నీటిపైనా చందమామ..

ఏంటి ఒకే ఫొటోలో రెండు చంద్రుళ్లు కనిపిస్తున్నారు అని కంగారు పడ్డారా.. ఇందులో ఆకాశంలో ఉన్నది నిజమైన చందమామే.. కానీ సముద్రంపై ఉన్నది మాత్రం ఓ హోటల్. నీటిలో తేలియాడేది. పేరు సిల్వర్ పర్ల్. ఖతర్‌లోని దోహాలో నిర్మించనున్నారు. 30 అంతస్తులతో కూడిన ఈ హోటల్‌లో వెయ్యికి పైగా గదులుంటాయి.

అత్యాధునిక పరిజ్ఞానాన్ని ఉపయోగించి దీన్ని నిర్మిస్తున్నారు. ఇందుకోసం రూ.10 వేల కోట్లకుపైగా వెచ్చించనున్నారు. ఈ హోటల్‌లో ఓ తోటను కూడా నిర్మిస్తారు. హెలికాప్టర్లు, నౌకల ద్వారా ఈ హోటల్‌కు వచ్చే సదుపాయముంది. దీంతోపాటు తీరం నుంచి నాలుగు లేన్ల రోడ్డును కూడా నిర్మిస్తున్నారు. 2022లో ఖతర్‌లో ఫుట్‌బాల్ ప్రపంచ కప్ జరగనుంది. ఆసరికి దీని నిర్మాణం పూర్తవుతుందని చెబుతున్నారు.