TV
లారీ ఢీకొనడంతో బైక్‌పై ప్రయాణిస్తున్న ఇద్దరు మృత్యువాతపడ్డారు. ఈ ఘటన పశ్చిమ గోదావరి జిల్లా నల్లజర్ల మండలం పోతవరం రోడ్డులో శనివారం మధ్యాహ్నం జరిగింది.
నల్లజర్ల రూరల్ (పశ్చిమ గోదావరి) : లారీ ఢీకొనడంతో బైక్‌పై ప్రయాణిస్తున్న ఇద్దరు మృత్యువాతపడ్డారు. ఈ ఘటన పశ్చిమగోదావరి జిల్లా నల్లజర్ల మండలం పోతవరం రోడ్డులో శనివారం మధ్యాహ్నం జరిగింది. నల్లజర్ల వైపు నుంచి ఇద్దరు వ్యక్తులు బైక్‌పై పోతవరం వైపు వెళుతుండగా ఎదురుగా వచ్చిన లారీ ఢీకొంది. తీవ్ర గాయాలతో బైక్‌పై ఉన్న ఇద్దరూ అక్కడికక్కడే మృతి చెందారు. పోలీసులు ప్రమాదస్థలికి చేరుకుని దర్యాప్తు ప్రారంభించారు. మృతులను ప్రకాశరావుపాలెం గ్రామానికి చెందిన చందు (28), పెద్ది రాజు(28)లుగా గుర్తించారు.
