Barbora Strycova: టెన్నిస్‌కు స్ట్రికోవా గుడ్‌బై

Former top-ranked doubles player Barbora Strycova retires - Sakshi

ప్రాగ్‌ (చెక్‌ రిపబ్లిక్‌): మహిళల టెన్నిస్‌ డబుల్స్‌లో ప్రపంచ రెండో ర్యాంకర్‌ బార్బరా స్ట్రికోవా (చెక్‌ రిపబ్లిక్‌) కెరీర్‌కు వీడ్కోలు పలికింది. 35 ఏళ్ల స్ట్రికోవా తల్లి కాబోతున్నట్లు గత మార్చిలో ప్రకటించింది. 2019 వింబుల్డన్‌ గ్రాండ్‌స్లామ్‌ టోర్నీలో స్ట్రికోవా చైనీస్‌ తైపీకి చెందిన సు వె సెయితో కలిసి మహిళల డబుల్స్‌ టైటిల్‌ను సొంతం చేసుకుంది. అదే ఏడాది సింగిల్స్‌ విభాగంలో సెమీఫైనల్‌కు చేరుకుంది. ‘నా అంతర్జాతీయ టెన్నిస్‌ కెరీర్‌కు వీడ్కోలు పలుకుతున్నాను. ప్రసవం జరిగాక పునరాగమనం చేస్తానని చెప్పడంలేదు.

అయితే చివరిసారి అభిమానులతో మ్యాచ్‌ ఆడాలని ఉంది’ అని 2016 రియో ఒలింపిక్స్‌లో తన దేశానికే చెందిన లూసీ సఫరోవాతో కలిసి మహిళల డబుల్స్‌లో కాంస్య పతకాన్ని సాధించిన స్ట్రికోవా తెలిపింది. చివరిసారి ఈ ఏడాది ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నీలో ఆడిన స్ట్రికోవా సింగిల్స్‌ విభాగంలో కెరీర్‌ బెస్ట్‌ 16వ ర్యాంక్‌ చేరుకోవడంతోపాటు రెండు టైటిల్స్‌ను గెలిచింది. డబుల్స్‌లో స్ట్రికోవా వరల్డ్‌ నంబర్‌వన్‌ ర్యాంక్‌లో నిలువడంతోపాటు 31 టైటిల్స్‌ను సొంతం చేసుకుంది. ఈ 31 టైటిల్స్‌లో రెండింటిలో (2016–సిన్సినాటి, టోక్యో ఓపెన్‌) భారత టెన్నిస్‌ స్టార్‌ సానియా మీర్జా భాగస్వామిగా ఉంది.

Read latest Sports News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top