తెలుగు రాష్ట్రంలో తలైవి

ప్రముఖనటి, తమిళనాడు మాజీ సీఎం దివంగత జయలలిత జీవితం ఆధారంగా తెలుగు, తమిళం, హిందీ భాషల్లో ఏఎల్‌ విజయ్‌ దర్శకత్వంలో తెరకెక్కుతోన్న చిత్రం ‘తలైవి’ (హిందీలో ‘జయ’ అనే టైటిల్‌ అనుకుంటున్నారు). ఇందులో జయలలిత పాత్రలో బాలీవుడ్‌ క్వీ¯Œ కంగనా రనౌత్‌ నటిస్తున్నారు. ప్రకాష్‌రాజ్, అరవిందస్వామి కీలకపాత్రలు చేస్తున్నట్లు తెలిసింది. ఈ సినిమా ఫస్ట్‌ షెడ్యూల్‌ ఇటీవల మైసూర్‌లో ముగిసిన సంగతి తెలిసిందే. తాజా షెడ్యూల్‌ భాగ్యనగరంలో(హైదరాబాద్‌) ప్రారంభం కానుంది. ఇందుకోసం హైదరాబాద్‌లోని ఓ ప్రముఖ స్టూడియోలో సెట్‌లు రెడీ చేశారు. ఇక్కడి షెడ్యూల్‌ దాదాపు 25 రోజులు సాగుతుందని సమాచారం. విష్ణు ఇందూరి, శైలేష్‌ ఆర్‌.సింగ్‌ నిర్మిస్తున్న ఈ చిత్రం వచ్చే ఏడాది జూలై 26న విడుదల చేయాలనుకుంటున్నారు.