ప్రేమ...అంత ఈజీ కాదు!

 ప్రముఖ సంగీత దర్శకుడు కోటి తనయుడు రాజీవ్, సిమ్మీదాస్ జంటగా తెరకెక్కిన యూత్‌ఫుల్ ఎంటర్‌టైనర్ ‘ప్రేమంటే సులువు కాదురా’. చందా గోవిందరెడ్డిని దర్శకునిగా పరిచయం చేస్తూ ఆర్‌పి ప్రొడక్షన్స్ పతాకంపై భవనాసి రాంప్రసాద్ నిర్మించిన ఈ చిత్రం సెన్సార్ పూర్తి చేసుకుంది. దర్శకుడు మాట్లాడుతూ- ‘‘కుటుంబ భావోద్వేగాలకు పెద్దపీట వేస్తూ తీసిన చిత్రమిది. మా చిత్రం చూసిన సెన్సార్ సభ్యులు మంచి చిత్రమంటూ అభినందించి క్లీన్ ‘యు’ సర్టిఫికెట్ ఇచ్చారు. వారి ప్రశంస ఈ చిత్రం విజయంపై మాకు మరింత నమ్మకం కలిగించింది. నందన్‌రాజ్ స్వరపరచిన ఈ చిత్రం పాటలకు శ్రోతల నుంచి మంచి స్పందన వచ్చింది.  ‘ప్రాణం’ కమలాకర్ రీ రికార్డింగ్ హైలెట్. అతి త్వరలోనే ఈ సినిమాను ప్రేక్షకుల ముందుకు తీసుకొస్తాం’’ అని తెలిపారు. ఈ చిత్రానికి కెమేరా: సురేష్ రఘుట, సహ నిర్మాతలు: కొమారి సుధాకర్‌రెడ్డి- శ్రీపతి శ్రీరాములు.