భువనగిరి లోక్‌సభ నియోజకవర్గం నుంచి బరిలో నిలిచిన అభ్యర్థులు ప్రజా సమస్యలు, అభివృద్ధి ఎజెండాతో ముందుకు వెళ్తున్నారు. ధర్మారెడ్డి, పిల్లాయిపల్లి, బునాదిగాని, అసిఫ్‌నహర్‌ కాల్వల పనులు, బస్వాపురం, రుద్రమ్మ రిజర్వాయర్లను పూర్తి చేస్తామని హామీ ఇస్తున్నారు. మెట్రో రైలు, ఐటీ కారిడార్‌, ఆయూష్‌ యూనివర్సిటీ, అగ్రికల్చర్‌ యూనివర్సిటీ, రీసెర్చ్‌ సెంటర్‌ను తీసుకు వస్తామని.. రాచకొండను పర్యాటక కేంద్రంగా తీర్చిదిద్దుతామని, టూరిజం సర్క్యూట్‌ ఏర్పాటు చేస్తామని, మూసీ ప్రక్షాళనకు చర్యలు తీసుకుంటామని చెబుతున్నారు.ఈనెల 13న లోక్‌సభ ఎన్నికల నేపథ్యంలో కాంగ్రెస్‌, బీఆర్‌ఎస్‌, బీజేపీ, సీపీఎం అభ్యర్థులు ‘సాక్షి’తో మాట్లాడారు.భువనగిరి లోక్‌సభ నియోజకవర్గ అభివృద్ధి బీజేపీతోనే సాధ్యం. మోదీ అంటే త్రీడీ దేశం. భువనగిరిలో బీజేపీ గెలుపు ఖాయమైంది. కాంగ్రెస్‌ దరిదాపుల్లో కూడా లేదు. నేను ఎంపీగా ఉన్న సమయంలో రూ.9 వేల కోట్లు తీసుకువచ్చి పెద్ద ఎత్తున అభివృద్ధి పనులు చేయించాను. మరోసారి గెలిపిస్తే ఇండస్ట్రియల్‌ కారిడార్‌, ఐటీ హబ్‌ తీసుకువస్తా. రాచకొండను పర్యాటక ప్రాంతంగా తీర్చిదిద్దుతా. యాదాద్రి, కొలనుపాక జైన్‌ మందిర్‌, భువనగిరి ఖిలా, బస్వాపూర్‌ రిజర్వాయర్‌ను అనుసంధానం చేస్తూ పర్యాటక కేంద్రంగా ఏర్పాటు చేయిస్తా. మూసీ ప్రక్షాళన, సాగునీటి ప్రాజెక్టులను పూర్తి చేయిస్తా. చదువుకున్న యువత కోసం స్కిల్‌ డెవలప్‌మెంట్‌ సెంటర్ల ఏర్పాటుకు చర్యలు తీసుకుంటా. ఎంఎంటీఎస్‌ను పూర్తి చేయించేందుకు కృషి చేస్తా. అవుటర్‌ రింగ్‌ రోడ్డు పక్కన కేంద్ర ప్రభుత్వ పథకాల వినియోగ కేంద్రం ఏర్పాటు చేయిస్తా. ప్రచారంలో ఇచ్చిన హామీలన్నీ నెరవేరుస్తాబీజేపీ గెలిస్తేనే నియోజకవర్గ అభివృద్ధిబీజేపీ అభ్యర్థి డాక్టర్‌ బూర నర్సయ్యగౌడ్‌ బీఆర్‌ఎస్‌ అభ్యర్థి క్యామ మల్లేష్‌

తిరుమలగిరి(నాగార్జునసాగర్‌) : అమెరికా దేశ క్రికెట్‌ బోర్డ్‌ చైర్మన్‌గా నల్లగొండ జిల్లా తిరుమలగిరి(సాగర్‌) మండలం, అల్వాల గ్రామానికి చెందిన పిసికె వేణుకుమార్‌రెడ్డి కొనసాగుతున్నారు. పిసికె కొండల్‌రెడ్డి, లక్ష్మీ దంపతులకు కుమార్తె వనజ, కుమారుడు వేణుకుమార్‌రెడ్డి ఉన్నారు. కొండల్‌రెడ్డి పశుసంవర్థక శాఖలో అసిస్టెంట్‌ డైరెక్టర్‌గా పనిచేసి రిటైర్డ్‌ అయ్యారు. వనజ ప్రభుత్వ టీచర్‌గా విధులు నిర్వస్తుండగా, వేణుకుమార్‌రెడ్డి 20 ఏళ్ల క్రితం అమెరికా వెళ్లి అక్కడే స్థిరపడ్డారు. వరల్డ్‌కప్‌కు అర్హత సాధించడంలో కీలక పాత్ర జూన్‌ 1 నుంచి ప్రారంభం కానున్న టీ20 వరల్డ్‌కప్‌కు వెస్టిండీస్‌తో పాటు అమెరికా దేశం కూడా ఆతిథ్యం ఇస్తోంది. అమెరికాలోని మూడు వేదికల్లో ఆ దేశ క్రికెట్‌ బోర్టు చైర్మన్‌గా ఉన్న నల్లగొండ వాసి వేణుకుమార్‌రెడ్డి ఆధ్వర్యంలోనే మ్యాచ్‌లు జరగనున్నాయి. విశేషమేమిటంటే.. వేణుకుమార్‌రెడ్డి ఆధ్వర్యంలో అమెరికా క్రికెట్‌ జట్టు ఈసారి వరల్డ్‌కప్‌కు అర్హత సాధించింది. యూఎస్‌ఏలో గతంలో ఉన్న క్రికెట్‌ పాలకవర్గం పాలనా సమస్యల కారణంగా ఐసీసీచే సస్పెండ్‌ చేయబడింది. ప్రస్తుత పాలకవర్గానికి 2019లో గుర్తింపు లభించడంలో అప్పుడు ఆ దేశ డైరెక్టర్‌గా ఉన్న పిసికె వేణుకుమార్‌రెడ్డి కీలకంగా వ్యవహరించారు. వేణుకుమార్‌రెడ్డి అనేక సవాళ్లను ఎదుర్కొని అమెరికాకు క్రికెట్‌ బోర్డ్‌ చైర్మన్‌గా వ్యవహరిస్తుండడం, టీ 20 వరల్డ్‌ కప్‌ ఆయన ఆధ్వర్యంలో జరగడం తెలుగువారికి దక్కిన గౌరంగా చెప్పవచ్చు. ఫ జూన్‌లో జరిగే టీ 20 ప్రపంచకప్‌కు ఆతిథ్యం ఇవ్వనున్న అమెరికా ఫ పిసికె వేణుకుమార్‌రెడ్డి ఆధ్వర్యంలో జరగనున్న వరల్డ్‌కప్‌

ప్రచారంలో భాగంగా ఇంటింటికి వెళ్లినప్పుడు ప్రజలు తమ కష్టాలను చెప్పుకుని పరిష్కరించాలని కోరుతున్నారు. మూసీ కాలుష్యం ప్రజలను జీవశ్చవాలుగా మారుస్తుంది. భువనగిరి లోక్‌సభ నియోజకవర్గంలో అతిపెద్ద సమస్య మూసీ ప్రక్షాళనే. ఇప్పటికే మూసీ ప్రక్షాళన కోసం పోరాటాలు చేస్తున్నాం. భువనగిరి, కొలనుపాక, కొమురవెల్లి, భూదాన్‌పోచంపల్లి, బీబీనగర్‌ పర్యాటక కేంద్రాల సర్క్యూట్‌ ఏర్పాటు చేయిస్తా. ఎయిమ్స్‌లో పూర్తిస్థాయి వైద్యం అందుబాటులోకి వచ్చేలా కృషి చేస్తా. భువనగిరి ప్రాంతం నుంచి హైదరాబాద్‌కు రోజూ వేలాది మంది రాకపోకలు సాగిస్తుంటారు. వారి సౌకర్యార్థం భువనగిరిలో అన్ని రైళ్లు నిలిపేలా కృషి చేస్తా. వీటితో పా టు పెండింగ్‌ సమస్యలన్నీ పరిష్కరిస్తా. మతోన్మాద శక్తులను అడ్డుకునేందుకే ఎంపీగా పోటీ చేస్తున్నాం. సీపీఎం అభ్యర్థి ఎండీ జహంగీర్‌

