నకిలీ ఫేస్‌బుక్‌ ఖాతాతో యువతికి వేధింపులు | Private Employee Arrest In Vulgar messages With Fake Profile | Sakshi
Sakshi News home page

నకిలీ ఫేస్‌బుక్‌ ఖాతాతో యువతికి వేధింపులు

Published Fri, Sep 7 2018 9:05 AM | Last Updated on Fri, Sep 7 2018 9:05 AM

Private Employee Arrest In Vulgar messages With Fake Profile - Sakshi

సాక్షి, సిటీబ్యూరో:  నకిలీ ఫేస్‌బుక్‌ ఖాతా క్రియేట్‌ చేసి అసభ్యకర సందేశాలు పంపుతూ ఓ యువతిని వేధిస్తున్న ప్రైవేట్‌ ఉద్యోగిని రాచకొండ సైబర్‌ క్రైమ్‌ పోలీసులు అరెస్టు చేశారు. రాచకొండ సైబర్‌ క్రైమ్‌ ఏసీపీ హరినాథ్‌ కథనం మేరకు వివరాలిలా ఉన్నాయి. ధూలపల్లికి చెందిన మోహన్‌ కృష్ణ వర్మ ఫేస్‌బుక్‌ ఖాతా నుంచి మన్సూరాబాద్‌కు చెందిన ఓ యువతి ఫొటోలను డౌన్‌లోడ్‌ చేసుకున్నాడు. అనంతరం స్వాతిరెడ్డి పేరుతో నకిలీ ఫేస్‌బుక్‌ ఖాతా క్రియేట్‌ చేసి బాధితురాలి ఫొటోను ప్రొఫైల్‌ పిక్చర్‌గా పెట్టుకొని బాధితురాలి ఫ్రెండ్స్‌కు రిక్వెస్ట్‌లు పంపాడు. ఆ తర్వాత అసభ్యకర సందేశాలు పంపిస్తూ బాధితురాలి వ్యక్తిగత ప్రతిష్టను దిగజార్చేలా వ్యవహరించాడు. తన స్నేహితురాలి ద్వారా ఈ విషయం తెలుసుకున్న బాధితురాలు రాచకొండ సైబర్‌ క్రైమ్‌ పోలీసులకు ఫిర్యాదుచేసింది. కేసు నమోదు చేసిన పోలీసులు నిందితుడు మోహన్‌ కృష్ణ వర్మను అరెస్టు చేసి రిమాండ్‌కు తరలించారు.

No comments yet. Be the first to comment!
Add a comment
Advertisement
 
Advertisement
 
Advertisement