TV
'చంద్రబాబు పెద్ద మోసగాడు'
ఆంధ్రప్రదేశ్ ముఖ్యమంత్రి చంద్రబాబునాయుడు పెద్ద మోసగాడని ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ మండిపడ్డారు.
విశాఖపట్టణం: ఆంధ్రప్రదేశ్ ముఖ్యమంత్రి చంద్రబాబునాయుడుపై ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ తీవ్రస్థాయిలో ధ్వజమెత్తారు. మంగళవారం ఆయన విశాఖలో మాట్లాడుతూ... చంద్రబాబు పెద్ద చీటర్, మోసగాడని మండిపడ్డారు.
కాపుల రిజర్వేషన్ల అంశం చంద్రబాబు చేతుల్లోనే ఉందన్నారు. ఎస్సీ వర్గీకరణపై ఈ నెల 5న అసెంబ్లీలో తీర్మానం చేయాలని డిమాండ్ చేశారు. లేకుంటే సీఎం స్వగ్రామం నారావారిపల్లె నుంచి మార్చి 10న విశ్వరూప చైతన్య యాత్ర ప్రారంభిస్తామన్నారు. మార్చి 30 తర్వాత 10 లక్షల మందితో విజయవాడలో భారీ సభ చేపడతామని చెప్పారు.
