TV
హిందీ బిగ్బాస్ పార్టిసిపెంట్‌, ప్ర‌ముఖ డ్యాన్స‌ర్‌, న‌టి సంభావ‌నా సేథ్ అనారోగ్యానికి గుర‌య్యారు. ఈ విషయాన్ని స్వ‌యంగా ఆమె భ‌ర్త అవినాష్ ద్వివేది ఇన్‌స్టాగ్రామ్ వేదిక‌గా వెల్ల‌డించారు. మే 4 న అనారోగ్యం కార‌ణంగా సంభావ‌నను ఆసుప‌త్రిలో చేర్పించ‌గా, ఈరోజు డిశ్చార్జ్ కావ‌డంతో ఇంటికి తీసుకువ‌చ్చా. కానీ మళ్లీ ఆరోగ్యం క్షీణించ‌డంతో వెంటనే హాస్పిట‌ల్‌కి త‌ర‌లించాం. అని పేర్కొన్నారు. బిగ్బాస్-2 తో పాటు బిగ్బాస్-8లోనూ పాల్గొన్న సంభావ‌నా అనేక మంది అభిమానుల‌ను సొంతం చేసుకుంది. ప్ర‌ముఖ డాన్స‌ర్‌గా వెలుగొందుతూనే సంభావ‌నా సేథ్ ఎంట‌ర్టైన్‌మెంట్ అనే యూట్యూబ్ ఛానెల్‌నూ నిర్వ‌హిస్తుంది. ప్ర‌స్తుతం సంభావ‌నా హాస్పిట‌ల్‌లో చికిత్స పొందుతుంది. అయితే అనారోగ్యానికి గ‌ల కార‌ణాలు మాత్రం తెలియాల్సి ఉంది.
