టీ20ల్లో నేపాల్‌ మహిళా నయా రికార్డు

అంతర్జాతీయ టీ20ల్లో మరో నయా రికార్డు లిఖించబడింది. ఆరు వికెట్లు సాధించడమే కాకుండా అసలు పరుగులే ఇవ్వకుండా నేపాల్‌ మహిళా క్రికెటర్‌ అంజలీ చాంద్‌ సరికొత్త రికార్డు నెలకొల్పారు. సోమవారం మాల్దీవులతో జరిగిన మ్యాచ్‌లో అంజలీ చాంద్‌ ఈ రికార్డును సాధించారు. తొలుత బ్యాటింగ్‌ చేసిన మాల్దీవులు 16 పరుగులకే చాపచుట్టేయగా, నేపాల్‌ బౌలర్‌ అంజలీ చాంద్‌ ఆరు వికెట్లతో చెలరేగిపోయారు. అదే సమయంలో కనీసం ఒక్క పరుగును కూడా ఇవ్వలేదు.