Liger Movie: ఆసక్తిరేపుతున్న క్లైమాక్స్‌ సీన్‌ అప్‌డేట్‌!

Vijay Devarakonda Liger Movie Climax Scene Update Goes Viral - Sakshi

మాస్‌ కమర్షియల్‌ డైరెక్టర్‌ పూరీ జగన్నాథ్‌, విజయ్‌ దేవరకొండ హీరోగా రూపొందుతున్న చిత్రం ‘లైగర్‌’. ఇందులో విజయ్‌కి జోడీగా బాలీవుడ్‌ బ్యూటీ అనన్య పాండే నటిస్తుంది. ఈ చిత్రంలో విజయ్‌ సరికొత్త లుక్‌తో ప్రేక్షకులను అలరించనున్నాడు. లైగర్‌ కోసం ఈ ‘రౌడీ’  పూర్తిగా తన లుక్‌ను మేకోవర్‌ చేసుకున్నాడు. విజయ్‌ ఈ కొత్త లుక్‌కు సూపర్‌ రెస్పాన్స్‌ రాగా ఈ చిత్రంపై అంచనాలు మరింత పెరిగిపోయాయి. ఇదిలా ఉండగా ఈ చిత్రాన్ని ప్రకటించినప్పటి నుంచి దీనికి సంబంధించిన పలు వార్తలు సోషల్‌ మీడియాలో చక్కర్లు కొడుతూనే ఉన్నాయి. ఈ క్రమంలో లైగర్‌ నుంచి మరో క్రేజీ అప్‌డేట్‌ బయటకు వచ్చింది.

ప్రస్తుతం చివరి షూటింగ్‌ షెడ్యూల్‌ను జరుపుకుంటున్న ఈ మూవీ క్లైమాక్స్‌ సన్నివేశానికి సంబంధించిన ఓ ఆసక్తికర విషయం హల్‌చల్‌ చేస్తోంది. తాజా బజ్‌ ప్రకారం.. ఈ సినిమా మొత్తానికి క్లైమాక్స్ సీన్ హైలెట్‏గా నిలువనుందట. దాదాపు పదిహేను నిమిషాల పాటు ఈ సన్నివేశం ఉండనున్నట్లు వినికిడి. ఎమోషనల్‌గా సాగే ఈ క్లైమాక్స్‌ సన్నివేశంలో యాక్షన్‌తో పాటు ఊహించని ట్వీస్ట్స్‌ ప్రేక్షకులకు థ్రిల్‌ను అందించనుందని టాక్‌. ఇక ఈ కీలకమైన యాక్షన్ సీన్‌లో రియల్ ఇంటర్ నేషనల్ బాక్సర్ నటించబోతున్నట్లుగా సమాచారం. కాగా ధర్మ ప్రొడక్షన్స్, పూరి కనెక్ట్స్ బ్యానర్లపై కరణ్ జోహార్, పూరీ జగన్నాథ్, ఛార్మిలు సంయుక్తంగా నిర్మిస్తున్న ఈ మూవీ సెప్టెంబర్ 9న దేశవ్యాప్తంగా విడుదల కానుంది. ఈ సినిమాతో అనన్య టాలీవుడ్‌కు పరిచయం కానుంది. 

చదవండి: 
అదీ విజయ్‌ క్రేజ్‌! ఆలిండియాలో సెకండ్‌ ప్లేస్‌
విజయ్‌ దూకుడు.. తన ప్రొడక్షన్‌లో మరో రెండు సినిమాలు

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top