నవ్వులు ఖాయం!

నవ్వులు ఖాయం!

జ్వాల, మౌనిక జంటగా బొత్స రామకృష్ణ దర్శకత్వం వహించిన చిత్రం ‘ఫుల్ గ్యారెంటీ’. యల్లమిల్లి బాలమురళీ కృష్ణ సమర్పణలో యల్లమిల్లి సాయి సూర్యతేజ, కె. సాయిగిరి నిర్మించిన ఈ చిత్రానికి చిన్ని చరణ్ పాటలు స్వరపరిచారు. ఈ చిత్రం ఆడియో సీడీని హీరో నందు ఆవిష్కరించి, ఎమ్మెల్సీ రాములు నాయక్‌కి ఇచ్చారు. ఈ వేడుకలో జస్టిస్ చంద్రయ్య, జస్టిస్ రవికుమార్, నిర్మాత సంగిశెట్టి దశరథ తదితరులు అతిథులుగా పాల్గొన్నారు. నిర్మాతలు మాట్లాడుతూ - ‘‘ఒక మంచి కథాంశంతో ఈ చిత్రం రూపొందించాం. లవ్వుకి నవ్వు అనేది ఉపశీర్షిక. చిత్రం కడుపుబ్బా నవ్వించేలా ఉంటుంది. మా గురువుగారు జయంత్ రెడ్డి మా మీద అభిమానంతో ఈ చిత్రంలో నటించారు. చిన్ని చరణ్ అద్భుతమైన పాటలిచ్చారు’’ అని చెప్పారు.