాపణలు చేప్పాల్సిన పనిలేదన్నాడు. ఐపీఎల్‌లో నాలుగు సార్లు టైటిల్‌ నెగ్గిన ఆటగాళ్లుగా రోహిత్‌ శర్మతో కలిసి ఈ ఇద్దరు ఆటగాళ్లు రికార్డు నమోదు చేసిన విషయం తెలిసిందే.

Read latest Sports News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top