మిలింద్‌కు చోటు

మిలింద్‌కు చోటు

బంగ్లాతో ప్రాక్టీస్‌కు భారత్‌ ‘ఎ’ జట్టు ప్రకటన  
న్యూఢిల్లీ: భారత్‌ ‘ఎ’ జట్టులో హైదరాబాదీ ఆటగాడు సి.వి.మిలింద్‌కు చోటు దక్కింది. బంగ్లాదేశ్‌తో హైదరాబాద్‌లో జరిగే రెండు రోజుల ప్రాక్టీస్‌ మ్యాచ్‌ కోసం 14 మంది సభ్యులతో కూడిన జట్టును ప్రకటించారు. తమిళనాడుకు చెందిన అభినవ్‌ ముకుంద్‌ ‘ఎ’ జట్టుకు కెప్టెన్‌గా వ్యవహరిస్తాడు. ఈ ప్రాక్టీస్‌ మ్యాచ్‌ వచ్చే నెల 5, 6 తేదీల్లో  జింఖానా గ్రౌండ్స్‌లో జరుగుతుంది.

భారత్‌ ‘ఎ’ జట్టు: ముకుంద్‌ (కెప్టెన్‌), ప్రియాంక్‌ పంచాల్, శ్రేయస్‌ అయ్యర్, ఇషాంక్‌ జగ్గీ, రిషభ్‌ పంత్, ఇషాన్‌ కిషన్‌ (వికెట్‌ కీపర్‌), విజయ్‌ శంకర్, హార్దిక్‌ పాండ్యా, షాబాజ్‌ నదీమ్, జయంత్‌ యాదవ్, కుల్‌దీప్‌ యాదవ్, అనికేత్‌ చౌదరి, సీవీ మిలింద్, నితిన్‌ సైని.