పడవలు సిద్ధం!

Suniel Shetty, Arjun join Mohanlal's Marakkar movie - Sakshi

పెద్ద పెద్ద పడవలను రెడీ చేస్తున్నారు మలయాళ దర్శకుడు ప్రియదర్శన్‌. ఆల్రెడీ కొన్ని పడవలను సిద్ధం చేశారు కూడా. ఆయన కొత్త వ్యాపారం ఏం మొదలుపెట్టలేదు. ‘మరాక్కర్‌–అరబ్బికడలింటే సింహం’ అనే సినిమా కోసమే ఇదంతా. మోహన్‌లాల్‌ టైటిల్‌ రోల్‌ చేయనున్న ఈ సినిమాలో అర్జున్, సునీల్‌ శెట్టి, ప్రణవ్‌ మోహన్‌లాల్, కీర్తీ సురేశ్, కల్యాణి ప్రియదర్శన్‌ కీలక పాత్రలు పోషించనున్నారు. ప్రస్తుతం ఈ సినిమా ప్రీ–ప్రొడక్షన్‌ వర్క్స్‌ శరవేగంగా జరుగుతున్నాయి. ‘బాహుబలి’ ఫేమ్‌ సాబు శిరిల్‌ ఆధ్వర్యంలో సెట్‌ వర్క్‌ జరుగుతోంది. ఈ సెట్‌ ఫొటోలను సోషల్‌æమీడియాలో షేర్‌ చేశారు కల్యాణి ప్రియదర్శన్‌. అలాగే ఈ సినిమా షూటింగ్‌ అతి త్వరలో ప్రారంభం కానుందని పేర్కొన్నారామె. సముద్రపు దొంగల నేపథ్యంలో ఈ సినిమా కథనం ఉంటుందట. ఇప్పుడు అర్థం అయ్యింది కదా... దర్శకుడు ప్రియదర్శన్‌  పడవలను ఎందుకు తయారు చేస్తున్నారో!

Read latest Movies News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top