బొమ్మలరామారం : కొనుగోలు కేంద్రాల్లో ధాన్యం తూకంలో పాదర్శకత పాటించాలని, తేడా వస్తే చర్యలు తప్పవని అదనపు కలెక్టర్‌ (రెవెన్యూ) బెన్‌షాలోమ్‌ హెచ్చరించారు. బొమ్మలరామారం మండలం రామలింగంపల్లిలోని ధాన్యం కొనుగోలు కేంద్రాన్ని శుక్రవారం ఆయన సందర్శించారు. కాంటావేసిన ధాన్యాన్ని ఎప్పటికప్పుడు మిల్లులకు తరలించాలని, రైతులకు టార్పాలిన్లు అందజేయాలని కేంద్రాల నిర్వాహకులకు సూచించారు. ఈ కార్యక్రమంలో సివిల్‌ సప్లై జిల్లా మేనేజర్‌ గోపికృష్ణ, జిల్లా మార్కెటింగ్‌ అధికారి శ్రీనివాస్‌ రెడ్డి, జిల్లా వ్యవసాయ అధికారి అనురాధ, తహసీల్దార్‌ శ్రీనివాస్‌ రావు, ఏఓ పద్మ, ఎంపీటీసీ ఏర్వ హేమంత్‌రెడ్డి, పీఏసీఎస్‌ సీఈఓ జహేందర్‌, సిబ్బంది పాల్గొన్నారు. జగన్‌ సీఎం కావాలని యాదాద్రిలో హోమంయాదగిరిగుట్ట : ఆంధ్రప్రదేశ్‌లో వైఎస్సార్‌సీపీ 150కి పైగా సీట్లు గెలుచుకొని వైఎస్‌ జగన్‌మోహన్‌రెడ్డి మళ్లీ ముఖ్యమంత్రి కావాలని కోరుతూ వైఎస్సార్‌సీపీ జిల్లా అధ్యక్షుడు, టీటీడీ స్థానిక సలహాదారుడు వడ్లోజు వెంకటేశ్‌ ఆధ్వర్యంలో శుక్రవారం యాదాద్రి శ్రీలక్ష్మీనరసింహస్వామి క్షేత్రంలో ప్రత్యేక పూజలు చేశారు. అలాగే వైఎస్‌ జగన్‌, భారతి పేరున అర్చన, శ్రీసుదర్శన హోమం నిర్వహించారు. ఆంధ్రప్రదేశ్‌లో గత అసెంబ్లీ ఎన్నికల సమయంలోనూ జగన్‌ సీఎం కావాలని హోమం నిర్వహించినట్లు వడ్లోజు వెంకటేష్‌ తెలిపారు. శనివారం వైఎస్‌ జగన్‌ను కలిసి యాదాద్రీశుడి ప్రసాదం అందజేయనున్నట్లు వెల్లడించారు. ప్రతీ వాహనాన్ని క్షుణ్ణంగా తనిఖీ చేయాలి భువనగిరి క్రైం : నిఘా బృందాలు అప్రమత్తంగా ఉండాలని, చెక్‌పోస్టుల వద్ద ప్రతీ వాహనాన్ని క్షుణ్ణంగా తనిఖీ చేయాలని ఎన్నికల పోలీసు వ్యయ పరిశీలకుడు నవీన్‌ సూచించారు. శుక్రవారం ఆయన భువనగిరి, మునుగోడు, నకిరేకల్‌ అసెంబ్లీ నియోజకవర్గాల పరిధిలో ఏర్పా టు చేసిన చెక్‌పోస్టులు, సమస్యాత్మక పోలింగ్‌ కేంద్రాలను సందర్శించారు. అందులో భాగంగా బీబీనగర్‌ మండలంలోని గూడూరు చెక్‌పోస్ట్‌, రాఘవాపురం, భూదాన్‌పోచపంల్లి మండలం కప్రాయిపల్లి పోలింగ్‌ కేంద్రాలు, చౌటుప్పల్‌ మండలంలోని తూప్రాన్‌పేట సర్వైలైన్స్‌ చెక్‌పోస్టు, పంతంగి చెక్‌పోస్టు, తూప్రాన్‌పేట పోలింగ్‌ కేంద్రాన్ని తనిఖీ చేశారు. వీటితో పాటు చిట్యాల, నార్కట్‌పల్లి జిల్లా పరిషత్‌ ఉన్నత పాఠశాలల్లో ఏర్పాటు చేసిన పోలింగ్‌ కేంద్రాలు, వట్టిమర్తి వద్ద స్టాటిస్టికల్‌ సర్వైలైన్‌ చెక్‌పోస్టును తనిఖీ చేశారు. రిజిస్టర్లను పరిశీలించారు. సిబ్బందికి సూచనలు చేశారు. ఆధారాలు లేకుండా పరిమితికి మించి తీసుకెళ్తున్న నగదును సీజ్‌ చేయాలని, అక్రమ మద్యం, గంజాయిపై నిఘా ఉంచాలన్నారు. ఆయన వెంట చౌటుప్పల్‌ మధుసూదన్‌రెడ్డి, ఎస్సీ కార్పొరేషన్‌ ఎగ్జిక్యూటివ్‌ డైరెక్టర్‌, లైజనింగ్‌ అధికారి శ్యాంసుందర్‌, పోలీస్‌ అధికారులు జున్నారు. ‘ఎంజీయూ’ కోర్సుల్లో సీట్ల పెంపునల్లగొండ రూరల్‌ : మహాత్మాగాంధీ యూనివర్సిటీలో వివిధ కోర్సుల్లో సీట్లు పెంచుతున్నట్లు వీసీ గోపాల్‌రెడ్డి తెలిపారు. శుక్రవారం యూని వర్సిటీలో నిర్వహించిన అకాడమిక్‌ సెనెట్‌ కమిటీ సమావేశంలో ఆయన మాట్లాడారు. పీజీ, ఇంజనీరింగ్‌, పీహెచ్‌డీలో సీట్ల పెంపును సెనెట్‌ కమిటీ ఆమోదించిందని తెలిపారు. నూతన విద్యా సంవత్సరంలో కోర్సులు, సిలబస్‌లో మార్పులను ఆమోదించిందని.. భవిష్యత్‌ సామాజిక అవసరాలకు అనుగుణంగా ప్రణాళికలు రూపొందించాల్సిన అవసరం ఉందని తెలిపారు. మారుతున్న సాంకేతికతను సద్వినియోగం చేసుకుంటూ విద్యా ప్రమాణాలు పాటిస్తూ ముందుకు సాగాలన్నారు. సమావేశంలో మాజీ వీసీ గంగాధర్‌, మాజీ రిజిస్ట్రార్లు నరేందర్‌రెడ్డి, యాదగిరి, రవి, ఓఎస్‌డీ అంజిరెడ్డి తదితరులు పాల్గొన్నారు.

బీఆర్‌ఎస్‌కు మంచి ఆదరణ లభిస్తోంది. కాంగ్రెస్‌, బీజేపీలను ప్రజలు విశ్వసించడంలేదు. ప్రజా సమస్యలే ప్రధాన ఎజెండాగా ముందుకుపోతున్నా. నాకు అవకాశం కల్పిస్తే కేంద్ర. రాష్ట్ర ప్రభుత్వాల మెడలు వంచి ఇచ్చిన హామీలన్నీ నెరవేరుస్తా. నేను కూడా పేద, బలహీన వర్గాల నుంచి వచ్చిన వ్యక్తిని కాబట్టి మీలో ఒకడిగా, మీ కుటుంబ సభ్యుడిగా ఉండి పని చేస్తాను. బీఆర్‌ఎస్‌ కార్యకర్తలపై రాజకీయ వత్తిడి, అధికారుల నుంచి వేదింపులు లేకుండా చూసుకుంటా. ఇబ్రహీంపట్నం, యాదాద్రి వరకు మెట్రో రైలు తీసుకువస్తా. భువనగిరి, తుంగతుర్తి ప్రాంతానికి ఐటీ కారడార్‌, యాదాద్రి ప్రాంతానికి ఆయూష్‌ యునవర్సిటీ, యాచారంలో అగ్రికల్చర్‌ యూనివర్సిటీ, రీసర్చ్‌ సెంటర్‌ ఏర్పాటు చేయిస్తా. గంధమల్ల, బస్వాపురం రిజర్వాయర్లను, ఎయిమ్స్‌ను పూర్తి చేయిస్తా. చిట్యాలలో డ్రైపోర్టు ఏర్పాటుకు కృషి చేస్తా. నాకు కాంగ్రెస్‌తోనే పోటీ. బీజీపీ పోటీలోనే లేదు. సీట్ల కేటాయింపులో బీసీలు, ఎస్సీలకు కాంగ్రెస్‌ అన్యాయం చేసింది.