శరీర నిర్మాణం... వివరంగా!

సంక్లిష్టమైన మానవ శరీర నిర్మాణాన్ని, అవయవాలను సూక్ష్మస్థాయిలో చూడటం ఎలా ఉంటుందో ఒకసారి ఊహించుకోండి. కొంతమందికి ఇబ్బందిగా అనిపించవచ్చుగానీ.. వైద్య విద్యార్థులకు మాత్రం వరమేనని చెప్పాలి. అలాంటి వారి కోసం రూపొందించిన అప్లికేషన్ ఈ అనాటమీ 4డీ.

దీంట్లోని లైబ్రరీ నుంచి మీకు నచ్చిన చిత్రాన్ని తీసుకుని ప్రింట్  చేయడం ద్వారా ఈ అప్లికేషన్ తన పని మొదలుపెడుతుంది. స్కాన్ చేసిన చిత్రాన్ని టేబుల్‌పై ఉంచి స్కాన్ చేశారనుకోండి. ఆ చిత్రంలోని అన్ని అవయవాలు సూక్ష్మ వివరాలతో కనిపిస్తాయి. కేవలం చూడటానికి మాత్రమే కాకుండా... వాటి నుంచి ప్రయాణం చేస్తున్న అనుభూతి కల్పించడం ఈ అప్లికేషన్ ప్రత్యేకత.