రెండో బెల్‌కు రంగం సిద్ధం!

వ్రితి ఖన్నా, రవి వర్మ ముఖ్యతారలుగా గతేడాది రూపొందిన ‘కాలింగ్ బెల్’ చిత్రానికి సీక్వెల్ రానుంది. ప్రీక్వెల్‌ను తెరకెక్కించిన పన్నా రాయల్ ఈ సీక్వెల్‌కు దర్శకుడు. అశోక్‌రాజ్, రాజ్ దలవాయి ఈ చిత్రాన్ని నిర్మించనున్నారు. నిర్మాతలు మాట్లాడు తూ-‘‘ ‘కాలింగ్‌బెల్’ చిత్రాన్ని అద్భుతంగా తెరకెక్కించిన పన్నా రాయల్ ఈ సీక్వెల్‌ను హై టెక్నికల్ స్టాండర్డ్స్‌తో నిర్మించడానికి ప్లాన్ చేస్తున్నారు. ఈ నెలలోనే షూటింగ్ ప్రారంభిస్తాం’’ అని చెప్పారు. ‘‘దర్శకునిగా ‘కాలింగ్‌బెల్’ మంచి పేరు తీసుకొచ్చింది. అందుకే, కొంత టైమ్ తీసుకుని సీక్వెల్ కోసం పక్కాగా స్క్రిప్ట్ రెడీ చేసుకున్నాను’’ అని పన్నా రాయల్ తెలిపారు.