అందర్నీ ఒకేలా చూడాలి! | Seerat Kapoor talks about nepotism | Sakshi
Sakshi News home page

అందర్నీ ఒకేలా చూడాలి!

Published Tue, Aug 25 2020 2:38 AM | Last Updated on Tue, Aug 25 2020 2:38 AM

Seerat Kapoor talks about nepotism - Sakshi

‘‘అవకాశాల విషయంలో అందర్నీ సమానంగానే చూడాలి. ఇన్‌సైడర్స్, అవుట్‌సైడర్స్‌ అని వేరుగా చూడకూడదు’’ అంటున్నారు సీరత్‌ కపూర్‌. ప్రస్తుతం బంధుప్రీతి (నెపోటిజమ్‌), ఇన్‌సైడర్స్‌ వర్సెస్‌ అవుట్‌సైడర్స్‌ అనే చర్చ బాలీవుడ్‌లో తీవ్రంగా నడుస్తోంది. ఈ విషయం మీద ‘రన్‌ రాజా రన్, కృష్ణ అండ్‌ హిజ్‌ లీల’ ఫేమ్‌ హీరోయిన్‌ సీరత్‌ కపూర్‌ కూడా తన అభిప్రాయాన్ని పంచుకున్నారు. ‘‘నెపోటిజమ్‌ ఏ పరిశ్రమలో అయినా ఉంటుంది. బ్యాక్‌గ్రౌండ్‌ ఉన్నవారికి ప్రత్యేకమైన గుర్తింపు ఎప్పుడూ ఉంటుంది.

అది సహజం. కాదనలేం కూడా. కానీ అవకాశాల విషయంలో సమాన న్యాయం ఉండాలి. ప్రతిభను బట్టే అవకాశం ఇవ్వాలి. కేవలం స్టార్‌ కిడ్స్‌ మాత్రమే కాకుండా ప్రతిభ ఉన్న ప్రతీ ఒక్కరినీ నిజాయతీగా ప్రోత్సహించాలి. వారసులను, బయటినుంచి వచ్చేవాళ్లను ఒకేలా చూడాలి. అలాంటి వాతావరణం ఏర్పడేలా చేసే బాధ్యత అందరి మీదా ఉంది’’ అన్నారు సీరత్‌. ‘ప్రస్తుతం ‘మా వింత గాధ వినుమ’ అనే సినిమాలో నటిస్తున్నారు సీరత్‌.

No comments yet. Be the first to comment!
Add a comment
Advertisement
Advertisement
 
Advertisement
 
Advertisement