బస్సు ఢీకొని మహిళ దుర్మరణం

అమలాపురం టౌన్‌: విశాఖ మద్దిలపాలెం డిపో నుంచి అమలాపురం వస్తున్న ఆర్టీసీ సర్వీసు శనివారం కోనసీమ జిల్లా అమలాపురంలోని బుద్ధ విహార్‌ వద్ద మెయిన్‌ రోడ్డుపై చెత్త కాగితాలు ఏరుకుంటున్న కావూరి పుష్ప (25)ను ఢీకొనడంతో ఆమె అక్కడికక్కడే మృతి చెందింది. పశ్చిమ గోదావరి జిల్లా భీమవరానికి చెందిన పుష్ప తన అన్నయ్య కావూరి చిన్నతో కలిసి ఆరు నెలల కిందట అమలాపురం వచ్చి చెత్త కాగితాలు ఏరుకుంటూ ఉపాధి పొందుతోంది. పుష్పకు వివాహం కాగా భర్తతో విడిపోయి అన్నయ్యతో ఉంటోంది. చెల్లెలు మృతదేహంపై పడి రోదిస్తున్న తీరు స్థానికులను కలచివేసింది. అతడి ఫిర్యాదు మేరకు ఎస్సై ఎన్‌ఆర్‌ కిశోర్‌బాబు కేసు నమోదు చేసి దర్యాప్తు చేస్తున్నారు.