బొలెరో విక్రయాల్లో 12 శాతం వృద్ధి
హైదరాబాద్, బిజినెస్‌ బ్యూరో: ఈ ఆర్థిక సంవత్సరంలో మహీంద్రా అండ్‌ మహీంద్రా (ఎంఅండ్‌ఎం) వాణిజ్య వాహనమైన బొలెరో అమ్మకాల్లో 12 శాతం వృద్ధిని లకి‡్ష్యంచింది. గత ఆర్థిక సంవత్సరంలో 1.62 లక్షల వాహనాలను, 2018 ఆర్ధికంలో 1.49 లక్షలను విక్రయించామని.. ఏడాదిలో 9 శాతం వృద్ధిని నమోదు చేశామని ఎం అండ్‌ ఎం వైస్‌ ప్రెసిడెంట్‌ (మార్కెటింగ్‌– ఆటోమోటివ్‌ డివిజన్‌) విక్రమ్‌ గార్గా తెలిపారు. మంగళవారం కొత్త బొలెరో క్యాంపర్‌ను విడుదల చేసిన సందర్భంగా ఆయన ఈ వ్యాఖ్యలు చేశారు. వాణిజ్య వాహన శ్రేణిలో బొలెరో ఫ్లాగ్‌షిప్‌ బ్రాండ్‌ అని, 86 శాతం మార్కెట్‌ వాటా దీని సొంతమని ఆయన తెలిపారు.
3 రకాలు; ధర రూ.7.28 లక్షలు
క్యాంపర్‌ నాన్‌ ఏసీ, క్యాంపర్‌ 4డబ్ల్యూడీ, క్యాంపర్‌ గోల్డ్‌ వీఎక్స్‌ మూడు వేరియంట్లలో మార్కెట్లో అందుబాటులో ఉంటాయని కంపెనీ తెలిపింది. హైదరాబాద్‌లో ఎక్స్‌షోరూమ్‌ ప్రారంభ ధర రూ.7.28 లక్షలు. మూడేళ్లు లేదా లక్ష కి.మీ. వరకూ వారంటీ ఇస్తుంది.
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి