ఎత్తులో వచ్చిన బంతిని సాహా అద్భుతమైన రీతిలో అందుకోవడంతో ఎల్గర్‌ ఇన్నింగ్స్‌ ముగిసింది. ఆపై డీకాక్‌ను ఉమేశ్‌ దాదాపు అదే బంతితో పెవిలియన్‌కు పంపించాడు. రెండో ఓవర్‌ చివరి బంతిని ఉమేశ్‌ లెగ్‌స్టంప్‌పై బౌన్స్‌ చేయగా డీకాక్‌ ఇబ్బంది పడ్డాడు. అది కూడా గ్లౌవ్‌ను తాకుతూ వెళుతున్న క్రమంలో అమాంతం ఎగిరిన సాహా దాన్ని క్యాచ్‌గా పట్టుకున్నాడు. దాంతో సఫారీలు 8 పరుగులకే రెండు వికెట్లు కోల్పోయి కష్టాల్లో పడ్డారు. అయితే సఫారీలు మరో పరుగు జోడించిన తర్వాత వెలుతురు లేమి కారణంగా మ్యాచ్‌ను నిలిపివేశారు.  ప్రస్తుతం సఫారీలు 488 పరుగులు వెనుకబడ్డారు.