పారదర్శకంగా కులగణన చేపట్టాలి

నల్లగొండ టౌన్‌ : దేశంలో అన్ని వర్గాలకు సంక్షేమ ఫలాలు అందాలంటే పారదర్శకంగా కులగణన చేపట్టాలని బీసీ మేధావుల వేదిక (బీసీఐఎఫ్‌) జిల్లా చీఫ్‌ సమన్వయకర్త నేలపట్ల చంద్రశేఖర్‌ అన్నారు. ఈ మేరకు ఆ వేదిక జిల్లా ప్రతినిధులు గురువారం జిల్లా కలెక్టర్‌ చంద్రశేఖర్‌ ద్వారా భారత రాష్ట్రపతికి వినతిపత్రం సమర్పించారు. ఈ సందర్భంగా ఆయన మాట్లాడుతూ ప్రస్తుత జనగణన ప్రక్రియలో అవసరమైన మార్పులు చేసి, వెనుకబడిన తరగతులకు జనాభా ప్రాతిపదికన సరైన గుర్తింపు, ప్రాతినిధ్యం కల్పించాలని కోరారు. కలెక్టర్‌కు సమర్పించిన వినతిపత్రం ప్రతిని రాష్ట్రపతి కార్యాలయానికి ఈ–మెయిల్‌ ద్వారా కూడా పంపినట్లు వెల్లడించారు. ఈ కార్యక్రమంలో బీసీఐఎఫ్‌ బాధ్యులు చామల చంద్రశేఖర్‌, ఎంఏ.కరీం, శిరసవాడ చంద్రం, తిరందాసు రాందాసు, బ్రహ్మచారి, గోవర్ధన్‌, మెండె శేఖర్‌, మాదగాని శంకరయ్య, సీతారాములు, సికలంపట్ల శ్రీనివాస్‌, బొమ్ము కష్ణయ్య, సోమనర్సయ్య తదితరులు పాల్గొన్నారు.