పవన్ను కాదని.. సాయి ధరమ్తో..!

పవన్ను కాదని.. సాయి ధరమ్తో..!

బుల్లితెర మీద సెన్సేషన్ సృష్టించిన అందాల భామ అనసూయ ఇప్పుడు వెండితెర మీద సత్తాచాటేందుకు ప్లాన్ చేసుకుంటుంది. ఇప్పటికే చిన్న చిన్న పాత్రల్లో మెరిసిన ఈ బ్యూటి లీడ్ రోల్స్ కోసం ఎదురుచూస్తోంది. సొగ్గాడే చిన్ని నాయన సినిమాలో నాగార్జున మరదలిగా, క్షణం సినిమాలో పవర్ ఫుల్ పోలీస్ ఆఫీసర్గా కనిపించిన ఈ బ్యూటి ఇప్పుడు మరో కొత్త అవతారం కనిపించేందుకు రెడీ అవుతోంది.

గతంలో పవన్ కళ్యాణ్ హీరోగా తెరకెక్కిన అత్తారింటికి దారేది సినిమాలో అనసూయకు స్పెషల్ సాంగ్ ఆఫర్ వచ్చింది. అయితే అప్పట్లో స్పెషల్ సాంగ్ చేయడానికి ఇంట్రస్ట్ చూపించని ఈ భామ.., ఇప్పుడు ఓ యంగ్ హీరోతో ఆడి పాడేందుకు రెడీ అవుతుంది. మెగా వారసుడు సాయిధరమ్ తేజ్ హీరోగా తెరకెక్కుతున్న విన్నర్ సినిమాలో స్పెషల్ సాంగ్కు అనసూయ ఓకె చెప్పిందన్న టాక్ వినిపిస్తోంది. త్వరలోనే అనసూయ స్పెషల్ సాంగ్పై అఫీషియల్ ఎనౌన్స్మెంట్ వచ్చే అవకాశం ఉంది.