TV
సీనియర్‌ మహిళల టి20 చాలెంజర్‌ ట్రోఫీలో ఇండియా ‘బి’ 4 వికెట్ల తేడాతో ఇండియా ‘సి’ని ఓడించింది. ముందుగా ‘సి’ జట్టు 20 ఓవర్లలో 6 వికెట్ల నష్టానికి 140 పరుగులు చేసింది. సిమ్రన్‌ షేఖ్‌ (32), పూజ వస్త్రకర్‌ (27), ప్రియా పూనియా (27), సబ్బినేని మేఘన (26) రాణించారు. ‘బి’ బౌలర్‌ అరుంధతి రెడ్డి 28 పరుగులిచ్చి 3 వికెట్లు తీసింది. అనంతరం ‘బి’ 19.5 ఓవర్లలో 6 వికెట్లకు 141 పరుగులు చేసింది.
దేవిక వైద్య (41 నాటౌట్‌) టాప్‌ స్కోరర్‌గా నిలిచింది. మరో మ్యాచ్‌లో ఇండియా ‘ఎ’ 7 వికెట్ల తేడాతో ఇండియా ‘డి’ని చిత్తు చేసింది. ముందుగా ‘డి’ 19.4 ఓవర్లలో 92 పరుగులకే కుప్పకూలింది. అమన్‌జోత్, సైకా ఇషాఖ్, అంజలి, సహానా తలా 2 వికెట్లు పడగొట్టారు. ఆ తర్వాత ‘ఎ’ జట్టు 18.3 ఓవర్లలో 3 వికెట్లకు 95 పరుగులు సాధించింది.
