మాస్క్‌ను హిందీలోకి అనువదించిన బిగ్‌ బీ

కరోనా మ‌హ‌మ్మారి విజృంభిస్తున్న నేప‌థ్యంలో ప్ర‌తి ఒక్క‌రు మాస్క్ త‌ప్ప‌క ధ‌రించాల్సిన ప‌రిస్థితి ఏర్ప‌డింది. కరోనా బారిన ప‌డ‌కుండా ఉండాలి అంటే మాస్క్ ఒక్క‌టే శ్రీరామ‌ర‌క్ష అని నిపుణులు చెబుతున్నారు. అయితే మాస్క్‌ను హిందీలో ఏమాంటారో మీలో ఎవరికైనా తెలుసా అంటూ ప్రశ్నిస్తున్నారు బిగ్‌ బీ అమితాబ్‌ బచ్చన్‌. ఒకవేళ తెలియకపోతే తన ఇన్‌స్టాగ్రామ్‌లో చూడండి తెలుస్తుంది అంటున్నారు. చాలా కష్టపడి మాస్క్‌ను హిందీలోకి అనువదించాను అంటూ గులాబో సితాబో మూవీ మాస్క్‌ ధరించి బిగ్‌ బీ షేర్‌ చేసిన ఈ ఫోటో ప్రస్తుతం తెగ వైరలువుతోంది. 
 

View this post on Instagram

- मिल गया ! मिल गया ! मिल गया ! बहुत परिश्रम के बाद , MASK का अनुवाद मिल गया ! After a lot of hard work by Ef Vb, he did the translation of 'MASK', in Hindi : *"नासिकामुखसंरक्षक कीटाणुरोधक वायुछानक वस्त्रडोरीयुक्तपट्टिका ! 😂 nasikamukhsanrakshak keetaanurodhak vayuchanak vastrdoriyuktpattika 🤣🤣🤣

A post shared by Amitabh Bachchan (@amitabhbachchan) on Jun 23, 2020 at 11:43am PDT

‘చాలా శ్రమ పడిన తర్వాత మాస్క్‌ని హిందీలో ఏమంటారో తెలిసింది. దీనికి సరైన అనువాదం.. ‘నాసికాముఖ‌సంర‌క్ష‌క కీటానురోధ‌క‌ వాయుఛాన‌క‌ వ‌స్త్ర‌డోరీయుక్త‌ప‌ట్టీ’’ అనే క్యాప్షన్‌తో అమితాబ్‌ పోస్ట్‌ చేసిన ఈ ఫోటో నెటిజ‌నులను తెగ ఆక‌ట్టుకుంటుంది. ప్రస్తుతం క‌రోనా వ‌ల‌న థియేట‌ర్స్ ఓపెన్ కాక‌పోవ‌డంతో అమితాబ్ బ‌చ్చ‌న్‌, ఆయుష్మాన్ ఖురానా ప్ర‌ధాన పాత్ర‌ల‌లో తెర‌కెక్కించిన గులాబో సితాబో చిత్రం ఓటీటీలో విడుదలైన సంగతి తెలిసిందే. జూన్ 12న విడుద‌లైన ఈ కామెడీ డ్రామాకి మంచి రెస్పాన్స్ వ‌చ్చింది