మీ పార్ట్‌నర్‌ సెల్‌ఫోన్‌ చెక్‌ చేస్తున్నారా? జాగ్రత్త!

Oct 24, 2019, 11:43 IST

కెనడా : అనుమానమో.. అతి ప్రేమో లేక తమ భాగస్వామి ఎక్కడ దూరమైపోతాడనే భయమో చాలామంది వారిని ఎల్లప్పుడు ఓ కంట కనిపెడుతుంటారు. ముఖ్యంగా వారి సెల్‌ఫోన్ల మీద ఎక్కువ దృష్టి సారిస్తుంటారు. తమ భాగస్వామి సెల్‌ఫోన్‌లోని రహస్యాలను ఛేదించటానికి నానా తంటాలు పడుతుంటారు. కొంతమంది సెల్‌ఫోన్‌ పాస్‌వర్డ్‌లను తెలుసుకోవటానికి గొడవలు పెట్టుకుంటే! మరికొంతమంది తమ భాగస్వామికి తెలియకుండా పాస్‌వర్డ్‌లను దొంగలించి వారి కంట పడకుండా ఫోన్లను శోధిస్తుంటారు. అయితే చాలామంది ఈర్శ్య, తమ భాగస్వామి పక్కవారితో చనువుగా ఉండకుండా చేయాలన్న ఉద్ధేశ్యంతోటే వారి సెల్‌ఫోన్లను తరుచుగా శోధిస్తుంటారని యూనివర్శిటీ ఆఫ్‌ బ్రిటీష్‌ కొలంబియా, యూనివర్శిటీ ఆఫ్‌ లిస్‌బన్‌ నిర్వహించిన సర్వేలలో వెల్లడైంది. చాలామంది తమ భాగస్వాముల సెల్‌ఫోన్‌ శోధనకు అడ్డుచెప్పటంలేదని తెలిపారు. మరికొంతమందికి ఎదుటివారి ప్రవర్తన చాలా బాధకల్గించేదిగా ఉందని వెల్లడించారు.

45 శాతం బంధాలు భాగస్వామి సెల్‌ఫోన్‌ శోధన, దొంగబుద్ధి కారణంగానే ముక్కలవుతున్నాయని పేర్కొన్నారు. భాగస్వామిపై పెట్టుకున్న నమ్మకం వమ్మవటంతో బంధానికి స్వప్తి పలుకుతున్నట్లు వెల్లడించారు. భాగస్వామికి తెలియకుండా వారి సెల్‌ఫోన్లను శోధించటం గూఢచర్యంలాంటిదేనని సైకాలజిస్టులు పేర్కొంటున్నారు. అదో అలవాటుగా మారుతుందని, ఆ అలవాటే తర్వాత హద్దులు దాటుతుందని చెబుతున్నారు. అదో జబ్బుగా మారి భాగస్వామి ప్రతి కదిలికపై అనుమానాలు కలిగేలా చేస్తుందని అంటున్నారు. చాలా మంది విషయంలో ఆ అలవాటును ఎంతమానుకుందామని ప్రయత్నించినా అది సాధ్యపడటంలేదని తెలిపారు. ఒక వేళ భాగస్వామికి తెలియకుండా వారి సెల్‌ఫోన్లను శోధిస్తున్నట్లుయితే వెంటనే ఆ అలవాటును మానుకోవాలని హెచ్చరిస్తున్నారు.

లేదా worldoflove@sakshi.comకు మెయిల్‌ చేయండి

Read latest Lifestyle News and Telugu News | Follow us on FaceBook, Twitter, Telegram

Tags:

World of Love

smart phone

తాజా వార్తలు

ఇంకా »

ఈ వారం మీ ప్రేమ జాతకం

(తేదీ : 20 నుంచి 26 వరకు)

అనుకున్న ఇష్టులైన వారికి సందేశాలు అందించేందుకు శుక్ర, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలు అవతలివారు వినమ్రంగా స్వీకరించే వీలుంటుంది. ఇక ఈ సమయంలో మీరు ఆరెంజ్, రెడ్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. అయితే, సోమ, మంగళవారాలు వీటికి దూరంగా ఉండడం మంచిది.

మీమనస్సులో ఉన్న వారికి ప్రేమసందేశాలు అందించేందుకు సోమ, బుధవారాలు అనుకూలమైనవిగా చెప్పొచ్చు. ఈ రోజుల్లో మీ ప్రతిపాదనలపై అవతలి వైపు నుంచి అనుకూల స్పందనలు రావచ్చు. ఈ సమయంలో మీరు ఎల్లో, పింక్‌ రంగు దుస్తులు ధరించండి. అలాగే, ఇంటి నుంచి దక్షిణదిశగా బయలుదేరండి. అయితే, శని, మంగళవారాలు ఇటువంటి ప్రయత్నాలు విరమించండి.

మీరు అత్యంత ఇష్టపడే వారికి మనస్సులోని భావాలను శుక్ర, బుధవారాలు వెల్లడిస్తే అనుకూలత ఉంటుంది. ఈ సమయంలో మీ ప్రతిపాదనలను అవతలి వారు సైతం అంగీకరించే వీలుంటుంది. ఈ సమయంలో మీరు రెడ్, వైట్‌ రంగు దుస్తులు ధరించాలి. అలాగే, ఇంటి నుంచి ఉత్తరఈశాన్యదిశగా బయలుదేరితే శుభదాయకంగా ఉంటుంది. ఇక, ఆది, మంగళవారాలు ఇటువంటి వాటికి దూరంగా ఉండండి.