భారత యువబౌలర్‌పై దిగ్గజ క్రికెటర్‌ ప్రశంసలు

సిడ్నీ: భారత యువబౌలర్‌ బసీల్‌ థంపీని ఆస్ట్రేలియా దిగ్గజ బౌలర్‌ మెక్‌గ్రాత్‌ పొగడ్తలతో ముంచెత్తాడు. భారత్‌లో యువబౌలర్స్‌ సత్తా చాటుతున్నారని, భవిష్యత్తులో భారత్‌కు బలమైన పేస్‌ బౌలర్లు అందుబాటులోకి వస్తారని థంపీని ఉద్దేశించి వ్యాఖ్యానించాడు. ఎమ్‌ఆర్‌ఎఫ్‌ పేస్ ఫౌండేషన్‌, క్రికెట్‌ ఆస్ట్రేలియా ఆధ్వర్యంలో జరిగిన కార్యక్రమంలో మెక్‌గ్రాత్‌ తన అభిప్రాయాలను వ్యక్తం చేశాడు. మెక్‌గ్రాత్‌ డైరెక్టర్‌గా ఉన్న ఎమ్‌ఆర్‌ఎఫ్ ఫౌండేషన్‌లో శిక్షణ పొందిన ముగ్గురు యువబౌలర్లు బసీల్‌ థంపీ, అంకిత్‌ రాజ్‌పుత్‌, అనికేత్‌ చౌదరిలు దక్షిణాఫ్రికాలో పర్యటించే భారత్‌-ఏ జట్టుకు ఎంపికయ్యారు. ముగ్గురు యువబౌలర్లు ఎంపికైనప్పటికే మెక్‌గ్రాత్‌ బసీల్‌ థంపీపైనే ప్రశంసలు కురిపించాడం విశేషం.