షావోమి మొబైల్స్లో మైక్రోసాఫ్ట్ సాఫ్ట్వేర్

మైక్రోసాఫ్ట్ నుంచి 1,500 పేటెంట్స్ కొనుగోలు చేసిన షావోమి

 న్యూఢిల్లీ: చైనాకు చెందిన మొబైల్ హ్యాండ్‌సెట్స్ తయారీ కంపెనీ ‘షావోమి’ తాజాగా టెక్నాలజీ దిగ్గజం మైక్రోసాఫ్ట్ నుంచి 1,500 పేటెంట్‌లను కొనుగోలు చేసింది. ఈ పేటెంట్లు వీడియో, క్లౌడ్, మల్టీమీడియా టెక్నాలజీలకు సంబంధించినవి. ఈ ఒప్పందంలో భాగంగా షావోమి.. తన స్మార్ట్‌ఫోన్స్, ట్యాబ్లెట్స్‌లలో మైక్రోసాఫ్ట్ సాఫ్ట్‌వేర్ (ఆఫీస్, స్కైప్‌తోపాటు)ను అప్‌లోడ్ చేసి, వాటిని ఇండియా, చైనాలోని వినియోగదారులకు అందుబాటులోకి తీసుకురానున్నది. పేటెంట్ల కొనుగోలు సంబంధించిన ఎలాంటి ఆర్థిక వ్యవహారాలు బయటకు వెల్లడికాలేదు. షావోమి ఈ ఏడాది సెప్టెంబర్ నుంచి మైక్రోసాఫ్ట్ ఆఫీస్, స్కైప్‌లను తన పలు మొబైల్ హ్యాండ్‌సెట్‌లలో ప్రి-లోడింగ్ చేయనున్నది. ఈ ఫోన్లు తొలిగా చైనాలో, తర్వాత భారత్‌లో అందుబాటులోకి రానున్నవి.