రంగారెడ్డి జిల్లాకు బాలికల టైటిల్

ఎల్బీ స్టేడియం, న్యూస్‌లైన్: రాష్ట్ర  ‘పైకా’ హాకీ టోర్నమెంట్‌లో బాలికల టీమ్ టైటిల్‌ను రంగారెడ్డి జిల్లా జట్టు చేజిక్కించుకుంది. బాలుర టీమ్ టైటిల్‌ను అనంతపురం జట్టు గెల్చుకుంది. గచ్చిబౌలిలోని జీఎంసీ బాలయోగి స్టేడియంలో మంగళవారం జరిగిన బాలికల హాకీ ఫైనల్లో రంగారెడ్డి జిల్లా 2-0 స్కోరుతో వైఎస్‌ఆర్ కడపపై విజయం సాధించింది. మూడో స్థానం కోసం జరిగిన మ్యాచ్‌లో చిత్తూరు 2-1తో కృష్ణాపై గెలిచింది.
 
 బాలుర విభాగం ఫైనల్లో అనంతపురం 2-1తో మహబూబ్‌నగర్‌పై గెలిచింది. మూడో స్థానం కోసం జరిగిన మ్యాచ్‌లో రంగారెడ్డి జిల్లా 2-1తో చిత్తూరుపై నెగ్గింది. ఈ పోటీలకు శాప్ డిప్యూటీ డెరైక్టర్ జి. శోభ విజేతలకు ట్రోఫీలను అందజేసింది. ఈ కార్యక్రమంలో రాష్ట్ర స్పోర్ట్స్ స్కూల్ ప్రత్యేక అధికారి డాక్టర్ కె.నర్సయ్య, పైకా క్రీడల సలహాదారుడు డాక్టర్ ఎన్.సి.మోహన్, ఆర్‌ఆర్‌డీఎస్‌ఏ అధికారి ఇ.వెంకటేశ్వర్‌రావు తదితరులు పాల్గొన్నారు.