ఆ ప్లేయర్‌తో రొమాన్స్ నిజమేనా?

సినిమా తారలు క్రీడాకారులతో ప్రేమలో పడటం చాలా కామన్. అయితే, ఎక్కువగా క్రికెటర్ల ప్రేమకు కథానాయికలు క్లీన్ బౌల్డ్ అవుతుంటారు. కానీ, తాప్సీ మాత్రం బ్యాడ్‌మింటన్ ప్లేయర్ మథియాస్ బోతో ప్రేమలో పడ్డారనే వార్త హల్‌చల్ చేస్తోంది. అలాంటిదేమీ లేదని ముంబయ్‌లో తాప్సీ స్పందించారనే వార్త కూడా వచ్చింది. కానీ, నిప్పు లేనిదే పొగ ఎలా వస్తుంది? అన్నది కొంతమంది ప్రశ్న. పైగా కొన్ని నెలల క్రితం ‘మై బ్యూటీఫుల్ జీఎఫ్ తాప్సీ’ అని ట్విట్టర్‌లో పెట్టారట మథియాస్. గాళ్‌ఫ్రెండ్ అంటూ బహిరంగంగా ప్రకటించిన మథియాస్‌ని ఇటీవల మీడియావారు తాప్సీతో ప్రేమకహానీ గురించి అడగ్గా ‘నో కామెంట్స్’ అన్నారు. గత వారం మథియాస్ బ్యాడ్‌మింటన్ మ్యాచ్‌లో పాల్గొన్నారు.