TV
పుష్కర స్నానం చేసిన చిరంజీవి
రాజమండ్రిలోని వీఐపీ పుష్కరఘాట్ లో కాంగ్రెస్ పార్టీ నేత, రాజ్యసభ సభ్యుడు చిరంజీవి బుధవారం పుణ్యస్నానమాచరించారు.
రాజమండ్రి : రాజమండ్రిలోని వీఐపీ పుష్కరఘాట్లో కాంగ్రెస్ పార్టీ నేత, రాజ్యసభ సభ్యుడు చిరంజీవి బుధవారం పుణ్యస్నానమాచరించారు. చిరంజీవితోపాటు ఆయన బావమరది, ప్రముఖ నిర్మాత అల్లు అరవింద్ కూడా పుణ్యస్నానం చేశారు. అనంతరం వారిద్దరు తమ పూర్వీకులకు పిండ ప్రదానం చేశారు.
ఈ కార్యక్రమంలో ఇరువురి కుటుంబ సభ్యులు పాల్గొన్నారు. పుష్కర స్నానానికి చిరంజీవి వస్తున్నారని తెలిసి... కాంగ్రెస్ పార్టీ నాయకులు, కార్యకర్తలతోపాటు ఆయన అభిమానులు భారీ సంఖ్యలో వీఐపీ పుష్కర ఘాట్ వద్దకు చేరుకున్నారు.
