కొత్త ప్రయాణం

పూజా ప్రసాద్‌, యస్‌.యస్‌ కార్తికేయ

యస్‌.యస్‌. రాజమౌళి తనయుడిగానే కాకుండా ‘బాహుబలి’ సెకండ్‌ యూనిట్‌ దర్శకుడిగా, ‘యుద్ధం శరణం’ సినిమాకు లైన్‌ ప్రొడ్యూసర్‌గా తనకంటూ ప్రత్యేక గుర్తింపు తెచ్చుకున్నారు కార్తికేయ. ఇప్పటివరకూ సింగిల్‌గా ఉన్న కార్తికేయ ఇప్పుడు ఓ ఇంటివాడు కాబోతున్నారు. నటుడు జగపతిబాబు సోదరుడు రాంప్రసాద్‌ కుమార్తె పూజా ప్రసాద్‌తో కార్తికేయ ఎంగేజ్‌మెంట్‌ జరిగింది. భక్తి పాటలు పాడుతూ మంచి గుర్తింపు సంపాదించుకున్నారు పూజా. ఈ ఎంగేజ్‌మెంట్‌ కుటుంబ సభ్యుల మధ్యన జరిగింది. ఈ విషయాన్ని కార్తికేయ తెలియజేస్తూ – ‘‘నా ప్రేయసి పూజాతో జీవితంలో కొత్త ఫేజ్‌లోకి వెళ్లడం చాలా ఎగై్జటింగ్‌గా ఉంది. విషెస్‌ ద్వారా ప్రేమను కురిపిస్తున్న అందరికీ ధన్యావాదాలు’’ అని పేర్కొంటూ పై ఫొటోను షేర్‌ చేశారు.