Kantara Movie OTT Release: కాంతార ఓటీటీపై అఫీషియల్‌ ప్రకటన, అంతలోనే ట్విస్ట్‌!

కన్నడ హీరో రిషబ్‌ శెట్టి ప్రధాన పాత్రలో నటించిన చిత్రం కాంతార. చిన్న సినిమాగా రిలీజై భారీ స్థాయిలో విజయాన్ని అందుకుంది. ఇప్పటివరకు రూ.360 కోట్లకు పైగా కలెక్షన్లు రాబట్టిన ఈ సినిమా ఓటీటీలోకి ఎప్పుడొస్తుందా? అని ప్రేక్షకులు తెగ ఎదురుచూస్తున్నారు. ఎట్టకేలకు వారి ఆత్రుతకు ఆనందం జోడించే ప్రకటన వెలువడింది. అధికారికంగా కాంతార ఓటీటీ రిలీజ్‌ డేట్‌ వచ్చేసింది.

ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌లో ఈ నెల 24 నుంచి ప్రసారం కానుంది. ఈ మేరకు అమెజాన్‌ ప్రైమ్‌ వీడియో ఓ నెటిజన్‌ అడిగిన ప్రశ్నకు సమాధానంగా ట్వీట్‌ వేసింది. ఈ వార్త విని సినీప్రియులు పండగ చేసుకున్నారు. మొత్తానికి కాంతారను మరోసారి చూసే ఛాన్స్‌ రాబోతోందని ఫుల్‌ ఖుషీ అయ్యారు. కానీ అంతలోనే ఆ ట్వీట్‌ను డిలీట్‌ చేసింది ప్రైమ్‌ వీడియో. స్ట్రీమింగ్‌ డేట్‌ మార్చడానికి ట్వీట్‌ డిలీట్‌ చేశారా? లేదంటే అఫీషియల్‌గా మరోసారి అనౌన్స్‌ చేస్తారా? చూడాలి!

కాగా కాంతార సెప్టెంబర్‌ 30న రిలీజై బ్లాక్‌బస్టర్‌ హిట్‌ సాధించింది. ప్రముఖ నిర్మాత అల్లు అరవింద్‌ దీన్ని తెలుగులో అక్టోబర్‌ 15న రిలీజ్‌ చేయగా ఇక్కడ కూడా అద్భుతమైన రెస్పాన్స్‌ వచ్చింది. ఇక హిందీలో అయితే ఇప్పటికీ వసూళ్లు రాబడుతూ రికార్డులు సృష్టిస్తోంది. ఇక ఈ సినిమాలో సప్తమి గౌడ హీరోయిన్‌గా నటించగా రిషబ్‌ శెట్టి దర్శకత్వం వహించాడు. అజనీష్‌ లోకనాధ్‌ బ్యాక్‌గ్రౌండ్‌ స్కోర్‌ ఇచ్చాడు.

చదవండి: నా పేరు సూర్య నా ఇల్లు ఇండియా ఫస్ట్‌ హీరో ఎవరంటే?
కూతురి సినీఎంట్రీపై స్పందించిన రోజా