ఇంకోటి!

ఈ ఏడాది తమిళ నటుడు విజయ్‌ సేతుపతికి విభిన్నంగా సాగుతోంది. హీరోగా, విలన్‌గా, ట్రాన్స్‌జెండర్‌గా రకరకాల పాత్రల్లో కనిపించారు. ప్రస్తుతం సెట్స్‌ మీద ఉన్న సినిమాలు కూడా అలానే ఉంటాయని అర్థం అవుతోంది. దానికి కారణం ఆ సినిమాల్లో సేతుపతి గెటప్సే. తాజాగా ‘కడైసి వివసాయి’ అనే సినిమాలో మానసికంగా ఆరోగ్యవంతంగా లేని పాత్రలో కనిపిస్తారట. మణికందన్‌ దర్శకత్వంలో తెరకెక్కిన ఈ సినిమాలో కీలక పాత్రలో నటించారు విజయ్‌ సేతుపతి. ఇందులో అతని పాత్రకు సంబంధించిన ఫస్ట్‌ లుక్‌ను రిలీజ్‌ చేశారు. ‘కడైసి వివసాయి’ ఆగస్ట్‌లో రిలీజ్‌ కానుంది.