Thailand Open Final: ఫైనల్లో సాత్విక్‌–చిరాగ్‌ జోడీ..

థాయిలాండ్ ఓపెన్ సూపర్ 500 బ్యాడ్మింటన్ టోర్నీలో భారత స్టార్ డబుల్స్ జోడీ సాత్విక్ సాయిరాజ్, చిరాగ్ శెట్టి ఫైన‌ల్లో అడుగుపెట్టారు. 

శ‌నివారం జ‌రిగిన సెమీఫైన‌ల్లో చైనీస్ తైపీకి చెందిన లు మింగ్-చే-టాంగ్ కై-వీపై  21-11 21-12 తేడాతో సాత్విక్‌-చిరాగ్ ద్వ‌యం విజ‌యం సాధించింది.

కేవ‌లం 35 నిమిషాల్లో మ్యాచ్‌ను ఈ జంట ఫినిష్ చేసింది. వ‌రుస రెండు గేమ్‌ల‌లోనూ వీరిద్ద‌రూ ప్ర‌త్య‌ర్ధి జోడీపై పూర్తి ఆధిప‌త్యం చెలాయించారు.

ఇక ఆదివారం జ‌ర‌గ‌నున్న తుది పోరులో చైనా జోడీ చెన్‌బో యాంగ్‌-లియు యితో భార‌త టాప్ సీడ్ సాత్విక్, చిరాగ్ ద్వ‌యం త‌ల‌ప‌డ‌నుంది.